بعض العيون حقدها في نظرها / للكاتبه ضمني بين الأهداب
عنوان الموضوع : بعض العيون حقدها في نظرها / للكاتبه ضمني بين الأهداب
مقدم من طرف منتديات نساء الجزائر
بعض العيون حقدها في نظرها / للكاتبه ضمني بين الأهداب
بسم الله الرحمن الرحيم...
والتقينا من جديد...بأكثر من آشواقكم كان شوقي لكم لمعانقة ابتسامتكم العذبه...
لطرح جديد..بذن الله يكون متميز...وينآل استحسان ذائقتكم الأدبيه..
بعيدا ًعن الجرئه التي للأسف أصبحت وقحاه..بعيدا عن اثارة الغرائز..
بعيدا ًعن تشويه مجتمعاً الجميل..
بعيداً عن هذا وذاك..ستحلق روايتي بسماء قلوبكم الطاهره..
سنطرح مشاكل قُلما تخلو منها المجتمعات....
وسنطرح الحلول..سنتعاون جميعاً..لروايه تكون متميزه لقارئات متميزات..ولمنتدئ متئلق ...اعطانا كل الحريه في الطرح..
فيستحق منا با المقابل الافضل...
..
اسئل الله ان يكون اجتماعنا في هاذه الروايه اجتماع خير..
..
|
|
|
ربما..!
يشهد الظلام انبلاج فجر مشرق..يتمختر بنوره ..بين طيآت الظلام..وينفجر عن غسق يلوح في البعيد..
ربما..!!
يبحث اليأس عن اركان بارده يختبئ بها من جديد..
ربما..!!
لفحات حاره ماتلبث ان تشتعل من جديد في قلوبنا وهي التي اخمدت نيرانها منذو لحظات معدوده..
ربما..!!
تلوح لنا في الافق البعيد,,,,آموراً غفلنا عنها..وتجاهلنا وجودها...
ربما..!!
عيون كثيره تتربص بنا..وفي كل غمضت عين والتفاته..تظهر..عيون حاقده..نظرات موجعه..
ربما..!!
هي..؟
... [ بـــ ع ــض العيـــون حقدهــا في نظرهــــا ]
..
مدخل..
المشكله لاصرت .. محتاج .. لإنسان ...
بالحيل محتاجه وهو ماشقى فيك
والمشكله (وأكبر مصيبه) إلى الأن ...
إذا عشقت إنسان يرفض مباديك
والمشكله لأشقيت نفسك على شان ...
إنسان مايسوى تعبك ومماشيك
والمشكله لأعطيت قلبك لخوان ...
همه كذا يلعب .. وثم ٍ يخليك
والمشكله لاصرت بالحب ربّان ...
والموج (خانك) ثم خيّب هقاويك.
والمشكله لاكنت .. مانمت سهران ...
لجل ألذي أصغر طموحه .. يبكيك
والمشكله لاكان هو قرّ الأعيان ...
تشتاق له دايم وتلقاه جافيك
والمشكله وأكبر قهر إن الاحزان ...
ماتلفي إلا من يحبك ويغليك
والمشكله خلك تجازيه بإحسان ...
ثم تكتشف انه (بغدره) يجازيك
والمشكله لاقال أنا وأنت خلان ...
ولا دار ظهره .. أعرف الخل ناسيك
والمشكله لاطحت بإنسان وإلسان ...
يزعلك مره ثم يرجع يراضيك
والمشكله ياناس لاكنت غلطان ...
ودك تصحح موقفك بس ينهيك
والمشكله لازاد صبرك بالأزمان ...
ولاقلت هانت منه كثرت بلاويك
والمشكله (موقفك) من صاحب ٍ بان ...
أتفه سبب خلاه يركض يخاويك
والمشكله لاكنت بالحيل مرضان ...
وإدواك مع خلك ويرفض يداويك
والمشكله لاكنت بالحيل ولهان ...
ودك بقربه.. بس !! ماوده يجيك
والمشكله لاكنت لي حيل شفقان ...
وتلومني ومدري انا كيف أداريك
والمشكله (وأكبر جريمه) إذا كان ...
