اختي حسب الله عليهاومنها لله -لصحتك

[aksachli]

عنوان الموضوع : اختي حسب الله عليهاومنها لله -لصحتك
مقدم من طرف منتديات نساء الجزائر

اختي حسب الله عليهاومنها لله



والله يابنات مصدومه منها حسب الله عليها ومنها لله هو قادر يخلص فيها يارب عليك خلاص الحق انت قادر علي كل شئ الاول هي مش اختي شقيقتي هي اختي من الاب (يعني هي من ام وانا من ام تانيه بس الاب واحد)وهي اكبر مني ومن زوجه بابا الاولي وانا من الزوجه التانيه الله يسامحها انسانه كلها شروحقد وغل غير عادي بتهيالي بتكره حتي نفسها رهيبه والله علي ما اقول شهيد ما بكدب ولا بفتري كانت ومازالت سبب في خراب بيتي ياناس قولولي عملت كل حاجه وما نفع معها ليا اخوات غيرها مش شققه لكن هي الوحيده فيهم اللي كده وانا لاني طيبه وعلي نياتي ما اتخيلت ابدا انها ناويالي علي الشر ده بعد ما اتجوزت مباشره عملت ليا حبيبه غير العاده وظهر منها ومن جوزها حاجات كتير حلوه انا مقيمه مع زوجي بالخارج وبنزل اجازات ولما انزل تعمل معايا كل الواجب تجيب جوزها وولادها وتيجي تسلم عليا انا وزوجي وجايبالي معاها حاجات ولما اجي اسافر تشتريلي هديه اخدها معايا تذكار منها وهكذا سنه ونص تقريبا ووالله بقيت ادافع عنها مع بقيت اخواتي واقولهم والله احنا ظالمنها ما كنا عارفنها كويس لا بالعكس دي جدعه وبتفهم في الذوق وطول الوقت اقول لا والله كان فكرتنا عنها طول السنين غلط لحد ما جت في يوم وهي وجوزها وانا في اجازه انا وجوزي وطلب جوزها انه يعمل شغل مع جوزي وطلب منه ينزله بضاعه من البلد اللي احنا فيها في كونتنرات وانه بيدفع تمن البضاعه معاها بالنص وبيبعها هو والمكسب بالنص او لو هو عايز البضاعه كلها يدفع تمنه كله وخلاص بيكسب فيها لوحده وربنا يباركله فيها جوزي رجل طيب كتير باعتله بضاعته كلها واتكفل هو بدفع تمنها علي اساس انه بيعطيله المبلغ اول ما يبيع البضاعه ومعاها مكسبه او لو اتاخر بيعها فبيعطيه جزؤ من تمنها الاساسي علي ما ربنا يسهله في بيعها والله بنات جوزي دفع مبلغ لو بقول عليه بتنصدموا ما هو قليل والله مبلغ بعمله اجنبيه وكبيرررررررررررررر وبعدين الكلام ده من ست سنين تخيلوا والله من ست سنين اخد البضاعه وفضل سنين يمطوح فينا شويه لا ما بيعتها وشويه مزنوق وما معايا اعطيكوا اصبوروا عليا وشويه لا عندي مشروع بعمله وانتهي منه واعطيكوا فلوسكم وشويه البيه بيبني في عماره اسفه برج من عرق وشقي جوزي في الغربه ويقول اخلص واعطيكوا وشويه البيه راكب سياره موديل السنه ولزوجته زيها بسواقها حسبي الله ما بقول اركبوا ولا ابنوا ولا اعملوا في مشاريع بس اعطونا حقنا الاول وبعدين اعملوا ما بدالكم مين في الزمن ده يصبر علي مبلغ كبير زي ده بقاله ست سنين والله حرام قبل ما اقطع علاقتي بيها قلتلها الله يخليكي اختي كلمي جوزك انا اهل جوزي بيعايروني بالموضوع مش قادره ارفع عيني فيهم كل شويه اختك وجوزها اكلوا ابننا وضيعوا شقاه في الغربه جوز اختك حرامي نصب علي ابننا والله مهما كان انا ماقادره استحمل كلامهم رغم انهم علي حق بس اعمل ايه تقولي حاضر وما تسئل وبعدين اقولها والله ظروفنا صعبه خليه يعطينا جزء من الفلوس تقول هو كمان زروفوا صعبه وما باع البضاعه يعمل ليكوا ايه طيب يا اختي هو مش عارف يبيع البضاعه ولا يصرفها وما شغلته كان بيطلبها ليه طيب هاتوا البضاعه ياستي بعد ست سنين صبر عليهم ومن غير اي ورق او شئ يثبت فلوسنا دي هاتي واحنا نصرفها هو اخد ست سنين اعطينا سنه وبنبيعها ونعطيكوا فلوسكم وناخد فلوسنا ما رضيوا دخلت بابا وعمي وعملوا اعده رجاله واتفقوا علي ميعاد يعطينا فيه الفلوس وما التزم وبعدين مره كمان ومره كمان ومره كمان ويعطي بنفسه الميعاد وما يعطينا فلوسنا وبعدين بابا اتفق معاه بعد ما خاصم اختي لانها هي اللي مقوياه علي كده وقالها