عنوان الموضوع : ساعدوني بدعائكم ساعدوني
مقدم من طرف منتديات نساء الجزائر

ساعدوني بدعائكم ساعدوني



السلام عليكم
بدي افضفضلكم اخواتي لأني حزييييييييييييييييينة وتعبانة نفسيا وحاسة اني خلاص مافي امل مني
مشكلتي غيرة وفي نفس الوقت كبيرة
مارح اطول عليكم اكثر من هيك
انا شابة عمري 28 سنة مقبولة الشكل ، كل الناس يحبوني الحمد لله وهذي نعمة احمد ربي سبحانو واشكره ليل نهار لأنو انعم عليا بيها، لكن فيه بحياتي جانب مظلم ويخليني دايما اكره نفسي الاف المرات
احيانا احس نفسي انسانة مريضة لأني عندي هيك تفكير
رح احكيلكم قصتي بكل تفاصيله وبتمنى انكم تتفهموني وتنصحوني واذا بالامكان تدعولي لأني محتاجة دعواتكم
في اشياء كثيرة غلط بحياتي
مثلا انا باعرف انو العلاقات بين الشباب والبنات حرام وماتجيب الا الهم ووجع الراس وغضب الوالدين والرب سبحانه وتعالى،ومع ذلك تعرفت العام الي فات على شاب في احدى المنتديات ، في الأول كان مجرد رد على مواضيع ،كنت كلما اكتب موضوع دايما هو اول واحد يرد عليه،ولما اشارك في اي موضوع حتى لو مو الموضوع الو يقتبس مشاركتي ويرد على مشاركتي مو الموضوع ،لفت انتباهي بهالطريقة،وحاولت اتجاهلو كثير بس، النفس والشيطان وانتو تعرفو الباقي، بدأ يبعثلي رسائل عالخاص في الأول مابرد عليها وبعدين رديت وياريتني مارديت ـوفي يوم بعثلي ايمايلو بأضفتو حكينا عالامايل، حاكلي انو معجب فيني واني مو مثل البنات وهيك كلام، ولأني والله العظيم اول شاب احكي معاك هو هاذ الشاب صدقتو وفرحت كثير وقلت خلص هذا هو زوجي الي رح يكون سندي وكل شي الي بها الدنيا ، وبعدها صار يحكي عالزواج وانو لازم نتعرف اكثر لحتى يجي يخطبني ووو ، واقترح انو يجي ويقابلني،ترددت كثير لكن اصرارو وكلامو وخاصة لما قال انو لو ماشافني كيف رح يعرف بيتنا ويجي؟؟؟ قبلت اقابلو بعد مدة 6 اشهر من الحكي في الايمايل واعطاني رقمو ، واجا وقابلتو في الجامعة وبحضور صديقة الي ، وتخيلو شو صار بعد هالشي،
لما رجع لبيتهم اتصل وقالي اني بنت غبية واني كيف بجيب معي صديقتي وان خوفي هاذ هو الي رح يخليه يبعد، قلتلو ان كان بدك تبعد من شان هالسبب الله معك، لأني مابجبر حدا على وجودو معي، وطلع فعلا من حياتي، تعبت كثير بعدها خصوصا اني تخليت عن مبدأ من مبادئي اني ما رح احكي مع حدا قبل الزواج ، وبعدها بشهرين اتصل، شفت الرقم مباشرة رديت لأني اشتقتلو بس لما حكيت معو حسيت ان كرمتي في الأرض، قالي اتصلت بس اطمن عليكي،وقالي انو مستعد يجي يخطبني بس لما يقابلني لوحدي، سكرت التيليفون بوجهو، وكسرت الشريحة من شان ما احكي ابد ماعه مرة ثانية، واشتريت شريحة ثانية، بس حسيت بفراغ كبييييييير بحياتي ، وامبارح نفسي الأمارة بالسوء خلتني ادخل لموقع للتعارف، وبعثلي واحد رسالة حكيت معو هو كمان ، واعطيتو الرقم الجديد، ولما اتصل كسرت هالشريحة كمان وهالشي صار اليوم ، هلا انا من دون تيليفون وقررت اني اقطع كل شي يخليني امي فطريق غلط.حتى النت قررت ما ادخل منتديات مختلطة، وبدي مساعدتكم اخواتي ، ادعولي الله يرزقني بابن الحلال ، ادعوووووووووووووولي، انصحوني ،وادعولي يهديني ربي ويثبتني ويثبتكم امين يارب العالمين
انا بحاجة لدعائكم حبيباتي


