عنوان الموضوع : زي الهبلة قصيت شعري -للشعر
مقدم من طرف منتديات نساء الجزائر

زي الهبلة قصيت شعري



السلام عليكم

يا بنات فزعتكم

كان شعري لنص ظهري
كان كثيف بس زيادةعن اللزوم كنت احبه لنه واخيرا صار سابل يعني مو نافش كنت اموت فيه بعدين جا يوم من الايام وقررت اقص شعري مع انها مو اول مرة اقص شعري

المهم امي حذرتني وقالت لي بنفش شعرج وبيصير كشة ومارح تعرفين تسوين فيه تساريح زي العالم والخلق

وانا زي الهبلة قلت لها بسشور شعري

انا ماعرف اسشور شعري عدل واصلاً مالي خلق اسشوره بس قلت بسشوره

ورحت زي الخبلة قصيت شعري

طبعاً تعرفون التسريحة الي اقصر من الكتف وطويل من جدام


وطبعاً مافهمتوني

اوك فتحو عالجوجل وكتبوا :
jesse j
هذي مغنية اجنبية

المهم صار شعري نفسها ماعدا القذلة

اوك واول ماقصت لي شعري قلت لها تسشور لي اياه طلع شعري جنااااان وحلوووو
ظليت اسبوعين بدون ما اتسبح علشان كنت مستانسة عليه واول ما تسبحت اخترعت من شعري

كان ناااااافش صح اني مارح اقعد عليه وقت امشطه بس انا نوع شعري لو مشطته ينفش

المهم ابي اسبل شعري علشان يكون ستريت ما تنسون شعري كثيف ومجعد بطريقة مو طبيعية

وابي اسبله بالبيت لأني مو فاضية اروح صالونات فأي نوع احسن من غيره؟؟؟

وامانة الي جربت تسبيل الشعر فالبيت او حتى بالصالون تقولي اسمه


وامانة واقسمت عليكم بالعزيز الجبار الي تعرف تساعدني ماتبخل علي

للمعلومية انا نوع شعري ناعم بس كثيف ومجعد

مشكووورة خذيت من وقتكم

ويييي صح ابي بعد اطول شعري

ولي تعرف طريقة تطويل الشعر بدون خلطات بدون بطيخ تقولي بيييييز

>>>>> ردود الأعضـــــــــــــــــــاء على الموضوع <<<<<
==================================


استخدمي زيت عافية وحلبة واذا تبين الطريقة ارسليلي على الخاص

مو فاهمه وش يعني تسبيل قصدك تنعيم


تقبلي مروري


__________________________________________________ __________

قصدك كيرآتين يعني؟


__________________________________________________ __________

عزيزتي طفلة الحب اقصد بالتسبيل يعني تمليس

وعزيزتي لمياء
انا سمعت عن الكيراتين بس ماعرف اذا هو زين او لأ؟؟؟
بس المهم اي نوع يملس احسن من غيره

ومشكورة ردودكم الطيبة


__________________________________________________ __________

طيب انتي من وين عشان نقدر نخدمك في الكيراتين انا مسويه كيراتين وجنان وكل 6 شهور اعمل جذور


__________________________________________________ __________

عزيزتي روح الطفولة
انا من قطر

مشكورة مرورك الطيب