عنوان الموضوع : مغامرات حامل .. يعني اني هههه ج1 امراض النساء
مقدم من طرف منتديات نساء الجزائر

مغامرات حامل .. يعني اني هههه ج1



مسالخير يا بنات اليوم بدي احكيكلم مغامرات حملي ... اللي سبحان الله اكبر دليل على ( اذا اراد شيئا قال له كن فيكون) قصتي طويلة بس بضحك .. الطبيبة اللي ولدتني قالتلي لازم تكتبيها سميها مغامرات حامل ...هههه
يا بنات مو قررت اعمل طفل انبوب بعد سبع سنوات زواج وبعد محاولات اقناع زوجي ثلاثة سنوات الله يهديه هههه
مشينا بالتحضير للعملية وكلو تمام كنت اروح افحص الاباضة كل يومين . كانت الطبيبة زوجة الطبيب اللي يزرع هي نسائية بس هي مهمتها مراقبة البويضات بس ما تعرف تزرع . وهالمخلوقة روح قلبها تحط ايكو المهبلي بسرررعة ظققتني وفورا تكتبلي كمان ابر تحريص اخذت عشرين وحدة وهاد كثييييير
مش مشكلة انا شبعرفني اسمعها تحكي ارقام والممرضة تسجل ...و البويضات كانو كثار بس صغار .. ضلت تعطيني تحريض حتى صارت اكبر وحدة 21 ..
سحبوا مني 20 ومن يوم السحب بلشت المعاناة .. لما يأخذو منك بويضات عشرين وما فوق معناتا صار غلط وفرط تحريض ...

صرت احس بغازات بسيطة بالبطن وبعد يومين تم الارجاع ..زرعت اربعة وجمدت اربعة .. وبس رجعوني عالغرفة بالمستشفى كنت عم حس بالغازات اكثر مزززعجة .

قررنا نرجع ع درعا مافي داعي ننام بالمستشفى بالشام يومها قعدت بالمستشفى ثلاثة ساعات بعد العملية و قررت نروح .... الحمد لله سيارتنا مريحة. اخذ معنا الطريق اربعة ساعات بسبب الحواجز مع انه بالعادة ياخذ ساعة بس .. كنت ناوية ارجع من العملية عبيت اهلي فورا عاملين لي بيتزا ههههههه ويا بيتزا ما تمت هههههه
حاجز قرية اهلي سكر عالساعة 6 مساء وتنح مارضي يدخلنا ... ترجيناه لك معنا مريضة أبدا تنح مافي خواص ..
لك وين بدنا نروح يا جماعة بيتنا صار بعيد والدنيا صارت ع ليل وبالليل خطر المشي بس قررنا نغامر لكان ننام بالشارع هههه رجعنا من طريق زراعي عبيتنا ونحن بنص الطريق صار قصف ع قرية منعتنا من المتابعة يعني ضلينا مكانا لا نقدر نكمل ولا نرجع هههههههه
وانا الغازات من جهة وقال شو زارعة يا بعدي اقول بحالي اكيد ما علق ولا واحد وابكي
قررنا نروح ع جماعة نعرفهم من فترة قصيرة ب قرية قريبة عمكان تواجدنا ورحنا ودخلنا البيت وهدول الجماعة ما بيعرفوا شو يعني زرراعة صاحبة الدار عندا عر اولاد شلون بدها تحس فيي هههههه مع اني قلتلهم اني زارعة اليوووووووم !!!
قعدوني بالصالون قاعدة وعقلي يودي ويجيب عقلي مش معهم عقلي ببطني هههههههه
بعدين قال جوزي للمراة زكاتك خليها تتسطح ع تخت تعبانة من السفر ... دخلوني ع غرفة نمت ساعة... ساعة بس جاو بس اجو لعندي وقالولي قومي قومي في قصف ... ولكم يلعن ابو القصف بدي ارتاح بدي حس حالي وحدة طبيعية ترتاح بس تزرع