خلك يحب إنسان دايم يعاديك
والمشكله لاغنّو الناس يادآآآن ...
والحزن مآلي بالليالي (مخابيك)
والمشكله لاكنت في بعض الاحيان ...
تلقى من يشوّه بفكره معانيك
والمشكله حظك إذا كان تعبان ...
أكيد يظلمك ... ثم يشقيك
وياشينها والله اذا طحت يا (,,,,) ...
بين المشاكل كيف تثبت خطاويك
بس الأكيد أصبر .. ترى الصبر عنوان ...
وأعرف ترى لابد في يوم ينجيك
..
<<(نظرة حقد اولى)>>
..
.
.
.
الم يتجدد يعلن بداية فصوله..
.
.
.
وآلله لآإوريييه آلـ غ ـرآإييير ‘، وح ـقدآإن «
وآإني لآإبيح ~ كل مآإيخفي بسدي !! ..............................
ويعيش ع ـمرهـ |[ طوول آلآيآإم ~ ندمآإن ./!
وآضحك عليه ../ و | بسمتي | فوق خ ـدي ! ..........................
.
.
.
..
بعبق الماضي البعيد...
قبل اكثر من ثلاثين سنه,,,
....
عُرس وضحكات...تليها..حسرات وآهات..
نظرات عيون تتعلق بها آغصان الحقد...آنـــــــفاس تلهث
خائفه ومضطربه..تخاف فضح الــ ع ـيون لها... شخص بسواد حالك..
في مكان بعيد..بين الأعشاش..والبسطات البسيطه...يُلقيه..!!!
صوت صرخات طفل عمره مابين السنتين..ضائع..تائه..او ..قد يكون منبوذاً..لا..لا ..قد يكون..؟؟
.
.
.
وقبل 15 سنه من اليوم.....
...
واقف بشموخ جبروته,,وقسوته وظلمه...
ورائحته المميزه التي تسبقه في اي مكان يقصده...رائحة العود الفخم.. التي تعلقة بملابسه..وعشقتها
بكثرة معناقتها له...وهيامها به ..وترفها بوجوده,,,
بصوته الغاضب الحاد الجامد\تطلع من شوري ياعبد العزيز من سنين..!!وفوق هاذا تاخذ على عصيانك لي مواثيق وعهود..
وتسحب اليوم اخوك ها البزر معك!!!
عبد العزيز بصوته الرخيم وهو منكب على يد والده يقبلها بئلم\يُبه ماسويت حرام عشان اطلع من شورك..
تزوجت وباالحلال...واخوي تزوج وبا الحلال...ماسوينا حرام !!يبه خلاص آرض علي..ما رق قلبك الى الآن..؟
عيونه تتفحص ركوع ابنه المتذلل.. الذي طعنه برجولته ونحرها امام شيوخ عائلته..او بمصطلحنا (جماعته)..
الذين ينتمي اليها..تلك العائله
العريقه المرموقه.. التي يفتخر بنتسابه لها..
وبحده\طلقوهم والحين....؟
عبد العزيز ينزل لآخر طرف من عكاز ابوه الثابت با الارض.. ويقبله زياده با التذلل \يُبه من سنين وانا متزوج وانت عارف...
طردتني من كل شي..وماخليت بينا اي اتصال حتى أمي مآتت وماحضرت جنازتها
ودفنها والسبب آنت...ليه يايُبه تعاملني بها القسوه...وانا والله ماخطيت...
بشموخ مطعون الى حد النُخاع ومٌهتز بل وصل الى حد التهاوي\مآخطيت!!...تاخذ بنت البراق..!!البراق!!حنا حتى عطران الشوارب
مطيبن الايادي ..يتناموسون بقربنا ..يعرضون بناتهم عطايا لنا..بنات من ظهور رجال شرواهم قليل ..وانت نزلة راسي
عند ربعي وخذيت آرذل القوم...مش********ن النسب منهوبين الجد..!!لكن هاذا ماهو بحكينا الحين..!
ناظر بعدها بتال وبقسوه\بتال آقول لك طلقها الحين والا والله بعالي سماه..
