عنوان الموضوع : ازاي تغسلي شعرك؟ -للعناية بالشعر
مقدم من طرف منتديات نساء الجزائر

ازاي تغسلي شعرك؟



- احرصي قبل غسيل الشعر على إنك تدلكيه وتسرحيه بالفرشة بلطف في جميع الاتجاهات عن طريق إنك توطي براسك للأمام وتمشطيه وبعدين ترجعيه للخلف وتسرحيه بلطف... والعملية دي من أحسن الطرق لتنشيط الدورة الدموية في فروة الرأس وكمان بتساعد على نمو أفضل للشعر.

2- اغسلي شعرك بالمية تحت الدوش ورأسك مرفوعة في اتجاه جذور الشعر.

3- بعد ما تختاري الشامبو المناسب لطبيعة شعرك ضعي كمية قليلة منه في يدك وبلليه بالماء وحطيه على قمة رأسك وابدئي بالفرك بلطف بأصابع يديك من غير استخدام الأظافر علشان ماتخدشيش فروة الرأس.. وابدئي من الجهة الأمامية من شعرك وصولا لرقبتك.

4- ابعدي تماما عن فكرة إنك تغسلي شعرك بالمية السخنة وده لأن المية السخنة بتفقد لمعان وبريق الشعر، وبالتالي فإن أنسب مية مناسبة لشطف الشعر هي المية الفاترة. في النهاية خالص اوعي تنسي إنك تشطفيه بالمية الباردة وده لأن المية الباردة بتساعد على إغلاق مسام الشعر وبالتالي الحصول على لمعان أكتر للشعر.

5- اعصري شعرك من المية وده عن طريق الضغط عليه باليدين بلطف والصورة تحت.

6- حطي البلسم الملطف على شعرك وسيبيه لمدة 5 دقائق وبعدين اغسليه جيدا.

7- دلكي شعرك بكمية قليلة من كريم الشعر اللي إنتِ بتستخدميه ونصيحة افرديه على إيديك الأول قبل ما تحطيه على شعرك.

8- -لو عايزة لمعان أكتر وأكتر ممكن إنك تضيفي فى الشطفة الأخيرة شوية خل بس تخففيه بالمية بنسبة معلقة لكل لتر مية.

9- آخر همسة في ودنك ماتغسليش شعرك كتير يعني بحد أقصى مرتين في الأسبوع لأن الدهون اللي بتكون في شعرك دي مش كلها دهون ضارة، لأ فيه منها دهون شعرك محتاجها وهي دي اللي بتغذي شعرك وتعتني بيه
((((((((((((((((((((((((((منقول)))))))))))))))))
الصور المرفقة
post-2173-1164832121.jpg‏ (23.6 كيلوبايت, المشاهدات 8)

>>>>> ردود الأعضـــــــــــــــــــاء على الموضوع <<<<<
==================================


تسلمي يا اختي موضوع مفيد وحلو


__________________________________________________ __________

تسلم ايديك على النصايح الهامه لصحة الشعر........

:004:


__________________________________________________ __________

جزاك الله خير


__________________________________________________ __________

يسلموووووووووووو حبيبتي على الطرح الاكثر من رآآآآآآآآآآآآآآآآآآآآآآآآائع لا تحرمينا من جديدك تقبلي مروووووووووووووووووري


__________________________________________________ __________