قمت بسرعة رحنا عدار اخو هدول الجماعة عاساس دار طابقين واأمن والامان بالله

نمت هديك الليلة وكل الليل احس مغص خفيف اوقول من كثر ما تنقلت يا حسرة ... اكيد مازبط شي
الصبح بكييير قلت لجوزي وك بدي اروح لو شو ماصار عالطريق بدي ارتاح عاد وروحنا عالبيت قبل الشحادة وبنتها ههههههههه
مارضيت افطر قلتلهم ما بفطر بالعادة مع اني جوعانه كنت وبس وصلنا عالبيت بالسلامة قلت لجوزي بسرررعة اكل اكل

كل هاد وبعدني ما بلشت معاناة وغازات البطن عم تزيد وحاسة بثقل ببطني كاني ماكلة خاروف
يااخي ببيته الواحد غيييير هههه زبطلي جوزي سرير صغير ب الغرفة و صار المسكين يقوم بعدة ادوار ممرض يدقني ابر تحت الجلد وابر عادية ويطبخ و يكنس و يشتغل ...

والغازات لا تزال تتصدر الصدارة و تزيد وبطني صار ينتفخ ,,,, اكيد عم تقولوا صرعتنا بالغازات ترى الغازات هي بطله القصة هههههههههههه

عملت العملية 18/7/2017 يوم الاربعاء قبل رمضان بيوم ...ماصمت طبعا ادوية كثير وباوقات مختلفة باليوم ... مر كم يوم وحاسة حالي مش مرتاحة بس اجا يوم الاثنين والا بطني كبر وكأني بالشهر الرابع او الخامس فجاة
صرت حس ان بطني كانو حجر و تعب ووهن امساك شديد جدا وضغطي ينزل كتييير...صرت اروح ع اطباء داخلية عاديين يفحصوا ع ايكو يقولوا ربما تشنج برد اشربي بابونج او زهورات
شربت والحالة عم تزداد صعوبة ..اتصلنا عالمستشفى اللي زرعت فيها يقولوا خذي دوا للامساك وزهورات ...اخر شي كان يوم خميس يعني بعد 8ايام من العملية اتصلنا ع المستشفى وجوزي يصرخ عليهم شو قصتها المرة خربت ؟!! أي اني خربت ههههههه
اخر شي قالوا له روح عاقرب طبيب نسائية خليه يفحص البطن اذا في مي ؟؟؟ رحت عواحد قريب ... و بفحص ايكو طلع المي كثيييير واصله عند الكبد والمعدة و الكلاوي ... وقال لجوزي حالتها بدي مستشفى ضروري ومش أي مستشفى بدها عناية كثييييير لانها حالة خطرة جدا


تعبت من الحكي ههههههه ترى هاد الجزءالأول .... مو الدكتورة قالتلي اكتبيه مغامراتك بالحمل ووين بدي اكتب بالجرايد مثلا ههههه مالي غير سيدتي

رحنا بسرعة ع مستشفى بدرعا المدينة خاصة دخلنا وصلنا 3 ونص مساء و الدنيا رمضان والقصف شغال بعد الساعة 4 مساء ممنوع تجول و جوزي المسكين ما لقى شي بفطر عليه غير كاس مي وحتى ما لقينا اطباء بعد مية واسطة اجا دكتور ركبلي سيروم وراح يركض عبيتو ههههههه

والله وطلعت حالتي اكبر من هي المستشفى ولازم نروح ع المستشفى اللي زرعت فيها هديك فيها اطباء و مستوى احسن ...
يوم السبت الساعة 6 صباحا انطلقنا عالشام وبكييير وبطني يا جماعة صار مثل الحامل بالشهر الثامن عدا هن الوجع والثقل ...
وصلنا المستشفى والكل يطلع علي وبطني كبيييير كثييير و الممرضات تذكرني وقالن هادا انتي ...اي هاد اني ولكم شو عملتوا فيني ... يعني حلو الحمل والوحدة بطنها يكبر بس مش خلال اسيوع يصير هيك

