عنوان الموضوع : مو حاطه اي مكياج
مقدم من طرف منتديات نساء الجزائر

مو حاطه اي مكياج



بسم الله الرحمن الرحيم

حبوبات شلونكم .. عساكم بخير و طيبين

شي عام ان الرجاجيل دايم يقولون انهم ما يطيقون المكياج و يحبون الجمال الطبيعي .. مساكين يشوفون البنات بالتلفزيون حاطين طن مكياج ع وجههم و ماهم بقادرين يميزون هذا طبيعي او لا ..!!

[IMG]https://www.kimberlysnyder.net/blog/wp-**************/uploads/2017/04/natural-beauty.jpg[/IMG]


الرجال ما يعرفون كثير عن الميك اب .. و لهذا السبب هم ما يدرون وش اللي يبونه .. و احنا الحريم عاد نسمع كلامهم و نجيهم غاسلين وجوهنا و كل عيوب البشره تطلع .. و الرموش خافه و نازله لتحت .. و العيون شكلها اغبش و اغبر .. و الشفايف جافه .. و يروحون يتزوجون علينا

[IMG]https://gabormp3.net/wp-**************/uploads/2017/07/23.jpg[/IMG]

احنا لازم نفهم وش يقصد الرجال بـ "لا تحطين مكياج" .. او "ابي اشوف جمالك الطبيعي" .. الرجال ما يبي يشوف ميك اب على وجهك .. بس يبي يشوف الجمال اللي يعطيك اياه الميك اب ..
طيب وشلون ؟!!



اول شي ..
حافظي على نقاء و صفاء بشرتك .. بغض النظر عن لونها .. المهم تكون نظيفه و صافيه .. احرصي على السكربات اللي تنفع مع وجهك .. و الماسكات اللي تصلح لنوع بشرتك و كذا .. لا تركزين ع التفتيح كثر ما تركزين ع نظافة البشره .. لأن طبعاً افضل بشره سمراء و نظيفه و منوره من بشره بيضا و تالفه ..



ثاني شي ..
رموشك .. دايم خليها مرفوعه .. اذا رموشك اصلاً كثيفه و طويله .. استعملي الماسكرا الشفافه و عقاصة الرموش لجل ترفعيهم و يبينون اكثر .. من غير ما يظهر اي اثر للماسكرا عليهم ..
اذا رموشك طويله بس خفيفه .. استعملي ماسكرا سودا و حواف الفرشه مفرقه .. ذا بتضيف حجم لرموشك و تزيد كثافتهم و بتعطي شكل انك تو غاسله وجهك ..
اذا رموشك قصيره و خفيفه .. او حتى قصيره و كثيفه .. استعملي ماسكرا بيضا تطول الرموش .. و حطي عليها فوقها ماسكرا سودا .. بس لا تحطي آي لاينر و كحل .. بس خليكي ع الماسكرا ..




ثالث شي ..
الكحل ..
في اللوك الطبيعي بعدي تماماً عن الكحل الاسود الفاحم .. حطي اما كحل رمادي خفيف .. او انا شخصياً احب مررره الكحل الابيض داخل العين .. و شوي شادو بني على خط الرموش ..
او ممكن فيه طريقه مررره حلوه .. خذي الكحل العربي و املي فيه عينك مرررررررررررررررررررره .. و بعدين ادخلي خذي شاور .. و اغسلي وجهك .. و امسحي الزيادات .. و بيكون مرررره شكله حلو و طبيعي .. كأن عيونك كحيله طبيعي


[IMG]https://bodyxbeauty.com/wp-**************/uploads/2017/12/Natural-Beauty-Tips-To-Bring-Out-Your-Natural-Beauty.jpg[/IMG]