ان آغضب عليك ليوم يبعثون وان تنسى ان لك ابو اسمه مقرن....واخت اسمها الظبي..واتبرى منك مثل ها العاق,,,
بتال بضعف وهو يطالع وجه عبد العزيز المنقلب لاسود\يُبه...!!
يقاطعه مقرن بقسوه\لاتخلي موطي الراس هاذا يسحبك معه..ترى والله لانت ولدي ولاعرفك...وانت ياعبد العزيز ياموطي راسي ومسود
وجهي بين الرياجيل ..غضبي عليك لين اموت...لاتاخذ عزاي... ولاتشيل معهم جنازتي...ولاتنزل على فرقاي دمعه,,,
قاطعه ها المره عبد العزيز وبستجداء مؤلم\يٌبه هاالكلام ماهو من قلبك ... يُبه انت تعرف آنا ليه خذت بنت البراق..
يبه انا عندي ولد وها الحين رجال.. خمسة عشر سنه مابردت جوفك....خلني انادي لك ولدي..يااااسر ..
اوقفته آشاره من يد ابوه بمعنى اسكت\مابي اشوف من ذريتك احد!!!مسودين وجه مثل ابوهم....
ناظر بتال بقسوه وبحده\بتال بطلق و الا..لآ..!!
....
...
...وقفه..مع آبطال بعض الـــ عــ يون حــــ قــــ دها في نـــ ـــــظـــــــ رها...
\
عائلة الراسي...
الجده هيا....,,,ام سطام..
سطام...ابو جسار...دكتور معروف..يملك مستشفى يتوسط العاصمه....
ام جسار...رفيقة درب وحبيبه قبل ان تكون زوجه لبو جسار..,,
جسار..34 رئيس تحرير جريده مرموقه...متزوج...عنده بنتين تؤم ...درر ووسن
سيوف..30 سنه ...زوجة جسار...
عناد ....33 العمر.,,
ريان..28.. سنه متخرج من جامعه مرموقه..
شهد..21 سنه ..جامعيه....,,
..
عايلة العاجي
مقرن العاجي..الجد...ابو الظبي..
عبد العزيز.. الابن البكر لمقرن ومتوفى...
بتال.38سنه..متزوج...من اثنتين..هم
((مناير 36..ثلاث بنات..فلك...سنا...ظبي ..))
((مناهل. 34.. الزوجه الثانيه)
الظبي..ابنة مقرن الصغيره...عمرها 27سنه..وهي من زوجه ثانيه طلقها مقرن من صغر الظبي وبقة الظبي معه....
ياسر...34سنه...الحفيد الوحيد لمقرن العاجي من الذكور....
..
عايلة البراق
الاب فهد..
العمه فلك..32
مناف وملوك..تؤم24 سنه..
.
.
...وباالحاضر...بمستشفى طبي مرموق..يتوسط بشموخ..آحياء الرياض الفخمه...,,,
.
.
.
-لاه لاه..
رفعت عيونها السوداء بنعسان\بسم الله عليك حاسب..!
ياسر بضحكه\ انكب العصير واخترب البالطو..؟
نزل ياسر البالطو عنه وحطه على طرف الطاولة...وبان جسمه مع التيشرت الضيق الي كان لابسه...
نزل وجبة الغدى تبعه على الطاولة بجنبها...يفصل بين كرسيه وكرسيها عدة سنتي مترات...
ياسر بابتسامه\تغديتي والا على الريق قهوه...
طالعته ملوك واشارت له بئنها تغدت...
ياسر غرس الشوكه البلاستك با السلطه الموجوده قدامه.. واكل منها ..وطالع لملوك الي كانت تتكلم بهدوء بجوال...
التفت لجه الثانيه وشاف نوال ومنى رايحن لجهته ومعهم الغدى تبعهم...
ياسر بستغراب\ماتلاحظون المستشفى هادي جدا..اليوم..
نوال نزلت غداها وجلست\لا ولله مو ذاك الزود بس قسمك الي هادي...
منى جلست بدلع ونزلت غداها باابتسامه..
ابتسم ياسر وهو يكمل غداه بهدوء...
نوال بستغراب\ياسر!!
