عنوان الموضوع : طلبتكم تتجاوبو معي ودي بحل هالمشكله المستعصيه -تم الاجابة
مقدم من طرف منتديات نساء الجزائر

طلبتكم تتجاوبو معي ودي بحل هالمشكله المستعصيه



السلالالالالالالالام عليكم

كيف الحال

بدخل بالموضووع على طول انا من النوع الهادي ماحب اهذر واجد يعني اذا عندي سالفه قلتها وانتهينى عند الناس وعند زوجي بعد يعني مستمعه اكثر من اكون راعيه سوالف المهم
ان زوجي يحب الهذره ودايم يسولف وينتظر مني سوالف بس اقوله مافيه شي جديد مكانك سر والله احاول اسوولف بس مافيني ماقدرت على نفسي حتى احيان لما اسولف اقول لزوجي كلام ماله داعي يعني فلانه حامل اسمني اجيب هرجه بس مو مني كله بس عشان اجيب سالفه على اني ماقتنع ان الحرمه تسولف عند زوجها بسوالف حريم ماله دخل فيها على انه عاد يتجاوب معي يعني ماشاء الله كم بزر عندها او ماشاء الله دايم تحمل ورى بعض بطه على غفله
احيانا يقول انتي ماتسولفين قلت له انا مو راعية سوالف ابد يقول اسحب الهرج منك سحب اقوله انا مستمعه اكثر
على اني احبه وانا مع كل الناس كيذا سوى زوجي او غيره
على اني احس اغلب الناس تحب تسولف معي ويبدوني انا بالهرجه يعني تبي تقول سالفه تناظر فيني انا والباقي يسمع:
وهو يحب فيني الاستماع ولله الحمد بس مايحب سكوتي بس ترى مو على طول ساكته تجيني ايام اسولف فيها واحسه يتحمس معي بالسنه مره يعني

كيف احب الهرج والسوالف <<احس مشكله مالها حل

الله يوفقنا جميعا يارب

>>>>> ردود الأعضـــــــــــــــــــاء على الموضوع <<<<<
==================================


تصدقي نفس حالتي

زوجي ماشاء الله عليه ثرثار ههههههه

خصوصا لما نسافر ،، انا بس اتنح واقعد اطالع مثلا السيارات ... او اي شي

وهو يقولي سولفي معي عشان مانحس بطووووول الطريق وانا اقوله ماعندي هرجه

افضل شي انك تقراي كثير وتتطلعي على الاخبار .. ولا تتكلمي معه بسوالف الححريم وانتبهي من انك توصفين له الحرررريم

ربي يوفقك ويسعدك حبيبتي ~


__________________________________________________ __________

عزيزتي ..

شوفي زوجك وش يهتم في بالعاده .. يعني عن هوايته شي يحبه
يعني مثلا لويحب السيارات .. اجلسي ابحثي بالنت خلي عندك معرفه واطلاع
بشي هو يحبه ..
وقتها تقدري تدخلي معاه بالسوالف .. وتدخلي من شي هو يحبه

..

سولفي مثلا عن هوايه انتي لك .. عن اشياء بنفسك ودك تسويها ..
تغيرات حابه تعمليها .. طموحاتك ..

..

بس الاهم لاتجيبي له سواليف عن حريم ماله صله بالاساس هو فيهم

..

اسأل الله ان يسسسسسعدك .. ويسخر لك زوجك

موفقه يارب


__________________________________________________ __________

تصدقين انا مثلك مااااسووووولف مرررره عند الحريم

بس لما اقابل زوجي

ماعاد اسكت ماشاء الله لدرجة انه ماعاد يطالع فيني وانا اتكلم

وودي اسسسسسسكت

ولما اسكت تحسيه هو يسولف

شوفي

احس الرجال اذا كنتي ثرثاره يبغاك تسكتين

واذا كنتي سااكته يبغاك تتكلمين

والله ماعاد عرفت..

المهم
انتي شوفي الاشياء اللي هو يحبها وسولفي معاه فيها

سولفي عن هواياته هو

لانه بكذا راح ينبسط ويحسك مهتمه فيه اكثر

واتمنى اني افدتك


__________________________________________________ __________

لا اله الا الله
ناس بتشكي من زود حكي زوجها معاها وناس زي حالتي من قلته


__________________________________________________ __________