عنوان الموضوع : اعمل ايه مع ابنى قلولى ايه الحل -لصحتك
مقدم من طرف منتديات نساء الجزائر

اعمل ايه مع ابنى قلولى ايه الحل



السلام عليكم ورحمة الله وبركاته
ازيكم جمعيا يا رب تكونو بخير وكل سنة وانتو طيبين
انا هدخل فى الموضوع على طول انا مشكلتى مع ابنى مش عارفة اتعامل معاه وحاسة انه هيضيع منى وخايفة عليه انا هحكلكم القصة من الاول علشان تفهمو الظروف والوضع اللى انا عايشة فيه .
اولا :انا مطلقة وعندى 22 سنة عايشة مع اهلى امى واخ واختين والدى متوفى
ثانيا : عندى احمد ربنا يخليهولى عنده 5 سنين وهو فى ثانية حضانة
طبعا انا مش هتكلم عن نفسى لان انتو عارفين ان اى واحدة مطلقة بتمر بايه وحياتها بتبقى عاملة ازاى اذا كان من قريب او غريب طبعا المعاملة والنظرات والهمسات ودى رايحة فين وجاى منين يعنى الحمد لله من جميع النواحى مع انى والله العظيم راضية بقضاء ربنا وبنصيبى ودايما بدعى ربنا انه يلهمنى الصبر بس انا مش عارفة الناس بتستفيد بايه بكدة وهمامش قادرين يتخيلو ان استحالة ان فى واحدة تخرب بيتها الا اذا كانت وصلت لحالة الذروة بس هقول ايه( حسبى الله لا اله الا هو عليه توكلت وهو رب العرش العظيم ) وكلت امرى اليك يا الهى وانت تعلم ما فى القلوب
المهم نيجى ل احمد والمشكلة اللى مش مخليانى عارفة اعيش انا احمد ابنى اول حفيد فى العايلة يعنى مدلع من كل اللى فى البيت اولهم امى وخاله وخلاته الاتنين انا طبعا افرح لما اشوفهم بيحبو احمد وبيعاملوه كويس بس ده راجع عليا بغلط كبير اوى انا عاوزة اربى ابنى تربية طبيعية وعادية مش كل حاجة ليه مجابة يوم لما يغلط يتعاقب على غلطه بس للاسف مش قادرة اعمل كدة او مش قادرة اربيه زى مانا عاوزة لان كل واحد من اللى فى البيت بيطلع بكلمه ودة طبعا راجع للظروف اللى انا واحمد اتحطينا فيها انا هحكلكم على اللى بيحصل بالظبط علشان تتخيلو الموقف انتو ممكن تقولو انه لسه صغير ومش يفهم بس انا حاسة انى لو مش عملت كدة من دلوقتى مش هعرف اعمل كدة بعدين لان كل يوم بيعدى احمد بيتمرد عليا فيه اكتر هو حاليا مش بيسمع كلامى عنيد بدرجة فظيعة وللاسف والدتى ليها دور كبير فى دة انا عارفة هى والدتى وتفهم عنى اكيد بس اللى هى بتعمله انا شايفة انه غلط كبير اوى فى حق احمد قبل ما يكون فى حقى ابسط مثال انه مفيش مرة اعاتب احمد ابنى واقوله كدة غلط الا لما تصغرنى قدامه ومش تخليه يسمع كلامى وتقول حاجة غير اللى انا بقوله عليها قولتلها يا ماما مش تكلمينى قدام احمد شوفتينى عملت حاجة غلط استنى لما اكون انا وانتى لوحدنا وقوليلى انك عملتى كدة ودة غلط اعملى كذا مثلا بس للاسف اللى بيحصل غير كدة تماما ووصلتنى لدرجة انه لما يحصل كدة امد ايدى عليه واضربه والله والله والله العظيم انها ساعات بتشتمنى علشانه قدامه طيب هو كدة هيحترمنى ازاى ولا هيسمع كلامى ازاى هو دلوقتنى مش بيلجأ الا ليها لما يعوز اى حاجة يروحلها يقولها ودة بيجرحنى وبيعذبنى انا مامته هى مامتى وعلى راسى من فوقى وربنا يخليهالى يارب وانا مقدرة حبها ليه بس مفيش شئ بيفضل على حاله بكرة اخواتى يتجوزو ووالدتى ربنا يديها طولت العمر عد عمر طويل الله اعلم ايه اللى ممكن يحصل ومش فاضله غيرى وانا مش عاوزة لما يكبر يقولى انتى قاسية عليا انا فعلا ساعات بقسى عليه بس والله غصب عنى انا الضغوط حوليا كتيرة وكبيرة اوىولو كنت بقسى عليه ساعات وبضربه فا ده من الضغوط انا بقالى خمس سنين مطلقة وحالتى النفسية مش تتوصف بجد ربنا اللى عالم بيا على فكرة انا من النوع اللى بيكتم فى نفسه ومش بيحب يبين انه ضعيف قدام اى حد فا كل دة والله كبت كبت جوايا ومخزون ويوم لما يجى يطلع بيطلع فى احمد انا عارفة انه عيب فيا وغلط كبير وممكن بكدة اخسر ابنى بس تخيلو كدة انا مامته وبباه متحملة مسؤليته من جميع النواحى يوم لما يتعب مش بلاقى حد يقف جمبى والده مش متحمل مسؤليته فى اى شئ هو بس يشوفه كل شهر مرة غير كدة ميعرفوش كويس تعبان فيه حاجة مفيش يعنى كل الحمل عليا انا وطبعا تربيته من مسؤليتى وانا اللى هبقى مسؤلة عن افعاله اذا كانت صح او غلط يعنى انا محتاجة اللى يقف جمبى فى تربيته مش اللى يبقى ضدى انا ساعات كتير اوى لما اضربه اقعد بعد كدة ابكى كتير واقعد ائنب نفسى واقول لنفسى انا ليه عملت كدة وكتير بعد لما ينام اروح اقعد جمبه واقعد اعيط وساعات بقعد افكر انه لو بعد عنى فى يوم من الايام او لا قدر الله جراله حاجة ببقى هتهبل وبقوم من النوم مخضوضة عليه واقوم اخداه فى حضنى وانام .
انا حاسة انى طولت عليكم معلش اعزرونى بس انا جوايا حاجات كتير وكلام كتير بس مش قادرة اعبر عن اللى جوايا ويا ريت يكون احساسى وصلكم وفهمتو قصدى ايه انا طبعا لجأتكلم بعد ربنا فى انى الاقى عندكم الحل اكيد فى كتير منكم عنده تجارب وعنده اولاد يا ريت تقلولى بتتصرفو ازاى او بتتعاملو مع اولادكم ازاى انا عاوزة اعرف ايه الطريقة الصحيحة فى التعامل مع الاطفال وغير كدة عاوزة اعرف انا مكبرة الامور وعطياها اكبر من حجمها لان فى ناس كتير بتقولى كدة
معلش انا اسفة بجد لانى طولت عليكم وبتمنى الاقى الحل عندكم وبتمنى من كل اخت تدخل ترد على الموضوع تدعيلى دعوة من القلب ولها المثل باذن الله تعالى
اسال الله العظيم رب العرش العظيم ان يرزقنا جميعا حسن الخاتمة
والسلام عليكم ورحمة الله وبركاته

