يوميات حب من نوع خاص !!!! .... -روايات رائعة
عنوان الموضوع : يوميات حب من نوع خاص !!!! .... -روايات رائعة
مقدم من طرف منتديات نساء الجزائر
يوميات حب من نوع خاص !!!! ....
قصة كتبتها صديقة لي في احدى المنتديات عبارة عن حلقات
راح انزل لكم حلقة حلقة
يوميات حب من نوع خاص !!!! لحظوا قدرة الله
سم الله الرحمن الرحيم
سوف أحكى لكم عن قصة تعتبر رواية وإن شاء الله لن تكثر عن 50 حلقة
بسم الله نبدأ
المقدمة
أبطال الرواية
أحمد
جنى
أشخاص الرواية
( حبيبة -سامح - منى - ليلى - أيمن )
بقية الأشخاص سوف تعرفونها فى الحلقات إن شاء الله
..............
أحمد : شاب عادى مثل جميع الشباب فنفسه يتغير للأحسن بس عاوز حبة وقت يعنى لسة فى أول طريق الإلتزام فى كلية هندسة فى سنة ثالثة فى جامعة القاهرة . أسرته محترمة جدا تعيش فى ريف بسيط ..
جنى : بنت عادية برده ولكنها أكثر إلتزاما من أحمد جارة أحمد فى نفس الشارع فى كلية صيدلة فى سنة ثانية فى جامعة القاهرة ..
سامح : أخو أحمد أكبر منه فى أخر سنة فى كلية هندسة
حبيبة : أخت أحمد الوحيدة أصغر منه ب3 سنين فى سنة ثالثة ثانوى
ليلى : زميلة جنى فى نفس الكلية وفى نفس السنة
منى : زميلة أحمد فى نفس الكلية وفى نفس السنة
وبرده زميلة جنى
________________________
يلا أشوف ردودكوا الأول ثم ابدأ فى الحلقات
وأتمنى من الله أن أوصل لكم أهداف الرواية
.....................
الحلقة الأولى , الحلقة الثانية , الحلقة الثالثة , الحلقة الرابعة , الحلقة الخامسة , الحلقة السادسة ,الحلقة السابعة , الحلقة الثامنة , الحلقة التاسعة, بقية الحلقة التاسعة, الحلقة العاشرة , الحلقة الحادى عشر , بقية الحلقة ,الحلقة الثانى عشر ,الحلقة الثالث عشر , الحلقة الرابعة عشر , بقية الحلقة, الحلقة الخامسة عشر ,الحلقة السادسة عشر , الحلقة السابعة عشر < الحلقة الثامنة عشر . بقية الحلقة > الحلقة التاسعة عشر . بقية الحلقة < الحلقة العشرون . بقية الحلقة >
وبكده يكون إنتهى الجزء الأول من يوميات حب من نوع خاص
تابعونا فى الجزء الثانى
بعنوان
( الحب والحياة )
الحلقة الحادية والعشرون , الحلقة الثانية والعشرون , الحلقة الثالثة والعشرون , الحلقة الرابعة والعشرون , الحلقة الخامسة والعشرون , الحلقة السادسة والعشرون , الحلقة السابعة والعشرون , الحلقة الثامنة والعشرون , الحلقة التاسعة والعشرون , الحلقة الثلاثون , الحلقة الحادية والثلاثون . بقية الحلقة , الحلقة الثانية والثلاثون , الحلقة الثالثة والثلاثون , الحلقة الرابعة والثلاثون , بقية الحلقة , الحلقة الخامسة والثلانون (1) . ( 2 ) . ( 3 ) , الحلقة السادسة والثلاثون , الحلقة السابعة والثلاثون , الحلقة الثامنة والثلاثون , الحلقة التاسعة والثلاثون , الحلقة الأربعون , الحلقة الحادية والأربعون , الحلقة الثانية والأربعون , الحلقة الثالثة والأربعون , الحلقة الرابعة والأربعون , الحلقة الخامسة والأربعون والأخيـــــرة , النهاية ..