يااسر طالعها بستغراب من آشارتها بصبعها ...بس ابتسم لما شاف المكان الي تشير له على ذراعه وعلى جرح كبير موجود با الذراع...
ياسر باابتسامه\هااا ...هاذا احلا جرح بحياتي..!
نوال بصدمه\اول مره اشوف ها الجرح ..خبرني..حادث!!
التفت ياسر لجهت ملوك الي كانت تكلم با الامباله
ياسر\هاذا الله يسلمك...وضحك بصوت واطي..
ورجع ببحه\لما كان عمري15 سنه..طلعت لي حوريه من المويه!
منى رفعت حواجبها بستغراب وناظرت نوال وبمسخره\حوريه عاد ياسر..!!ياكثر خرابيطك..؟
ياسركمل بضحكه\ايه في وحده دفها اخوها بابركة مويه بمزرعتنا..وهي كانت لساتها نونو مرها 5سنوات او اقل مادري ..؟
ونزلة للمويه وجيت بطلعها ...لاكن مستوى المويه كان اكبر من سني ..واضطرتنا المويه لمكان ضيق وفيه حدايد... وصار ها الجرح...
سكت ياسر والتفت لجهتها... وهو يسمع حكيها ماهي معه ابد...؟ قاعده تحكي بجوال...
ابتسم...
لذكريات..؟
وباقي انفاسه الي ضاعت مع حوريته الي انقذها..؟
ذكريات قديمه حيل من لما كان عمره15 سنه.. وهي 5 سنوات..!!
يحبها.. يعشقها.... يذوب في حكيها..تئسره ياناس بوجها الصغير الفاتن الي محفور بعقله الى الان...
الخايف.. المرعوب من فكرة انه يغرق
ويروح بداخل آعماق المويه,,
ابتسم اكثر وهو ..يتذكر ..صراخها ..وهو قريب..دخل با المويه ولافكر بفكرة الغرق..لما صارت بين ايديه..
والمويه تجبره على قطعة حاده با الحاجز..
حاده حيل...مثل قسوة ظروفها..
حاده حيل..وائلمته اكثر..
اشبه با السكين..باقطعة زجاج مكسوره..
هي الي تسببت بهاذا الجرح الكبير...
ابتسم وهي تصارع المويه...
ولما رفعها بيده على مستوى السطح,,الكلمه الي سمعها منها
..قرف آسر قرف...
عقد حواجبه..وطالع طرف جرحه القديم بذراعه.. 10 غرز... وكئنها عدد السنين الفارقه بين عمره وعمرها...!!
يتوسط آعلى ذراعه يخترق بعنفوان وصلابة عضلاته ...الى ان يصل الى الغرزه العاشره..,,
كم يعشق عدد هاذه الغرز...!
وكم تئسره..وتبعثره..ثم ماتلبث ان تجمعه...وتعيد الكره با نظرات موجعه تبعثره!!
تبعثره ..تبعثره..تبعثره...ثم لاتجمعه!!
وكئنه لعبه...بين ايديها...!
سكرت ملوك الجوال ونزلته على الطاولة..
رجع ياسر للحاضر و ناظر ملوك بستفهام\خالي!!
ملوك تشرب القهوه وبعصبيه صدت..,,
سكت ياسر عنها وكمل غدى..
منى بخبث\بالله..يعني قصة حب بينكم من زمان ..ههه أيا روميو وجوليت!!
ملوك طالعتها بستغراب..؟
ياسر يحاول يتدارك عصبية ملوك التي اتضحت بدقه من عيونها وراء النقاب..تكره الكلام عن هاذا الشئ\تخسي جوليت ماتجي جنب حوريتي شي..؟
ملوك طالعته..!!
ياسر حرك بهدوء دبلته الفضه ويطالعها بحب\حوريتي ..وملاكي.. وكل شي بدنيتي...
نوال انتبهت لحركات ملوك المتوتره \ طيب اوكي.. نرجع لارض الواقع... تخيل جتني حاله اليوم جدا غريبه...
حالة اهمال على تسيب في طفله عمرها شهور..تخيل امها تحرقها..و..
