عنوان الموضوع : عطرك المميز اعمليه بالبيت -جديد
مقدم من طرف منتديات نساء الجزائر

عطرك المميز اعمليه بالبيت



حلو الوحده يكون لها ريحه تميزها وتعرف فيها عند الاهل والزوج والاقارب والصديقات....
طبعا معروف انو عطر المرأه الاساسي هو الماء...فاي عطر مهما كان غالي ومميز ماتطلع ريحته الا على جسم نظيف

اسهل واحلى طرق لعمل العطور والكريمات واللي تقدرين تعملينها لنفسك وتميزك عن غيرك..

اول شي راح اتكلم عنه الصابون....


وفيه طرق كثير بس هذي افضل شي

ابشري صابونه أي نوع تفضلين(دوف_ كامي_لوكس)

ابشري نفس المقدار من المسك الجامد

حطيهم بعلبه وعند الاستحمام
خذي كميه منها بالليفه وافركي جسمك فيها واستمتعي


ابشري عدة انواع من الصابون المفضل لك وحطيها بعلبة زجاج وامليها بالماء واتركيها عدة ايام عشان تذوب وتصير مثل البلسم تقدرين تستخدمين الصابون لجسمك او في غسيل ملابسك الداخليه


فنجان من مكعبات المسك مبشورة
كاس ماء ورد
جل شور المفضل لك تخلطينها مع بعض واستخدميهم بالاستحمام


خذي كميه من صابون الجسم السايل واضيفي
عليه شوي دهن العود العادي وافركي جسمك به عند الشطف الاخير



بعد ماتستحمين وتخلصين يبغى لك كريمات معطره لجسمك



لازالة رائحه العرق....

1-خذي ليمونه كبيره واعصريها وابشري قشرتها
حطيها بعلبه واضيفي عليها بيالة جلسرين سايل
وحطيها بعلبه واحفظيها بالثلاجة وممكن تضيفين ملعقة شبه مطحونه



2-ملعقة ونصف شمع العسل يذوب بحمام مائي ثم تضيفين ملعقة زبدة الكاكاو واخلطيها مع بعض واذا ذابت ابعديها عن الناروتضيفين لها
ملعقة زيت جوز الهند ,15 نقطه من زيت الزعتر,و15 نقطه من زيت اكليل الجبل,و25نقطة من زيت الخزامى
وثلاث نقط من زيت الخروع اخلطيهم زين ثم صبيهم في علبه خاصة بمزيل العرق


كريمات الترطيب

1-كريم ماء الورد للجسم
علبة لوشن من بيبي جونسون_علبه بيبي اويل- كاس ماء ورد
ربع توله مسك او خزامى
تخلط مع بعض بعد الاستحمام يدهن الجسم بالكريم
ثم يغسل بماء فقط دون دعك



2-كريم المسك للجسم
استخدمي أي كريم مفضل لك
واضيفي له مسك ابيض سايل



3-فرغي شوي من اللوشن الخاص فيك
واضيفي للباقي منه ربع تولة مسك
ربع توله من عطر كاميليا
رجيها زين واتركيها ثلاث ايام بعدين استعمليها



4-زيت مسك العروسه للجسم
علبة زيت لوز –تولتين مسك العروسه-ربع توله مسك روز
ربع توله مسك الزهور-نصف فنجان مسك جامد مبشور
نقطتين دهن العود
تخلط مع بعض ثم تحفظ مدة يومين بعدين تستخدم بعد الاستحمام


5-كريم مرطب ماله ريحه
زي كريم الجليسوليد الاحمر او كريم الهملايا او كريم بيبي جونسون الوردي
ومسك بالريحة اللي تفضلينها ممكن مسك روز
و مسك انانيا او بودرة دهن العود من عبدالصمد ( يعني على حسب الريحه اللي تعجبك)
وزيت بيبي جونسون الوردي

تخلطي الكريم بالزيت وتحطي نقط من المسك او مقدار ملعقة صغيرة من البودرة
وبس وصار عندك لوشن بعطرك اللي تحبيه وامشي بالبيت واعتبري نفسك فواحة

جيبي لوشن جليسوليد بالمسك واضيفي عليه تولة مسك بالتوت من زهور الريف



بودرة الجسم

1-كوب مسك مطحون
نصف كوب هيل مطحون
نصف كوب بودره الاطفال
نخلطهم مع بعض في الخلاط ونضعهم في العلبه
وبعدها تستعمل لكل شئ
للجسم والملابس وللا أطفال
وبعد الاستحمام


باقي الشعر
وهذي عدة خلطات تقدرين تسوينها بكل سهوله..(.خمريات شعر )


1-توله من عطر جفنشي-توله من مسك الورد-شوي دهن عود تخلط مع بعض ثم تستخدم

2-تولة عطر جادور- تولة مسك متسلق تخلط مع بعض ثم تستخدم


3- نصف توله مسك متسلق- ربع توله دهن العود-قليل من دهن الورد الطائفي





العطر



تقدرين تسوين عطرك باي ريحه تحبينها

وعشان تقدرين تسوين عطرك
لازم يكون عندك كحول نقي ( موجود عند محلات اللي تبيع العطور مثل .. اجمل... )
زيت عطري سوآء كآن دهن عود أو زيت عطر فرنسي أو زيت عطر فوآكه أو ورد ... الخ
علبه فاضيه
قمع

صبي في العلبه الزيت العطري الى الربع يعني الزيت يكون ربع العلبه وثلاث ارباع كحول
وسكريها اتركيها يومين في مكان بارد ومظلم ثم استخدميها


تقدرين تخلطين اربع اوخمس من الزيوت العطريه لعطورك المفضله في علبه وتخلطينها زين وتسكرينها وتحفظينها بمكان بارد ومظلم لمدة اسبوع بعدها تقدرين تستخدمينها
مركزه
اوتضيفين لها كحول نقي عشان تخفف
او تضيفين نقط لكريمك الغير معطر مثل جلوسوليد او فازلين
او لسيروم الشعر

وبكذا تكوني فواحه
اتمنى يعجبكم وتستفيدون منه(منقول )

>>>>> ردود الأعضـــــــــــــــــــاء على الموضوع <<<<<
==================================


تسلمين ..


__________________________________________________ __________

الله يعطيك العافيه


__________________________________________________ __________

سلمت يمينك تحياتي


__________________________________________________ __________

الله يجزاك خير على المعلومه الحلوه


__________________________________________________ __________