هداف الرواية
طبعا
الهدف الاساسى
إننا لو حبنا بجد فى حياتنا وعايزين الشخص ده يكون زوجى أو زوجتى بلاش نميل عن الخط المستقيم ونفكر صح ونتقرب إلى الله
يعنى
الهدف
لا للصحوبية
وبلاش نضحك على أنفسنا
........
أهداف أخرى حبيبت أوصلها لكم
1- رضى الله فوق كل شىء
والتوكل على الله فى كل الأمور واليقين بالله والثقة فى الله
2- تكوين أسرة صح
3- الموازنة بين التفكير بالعقل والقلب
4- النصيحة الطيبة والتقرب من الأولاد ومعرفة أسرارهم بشكل حكيم
5- الصحبة الصالحة لها تأثير كبير فى الحياة
والحب فى الله بكل إخلاص
6- إمتصاص غضب الزوجة والتعامل معاها بحكمة
........
أسرة الحاج فتحى بعتبرها مثالا
لأسرة ناجحة وحكيمة ومتافهمة
فياريت نستفيد منها
............
دعواتكم
بحبــــــــــــ فى الله ـــــــــكم
>>>>> ردود الأعضـــــــــــــــــــاء على الموضوع <<<<<
==================================
الحلقة الأولى
خلصوا المحاضرة وطلعينا من الكلية واقفة فى وسط زملائها تلاقى اللى ينادى عليها . يا ترا مين
أحمد . جنى فى سرها ( غريبة )
أحمد : السلام عليكم
جنى : وعليكم السلام . أهلا يا بشمهندس بيك فى كليتنا
أحمد : أهلا بيك يا جنى عاملة إيه ؟
جنى : الحمد لله وأنت إيه أخبار الكلية معاك ؟
أحمد : الحمد لله وإنتى ؟
جنى : الحمد لله هو إنت جاى هنا ليه عارف أحد هنا
أحمد : جاى أسلم عليك وأطمن
جنى : ومن إمتى الكلام ده
أحمد : إنت مضايقة
جنى : طبعا أنت عارف كويس إنى ممكن أضايق يعنى إنت واقف معى بصفتك إيه الان
زملائى يقولوا على ايه
أحمد : أنا أسف جدا أصل أنا ما عدوش مشفوك خالص
جنى : قصدك إيه
أحمد : فى البلد يعنى
جنى : اه أصل أنا قاعدة مدينة هنا أريح لى
أحمد : اه ما أنا عارف أنا قصدى ما نزلتش أجازات من زمان
جنى : إن شاء الله هنزل أجازة أخر الاسبوع
يوم الأربعاء هكون وصلة البلد
أحمد : كويس توصلى بسلامة
جنى : إن شاء الله
أحمد : جنى ممكن أطلب منك طلب
جنى : إتفضل
أحمد : ينفع لو كنت فاضية الان نقعد فى أى كافتيريا عاوز أتكلم معاكى شوية
جنى : بخصوص إيه
أحمد : هتفهمى لما نقعد
جنى : يا بشمهندس أحمد إنت فاهم إنك بكدة بضايقنى وكمان أنا لازم أمشى وقفتنا كدة وحشة أوى
أحمد : خلاص أنا اسف جدا بس أنا كنت عاوز أكلمك ضرورى
جنى : بضيقان . ماشى يا بشمهندس إتفقل فى كافتيريا هنا قريب
أحمد : شكرا إنك وافقتى
جنى : أهم حاجة ما طولش على لأنى وراية حاجات كتير
أحمد : مش أخذ من وقتك كتير وذهبوا إلى كافتيريا
وتقول جنى فى سرها
يا ترا يأحمد عاوز منى إيه
إسترها يارب
...............................