خلاص لاتدخليلي بيت ولا بدخلك الا لما تعطي اختك وجوزها مالهم ما اهتمت ومشيت وقالت مش مهم فاتفق بابا مع جوزها ان يعطونا البضاعه وقال خلاص بعد صلاه الجمعه يجيبوا عربيات نقل كبيره وياخدوها من المخازن شوفوا الكلب اللي اتفق مع بابا وبابا بلغنا خلاص كله تمام صغر بيه قصاد جوزي اللي قالي بعدها ابوكي مش راجل لو راجل ما كان ابدا يقدر حد يكسرله كلمه ويطلعوه عيل صغير تخيلوا تطلع العربيات النقل الكبيره وليها اجر اندفع والحمالين والشيالين اللي بيشيله البضاعه علي العربيات وليهم اجر وخدوه بعد ما تطلع العربيات وتوصل لبيته علما بان هو من بلد واحنا من بلد مسافه نصف ساعه ما يرضيش يدينا البضاعه ويقفل تلفونه ويقول لا ما عنديش بضاعه الكلب يقول ويتفق وما ينفذ والكلبه اختي تقول انا ما لبا اخت انا بعتبرها ماتت وما ليكوا حاجه عنا والله بنات اتقهرت ست سنين في القصه دي وما خلصت لاكبروا لابويا ولا لعمي ووصلنا لكباره هو وللمحامي بتاعه لانه صديقه يقول كبيره مراته لو هي قالت اعطيهم راح يعطيهم حسب الله نسيت اقولكم لما راحت العربيات تحمل البضاعه قال ايه جوزها الاول يمضيلي علي شيكات ووصلات امانه اضمن حق ولادي واحنا والله ما فكرنا نعمل معاه كده شوفوا احنا سايبنهم ست سنين ما طلعت منا كلمه زي دي وهو قال كده لا ده شرطي قلت لابويا خلاص خليهالوا بس هو بقي يمضنا احنا علي شيكات ووصلات امانه مش هو بس اللي عايز يضمن حق ولاده واحنا كمان قال لا انتوا بس اللي تعملوا كده ليا والله افتري وعملنا المستحيل ووسطنا كل الناس واتفقنا كتير علي حلول وهما ولا حياه لمن تنادي خلاص اهل جوزي ممرمطني وجوزي قالي خلاص اعمل ايه يعني اطلقك عشان اشفي ناري انتي ما ليكي ذنب بس اقولك ذنبك الوحيد انك ما قلتيلي من الاول بلاش اختي وحشه واهله مارحمينه هو طيب بس بيقلب عليا وبيوصل حالنا حال لما حد يفتح الموضوع والله خلاص انا ظروفي صعبه انا وجوزي محتاجين لفلوسنا وهما ماشاء الله في عز واكلين فلوسنا ومستمتعين ولا كانهم عملوا حاجه مش عارفين انها هتدخل عليهم بالمرض والفقر بس لسه قدام والله خلت جوزها يقاطع حتي صله رحمه امه وابوه واخواته ولدين وبنت وحيده والله جباره وجوزها شوخشيخه في ايديها ما هو راجل اصلا كل الحلول والله اتبعتها لحد ما قطعتها وبقالنا سنه مش بنتكلم ولا بنبعت ليهم مفيش فايده وبابا كل ما انزل اجازه يقولي انا كلمته وهو بيخلص بس في مشروع يخلص منه وهو هيبعت فلوسكم شوفوا البجحاهه والوش المكشوف مش مكسوف يقول الكلام ده لا وايه ادعولي بس دعواتكم ليا اتم مشروعي وربنا يسهل اه اه اه انا من كتر اللي حصل طول الست سنين مش فاكره الاحداث والحوارات والله الكلام كتير بس ما انا فاكره غير كده ومن ضمن الاحداث قالت انا مش عايزه حد في الدنيا وجوزي انا قاطعته اهله وانا راح اخلفله ولاد يبقةا هما اهله وعزوته هي معاها ولد وبنت وقالت الكلام ده عشان تجيب ولاد تاني مع الطفلين دول عشان تزود عزوتوا وهله شوفوا ربنا وحكمته فضلت ست سنين وهي تلف علي الدكاتره علما انها معاها طفلين عشان تحمل وما تحمل تلاقي مشلكل وامراض في انتظارها ولا اله الا الله ولا تتعظ وبعدين حلمت وسقط حملها وهي حاليا حامل تاني وربنا يتم حملها علي خير انا لا بشمت فيها ولا اتمنالها مكروه بس اتمني ربنا يهديها هي وجوزها ويردوا فلوسنا ساعات اقول ربنا يحاسبني اني مقطعاها لانها من صله رحمي بس ما اقدر اكلمها اللي سوته فيا وفي جوزي مش قليل والمصيبه هي ولا في دماغها خالص حسب الله ونعم الوكيل في اللي ياكل حق حد تعبان وشقيان في قرش وفي غربه ربنا قادر علي كل شئ عليه خلاص الحق يرجعلنا حقنا ويعرفهم ان الله حق الله حق والله ما شايفه من دموعي ارجوكوا اللي عندها حل تساعدني بس انا استنفزنا معاهم كل الحلول هما ما يتقوا الله ظالمين حسب الله

