عنوان الموضوع : ملف مشترك لجميع العروسات المصريات تجهيزات عرايس مصر -للعروس
مقدم من طرف منتديات نساء الجزائر

ملف مشترك لجميع العروسات المصريات تجهيزات عرايس مصر



السلام عليكم
ازيكم كلكم يابنات يارب ديما تكونوا بخير طبعا الجواب باين من عنوان

قبل اى حاجة الموضوع ده ان شاء الله هيفيد اللى لسه متخطبتش وبتجهز واللى مخطوبة وبتجهز والمتجوزة وعايزة تشترى حاجة وحابه تستفسر عنها

الموضوع ده انا شوفته فى منتديات كتير وبصراحة الموضوع مفيد جدااااااااااالكل عروسة بتجهز
فكل مجموعة بنات من كل بلد بتعمل تجمع ليها خاص للتجهيزات فقط فيه البنات بتتبادل خبراتها فى موضوع التجهيزات اللى مش عارفة بتعرف واللى عارفة بتستفيد اكتر والموضع شامل كل جهاز العرايس من (عفش --ادوات المطبخ -مفارش -الديكورات -لبس البيت-واللانجيرى)
يعنى مثلا نجيب اد ايه من حاجة معينة فى المطبخ الاسعار ايه ايه احسن الاماكن وبكده نكون مش محتارين وعارفين هنجيب اد ايه وبكام عشان محدش يضحك علينا
وهنتكلم على بشرتنا وشعرنا ازاى نهتم بيهم ومنين نجيب مستخضرات التجميل اللى هنشتغل بيها وايه احسن عطارين نقدر نشترى من عندهم واماكنهم
وايه اللى المفروض العروسة تعمله قبل جوازها من اهتمام بجسمها وبشرتها ومظهرها فى البيت من غير مانروح لمراكز تجميل ولا كوافيرات وحد يطلع على عوراتنا
وفيه مواضيع بتبقى شاملة
الكوافيرات والاتيليهات والقاعات بس بصراحة انا مش عايزة ندخل فى الموضوع ده لان كل بنت ممكن تفيد التانية فى موضوع زى ده هتاخد ذنب لان كل الرجالة اللى هيشوفوا اختنا العروسة لو فرحها مش اسلامى الذنب هيعود على اللى ساعدت العروسة وكمان لو حد حضر فرح فى قاعة فيها الفرح مش اسلامى اللى هتكون ساعدت العروسة هتاخد ذنب كل حد سمع اغنية او رقص رقصة على الاغانى فى الفرح فبلاش ندخل فى حاجة فيها حرام ممكن تغضب ربنا سبحانه وتعالى مننا انا عارفة ان موضوع الكوافير والاتيليهات والقاعات ده مهم جدا فى موضوع التجهيزات وانا من الناس اللى هبقى محتارة فى الكوافير والاتيليه والقاعة لانى هعمل فرحى مش اسلامى بس هنعمل ايه مش عايزة حد يأخد ذنب ولا انا كمان أدى ذنب لحد ولا أخد ذنب من حد
وممكن نفيد بعض فى الكوافيرات والاتيليهات والقاعات للبنات اللى فرحهم اسلامى فقط دول بس اللى نقدر نجيب ليهم معلومات وعناوين تفيدهم
يارب الفكرة تعجبكم زى ما عجبتنى وتشاركونى ونفيد ونستفيد من بعض فى الخير ديما ان شاء الله

وكمان الموضوع ده هيفيد البنات اللى لسه متخطبوش لان فيهم بنوتات برضه بيجهزوا فهيدخلوا وهيشاركوا وهيستفيدوا معانا

وياريت برضه لو المتزوجات يدخلوا ويفيدونا بتجاربهم جابوا جهازهم منين وجابوا حاجات اد ايه ايه اللى احتاجوا ومكنوش جابوه ايه اللى جابوا وكان زيادة وندموا انهم جابواواهتموا بنفسهم ازاى قبل الجواز وكده يعنى وبرضه لو المتزوجه عايزة تشترى حاجة فى بيتها وعايزة تستفسر تحط استفسارها واحنا باذن الله نساعد بعض على اد ما نقدر

وان شاء الله كمان نلاقى الموضوع عجب الجميع فى المنتدى ونلاقى مواضيع تجهيزات لكل بلد موجودة معانا فى المنتدى زى مافيه تجمعات للتعارف والدردشة لكل بلد فى المنتدى
ويارب كل اللى متخطبوش يتخطبوا واللى متجوزوش يتجوزوا واللى مخلفوش يخلفوا
وان شاء الله نقدر نساعد بعض ونستفيد
ياله بقى ورونى احلى مشاركات