يا ترا أحمد هيقول إيه لجنى
وياترا جنى رد فعلها إيه ؟؟
هنشوف ده الحلقة الجاية
تابعونا
__________________________________________________ __________
الحلقة الثانية
جنى : إتفضل يلا عاوز تقول إيه ؟
بس لازم تعرف حاجة أنا واقفت عشان أنا معتبرك أخوى بس ياريت الحكاية دى لو سمحت
أحمد : جنى أنا عارف إنك ملتزمة أكثر منى بس أنا بجد بحاول بأى طريقة أتكلم معاكى ومش عارف
فكرت قولت أجيلك وبجد أنا مش هكررها ثانى
جنى : ماشى يا بشمهندس يلا
أحمد : تشربى إيه الأول
جنى : ما فيش يا أحمد بجد أنا مش فاضية وراية حاجات كتير
أحمد : جنى أنت مش حاسة بإتجاهى من نحيتك بأى شىء
جنى : إزاى يعنى
أحمد : جنى بصراحة أنا معجب بيكى ومن زمان من أيام الثانوية مش عارف إنتى كنت ملاحظة ولا لا بس أنا بجد بحبك وفنفسى تكونى إنتى الإنسانة اللى تكون شريكة حياتى وتكون زوجة صالحة لى بس أنا مستقبلى طويل
ومش عارف هتستنينى ولا لا . جنى إنتى مش مش حاسة بإتجاهى بأى شىء
جنى : أنا عمرى ما حسيت بإتجاهك بأى شىء طول عمرى بعتبرك أخوى الثانى أنا مش عارفة أقولك إيه بس بجد أنا اتفجئت من كلامك
أحمد : يعنى إيه
جنى : يعنى إنت أخوى وبس وموضوع الحب ده أنا عمرى ما أحب ولا أفكر فى الحب إلا من زوجى اللى هيكون نصيبى إن شاء الله أما أنا أحب وأعشق والكلام ده ما لى فيه
أحمد : أنا مش بقولك هنعيش جوبات غرام وحب وكدة لا أنا عمرى ما هقبل عليك كدة أنا لازم أحافظ عليك
لأنى بحبك بجد بس أنا بقولك إنى بحبك وفنفسى تكونى بتحبينى أو على الاقل تعطينى امال بس إنك على الأقل مرتاحة لى
جنى : أنا لازم أمشى
أحمد : ما قولتش رأيك فى كلامى
جنى : أحمد مش عارفة بجد أقولك إيه الان بس إنت لو بتحبينى بجد إدعى ربنا وإلتجىء إليه وإدعى إنى أكون من نصيبك
أحمد : يعنى كلامك ده معناها إرتياح
جنى : أحمد إفهمنى أنا بقولك أنا ما بفكر فى أى حاجة ولو فيه إرتياح فده مش معناه إنى بحبك فقولتلك إنتى أخوى فياريت تسيبنى أمشى بقى
أحمد : ماشى بس ياريت تفكرى فى الكلام ده . جنى انا بحبك بجد والله العظيم بحبك
جنى : إن شاء الله يلا مع السلامة
أحمد : إستينى أوصلك إلى المدنية بتاعتك
جنى : لا شكرا . مع السلامة
وذهبت جنى إلى المدنية
يا ترا جنى هتفكر فى الموضوع ولا لا ؟؟ وياترا أحمد هيعمل إيه ؟؟
وياترا جنى هتفضل على طريق إلتزامها ولا الشيطان هيدخلها فيه
هنعرف كل ده الحلقات الجاية
تابعونا
__________________________________________________ __________
لحلقة الثالثة
دخلت جنى حجرتها فى المدنية ( معاها فى الحجرتين بنتين منى وليلى )
منى : إنتى اتأخرتى النهاردة كدة ليه
جنى : أصل المحاضرات كانت مكثفة النهاردة وكمان
منى : وكمان إيه إتكلمى . سكتى ليه
جنى : مافيش يلا عاوزين حاجة أنا هنام