>>>>> ردود الأعضـــــــــــــــــــاء على الموضوع <<<<<
==================================

شوفوا اخواتي امبارح بس كتبت مشكلتي وانا مهمومه ودموعي علي خدي سبحانك يا رب العالمين انا قلت عليك خلاص الحق والله بنات من شويه بس صغيرين لقيت اختي بتكلمني قالتلي شوفي عم زوج اختي اللي واكل فلوسنا هو واختي راحله علي شغله وهو عباره عن محلات وعمل معاه مشكله كبيره اوي لانه كان واخد منه فلوس وما ردها ليه بس فرج عليه الشارع كله قصاد عماله والناس في الشارع والجيران وما بقاش عارف يعمل ايه ويداراي منهم ازاي ياربي المحتوم في الزمن ده لاء ما ينفع شوفوا عشان هو بهدله في الشارع جري جري بعض ما اتفضح قصاد الناس راح يجبله فلوسه والمبلغ اللي كان معاه مش كفي يسد عمه قامت اختي المحترمه اضطريت تروح تبيع دهبها عشان تكمل المبلغ خوفا علي برستجهم اللي راح قصاد الناس لما اتشتم لا حول ولا قوه الا بالله العلي العظيم لانهم فضحهوم اخذوا فلوسهم في الحال واحنا عشان محترمين بقالنا ست سنين تايهين عليك خلاص الحق يارب ...............................................علي فكره يا بنات انا مستغربه انتوا ليه قرأته مشكلتي وما رديتوا حتي بكلمه ولا دعوه ليا ولا بحل ولا بكلمه تصبرني انا ما بتاخرش ابدا عليكوا وانا في مشكله مش لا قياكم جانبي يالا هي كده الدنيا

