عنوان الموضوع : من القلب للقلب.....!!! - الشريعة الاسلامية
مقدم من طرف منتديات نساء الجزائر

من القلب للقلب.....!!!



من القلب للقلب.....!!!


السلام عليكم,,,,
كيفكم صبايا الموضوع اليوم بهمني كتير
وماطرحته إلا لأني متأكدة إنه إله زاوية مهمة بحياة كل شخص فيكم
ويمكن كل واحد لما يعرف وجهة نظر غيره يستفيد منها,,,,,

********

بلحظات الوحدة والألم ولما تكون متضايق أكيد بتحس بالوحدة وإني ماحدا فاهمك,,,
وما بتلاقي حدا بهالدنيا جنبك.... أكيد بيوم من هالأيام صرت تبكي وتدعي ربنا
هلأ السؤال كيف علاقتك بالله,,,,
لما تقول يارب,,,منين بتطلع؟؟
بتحس إنه هو بيحبك,,
في يوم دعيت بصدق والله استجبلك
وحسيت حالك طاير من الفرحة,,,,
في يوم بكيت وشكيت وهو خفف عنك,,,,واسترحت
___________

أنا مابحس علاقتي بربنا هي عبادة وبس,,,,,
أحيانا بلاقي حالي عبحكي معه متل كأنه ...
مابعرف هيك متل ما منحكي مع بعض,,,,
بصدق بحبه,,,وبعرف إنه مهما غلطت رح يسامحني بس استغفر لأنه بيحبني

مو بس إحساس بتصير معي شغلات غريبة
يعني كطلاب,,,
اشتريت محاضرات من المكتبة عأساس هنن 9
وفجأة قبل الإمتحا ن بيوم بيطلعوا 19,,,
صرت قول ياربي إنت بتعرف إني بدرس ومابقصر و
لا تعاقبني بغلط غيري
ياربي,,وادعي,,,
إجا السؤال 40 علامة من أول محاضرة وطالعت المادة 86أعلى علامة بالكلية
________
مرة كان عندي ظروف صعبة كتير ومافتحت الكتاب أبدااااااا
طبعا رحت اعتذر عن الامحان عأساس ممكن أجله لبعد أسبوع,,,
بجامعة غير جامعتنا طلع هاد آخر يوم للامتحان
ولازم قدم بنفس اليوم,,
فتحت الكتاب وأنا عبقول ياربي إنت أدرى بظروفي وحكيت مع ربي
بعدها عبحكي مع رفيقتي قلتلها
إذا إجا هاد السؤال وهاد وهاد,,,تلاثة بالضبط بنجح وماني حفظانة شي غيرهم
والله العظيم نفسهم التلاتة ونجحت بالامتحان النهائي بتقدير ممتاز....رفقاتي يطلعوا فيني ومايصدقوا
بس ليش لأ,,,هو قال
((ادعوني أستجب لكم))
معادلة بسيطة
حتى أبسط من هيك بكتير لما حملت بأول طفل كنت بغربة واشتهيت على أكلة ومافي منها
صرت قول لربي يعني كل وحدة عندها أمها بتكون معها وأنا لحالي بس معلش إنت معي,,,ومابدي إمي

والله ما اشتهيت على أكلة إلا وإجتني بدون طلب,,,
رفقاتي مايصدقوا يقولا لازم نجرب
قلتلهن بدي هلأ فطاير فجأة دق الباب وإجا شخص وجايب فطاير يقلي عطاني ياهن
ومرة شفت زرعة عند جارتي وبكل بساطة بقلها حلوة هالزرعة,,,بعد ساعة كان عندي متلها!!!
هلأ الكل بيفكروني مصاحبة جان!!!!
من لما رضيت بنصيبي والله مااشتهيت على شغلة
إلا وصارت

وكمان دايما ربي بنجيني من مواقف,,,,,
يعني بكون عاملة شي غلطة كبيرة
وماحدا بيعرف,,,,وبتعدي,,,
وأبسط من هيك بكتير,,,
أيام الزحمة بالكلية بقول يارب بعتلي تكسي وببدأ
أدعية,,,,بتجي!!!
لهيك بحبه بصدق ومو مصدقة إيمتى يجي يوم القيامة وشوفه وارتاح من هالدنيا

يمكن حكيت قصص كتير بس أنا متقصدة هالشي,,,,كل يوم بلاقي حدا عبيشتكي ومقهور
طيب ليش ما بتطلبوا من ربنا يساعدكم,,,ربنا كل يوم بينادي بينادي وبينادي
مشان إذا عندكم شي يعطيكم ياه,,ويساعدكم ويفغركم,,
مين بيلبي النداء,,,,مين بيحكي مع ربنا كتير,,,,
إنتوا بتحبوه ولا بتخافوا منه ولا ماكتير بتفكروا بالموضوع,,,
أديش مدى اعتمادكم عليه,,,,كل أيمتى بتتذكروه؟؟؟


عنجد الموضع هام كتير وأنا متأكدة مجرد قراءتكم للموضوع -حتى لو ماتشجعتوا على المشاركة- رح تذكركم بشي
من محبتي الكم طرحته,,,,
لأني بزعل على كل شخص عنده مشاكل معذبته والحل موجود,,,,,وبين إيديه
بس هو مو شايفه,,,,بتذكر حالي من زمان
سميت الموضوع من القلب لأنه من طالع من قلبي وبدي يوصل لقلوبكم
بلكي يارب,,,بيخفف عنكم شوي من التعب اللي كلنا منحس فيه !!!!
منقول للامانة
امانة كل من تقرا موضوعي تدعيلي الله يهدي قلبي وبنوره ويلينه وتدعي بالرحمة لجميع اموات المسلمين اجمعين

>>>>> ردود الأعضـــــــــــــــــــاء على الموضوع <<<<<
==================================


أسْع‘ـدَ الله قَلِبِكْ .. وَشَرَحَ صَدِرِكْ ..
وأنَــــآرَ دَرِبــكْ .. وَفَرَجَ هَمِكْ ..
يَع‘ـطِيِكْ رِبي ألَفْ عَ‘ــآآإفِيَه عَلى الطَرِحْ
المُفِيدْ ..~
جَعَ‘ـلَهْ الله فِي مُيزَآإنْ حَسَنَـآتِك يوًم القِيَــآمَه ..
وشَفِيعْ لَكِ يَومَ الحِسَــآإبْ ..~
شَرَفَنِي المَرٌوُر فِي مُتَصَفِحِكْ العَ ـطِرْ ..~
تَقَبِلْى تَوآإجِدِي ..
دُمتَى بَحِفْظْ الرَحَمَــــن ..}


__________________________________________________ __________

جزاك الله خير اختي


__________________________________________________ __________

مشكورين حبايبي على مروركم الغالي واتشرف به


__________________________________________________ __________


__________________________________________________ __________