قامت ملوك وبعدة الكرسي..
ياسر ارتفعت عيونه معها...\وين...؟
ملوك\انا رايحه للقسم راح اجيب موبايلي الثاني.....
مشت ملوك بتجاه القسم...وقفت بممر بعيد ..غمضت عيونها بقهر..
وحطت راسها على الجدار القريب..وبيدها ضغطت على الجوال....قهر..قهر..
يبرر خدع ..!وكذب ..!ونفاق..!يزيد عليه المواثيق والعهود..!
تحس بئلم بكامل جسمها يهدها ..
مرارة...؟ضعف....؟وآجبار ...يخترقها كا خنجر...مسموم,,,,
يرقص بئلم بين آوردتها...ويتجاهل كم تعاني من هاذا الخنجر,,,
يتعارك مع ائلمها..,,,يغلبه في مرات عديده ويقتله في مرات اخرى..,,لم تشعر يوم با الانتصار عليه..مع ذاك الوجع..القاتل بصمت..
لكن باخلاص وتفاني في تعذيب ضحيته...!!
فتحت عيونها بضعف..وحاولت ترجع تتجاهل كل شي..كل شي...مشت بخطوات ثقيله بتجاه القسم الي يمر من عند البوابة الداخليه
للمستشفى....
وفي ها الوقت دخلة حاله طارئه مجموعه من الرجال ومعهم مجموعه من الجرحى..
الممرضه تركض لجهت ملوك\دكتوره ملوك حاله طارئه رجال من القوات الخاصه .. مصابين من مناورات تدريبيه...
ملوك تطالع المجموعه الي دخلت وواحد يركض جهتها...
-دكتوره لو سمحتي مساعده بسرعه صديقي برى وحالته حرجه..
ملوك \وين..
الشخص تقدم قدامها.. وركضت هي وراه وصرخت على الممرضه تستدعي باقي الاطباء الموجودين والمناوبين....
ماهي الا لحظات ...
وملوك شافت شخص يشيل واحد وباين من اصابته بليغه...
الشخص بصراخ\وين الدكتور سطام..؟؟؟؟
ملوك برتباك \نزل صاحبك هنا على السرير على السريع..
نزله الشخص وتوجه الممرضين با الشخص وحالته الباين انها حاده
وحرجه طالعته ملوك وعلى السريع\على طول غرفة العمليات... واستدعو الدكتور ياسر على السريع..
توجهت ملوك لغرفة العمليات..
الشخص بحده مسكها من كتفها...؟ وبعصبيه\ياحضرت الدكتوره..؟ قلت الدكتور سطام هو الي يشرف على حالته ماتفهمين...؟
ملوك بعصبيه بعدت يده وبحده\المستشفى هنا يمشي على قوانين مو على قوانين حضرتك...
والدكتور سطام على بالك انه دكتور عادي يستدعى من اي مكان..يااخ..هاذا مدير المستشفى...ابتعد خلني اشوف الجريح..
دخلت ملوك وماهي الا لحظات ودخل وراها ياسر...
... ...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
...
في مكان ثاني..
وجناح من الاجنحه الموجوده با الفله الي تخص عايلة سطام الراسي.
.. ...
...
جسار ماسك شماغه المحطوط على طرف الكنبه بعنايه\مافهمت عليك!!
سيوف تتجاهل نظراته المركزه بعيونها \مثل ماقلت لك بسافر اجيب اغراض للمشغل تبعي..؟؟؟مع جزيل وخوله,,,
بنفس تجاهلها ..وبرودها...تخرج عدة اقلام تحديد ...
طالعها بنظرات حائره..موجعه..الى حد الصقيع..,,,مايتحمل ها البرود الدائم..مايقدر على الجفاء منها...وان كان بلا سبب..!
جسار بضيقه\العاملات الي معك..!
سيوف ترسم حواجبها بعنايه مثل دايم آنيقه واكثر من ها الكلمه\ايه..عندك اعتراض..!