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته
في البدايه
احب اقولك
اسال الله لك الصبر والسلوان وان يعوضك خيرا
انا اخصائة نفسيه
ياستي ابنك محتاج حنانك والتربيه ما عمرها كانت سيطره وبس عندكم بالمصري تقولوا (الراجل مش بكلمته الراجل برعايته لبته واسرته )
يعني الهدف المشترك من اهلك ومنك هو التربيه السليمه لابنك لذلك مافي فرق ما دام الهدف واحد انت في وضعك دا صعب تسيطري على الي حوليك تقبلي الحياه بزي ما هي انا اتوقع المشكله ماهي في ابنك بدليل انك ما اشتكيتي منه في اي تصرف مريب يعني ابنك طفل عادي
كل ما في الموضوع اني اصيغ لك المشكله( هو انت ) يعني انت الي تعبانه واخده الامور بشكل خاطئ
انت الان في فترة حرجه بس الواحد لمن يشوف نفسه غير قادر على ضبظ نفسه احيانا يترك الحاجه الي لازم يعملها لغيره ودا افضل من انه يعملها ولا يديها حقها
معروف انه ابنك.....ومحد قال غير كدا
... انت عندك احساس بدك تقولي بصوت عالي محد له في ابني
ودا لانك منهاره نفسيا ودا بداية التفكير الخاطئ والمدمر ليك وله
انتبه منه
كل ما عليك انك تعيدي النظر في نفسك وتصححي اخطائك واشغلي نفسك...... ابنك وما يخصه بالدرجه الاولى بس اقري كثير عن التربه والرعايه لانه انا شايفه دا الشي الي مش مستوعباه لانه هنك فرق كبير بين الرعايه والتربيه وبين السيطره لتحقيق اغراض شخصيه ليس لها اساس
اقري كلامي اكثر من مره
وحاول انك تعملي جلسات الاسترخاء بنفسك او عند اخصائيه
واذا احتجتي تستشريني في اي حاجه اهلا بيك





__________________________________________________ __________

حبيبتي الحنان والحب هم السبيل الوحيد لغزو طفلك الصغير
يعني حاولي تعلمي بالحسنى يعني لما يغلط قوليلا لأ ياماما هذا غلط هذا عيب
وحاولي تكلمين والدتج وان شاء الله ينفع الموضوع
دعواتي لكي ان شاء الله تعالى بالتوفيق وبالزوج الصالح الي يعوض لاحمد حنان الاب ويعوضكي حنان الزوج


__________________________________________________ __________

باختصار يا أختي الله يعينك
وهذه أشياء جميلة قرأتها اليوم يارب تفيدك
افكار للاطفال
وهذا أيضا رابط لموقع مفيد أتمنى أن تستفيدي منه
Harf Kidsظ…ط¹ظ„ظˆظ…ط§طھ, ظƒط§ط±طھظˆظ†, ظ‚طµطµ, ط£ظ„ط¹ط§ط¨, ط£ظ†ط§ط´ظٹط¯, ظ…ط³ط§ط¨ظ‚ط§طھ, ظ…ط³ط§ظ‡ظ…ط§طھ) ظ…ظˆظ‚ط¹ ط**ط±ظپ ظ„ظ„ط·ظپظ„ )


__________________________________________________ __________

الله يعينك


__________________________________________________ __________