>>>>> ردود الأعضـــــــــــــــــــاء على الموضوع <<<<<
==================================


وانا اهو هضيف اول مشاركة فيها اوعية المطبخ
يارب تعجبكم
الموضوع منقول

أوعية الطبخ:


1- السلستيل والألومونيا


- طقم حلل (سلستيل مع ألومنيوم) مختلط.. وهذا من أفضل الأنواع لأن السيليستيل وحده أو الألومنيوم وحده مضر بالصحة.
- جزرونة - لبانة - 2 كنكة للقهوة (صغير + كبير) - طاسة صغيرة للأوملت - مصفى كبيرة بدون يد للمعكرونة - 2 مصفى بيد (صغير وكبير)
- 2 صينية فرن (كبير ووسط) دائري ومستطيل
- 6 ملاعق كبير - 6 ملاعق صغير - ست شوك كبير - ست شوك صغير - ست سكاكين أكل (((((للاستعمال اليومي))))))))))
- طقم مغارف (كبشة - مغرفة - إلخ...)
- براد شاي عادي + كهربائي (حسب الحاجة)





2- طقم حلل صاج(6 قطع)






3- التيفال:

عدد حلتين تيفال او ثلاثة حسب الحاجة (وسط + كبيرة) للأرز وغيره من المأكولات لأنه من المعروف ان التيفال أفضل نوعية حلل لعمل الأرز.. لأن الطعام لا يلتصق بها.. وانا لا انصح بشراء الطقم كاملا.. نظرا لغلائه الشديد.. ولكني انصح بشراءه فردي..
- عدد 2 صينية فرن (مدورة - مستطيلة) واحدة كبيرة والأخرى متوسطة.
- عدد 2 طاسة (واحدة كبيرة لتحمير البطاطس والأحجام الكبيرة والأخرى لعمل الأوملت).
- عدد 1 جزرونة
- عدد 2 قالب كيك
- طقم مغارف.




4- طقم طواجن عدد 6 قطع (2 صغير - 2 كبير - 2 وسط) للطعام بالفرن




5- طقم صواني فرن بيركس (6 قطع : 2 كبير - 2 صغير - 2 وسط) للطعام بالفرن.. وانا انصح ان تشتريه بالسبت الخاص به.. شكله جميل.. ويمكن تقديم الطعام على المنضدة بنفس الصينية التي سوي فيها الطعام.. توضع في السبت الخاص بها.. ولا داعي لتفريغ الطعام في وعاء آخر. ولا تشتريهم كلهم نفس الشكل.. اشتري مثلا لكل حجم نوعين.. واحدة دائرية والأخرى مستطيلة.. وهكذا.. ولكن لا تنسين ان تشتريها بيد من الناحيتين.. لأن معظم اطقم البيركس لا تكون بيدين من الناحيتين.. فيسبب ليديكي الاحتراق واللسع. ولا تنسي ان تشتري الصينية الخاصة بالبيتزا




6- الحلة الكهربائية إن أمكن.






- أدوات المائدة:

1- شنطة المعالق والسكاكين والشوك.. وعادة ما تأتي في شنطة كبيرة وجميلة بأكثر من دور.. وتكون أدوات المطبخ ملونة بالذهبي وهي ليست للاستعمال اليومي.. وإنما عادة ما توضع في النيش أو دولاب غرفة السفرة للتزيين فقط.. وايضا تستعمل حين قدوم الضيوف.. وأنصحك بالنوع الإيطالي.. فهو من أفضل الأنواع على الإطلاق.. ويكون معها ايضا طقم المغارف.


2- طقم سكاكين منوعة (سكاكين رفيعة .. سكاكين لتقطيع اللحوم - سكاكين صغيرة وكبيرة)






- أوعية الطعام:

1- طقم صيني (لا يقل عن 96 قطعة ويصل عادة إلى 150 قطعة) ومن أفضل وأغلا الأنواع على الإطلاق هو النوع الياباني.. فخم جدا ومظهره رااائع
ومن بعده الألماني..