,,
>>>>> ردود الأعضـــــــــــــــــــاء على الموضوع <<<<<
==================================
ارتفع جسار وتوجه لجهت المرائه.. اقترب حاول تشتيت انتباه با اصابعه الطويله تعدل شماغه وينسفه لفوق...حركته القريبه منها
زادة جنونه...وعشقه..وهو يشتم بصخب رائحة عطرها..القريب..والقريب جدا...من شخصيتها المغروره..التي يعشقها الى حد النخاع...بعبق
رجولته وثقله الدائم\ماارتاح لهم ..وماحبهم يروحون معك..كلها اسبوعين واروح لبيروت روحي معي..آجليها اسبوعين..
سيوف تسحب بطاقات الصراف وتحطها بمحفظتها قوتشي الفوشيه..رفعت عيونها لعيونه القريبه جدا بعد مارتفعت ببطئ من الكرسي..
متئكده تمام من نظراته...أنُه عاشق لها دائم الى حد الثماله\ماقدر..معداتنا والميك اب تبعنا يبي له تجديد..سوري..
جسار حاول يتمالك نفسه مايعصب..هاذي هي..!ترجع ترادد بكلامه..لكن ها العيون وين المرسى فيها والمينا..سحب نفس عميق وبهدوء\ودرر ووسن من يجلسون معه ...
سيوف \مع المربيات..ليه هم موجدات !!منظر وديكور يعني!!
بحده \قلت لك لا..مافيه روحها الا معي...ماتفهمين...!
جسارخذى له دوسيهات ومشى خطوتين والتفت\مو معقوله ها الي يصير...؟ لاتختبرين حلمي وتفتحي وصبري وحبي لك على تفهات
حنى بغنى عنها..
سيوف بعد ماسمعت خبطت الباب.. عفست وجها والتفتت جهت المرايه وضبطت كم فراشه الي على شعرها وبخت كم عطر ..ونزلت..
... ...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
...
... بجزء ثاني من المعموره,,,,
قدام مقهى مشهور..
كان ريان جالس يشرب قهوه مع اصحابه من نفس الستايل ويتكلمون عن سيارة ريان وستايله الجديد
لما سمع نغمتها المحببه الى قلبه..
ريان\اهلين
بضحكتها المغنجه\هاااااي كيفك..
ريان يقوم من جلست اصحابه ويعدل التي شيرت بوقفته\تمام وانتي...
ضي\مممم يعني..
ريان بخوف\شفيك...؟؟تحسين بشي...
ضي بضحكه\احس بشوق يذبحني ياخذني ويردني...بهمساتك وبضحكاتك يهدني..
ريان ركب سيارته و ادار مفتاح سيارته بشوق لها مهما بعد عنها يبي يرجع..
يعشق خجلها ورعشة صوتها وهي تتكلم معه يعشق كل شي فيها\يعني كل هاذا شوق لي..ولقربي..والا كيف..
ضي \مدري كذا من الله تصدق..احس اذاا غبت عني لحظه احس انفاسي معك تروح..يومين يا الظالم يوووومين..
ريان ضحك بخفيف\اانا الحين جاي..حرمتيني من جلسة اصحابي زين كذا..
ضي بفرحه\قول وربي.. قول ..لاتقول امزح..
ريان ضحك\والله جاااااااااي الحين لك..انا بعد مشتاق
ضي بفرحه ماقدر خجلها يخبيها\طيب طيب..اقوم الحق اجهز نفسي..
ريان بعذوبه\انتي كلك على بعضك في كل الحالات قمر..
ضي استحت\اوكي اتركك ممكن..
ريان\على انه مايهون بس كلها ربع ساعه واكون عندك..
ضحكت ضي وسكرت منه
ريان ابتسم في ها الوقت ونزل جهازه على الكرسي الي جنبه..ناظر شكله با المرايه االاماميه..عدل شوي بسبايكي الثللجي..
وابتسم على شكله... ...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
...
...
با المستشفى...
ملوك طلعت من الغرفه.. وانتبهت للمجموعه ..التي ما ان طلت ملوك من باب غرفة العمليات...حتى تحلقو عليها,,,
لكن شخص بينهم اخترق الصفوف التي تحلقت وبنبره حاده ومرتبكه من المجهول\كيفه ..هو حي..؟
ملوك توترة من الرجال المتحلقين عليها ونظراتهم مصوبه لها بتوتر \حالته الحين مو مستقره..راح يطلع الدكتور ياسر بعد شوي ويطمنكم...