__________________________________________________ __________

الله يهديهم ويرجعون فلوسكم وبدال ماتدعين عليها ادعي انه الله يهديها ممكن اذا تقدرين تسوين جمعية مع ناس موثوقين وتخلينهم بالجمعية وهم يستلمونها بالاخير طبعا انتي بدال ما تسلمينهم اياها تقومين تستلمينهم انتي وتعطينهم زوجك بس حاولي تحسنين علاقتك فيها بالاول وتحسسينها انك نسيتيهم وسامحتيهم ومااخذ بالحيلة لايرد الابالحيلة وممكنن تكون الجمعية وهمية مالها اساس فقط عشان تستلمين الفلوس

__________________________________________________ __________

اختي ربي يفرج همك ويسخر لك الطرق اي تردي فيها مالكم ويهدي اختك وزوجها ويخافوا الله في مال حرام عليهم ياخذوه
لكن عتبانه عليكي اختي
لان لو انا مكانك يوم اجتمعوا هو وابوك وعمك ماخليتوه يكتب ورقه ياكد فيها انه استلم منك مبلغ من المال عشان على الاقل تظمنوا مالكم
والي الان موب راضين تسوا شي خلي ناس يساعدكم ان يكتب لكم ورقه يقر فيها على مالكم الي اخذه
حتى لو لجائتم لابوه خليه ياخذ مالكم منه
ابو ابوكي خليه يكتب لكم ورقه وبعدها قدمها لشرطه يجيبوا مالكم كامل

__________________________________________________ __________

اختي اقول اصبري وحققي قول الله ان الله مع الصابرين @ وانتضري العوض في الاخرة لان عوضها خيرا وابقى

__________________________________________________ __________

حبيبتي والله ان نفس المشكله حدثت امام عيني مع اختلاف بسيط ولكنها اصعب ف ان الاخت الصغري كانت تعيش ف بيت اختها الاكبر وكانت هي وزوجها يعاملونها معانله الابنه والله ان زوجها كان يسهر بجانبها ان مرضت وبعد ماتخطبت ومااااااااااااكنش في شقه تتزوج فيها شافولها شقه وقالو لخطيبها ادفع الي معاك واحنا حنكمللك تمن الشقه وتكتب نصهها لاختي ووافق واشترو الشقه وبعدين حصل خلاف واهلها قررو فسخ الخطبه فقررت الهرب باذن اكبر اخواتها التي مثل اختك كلها شر وتزوجت وكتبت الشقه كلها باسمه وبعد مناورات وخناقات بكل بجاحه قالت لاختها مالكيش حاجه عندي
والله ان حالها الان يبكي من المال الحرام الذي اكلته
فكان قرار اختها وزوجها اما ان يفوضو امرهم لله ونالون حقهم ف الاخره واما ان ياخذوه كاملا ف الدنيا وبالفعل حاولو وشافو واسطه كبيره ف البوليس وفهمو الوضع بالظبط وقالوه مش عارفين نتعامل معاهم عشان ما فيش ورق يثبتوجابولو شهود ثقه وفعلا جابو الولد الي اتجوزته واعترف بالكلام ده كله وخلو مضي علي وصل امانه بالمبلغ وبعد استحقاقه رفعو عليه قضيه وبقي يجري عشان يدفع ويتنازلو والحمد لله اخدو فلوسهم كامله
حاولو تشوفو حل يتناسب لانه كما فال زوجك فلوس ابنك
هو اولي بيها
وحسبي الله ونعم الوكيل ف هؤلاء
عليكي بالدعاء وصلاه الحاجه ف جوف الليل