عنوان الموضوع : بنات ساعدوني مقهوره لتأخر الحمل
مقدم من طرف منتديات نساء الجزائر

بنات ساعدوني مقهوره



السلام وعليكم
بنات انا توني جديده في المنتدى وابى اكتب مشكلتي مع الحمل وان شاءلله ماراح اطول عليكم وياريت لو تساعدوني او حتى دعوه بظهر الغيب راح ابدا على طول عشان ماطول عليكم
انا متزوجه صار لى سنتين وتسع شهور حملت مره واجهضت (سقطت)
ومن بعدها دورتي ما انتضمت وماتنزل الا فدوا والدواء اسمه دفستون ينزل الدوره ونفس الوقت يثبت الحمل اذا استواء حمل تنتضم الدوره شهرين وترجع توقف ما تنزل اروح لدكتوره تعطيني الدواء سويت كل االفحوصات وسويت اشعة الصبغه والحمدلله كل شىء تمام غيرت الدكتوره ورحت عياده خاصه اول يوم رحت قالت لى الدكتوره فيه دم متجمع عند المبيض اليمين وقالت احتمال يكون التهاب مزمن ويمكن يكون هو الى مانع الحمل وقالت اخذ دواء مضاد لمدة اسبوعين وبعدين ارجع لها عشان يبين اذا التهاب مزمن والا لا ورجعت لها وقالت الحمدلله الدم راح ومافي التهاب ولا شىء بعد فتره جاني الم في الجه اليمين ورحت المستشفى وتنومت اربعة ايام وللعلم جاتني هالحاله من قبل مرتين بس مره الى تنومت فيه ومره عطوني ابره وروحت المهم كانو يشكو انها الدوده الزايده واخر مره قالو لى انه المبيض ملتهب وهو الى يسوي لى الالم المره الى قبلها يوم تنومت ماقلو لى شىء ودكتورة نساء شافتني وما قلت فيني شىء ماعرف كثير تعبت مافهمت بضبط شو الى فيني المهم اكمل بعد ماطلعت من المستشفى على طول رحت عند الدكتوره النسايئه وقلت لها الى استواء وعطيتها التقرير وقالت لى ايه هم مو محددين انه التهاب في المبيض او تكيس قالت نفس المشكله الى يوم جيتي عندي وكانت موجوده بس يوم رحت عندها ماكانن في الم وسوت لى اشعه وبعدين قالت لى خلاص احنا لازم نتابع ونسوي كل شىء عشان تحملى انتي لازم تحملى عشان الم مايرجع مره ثانيه وقالت لى خلاص عاشر يوم الدوره تعالى لى عشان نشوف شو نسوي ونبداء باول خطوه تخيلو سنتين وتوني ببداء باول خطوه قهروني والله تعبت انزين قبلها عطتني دواء عشان ينضم دورتي بس شهرين قالت اخذه والشهر الثالث بتنزل من دون ماخذ الدواء انا ماخذته والحين خلص الشهر ودخلنا بشهر ثاني ومانزلت اتصلت في الدكتوره قالت لى اوك حبيبتي خذي الدواء ونزلى الدوره وارجعي لى عاشر يوم الدوره قلت لها انتي قلتي ماخذ دواء وانتي تبغى تسوي كل شىء ونتابع من دون الدواء وكان فيني الم وقتها في الجه اليمين وقلت لها سوت لى طاف تعبت الحين الدوره ما نزلت وانا قلت ماراح اخذ الدواء لين ما تنزل بروحها ولين الحين ما نزلت انا قلت مصيرها تنزل هالدوره الى مدوختني بنات الى فهمت شىء من حالتي لاني انا نفسي ماني فاهمه شىء كل واحد يعطيني كلام انا الحمدلله راضيه بالى يكتبه لى ربي بس ابغى اعرف شو الى فيني بضبط لاني ماني فاهمه مره يقولو تكيسات ومره ولا شىء والحين سالفة هالمبيض وانا معانده في دورتي ودوها معرف شو بس تعبت اروح المستشفى وارجع ولا مسويه شىء تعب وتعرفو روحت المستشفى مش سهله تعب ومرض تعبت والله تعبت ياريت لو تساعدوني وتحملوني بنات لاني طولت عليكم بس والله من القهر الى فيني الله يخليكم الى تقدر تساعدني تساعدني والا ادعو لى ربي يفرج همي ويرزقني الذريه الصالحه ويرزق كل محرومه يارب
ومثل ما قلت لكم توني جديده بس على طول دخلت هني واعرف انتو كثير تساعدو بعض هني هذا الى خلاني اشترك واكتب لكم مشكلتي ياريت تساعدوني او تنصحوني بشىء ربي يرزقكم ويحقق لكم الى في بالكم يارب
واسمحولى عاد طولت عليكم بس تحملوني

>>>>> ردود الأعضـــــــــــــــــــاء على الموضوع <<<<<
==================================


الله يشفيك ويطمن قلبك

التكيسات تعمل لخبطه بالدوره
وايضا لخبطه الهرمونات مثل ارتفاع هرمون الحليب تلخبط الدوره
اعملي تحليل لهرموناتك

واستخدمي خلطه الشيخ ابراهيم الرويس للتكيسات والحمل<<الطريقه بمواضيعي أو ابحثي بقوقل

وربنا يرزقك الذريه الصالحه ^.^


__________________________________________________ __________

مشكوره حبيبتي وماتقصري رونق الحبوبه


__________________________________________________ __________

معقول مافي احد يرد علي بس رد واحد


__________________________________________________ __________

الله يسامحكم والا حتى دعوه ولا كلمه ولا حتى رفع للموضوع
اشتركت في هالمنتدى عشان تساعدوني وشفت مشاركاتكم ومساعداتكم للبنات
توقعت تساعدوني او حتى اي كلمه القى منكم بس ولا احد ردت
على العموم ربي ييسر اموركم ويرزق كل محرومه الذريه الصالحه يارب


__________________________________________________ __________

السلام عليكم ورحمة الله وبركاته

اهلا وسهلا فيك اختي في المنتدى نورتيه بوجودك

وان شاء الله تفيدي وتستفيدي معنا

ولاتزعلي اكيد البنات ماراح يقصرون لو عندهن اي معلومة

نرجع لموضوعك

كلامك صحيح انك تزهقي من كلام الدكاترة وكل دكتور يقول لك شئ,,,

على ما اعتقد ان عندك خلل في الهرمونات مما يسبب لك تاخر في الدورة

وكذلك عندك ضعف تبويض

فلازم عليك تابعي مع دكتورة وحدة خاصة بالحمل ولاتغيريها

ولازم تعمل لك كل التحاليل للهرمونات

وتعطيك دواء ينزل الدورة ولما تنزل تروحي لها في اليوم 12 عشر من اول يوم حتى تشوف اذا في

تبويض أم لا

لان الدورة الملخبطة تاخر الحمل

والدواء الذي ينزل الدورة تعتبر دورة اصطناعية ويكون تبويضها ضعيف بس مايهم فيك تأخذ منشطات

ومرات يصير حمل بتوأم

بالتوفيق حبيبتي

وربي يعوض صبرك وصبر كل منتظرة بتوأم

وأتمنى انك لاتزعلي منا