عنوان الموضوع : روايه مجتمعنا . -روايات رائعة
مقدم من طرف منتديات نساء الجزائر

روايه مجتمعنا .






هذي مب اول روايه اكتبها بس اول روايه انزلها ..
اتمنى اشوف تعليقاتكم وردودكم .
عشان اتحمس واكمل دعمكم لي هوا اللي بيخليني اكمل .
وشكرا و قراءه ممتعه للجميع.

روايه مجتمعنا --للكاتبه زويهر -
لا استبيح النقل بدون حقوق -
الجزء الأول __
الفصل الأول__
1-
كانت تمشي على استحياء لداخل القاعه الفخمه المزدحمه بالحضور وعيناها تدور على شخص معين .
لم تجد من تبحث عنه بسبب زحمه المكان ذهبت إلى المرآه الكبيره الموجوه بجانب القاعه لتحاول أن تعدل شعرها الحريري المنسدل على كتفيها وفستاها الفضي الماسك على جسمها الفاتن ومكياجها الهادي المكون من كحل خفيف تحت العين وماسكرا وروج .
خرجت مره أخرى وهي تبحث عنها ولكن هذه المره وجدتها جالسه مع بنات لاتعرفهم اتجهت لهم لتجلس مع صديقتها التي لها ثلاث سنوات لم تراها من بعد تخرجها من الجامعه تقدمت ببطء ووضعت يدها على كتف صديقتها مرام .
ليان بحياء : مرام .
مرام سمعت صوتها وكأني في حلم لم أصدق صديقتي اختي تؤأمي خلفي لدرجه كنت أخاف ان التفت ولا أجد احدا لكني التفت خلفي لأراها وصرخت بدون شعور : ليااان .
صرخت مرام وكل الحضور التفتوا إلينا كنت خجوله جدا ولكني لم ألتفت لأحد سوا صديقتي حضنتها لم اعرف كم جلسنا نحضن بعضنا لكني اعلم انها فتره طويله .
جلست بجانبها بعد أن سلمت على من كان معها كانوا بنات عمها ثنتين وصديقتها من العمل واحده واختها سوسن هي الوحيده اللتي عرفتها .
مرام : ابدا ابدا ماتوقعت تحضرين اخيرا شفتك -باست خدها- ياهه من زمان عنك.
ليان : تعرفين الظروف لولا دمعتين نزلتهم عند امي ماكان خلتني أجي ولا يفوتك تقول 10 وانا في البيت.
مرام : افف وش عشره الحين 9 تستهبلين .
ليان : وش أسوي بعد اهم شيء شفتك .
مرام : والله دايم ابي ازورك بس ظروفكم ماتسمح .
ليان : متى اتزوج واصير اطلع براحتي واعزم اللي ابي مب حاله والله.
مرام : ترا الزواج مب حل يمكن يجي واحد ينكد عليك عيشتك وتتمنين تجلسين مع اهلك.
ليان : مب شرط لاتتفاولين علي ياخي .
مرام : يارب انك ترزقها بواحد مايبقي بها ديره ويحبها ويموت بالتراب اللي تمشي عليه ولايزعلها -طلعت الدعوه من قلب-
ابتسمت ليان : يارب .
وبعدين قعدوا يسولفوا مع البنات اللي معهم ع الطاوله .

--------------

2-
ام خالد : ياوليدي اتق الله في نفسك وش هالسهر اللي ماله لزمه .
موسى : يمه في الأستراحه ماعلي شيء ان شاء الله
قام باس راس أمه وطلع .
ام خالد : الله يهديك - هذا حال الأم إذا ماكان عندها شخصيه قويه وتقدر توقف عيالها عند حدهم-.
هديل في المطبخ تسوي العشا .
دخلت عليها امها
ام خالد : لاتكثرين عشا لك انتي واختك بس اخوانك محد موجود وانا مالي نفس .
هديل : طيب يمه .
سوت العشا وخلته ع النار وراحت الغرفه واستلقت ع سريرها : منى شوي وروحي شوفي العشا واذا خلص جيبيه هنا لأن محد بيتعشى إلا أنا وانتى
منى وهي ع جوالها : طيب
اخذت هديل جوالها وهي تفتح البيبي تشوف وش فيه تطلع من البيبي وتدخل التويتر ومن التويتر للأنستقرام الزبده مسجله في جميع المواقع الأجتماعيه هي وأختها وطول وقتهم ع جوالاتهم .
هديل : منى بسرعه شوفي العشا .
منى : باقي شوي .
هديل : والله صار له ساعه شوفيه .
منى : هفف طيب .
وقامت واحترقت المكرونه شوي بس أكلوها تعشوا ورجعوا ع جوالاتهم .
و ع حالهم امهم طول وقتها تصيح رتبوا البيت ساعدوني ولا حياه لمن تنادي
ولأن البيت مافيه شغاله دايم مب نظيف ام خالد تنضف إذا شافت انه مافيه امل يقومون بناتها .

