مُشكلتين مجابة
عنوان الموضوع : مُشكلتين مجابة
مقدم من طرف منتديات نساء الجزائر
مُشكلتين
بسم الله الرحمن الرحيم
كيفكم وأش أخباركم ؟
مشكلتي هيا ممكن تكون عند البعض سخيفة .. بس بالنسبة لي متعبتني
عندي مشكلتين
الاولى / دااايمًا دموعي على طرف عيني حتى لو شئ سخيف مثلًا الاستاذة وقفتني عشان أتكلم
فـ تصير الدموع بطرف عيني ولا يعني لبست شئ مُخالف وأخذتني للأدارة على طول الدموع تنزل =(
وأنآ ما أحب ابين لآحد دموعي بس أش اسوي
مشكلتي الثانية / أني أوسوس واااجد واااجد بشكل مو طبيعي أبد
حتى صرت أضيق من كثر الوسوسة احس صدري مكتوم بالحيلَ
مثلًا رحت أغسل يديني بعدين سكرت البزبوز ( الصنبور ) بس أبعد عن المغسلة أقول شكلي ماقفلتها وأروح أقفلها والف عنها وارد مره ثانية أزر عليه
ولا يوم أختبر واكتب كلمة مائلة أقول الابلة مابتعرفها وأقوم أمسحها وأكتبها من جديد واشوفها مو مضبوطة وامسحها وتصير الورقة كلها شخاميط =(
وبس
الله يوفقكَ ويسعد قلب الي تسآعدنيْ
>>>>> ردود الأعضـــــــــــــــــــاء على الموضوع <<<<<
==================================
قوي قلبك يا اختي الشغله ماتستاهل انك تبكي ياما صارت معايا كنت زيك بس انتي حاولي لاتتكلمي عشان ماتتواجهي مع المعلمه وتوقفك انتي خليكي مرتاحه على الاخير
اذا موسوسه اقرئي معوذات ولاتتترددي في الاجابه سمي بالرحمن وباذن الله ماتوسوسي
__________________________________________________ __________
واى شىء تسوينة فولى بسم الله الرحمن الرحيم
ان شاء تحسين بالراحة وتسوى امورك على احسن مايرام
واقرائى المعوذتين وسورة الاخلاص دائما هيبعدوى عن الوسواس
__________________________________________________ __________
انا زيك دموعى على طرف عينى ويلقبونى بكاااااااااااااايه العائله احنا حسااااااااااساااااااات زياده عن اللزوم
وامشكله الثانبه عالجيها بالتطنيش ولا توسوسى كثير او يبغالك علاج نفسى قبل ماتزيد الحاله معاك لانه وسواس قهرى
__________________________________________________ __________
نفس مشكلتي ي قلبي
قوي قلبك وواجهي الحياه
لانها قاسية
__________________________________________________ __________
حبيبتي هذا لانك حساسه حيل فدموعك تنزل بسرعه يعني عادي
قوي نفسك وبعدين هذي صفه مش مشكله وان شاء الله راح تكوني قويه
مع الايام
اما الوسوسه هذي سالفتها سالفه انتي الحين عارفه ان معك وسواس خلاص
طيب عارفه شنو الوسواس هو افكار ووسوسه من الشيطان يعني يدخلك
بمتاهات وافكار غريبه عجيبه يبدا معك باشياء بسيطه وبعدها تكبر هذه التصورات
شنو رايك يا اختي لما يوسوس لك انك ما سكرتي الماء تقولي بنفسك لا سكرته
وشنو رايك لما يوسوس لج باشياء تكتم نفسك وتضايقك تتعوذي من الشيطان
وانتي عندك قناعه كامله باللي تقولينه يعني تقولي اعوذ بالله من الشيطان الرجيم
وتستمري عادي لا تخلينه ياثر على حياتك هذا الشيطان شغله الشاغل التاثير
على المسلم يعني يبي يخرب وينغص عليه حياته
بس انتي يا اختي ان شاء الله عارفه اللي فيج وان شاء الله ما تكوني تحت امره
هو على فكره ضعيف جداا ولكن يدخل على الضعفاء اللي تركوا له مجال
يعني لازم تكوني اجتماعيه مع اهلك وما تعاندي كثير لما احد يقولج لا والله انا شفتك
سكرتي الحنفيه خلاص تقتنعي خلك مع صحبه خيره عشان الوحده مش حلوه
اكثري من قراءه القران والتحصين وخصوصاا المعوذات
وما عليج شر ان شاء الله كل مشكلها ولها حل والحل بادينا
الله يشافيك وكل عبد مسلم
رد مع اقتباس