ليلى : إيه يا بنتى مش هتقوليلى هأخذتوا إيه فى المحاضرات النهاردة
جنى : أنا تعبانة وعاوزة أنام أريح شوية عشان أقوم أذاكر
ليلى : lبزعل ماشى يا جنى يعنى كدة
جنى : وهوحد قالك تغيبى النهاردة ما كنت تيجى معى احسن
ليلى : إنت عارفة كويس إنى كنت تعبانة وأنت وعدتنى إنك هتشرحلى
منى : ما خلاص بقى إشرحليها يا جنى
جنى : هو أنا قلت لا . هنام شوية وهقوم أشرحلك
( وظلت جنى تتقلب على السرير تحاول النوم ولكنها تتذكر كلام احمد جارها والذى كانت تلاحظ من زمان نظراته إليها أيام الثانوية ولكنها لم تعطى له أى إهتمام ولكنها تفكر ماذا تقول له عندما يتحدث معاها مرة أخرى ؟ )
صحيت جنى من النوم وشرحت لليلى اللى هى عاوزها ثم بدأت المذاكرة ثم نامت وصحيت اليوم الثانى
ذهبت الجامعة هى وليلى وبشرت يومها بطريقة عادية ولكن لما طلعت وخلصت محاضراتها وخرجت من البوابة لقت اللى ينتظرها
احمد : السلام عليكم جنى ممكن أتكلم معاكى شوية
جنى : وعليكم السلام هو إنت قاعد مدينة هنا
أحمد : اه قاعد مدينة
جنى : خير فى حاجة
أحمد : فكرتى فى كلام إمبارح
جنى : لا . انا مشغولة بالمذاكرة ومش هفكر فى حاجة ولوسمحت سيبنى ومشت
أحمد : جنى إستنى جنى
ولم تعطى جنى له أى إهتمام
وقالت جنى فى سرها ( أنا اللى غلطانة إنى واقفت المرة اللى فاتت أقعد معاه مفرود كنت أصده من أول مرة
إستغفر الله العظيم يارب سامحينى )
ليلى : مين ده يا جنى
جنى : ده أحمد جارى فى نفس الشارع فى كلية هندسة فى سنة ثالثة
ليلى : اه مع منى
جنى : اه
ليلى : وهو عاوز منك إيه ؟
جنى : مش عارفة قفلى على الموضوع ده أنا مخنوقة وعلى أخرى
ليلى : ماشى ماشى أنا سكت أهوه
ذهبت ليلى وجنى إلى حجرتهم ولكن جنى كانت مخنوقة وعلى أخرها إزاى أحمد يجرؤ يجيلها كدة
ما كانت متوقعة منه هذه التصرفات
أحمد خلص كليته وقعد ماشى فى الشارع شوية يفكر ماذا يفعل ؟؟
فأحمد من النوع الشباب اللى تفكيرهم غير مستقر ولكنه محتار ماذا يفعل ؟
ذهب إلى المدينة
أحمد : السلام عليكم ؟ إزيكو يا شباب
سامح : وعليكم السلام إيه يأحمد اتأخرت كدة ليه ؟
أيمن مخلص محاضراته من زمان وجاى من ساعتين
إنت كنت فين ؟؟
أحمد : ما كنتش . كنت بتمشى شوية وجيت أهوه
سامح : إنت حالك مش عاجبنى كدة وانت لازم تكتعن الإمتحانات قربت وانت يا أستاذ نايم على نفسك
فوق شوية بقى مش كفاية الترم الأول تقديرك فيه مقبول
أحمد : إن شاء الله
" أيمن زميل أحمد معاه فى نفس السنة "
تابعونا
__________________________________________________ __________
لحلقة الرابعة
صحيت جنى من النوم هى وليلى
ليلى : يلا اجهزى عشان الكلية
جنى : لا أنا مش هروح النهاردة
ليلى : ليه يا بنتى
جنى : أنا تعبانة النهاردة أوووى ( ولكن ده مش السبب فكانت جنى خائفة جدا لأحمد يجى ثانى )
ليلى : ماشى بس أنت أشطر منى وسريعة عنى فى كتابة المحاضرات ورى الدكتور وانا مش بلحق أكتب وراه كله
