عنوان الموضوع : ماكنت متخيله حياتي بتكون كذا !! -لصحتك
مقدم من طرف منتديات نساء الجزائر

ماكنت متخيله حياتي بتكون كذا !!



السلام عليكم ..

ابي مشورتكم تعبت من التفكير

انا متزوجه صارلي تقريبا سنه . زوجي يحبني وحنون حيييل بس عصبي واذا عصب مايرحم اللي قدامه آآآه ياخواتي تصورا اذا عصب احيانا يمسك نفسه واحيانا يضربني بدون شعور مع اي جهه مايشوف اي شي قدامه اذا عصب
تعبت منه سكت له مره لاني كنت غلطانه ومره الثانيه ادري مهما اكون غلطانه في شي اسمه تفاهم .. والثالثه زعلت ورحت لاهلي وجلست عندهم 4 ايام وعشان يراضيني سوه نفسه عنده عمليه وانه محتاجلي قلت اسامحه هالمره لانه تعبان ويوم رجعت لبيت قالي العب عليك بس دريت انك ماراح ترضين
وعدني انه ماعاد يتعودها ,, وقلت نسامح هالمره ونشوف
مزاياه احسن من عيوبه ..
والحين انا حامل ولاشفته اتنرفز ومابيه يقربني وقصرت معه حيييل
وهو اللي احيانا يسولي الفطور ويصحيني ويغسل الصحون اذا شافني تعبانه
ويحلف علي ماسوي اي شي له ..
بس المصيبه ماقدر يتحمل وضعي اكثر يقولي وشفيك ليه تكلميني من طرف خشمك ليه كارهتني انا زهقت انا مليت واقوله مو بيدي تخلييييييييييوا تنرفز من اسلوبي ومد يده علي من غير شعور مسكني مع شعري ويرفعني وينزلني وانا اترجاه واقوله خلاص اللي تبي بيصر بس ولدك ابيه يفكني مابي الببي يتضرر ماهدني الا يوم قمت اصيح بطني واحس اني خلاص ماعاد اتنفس يوم شافني كذا هدا وجاء دوره الحين يراضي وانا ابعده عني واقوله اكرهك طلقني المهم يحاول يشرحلي وانا مااسمع له وقلت توديني لاهلي قالي قبل اوديك انتي تبيني ولا لا صدق تكرهيني والله لاطلقك بالثلاث لاتجبرين نفسك علي اذا ماتحبيني والله ماسويلك شي اني لاطلقك ووديك لاهلك بس لاتلعبين علي وتعلقيني اكثر ويترجاني ارد عليه
اشرت براسي اني ابيه وانا ابكي ضمني وقعد يبكي معي وقالي جهزي اغراضك
جهزت اغراضي ورحنا لاهلي وطووول الطريق وانا ساكته وهو يحاول يسولف ويمسك يدي ويبوسها وانا مارديت عليه

اللي صارلي مو شوي احبه اي بس كرامتي
ماتعودت من ابوي يضربني ماتعودت ابوي يضرب امي ..
آآآآآآآآه تعبت من التفكير افكر بالطلاق بس الببي
مليت اسامحه ع طبعه العصبي مليت اعذره
مدري شسوي
ماكنت متخيله حياتي بتكون كذا !!

يااااااااااااااااااارب صبرني وقدرلي الخيره

شتنصحوني فيه

تعبت من عصبيته صرت اخاف من كل شي واحاتي كل شي عشان لايعصب علي
يااااااااااارب ارحمني ...

>>>>> ردود الأعضـــــــــــــــــــاء على الموضوع <<<<<
==================================


الدعاء

خير وسيلة


__________________________________________________ __________

لااااااااااااحول بغيت ابكي والله انقهررت وحسيت فيك اختي نصيييحه دامك تحبيه وحامل بعد..اقعدوو تفااهموا ع هالعصبيه وقولولي له بالتفصيل انه متعبتك وووو وخليه يسمعك للاخر واذا مايعرف الايعصب قوليله يطلع برا البيت بس يهدا يرجع...
ويمكن يحتاج لمهديء ماتدرين يمكن حالته العصبيه مرضيه انتي ادرى..ولادخلي احد بينكم اخاف تكبر السالفه وتكرهون بعض...
من رااي المصارحه وبعقلانيه خيير يضربك وانتي حاامل يااختي يمكن مريض او اسمحيلي يتعاطى او شي انا مدري اعطيك فرضيات ...لاتنسي انتي ام بكره يكفخك قدام ولدك صعبببه يتعقد انتي فهميه ووضحي له كل الصوره وحاولي تتجنبي الاشياء الي تعصبه جهزي اغراضه واكله وكل احتياجاته..
الله يوفقكم وييسر اموركم ولاااتشوفون الا السعاده يااارب وانا بعد^_^