ويتكون طقم الصيني من عدة أشياء

أولها اطباق مصلطحة وأطباق غويطة - وأطباق سيرفيس لتقديم الدجاج وغيرها - وعاء الشوربة - طقم الشاي - طقم القهوة - اطباق صغيرة للجاتوه والحلوى - ونزل في الأسواق حديثا طقم الصيني مع الملاعق الصيني الخاصة به.
ويتراوح سعر الياباني في الكويت ما بين ال (120 إلى 150 دينار كويتي) أي بالمصري 3000 جنيه
ولكن رأيت في إحدى المرات طقم صيني ياباني اعجبني شكله جدا وكان تقريبا ب 140 دينار.. ولكني رأيت مثله تماما في مصر ب12 ألف جنيه.. أيا كان ما ستشتريه .. فتذكري ان له عمرا افتراضيا وسينكسر في يوم من الأيام..
لذلك لا أنصحك أبدا بأن تشتريه باهظ الثمن حتى إذا ما انكسر حزنتي عليه حزنا شديدا.. كما ان الوسط مطلووووب.





2- طقم أركوبال او ميلامين للاستعمال اليومي
(أنتي وزوجك أو الناس المقربين جدا مثل أهلك وأهله) .. وهو لا يتكون من 96 قطعة كما هو الحال في الصيني.. ولكنه يسمى بطقم العشاء.. يعني يكفي أفراد العائلة فقط.





3- طقم الخشاف (طبق كبير ومعه 6 أطباق وتكون هذه النوعية من الأطباق غويطة لوضع الخشاف فيها او الفروت سالات او الجيلي والمهلبية وغيره.




4- طقم الكاكاو




5- 6 فناجين قهوة للاستعمال اليومي..




6- طقم شاي (البراد والوعاء الذي يوضع فيه الحليب مع الفناجين وأطباق الفناجين)
وهنا اترك الخيار لكي .. فهناك مثلا طقم شاء بالرافعة الحديدة او السبت الحديدي الذي يوضع الطقم بداخله وتحملينه إلى مجلس الضيوف بالرافعة وتضعينه .. او طقم استكانات الشاي العربي .. وهي في منتهى الروعة وتأتي معها الملاعق الذهبية الصغيرة جدا.. وأيضا يأتي الطقم كاملا عادة مع فناجين القهوة.. وهذا النوع يوضع للتزيين في النيش وايضا يستخدم في حالة الضيوف.




7- طقم فخار.. (حسب الحاجة) ويتكون ايضا من براد الشاي ومعه الفناجين والأطباق.




8- طقم الشوربة.. (طبق غويط مع الفناجين والأطباق الخاصة به)




9- 3 صينية للاستعمال اليومي للمقربين.. ولا تشتريها باهضة الثمن فهي للاستعمال اليومي..




10- طقم صينية عدد 3 قطع (كبير - وسط - صغير) للضيوف وأيضا يوضع في النيش.




11-طقم توابل يعلق بالمطبخ او يوضع على منضدة المطبخ كما تشائين.

12- بونبونيرة لتقديم الحلوى والشوكولاتة وهناك العديد من الأنواع الكريستال أفضلها
منقوووول


__________________________________________________ __________

ياله بقى ورونى الهمة عشان فيه حاجات كتيييييييير عاوزة اضيفها


__________________________________________________ __________

انا بدوري ثبت الموضوع واتمنى منك دعوت العروسات المصريات


يشاركو معك ولو تزودي الموضوع بصور بيكون الاحلى


__________________________________________________ __________

جزاكى الله خيرا يااختى انا دعوت بعض البنات وان شاء الله المشاركات تزيد ونستفيد ياااااااااااااارب
واكيد الموضوع اللى يحتاج لصور هضيفها على طوووووووووووول
شكرا للتثبيت


__________________________________________________ __________

السلام عليكم

اختي و حبيبتي "حبيبة"

بارك الله فيكِ يا قلبي

موضوع تحفة و رائع و بما اني لست عروسة و لا حتي مخطوبة
بس الموضوع عجبني جدا

و انا مجهزة نفسي بكل الاشياء التي تحتاجها العروسة ماعدا الأجهزة الكهربائية
و أحب اشارككم كلما سمح الأمر في طرح بعض الأشياء التي تحتاجها العروس

المهم سؤال:
هل صحيح أن اللحاف الفيبر يمكن غسله في الغسالة الأتوماتيك فعلا؟
أم يمكن غسل فقط الغطاء الخارجي له؟؟
و سؤالي هذا حتي أحتاط في شراؤه و عمل شئ في تفكيري


مع حبي
"مينو"