جنى : بعصبية إتصرفى يا ليلى إنقلى من أى أحد
ليلى : ماشى وانت مالك متعصبة كدة ليه
جنى : ما فيش يلا روحى وذهبت ليلى إلى الكلية
جنى : منى إصحى يلا هتتأخرى على الكلية
منى : أنا تعبانة أووى ومش هقدر أروح النهاردة ومش هنأخذ حاجة مهمة النهاردة
جنى : قومى يا بنتى روحى أنا على الاقل لو فادتنى حاجة مهمة ليلى هتشرحلى
اما أنت مفيش
منى : إزاى يعنى ما لى صحاب إنت نسيتى يا دكتورة البنات اللى فى الحجرة اللى جبنا فيهم لمياء
بنت جدعة أووى وإن شاء الله لما ترجع هروحلها وهأنقل اللى أخذنها
جنى : اه صدقى انا نسيتها هى ما عدش بتيجى ليه تقعد معانا فى الحجرة
منى : لاظن كان عندهم ظروف فى البلد عشان كدة كانت قاعدة هناك كام يوم
جنى : واللى فاتها هتعمل فى إيه ؟
منى : أكيد هتصرف
منى : قوليلى بقى مالك من إمبارح كدة مخنوقة كدة ومزاجك مش مظبوط
جنى : مافيش
منى : ما فيش إيه دا أنا صحبتك وعارفاكى
جنى : والله يا منى أنا مخنوقة أووى وحاسة إنى تايهة والزمن ده صعب أووى
منى : خير يا حبى إحكى مالك
جنى : أنا حاسة إنى أغضبت ربنا
منى : إزاى يعنى
وحكت جنى لمنى على تصرفات أحمد وأنها ندمانة إنها وقفت تقعد معاها
منى : بصى كدة يا جنى إحنا كلنا بنغلط أهم حاجة نعرف غلطنا فى إيه
ولازم تكونى قوية كدة إحنا فى كلية مختلطة وإنتى ممكن تتعرضى لأى موقف زى ده
جنى : إنتى عارفة كويس إنى عمرى ما أسمح لنفسى إنى امشى مع أحد أو اكلم احد
منى : أنا واثقة فى أخلاقك يا حبى أنا مش قصدى أنا قصدى إنتى لازم تعرفى إنك سوف تتعرضى لمواقف زى دى كتير ولازم تحكمى عقلك وشوفى هتصرفى فيها إزاى
جنى : أنا والله يا منى هجنن من الزمن الغريب ده
لازم كل بنت قبل الزاوج تكون حبت ومشت وكلمت والمشكلة إنك لو ما حبيتى ومشتى وكلمتى
تبقى بنت معقدة نفسيا
دا انا يا بنتى أيام الثانوية دى شوفت مواهب كنت كل يوم بنام وأنا مرعوبة على نفسى
من الزمن ده
منى : عندك حق والله بس نعمل إيه لازم نقوى إيمانا ونتوكل على الله فى كل أمورنا
جنى : يارب
منى : هو بصراحة يا جنى السنة اللى فادت أحمد حاول يتكلم معى
وأنا كنت مضايقة على اخرى بس هو قالى انا بجد عاوزة أشورك فى موضوع مهم وكدة
والمهم قالى لو فى بنت ملتزمة وعاوز أعبرها عن إعجابى بيها أعمل إيه
سعتها انا كنت لسة طبعا ما اعرف إنتوا جيران ولا أعرف مين البنت دى
قولتله أى بنت ملتزمة ما بترضى بكدة بتبقى عاوزة الدخول المباشر تروح تتقدم لأهلها
وبعدين مشيت علطول وما أعطته فرصة للكلام لأنى ما ينفع لو أعطته فرصة ففى شباب اخرين هيفتكرونى
ببنت بقى عادية وممكن اقبل الصداقة والكلام الفارغ ده
جنى : ما دام أنتى قولتيله كدة امال حاول يكلمنى ليه
منى : ياحبى الشيطان ما بيسيب الانسان فى حاله مادام إيمانه ضعيف