__________________________________________________ __________

نصيحه من وحده مجربه اذا يحبك وانتي تحبينه لاتطلقين والله والله لتندمين قد شعر راسك

انا من يوم صباحيتي دخلت المطبخ وقسم بالله انواع المعاير ماتعرفين تطبخين وربي كنت اشتغل من اصحى ليما انام احس اني كنت متزوجه عشان اتعذب

وفوق كذا اهله جوني من اول يوم وابوه يهاوش يقول ليش اختك هي اللي تشتغل خل حرمتك تقوم تشتغل ويطبون علي بين فتره وفتره يقولون بنشوف تعرف تطبخ وتسوي قهوه والا لا

حرمني من كل شي يقول اهلك تزورينهم مرتين بالسنه بالعيد بس تسلمين ونرجع ع طول جوال مابي معك جوال وكسره ولابتوب ماله داعي وديه لأهلك والا ترى بكسره والتلفزيون احمدي ربك ان مخليه يده طويله ولسانه اطول ولا يعتذر

بعدين تصرفاته معك مايسويها رجال مع زوجته يساعدك اذا كنتي تعبانه يابنت الناس انا كنت انزف اول ماحملت طليقي ماكان يرحمني

اشتغل شوي واجلس شوي لان الدكتوره قالت لي لاتتحركين الا ع الحمام وانتي بكرامه
حتى لوضربك وهو يحبك واعتذر عادي

انا انضربت ضرب كافر وكذب علي قدام اهلي واهله ولا اعتذر مني حتى ورماني ببيت اهلي وانا ماصارلي شهرين عروس وصارلي اللحين 7 شهور من ولدت لاشاف ولده ولاصرف عليه

وفوق كل اللي سواه ندمت اني تطلقت مع انه قال اذا برجعها بشروطي اولها تنسى الوظيفه الحرمه مالها الا بيتها

مع اني كنت متهوره وعايشه جوي بكيفي قبل اتزوج بس صدقيني لما يصير عندك طفل بتحسين بالمسؤليه ويتغير حتى تفكيرك

نصيحه قلبو خليك مع زوجك وحتى لوزعلتي لاتوصل للطلاق
ترى حتى معاملة اهلك اذا تطلقتي رح تتغير مع الوقت بتحسين انك ثقيله هذا غيرالكلمات اللي تنقط عليك بين فتره وفتره اللي كان يتحملك قبل صدقيني لاتطلقتي مارح يتحملك

حتى ولدك فكره بكره بمواعيده بالمستشفى من بيوديه ويجيبه بتحسين انك مثقله ع اهلك

اهم شي قلبو اللحين كل اللي يسويه لاأحد يدري عنه من اهلك او قريباتك لانه رح يزيد الطين بله واذا حبكت خلي اعقل اخوانك يتفاهم معه

فكري بعقلك فكري بولدك انتي عنده هذا احساسك بس مجرد ماتروحين بتحنين له صدقيني حتى لوكان معذبك اهم شي لاتنرفزينه واذا عصب اسكتي بلا كرامه بلا هم اصلآ بين الوحده وزوجها مافي كرامه

والله يصلح حالكم ويهديكم كلكم دلوعين وبزران يلا عااااااااد بلا زعل اضحكي للدنيا تضحك لك


__________________________________________________ __________

اصبري والله يكون في عونك وكلام اختي شمر هل الطولات صحيح وع قول المثل نار الزوج ولا جنة الاهل انا مارح احكم ع اهلك بس بكرة الايام لاانفصلتي منه من بيربي ابنك معاك منو بيوديه المستشفي منو بياخذ له ويصرف عليه فكري فيها زين ولا تقرري بسرعه اهلك بيرحبون فيك يومين وبعدين الله العالم وش بيصير وربي يسعدك ويسر امورك وتحياااتي


__________________________________________________ __________

خليني اقولك معلومه بسيط ولها فائده عظيمة والقرارا لك بالطلاق اولا بعد قرائتها ..

في برنامج اوبرا وينفري قالت عملوا دراسه ان اللي يضرب حرمته اول مره ، حايضربها بعدها اكيد 100% لو اعتذر الف مره ..

وسبحان الله كل ما اقراء عن مشكله فيها ضرب من الرجل للحرمه ويتوب يرجع يكررها ويضربها .. طلعت الدراسه وافيه وكافيه

اللهم صلى وسلم على رسول الله محمد علية الصلاة والسلام