بشرتك .. اذا كانت بشرتك صافيه تماماً .. حطي عليها ماء ورد .. ينورها و يوردها .. و حطي شوي بلشر سائل بلون دافي .. شووووي لا تكثرينه عشان يظهر طبيعي مو مصطنع .. و تجنبي البودره و كريم الاساس و الكونسيلر و كذا .. عشان لا ترهقين بشرتك ..
اذا كنتي تعانين من الهالات السوداء و آثار الحبوب الخفيفه الموزعه على بشرتك .. خلي صديقك خافي العيوب .. وزعيه على الاماكن اللي تحتاج .. اذا الفير آند لفلي يصلح على بشرتك حطيه .. اذا لا حطي مرطبك المفضل .. و بعدين عطيه آخر لمسه من البودره اللي تحبينها .. و هذي ما اقول لك لا تكثرينها .. لا .. حطي لين ما تشعرين ان بشرتك مبينه صافيه تماماً .. حطي قدر ترتاحين عليه ..
اذا كانت بشرتك تالفه تماماً لازم تشتغلين عليها ماسكات و تروحين للطبيب و كذا .. لكن في هذي الاثناء لما تجي تحطين هاللوك استعملي الفاونديشن المفضل عندك .. بس اهم شي انه لا يظهر .. و فيه حيله جميله لهالموضوع .. تاخذين الكميه اللي تبينها من كريم الاساس .. و حطي عليها كميه موازيه من مرطب الوجه حقك .. و اخلطيهم ببعض على ظهر يدك .. بعدين حطيه على وجهك .. كذا يبين مره طبيعي و كأنك مو حاطه شي .. و بنفس الوقت يأمنلك التغطيه اللي تبينها ..



شفايفك ..
في اللوك الطبيعي دايماً يفضل استعمال الالوان اللي تستعمل للبلشر .. اكثر الوان هاديه و طبيعيه تلاقينها .. يعني اللون اللحمي .. اللون الوردي المحمر الخفيف .. اللون البصلي .. كذا .. و اهم شي في الموضوع اللمعه اللي بالآخر .. لمعة قلوس تكون قريبه للمعة الفازلين .. يعني كنك حاطه فازلين على لون شفايفك الطبيعي ..




تسريحتك ..
العبء الاكبر في هاللوك بيقع على التسريحه .. لأنك ما تقدرين تأفورين في المكياج ولا تلعبين فيه كثير و تنوعين .. لكن التسريحه هي اللي تضمن لك التغيير .. نوعي في تسريحاتك و اختاري التسريحات اللي تظهرك اصغر من عمرك و فيك حيويه اكثر و تظهر اجمل الاشياء بشعرك .. يعني طوله .. او نعومته .. او كثافته .. و تخفي عيوبه ..

[IMG]https://www.sophiaagency.com/wp-**************/uploads/2017/04/Beauty-Model_C.jpg[/IMG]

طبعاً حبيبتي هذا اللوك ينفع لأي مكان او اي زمان انتي ما تبين تظهرين فيه كأنك حاطه ميك اب .. و خصوصاً قدام رجلك .. عشان يقتنع تماماً انك ملكة جمال الكون من غير اي اضافات او مكياج .. و تقدرين تقولين له كل ما مسكتيه يخز و يخق في البنات في التلفزيون تقولين بكل ثقه " الحمدلله طن مكياج على وجوههم و ما يلحقون الجمال الطبيعي بس" ..

تنويه : انا كل مواضيعي من اجتهادي الخاص و تجاربي الخاصه و متعوب عليها .. ما ابي غير دعوه يا بنات ان ربي يسهل اموري و يحفظ لي امي بس

>>>>> ردود الأعضـــــــــــــــــــاء على الموضوع <<<<<
==================================


الله يسهل امووووووووورك ويحفظ لك امك وامهاااتنا امييييييين يا رب


__________________________________________________ __________

يسلموووووو معلومات حلوة


__________________________________________________ __________

اكيد كلامك صح افدتنا ما في من النضافه و الميك آب البسيط القريب من الطبيعي


__________________________________________________ __________



¨°O (ڇـزاكي الله ٱ لـڤ ڂـير) O°¨
ٱڂــتيٱرﮖ موفق وطرحـﮖ
وافي ومميز أشكر ﮖ عزيزتي
وبلاشـﮖ انتضر كل جديدﮖ
وفنـﮖ القـادم بـﮖـل الود
¨°O ( نعہ_ـومہ_ـه ) O°¨

[/I]

 [/SIZE]


__________________________________________________ __________

مشكوره على مجهودك كل عام وأنتم بخير