وأكيد هو كان بيقوام والشيطان سيطر عليه
وخلى بالك إنه عمره ما يقدر يتقدم حالا وهو لسة طالب لو بيحبك بجد زى ما بيقول
جنى : أنا مش شغلة نفسى بالموضوع ده نهائى والحمد لله
منى : ربنا يثبتك يا حبى ويحمينا جمعيا ويسترنا
جنى : امين يارب
ثم رجعت ليلى من الكلية
ليلى : السلام عليكم يا بنات
جنى : وعليكم السلام إيه الأخبار ؟
ليلى : المحاضرات كانت بسيطة النهاردة
هشرحلك بس هنام شوية الأول
جنى : ماشى
منى : وأنا هذهب أروح للمياء والبنات فى الحجرة اللى جبنا
جنى : ماشى
وظلت جنى بمفردها تذاكر
وفجأة المحمول يرن
إيه ده رقم غريب
يا ترا مين ؟؟
يا ترا مين على التليفون ؟؟
هنعرف ده الحلقة الجاية
فى حلقات ( حب من نوع خاص )
تابعونا
__________________________________________________ __________
الحلقة الخامسة
المتصل : السلام عليكم إزيك ؟
جنى : وعليكم السلام مين معى ؟
المتصل : أنا أحمد
جنى : أحمد مين
أحمد : أنتى نستينى أنا أحمد جارك
جنى : اه اسفة هو أنت جبت رقمى منين ؟
أحمد : أصل أنا جتلك النهاردة الكلية وما لقيتك بس لقيت صحبتك اللى بتمشى معاكى سألتها؟
قالت تعبانة شوية فقلقت سألتها على نمرة موبيلك عشان أطمن عليك ؟
جنى : وهى إزاى تديهلك من غير إذنى ماشى ياليلى
أحمد : جنى أنا قعد أتحيل عليها وبجد هى ما كانت عاوزة خالص تديهالى بس أنا ضغطت
عليها عشان تديهالى .
جنى : والله ماشى يا بشمهندس عاوز إيه الان ؟
أحمد : مش عاوز بس كنت بطمن عليك وكنت هقولك ألف سلامة
جنى : صدق إنت بتستعبط وأنا بجد إتخنقت منك
احمد : ليه كل ده عشان إتصلت أطمن عليك
جنى : إفهم يأستاذ لو سمحت إنت بتكلم واحدة محترمة ما لهاش فى الشغل ده
احمد : خلاص خلاص أنا مجرد إنى قلقت عليك بس وكنت عاوز أطمن
جنى : ماشى شكرا فى حاجة ثانية
أحمد : مافيش شكلك مضايقة ومش هعرف أكلمك فأنا هقفل أحسن
جنى : ياريت مع السلامة
أحمد : مع السلامة
وظلت جنى مستغربة من تصرفات أحمد فهى كانت دائما تنظر له أخ فقط وكانت تظن
أنه متلزم اكثر من ثلك ولكن ظنها شكله مش فى محله
وبعد دقائق وهى تذاكر لقت رسالة تفتح الموبيل برده من رقم غريب نظرت إلى الرقم
اللى إتصل بيه أحمد وإلى رقم الرسالة لقيته هوهو
تقرأ الرسالة
( جنى أنا اسف جدا إنى بضيقق بس إنتى مش مدينى فرصة أكلمك بس أقسم بالله أنا
بحبك حب لا يعلمه إلا الله ودائما بنظر إليك بإنك إنسانة رقيقة وهادية وكمان محترمة
وملتزمة وكنت فنفسى من زمان أكلمك بس كنت خائف وفنفس الوقت قولت أكلمك بصفتى إيه
وكنت متأكد من رد فعلك بس أنا عاوزك بس تقوليلى إنتى بتحبينى أو على الأقل عاوزانى
ومستعدة تنتظرينى ولا لا أنا مش هتصل ثانى ولا هجيلك بس ياريت تردى على بعد
ما تفكرى . منتظرك ) بحبك
قرأت جنى الرسالة ونظرت بإستغراب وتفكيرها بدأ يتشدت ومش عارفة تذاكر .