>>>>> ردود الأعضـــــــــــــــــــاء على الموضوع <<<<<
==================================


حبيبتي الله يثبتك والله انك عاقلة وفيك خير

من ترك شيئا لله عوضه الله خيرا منه

الله يعوضك ويرزقك بالزوج الصالح ياااااااارب

والله يثبتك بعقلك ويبعد عنك عيال الحرام يااااااااااارب


__________________________________________________ __________

والله ياختي المشكل تعاني منه جل الفتياة..الفراغ العاطفي..وخصوصا بعد ان تتجاوز البنت ال20 وبتدي تضن انو اي شب كلمها اكيد هذا هو زوج المستقبل...اختي كوني اكيدة انو الي بدو يتزوجك مكتوب عند رب العالمين..وانو الي بدو ياكي بالحلال مارح يقوليك بدي اشوفك لوحدك وهيك شغلات...كمان دخولك على مواقع تعارف هذا شغل خاطئ ويارب يبعد كل اخواتنا عنو لانو اتزكري ديما انو اي حدا دخل ع هالمواقع الا وبدو بس يتعرف ع بنوتة يضيع معاها شوي وقت ويتسلا وياها وبيكون وحش قدام النت وبمجرد ما بيسكر الكمبيوتر بيرجع الشب انسان عادي وكانو ماكو شي صاير..اما البنت المسكينة بتتعلق بحبال الهوى وتتخيل انو اي شب حكاها رح يكون الزوج لها...اختي صاحبت المشكل..ابتعدي عن الخرابيط..وحاولي تتقربي من الله عز وجل لان الفراغ العاطفي سسببو الفراغ الديني..اختي الفاضلة.. ربنا يرزقك بابن حلال يسعدك ويهنيك بحياتك ولا تنسي انو الزواج تكملت دين ...واكيد انتي تبي تكملي حياتك مع انسان محترم مش بتاع النت والبنات وهالخرابيط... لا بقا تامني لاحد وتعطي رقمك...وهداكي الله واصلح بالك اختي...عذريني اطلت عليكي...تقبلي مروري...يااااااااااااااااااااااااااااااارب يرزقك من فضلو


__________________________________________________ __________

مساالخير
سويتي عين العقل لما ماعدتي تردي ع الشب الاول لانو بيتسلى وتذكرك بس لما فضي!!!!
واوعي تضعفي اوتحاكيه عالايمبل اللي بدو يخطب ببعتلك اهله لانكن بعد حكي 6شهور عرفتوا بعض منيح وبالنسبة لشكلك شافه فخلاص مافي داعي لاي طلبات من طرفه وكنتي حكيمة لما اخدتي رفيقتك معك...
وكل اللي عم تعمليه من فراغك
اصبري انشالله الله يبعتلك ابن الحلال اللي يسر قلبك وخاطرك...
ولا تضعفي ابدآامام النت معظمه- اذاماقلنا كله-كذب وتنكروتأليف..
تقبلي مروري
تحياتي


__________________________________________________ __________

الله يوفقك ويحميك من اولاد السوا ويرزقك الزوج الصالح اللي يخاااف الله فيك وانتي بصراحه غلطي في البدايه بس الحمد لله ماتماديتي في الغلط وكسرك للشريحه بيدل على انة فيك خير وانك ماتحبين الغلط انصحك نصيحه لوجه الله انك ماتعيديها مره ثانيه لان الشيطان شاطر ويمكن يصير شي تندمي عليه طول عمرك وانتي اكيد فاهمتني لان الرجال بيتسلوا وماعندهم شي يخسرووووه وكل ماوسوس لك الشيطان قفلي النت وصلي له ركعتين تهدي بها نفسك والله يحفظك ويحميك


__________________________________________________ __________

المشاركة الأصلية كتبت بواسطة الأوركيدا
حبيبتي الله يثبتك والله انك عاقلة وفيك خير

من ترك شيئا لله عوضه الله خيرا منه

الله يعوضك ويرزقك بالزوج الصالح ياااااااارب

والله يثبتك بعقلك ويبعد عنك عيال الحرام يااااااااااارب

امين يارب العالمين
ربي يسعدك اختي الغالية مثل ما اسعدتيني

من ترك شيئا لله عوضه الله خيرا منه

ربي يعوضني خير يارب وان شا الله افرحكم اذا صار شي حلو

ربي يهدي كل بنات المسلمين امين يا رب العالمين