عنوان الموضوع : رضيت بقدري بس الناس ماتتركني بحالي؟؟؟!!! الطبيب يجيب
مقدم من طرف منتديات نساء الجزائر

رضيت بقدري بس الناس ماتتركني بحالي؟؟؟!!!



السلام عليكم ورحمة الله وبركاته:
مساء الخيرات خواتي معليش ابزيد عليكم مشكله بس والله مالي بعد الله غيركم مالي الا امي ومو ناقصه هموم
ابي ابدا من البدايه انا بنت اهلي البكر عمري 25 وشوي وفيني جنف (مرض في العمود الفقري) امشي ولله الحمد شبه طبيعيه ماعد ان فيني عرج خفيف وتقوس مو باين بظهري وقصيره بس امي وابوي قصار المهم انا البنت الاولي وبعدين بنتين من امي وابوي
وبعدها امي وابوي تطلقوا امي تزوجت وكذلك ابوي
ابوي صار له ست بنات وولد وامي مالله كتب له شئ
زوج امي كان طيب جدا بس الناس غيرته وصار شوي طماع بالمال خصوصا اني بديت بالتدريس تعاقد طبعا وصار يضايق امي يبي من فلوسي وابوي يقول اصرفي على خواتك اللي عندك وقلت يالله الشكوى لله المهم ماتتضايق امي
طبعا اختي اللي اصغر مني كانت تنخطب قبلي اول واحد قالت امي ان اخته صديقة اختي ماتبي تجرحن وثاني واحد قالت يبي طويله وثالث واحد قالت هو مختار البنت
انا مااعترضت من البدايه بالعكس الخطيب الثالث اللي هو ولد خالتي اصريت على اختي حتى قبلت به ..مع ان اختي صغيره وهو صغير يعني مايضر خالتي لو انتظرت يما اتزوج بس يالله قلت هي تتزوج وتخف العبئ عني
بس المصيبه اني اكتشفت ان خالتي وبناته هن اللي مختارات اختي له
هاذي خالتي وعملته بي اجل وشلون يبون يخطبوني الاغراب ..طيب ليه وانا متاكده مارفضني الولد بس منهن والله مو مدح لنفسي لكني والله بنت وست البنات عشان شوي عرج مايبوني زوجه لولدهم مو ميت عليهم بس ليه تسويها خالتي بي؟؟؟؟؟؟؟
والا الثانيه زوجة عمي ماخلت احد ماخطبته لولده الا انا؟؟؟؟؟قسم بالله انه خطبت له وحده عمره 35 وهو 29 بس انها رجوله طول بعض وانا لا
والمصيبه مرت خالي كل شوي تضحك علي وحتى البزران يسالون ليه ماتزوجتي؟؟ليه هو بيدي ؟؟
ليه ياناس ماني بشر وااحس؟؟ليه عشان شوي اعاقه وقصر قامه صار مالي مشااعر؟؟ليه يعني انا ماابي اكون ام؟؟يعني انا ماابي انستر ؟؟؟
لا والبارح مرة ابوي يوم دخلت مع عروس خالي قالت جايتن مع العروس تبي تتمصلح ؟
ادري اني لو دعيت عليهن الله بيستجيب دعوتي بس ماابي بالدنيا ابيها للاخره
والله يابنات اني ماني ميته على الزواج بس ابي الستر وابي اكون ام...
اسفه على الاطاله بس من حرقة قلبي وحر مابي ولا عندي احد اشكي له
دعواتكن يالغاليات الله يرفعني عن حاجة الناس

>>>>> ردود الأعضـــــــــــــــــــاء على الموضوع <<<<<
==================================


حبيبتي انا حاسه فيك واتمنى من الله ان يرزقك الزوج الصالح وتكوني افضل الامهات


__________________________________________________ __________

الله يشفيك ويرزقك الزوووووووج الصاااااالح
ومن كلامك واضح انك انسانة مؤمنة بقضاء الله وقدره
استغفرى حبيبتى بنية الزووواج
الله يفرج هممممممممممممممك


__________________________________________________ __________

الله يرزقك ويرزقني ويااخواتي الازواج الصالحين

ماعليك منهم طنشي وعيشي حياتك مالك الا المكتوب

وان شاء الله ربي يرزقك برجال اللي يحطك فوق راسه عزيزه ومكرمه ويكون احسن من الرجال اللي حوليك

وتعيشين احلى عيشه ويرزقك بالعيال يـــــارب


××× دعواتك يالغاليه بالستر دنيا واخره


__________________________________________________ __________

وٍعليكم السسلام وٍرٍحمه الله وبركآته ....


أختي صآحبه المشكله
بقولك شئ لأتهتمي لكلأأم أي شخص ليه مآتزوجتي وليه وليه ...؟
قولي والله انآ مرتآحه كذذآ والحمدلله والنصيب رٍبي كآتبه
وابدا وابدا لاتوضحي انكَ مضآيقه من خالتك ومرت عمك أنهم مآفكرو يخطبونك
عيشي حيآتك مبسوووووطه أنصحك ولازم انتي تكوني مقتنعه بدآخلك بآن مآيهمك شئ
ويش يعني زوآج لاتهتمي كثير ....؟!


ويآرب ان شاء الله يرزقك بالزوج اللي ينور لكِ حيآتكِ ويسعدكِ عآجلأ غير أجل ..!


__________________________________________________ __________

أستغفرالله وأتوب إليه بس

بالله هذا تصرف ناس مسلمين يعرفون الدين وإلا الأخلاق..؟؟

حبيبتي إذا كنتي أنتي تعانين من إعاقة بسيطة في جسدك هم يعانون من أعاقة

في عقولهم .. وهذا أعظم من اللي تعانين منه.. الحمدلله ربي كلمك بالعلم والعقل

وأخذ منك الجسد السليم وأعطاهم الجسد السليم وأخذ منهم العقول السليمة والأخلاق

ياحبيبتي أنتي المفروض ماتهتمين بهالنوعية من الناس لأنهم بصراحة أقل مستوى منك

أنتي أحسن منهم في كل شيء.. وإذا ربي إبتلاك دليل إنه يحبك ورايد لك الخير .. المفروض

تفرحين وتدرين أن ربي أختارك عشان يعوضك سواء في الدنيا أو الآخرة..

والزواج هذا ربي كاتبة من قبل لايخلقك إذا لك نصيب راح تآخذينه مهما صار وبيصير..

أحمدي ربك أولا على الصحة والعافية والحمدلله قادرة تمشين وتروحين وتجين وموظفة

ماشاء الله تبارك الله ومتعلمة وجميلة.. كاملة ماشاء الله والكامل الله.. والله هم اللي المفروض

نرثي لحالة عقولهم الصغيرة.. لاعمرك تعيرين من هم أقل منك عقل أي إهتمام.. عيشي حياتك

واللي كاتبه ربي راح يصير ..

والله يشفيك يااااارب وينولك مرادك وينصرك عليهم ويسعدك ويهنيك ياااارب

تحياتي,,