فحصوني وعملوا تحاليل و يومها عرفت اني حامل ,,,, يعني قبل موعد التحليل الاساسي باربعة ايام ...
وهنا مرحلة جديدة ومعاناة ما كانت تخلص ,,,

تعبت ههههه واكيد انتوا تعبتوا كمان
بكمل لكم بالجزء الثاااني ... بس شو متشوقين تعرفوا شو صار ؟؟؟

ورجوني الردود ..و الحماس . يلا





الجزء الثاني من القصة

مغامرات حامل (ج2) هلموا يا بنات


الجزء الثالث والأخير من القصة

مغامرات حامل .. ج الاخير




 [/COLOR]

>>>>> ردود الأعضـــــــــــــــــــاء على الموضوع <<<<<
==================================


يلاااااااااااااااااا نبغي الجزء الثااااني بسرررررررررررعه قصة رووووعه و مشوووقه لك هاذ مسلسل باب الحارة ولا شووو هههههههههههههههه . حبيبتي الله كان في عونك ما كنت اعلم انك عانيتي هيك بقدر ما اعجبني اسلوبك في السرد و دعابتك و الدراما الممتعه الا انني تألمت داخليا لحكاية القصف . اثرتي فيا حقيقة . الله يرفع الظلم عن المظلومين و يرجع الامن و السلام لاهل سوريا ياااا حي يا قيوم .
فسحه نسيت اقولك انني رديت على سؤالك ليا في موضوع ماسنجر الراغبات بالحمل بس انتي مريتي عالاجابة من دون ماتعلقي .. بدي اعرف انتي شفتيها ولا لا ؟


__________________________________________________ __________

ياحبيبتي الله يرفع عنكم الظلم يارب
حسبي الله ونعم الوكيل


__________________________________________________ __________

فرجينا في بقية المغامرة بدي أعرف شو صار معك
الله يعينك... على اللي فات و حكي لنا اللي جرى بعدها يلللاااااااااااا


__________________________________________________ __________

هههههههه لك ذكرتيني بالقصف ولايام لسوووووودا يلي عشناها وووووولي الله يهدي لوضع يارب ويفرجا

بدي اسئلك وين بشام ساويتي لعملية وكم كلفتك؟؟

ويلا امانه لاتطولي بالجزء لتاني ناطريييييينك


__________________________________________________ __________

المشاركة الأصلية كتبت بواسطة زوجة بلا اطفال
يلاااااااااااااااااا نبغي الجزء الثااااني بسرررررررررررعه قصة رووووعه و مشوووقه لك هاذ مسلسل باب الحارة ولا شووو هههههههههههههههه . حبيبتي الله كان في عونك ما كنت اعلم انك عانيتي هيك بقدر ما اعجبني اسلوبك في السرد و دعابتك و الدراما الممتعه الا انني تألمت داخليا لحكاية القصف . اثرتي فيا حقيقة . الله يرفع الظلم عن المظلومين و يرجع الامن و السلام لاهل سوريا ياااا حي يا قيوم .
فسحه نسيت اقولك انني رديت على سؤالك ليا في موضوع ماسنجر الراغبات بالحمل بس انتي مريتي عالاجابة من دون ماتعلقي .. بدي اعرف انتي شفتيها ولا لا ؟

يا هلااااا زوجة
والله لما اتذكر هلا شو اللي صار بضحك ههههههه
مغامرات مكثفة كل هاد بعشر ايام هههههههه
لو تشوفوا شو صار فييني بالمستشفى هههههههه

يتبع

هلا رديت يا عمري ما كنت شايفة ردك كان قبل الصفحة الاخيرة وانا دورت بالاخيرة ...

امين الله يرفع عنا هاد الظلم ... اهم شي القصف يوقف يارب والله ما معه لعب هاد مصيبة حسبنا الله بس .. ادعولني خواتي الحبيبات في قلوبكن ...