قامت ليلى من النوم
ليلى : يلا يا جنى عشان هشرحلك بس هأكل حاجة على السريع الأول
جنى : إنت إزاى تعطى نمرتى إلى أحد من غير إذنى
ليلى : والله يا جنى أنا ما رضيت خالص بس هو كان مصمم وبصراحة صعب على
جنى : بعصبية والله ما يصعب عليك غالى تعرفى يا ليلى أنت لو كررتى الحكاية دى ثانى هيكون اخر كلام بينى وبينك
ليلى : بعصبية فى إيه عشان كل ده أنا عملت إيه قولتلك اسفة وكمان ضغطت على أعملك إيه يعنى وكمان هو جالك مرتين وإنتى إتكلمتى معاه يعنى عارفاه يعنى أنا ما أعطت رقمك لحد غريب .
جنى : أنا كلمته يا ليلى وإنت عارفة كوي إنى ما أعطته وش
ليلى : خلاص يا جنى انا مالى دعوة بيكى وشكرا
جنى : يعنى تعملى المصيبة وتسكتى
ليلى : بجد إنت إنسانة غريبة قولتلك اسفة يا بنتى مافيش فايدة فيكى
جنى : واسفة تعملى إيه الان وأنت عارفة إنه هيشتغلنى وكل شوية هيرن ويتصل ويقرفنى أنا
ليلى : أنا ما كنت اعرف إنك ما بضيهوش كدة بس هو شكله بيحبك بجد داأنا يا بنتى
لما قولتله إنك بس تعبانة شوية حسيت إن شخص ثانى قدامى ومالها وحاسة بإيه وحسيت إنه أبوكى وخايف عليكى
جنى : الله أعلم بنيته
ليلى : كل ده والله أعلم
جنى : إسكتى بقى وقفلى على الموضوع أنا اتخنقت
منى دخلت عليهم فى إيه ؟
بتزعقوا كدة ليه صوتكم واصل لبرة فى إيه ؟
ليلى : أنا هحكيلك وإحكمى أنا غلطانة ولا لا
جنى : ما تحكيش حاجة وتكبرى الموضوع الموضوع إنتهى
ليلى : يعنى أنا اللى بكبره الان ما أنتى من ساعتها مكبره وهو مش مستاهل كل ده
جنى : خلاص يا ليلى أنا أعصابى تعبانة حالا واسفة إذ كنت إتعصبت عليك بس بجد حسوا بى لما تلاقى واحد فجأة ظهر فى حياتك وقاعد يظهر لك كل شوية وبيقولك انا
بحبك وفنفسى تكونى زوجة صالحة لى والكلام ده تعملى إيه ؟
منى : خلاص إهدى يا جنى فكرى بهدوء وشوفى لو كلمك ثانى هتقوليله إيه ؟
ليلى : بس بصراحة هو شكله بيحبك بجد
جنى : ربنا يسهل دعواتكم
منى : هدعيلك يا حبى إن ربنا يرشدك لطريق الصح ويبعد عنك كل إنسان وحش
ليلى : وأنا هدعيلك إنك تحبيه وتجوزيه
جنى : صدقى إنتى شكلك عاوزة تضربى
ليلى : ههههههه أنا بهزر
جنى : ماشى يا سائعة قومى كلى عشان تشرحيلى
ليلى : ماشى ما تيجوا ننزل نتعشى ونأخذ الوجبة بتعدنا
منى : ماشى يلا
جنى : ماشى يلا هلبس وننزل
ونزلوا جمعيا ولما طلعوا لقت جنى تليفونها يرن وبرده رقم غريب
يا ترا مين ؟؟؟
احمد برده بس أحمد وعدها إنه ما هيتصل أكيد حد ثانى
يلا مع الحلقة الجاية هنشوف مين الحد ده أحمد ولا مين ؟؟
وهنشوف جنى هتصرف إزاى فى موضوع احمد ؟؟؟
فى حلقات ( حب من نوع خاص )
تابعونا[/caps]
رد مع اقتباس