------------

3-

صحت من النوم الساعه 10 ونص اخذت جوالها وتفقدته وشافت من أرسل لها وقامت توضت وصلت الصلوات اللي فاتتها .
وأخذت جوالها ونزلت الصاله عند زوجه أخوها وامها .
مريم : صح النوم .
منال : صح بدنك والله راحت علي نومه ليش محد صحاني .
ام يوسف : كيف محد صحاك والله نصحي فيك تقل ميته بسم الله عليك .
منال وهي ع جوالها ابتسمت : ايه يمه عاد نومي ثقيل .
منال تسدحت من الضحك التفتوا لها امها ومريم .
ام يوسف : وش بلاك يابنتي تضحكين .
منال : ولا شيء قاعده اسولف مع صديقاتي .
ام يوسف الله يهديكم .
منال : امين ، اقول جيعانه ماسويتوا عشا
مريم : شوفيه في المطبخ .
راحت منال وتعشت .


--------------
1-
تأخرت صارت الساعه 10 ونص وهي للحين بالقاعه نست او بمعنى أصح ماحست بالوقت بسرعه أخذت عبايتها اكيد اخوها الحين بيسوي لها سالفه .
لبست عباتها وطلعت بسرعه من السرعه تزحلقت عند الباب وشافوها الحريم لأن لسى م طلعت وتعالت الضحكات عليها انحرجت ولملمت حالهها وطلعت بهدوء
احسن شيء كنت منقبه يعني محد عرفني الحمدلله .
طلعت لقت سياره اخوها ركبت معه وطبعا صراخ صراخ لين وصلت البيت ودخلت وامها صراخ من جهه ثانيه وحلفت ماعاد تطلعها من البيت .
ليان : ههفف وش ذا كلها نص ساعه وبعدين كنت في زواج ماكنت في مكان منكر .
ورود: تعرفين امي واخواني وابوي المريض اللي لاحول له ولا قوهه تجين تتأخرين كويس ماعطوك كم من طراق .
ليان : يوهه فاتك الزواج اول حاجه القاعه تفتح النفس بعدين مرام تهبل كانت لابسه فستان كحلي طويل وعلى جسمها ومن فوق زي القبه يجنن مب مثل فستاني ذا كل م أطلع البسه وش هالفشيله وسوسن اخت مرام لابسه تنوره تجنن ولا بنات عمها اهه خليني ساكته -وجلست توصف وتعلق ع الرقص وتقلد لها-
ورود كإنها حضرت الزواج من وصف ليان .

----------------
4-
كانت تبكي كعادتها بعد م حبت شخص مايستاهل وتركها لأنها حافظت على شرفها وماطلعت معاه.
حب ينتقم منها وفضحها بصورها عند أهلها امها كبيره وابوها متوفي واخوها جاسم حنون لكن بعد الفضيحه اللي جاتهم اخذ جوالها منها ومنعها من تكمله دراستها وجلست في البيت دايم منعزله في غرفتها تبكي وتندب حضها ترتب البيت وتطبخ لأمها واخوها وترجع لحاله الأكتئاب اللي دايم فيها .
أخذت دفترها وقلم وكتبت :
هذا حظي
انت والدنيا دوم ضدي
ماني مخطي
كل مافي الموضوع
احبك
وانت جارح ودي..
الحب كلمه عظيمه
كلها احساس ومشاعر
ماهو من قال احبك
وعقبها يجرح الخواطر
انا عمري بقايا شمع
احرقني الاسى والدمع
اذا مافيك ترحمني
احرق مابقى مني...
قفلت الدفتر وبكت بكت من خاطر ونامت وهي تبكي كالعادهه .

إذا شفت تفاعل و ردود تحمس كملت الروايه -
معسلامه'

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________