الشخص بصراخ\كيف ماتدرين وانتي طالعه من عنده توى...؟؟؟تبين تجننيني..؟؟بس ماراح نلومك..فانتي حرمه..ولا شكلك واضح
دكتوره مبتدئه ..او حتى يمكنك لسا امتياز!!!
ملوك آنصدمت من الهجوم العنيف الي انطلق كارصاص يخترق اذنيها..تحكمت باعصابها بصعوبه\عفوا...التزم الهدوء...وتكلم بصوت واطي وبئدب
انت بمشفى ...
تكلم يوسف وببحه\دكتوره اعذريه هو مصاب ومارضى احد يفحصه والي جوى رفيقه من زمان ..ممكن تشوفينه..؟
ملوك التفت لجهت يوسف وانتبهت لشخص الي يشير له...وهو نفس الشخص الي كان قبل ثواني يصراخ...
شافت يده تنزف وبتحديد جهت الكف...نادت الممرضه لجهته,,,,
ملوك لشخص وهي تعد الف مره قبل لاتترك المكان الي موجود فيه\لو سمحت انت يدك تنزف ممكن اشوفها..؟؟
عناد طالعها بحده لما حط يوسف يده على كتف عناد وجلسه على الكرسي اللي وراه..
ملوك نزلت لجهت عناد ومسكت يده الي كانت تنزف وجتها الممرضه با الادوات الي تلزمها ..
ملوك بهدوء بالغت في التحكم فيه\ممكن اعرف الاصابه كيف صارت..؟
عناد طنشها وطالع لجه ماهي موجوده ..
يوسف بحزن\كان فيه تدريبات في مجموعة من المداهمات الخاصه.. المتخصصه بتفكيك المتفجرات..
وصار فيه انفجار بقنبله فشلو في تفكيكها,,
ملوك وهي تشوف الجرح الغاير بكف عناد\اممم يعني انتم من القوات الخاصه با المداهمه..المتخصصه في تفكيك المتفجرات والقنابل..؟
يوسف ببحه \لا ..(نحنى القناصه)....
عناد بحده بصوته المميز والغريب كئنه جهاز استشعار يرسل ذبذات ذهول قبل ان يتكلم ليجبر الجميع ان ينصت\يوسف ممكن تسكت...
نسيت ان هاذي الامور سريه وخاصه..؟
رفعت عيونها ملوك بحقد لها الشخص المبالغ بغطرسته الغير مبرره..رفعت عيونها في جهت عناد تطالعه ,, انصدمت بملامحه القريبه..
والقريبه جدا...دقنه المرسوم بحده ودقه غريبه...لترفع عيونها ببطئ
لشفايفه الواسعه الرفيعه ..وبوتيره ذاتها ترتفع عيونها لئنفه الحاد الشامخ المرتفع بأنفه ..
وغرور بغرور كلماته الجارحه..,,,لترتفع عيونها بنجذاب غريب يناديها
ان تتابع بدقه وبلحظات معدوده..غابت فيها ملوك عن الضجيج ..تابعت رفع عيونها لتتوقف فجئه بعيون صارخة
الحده..صارخة التحدي .. صارخة الغموض...تجبرها ان ترسي وتتوقف ,,,,عند شواطئها..,,,,,,
يوسف ببحه\انا ماقصد يا ..
قطع تئملها فيه صوت يوسف..ملوك بعصبيه قطعت على يوسف تبريراته الي كان بيوجها\الجرح لازم له خياطه...
صدت بنظرها بصعوبه وعيونها متعلقه با رتبة التي كانت على كتف الشخص الي كان امامها...!
في ها الوقت طلع ياسر من غرفة العمليات..
وقف عناد لما شاف ياسر طالع\ها دكتور كيف الحاله..
ياسر بتوتر\اطلبو لصاحبكم الرحمه...توفى....
عناد من دون تصديق\رعد مآت...؟؟؟؟؟
يوسف نزل على الكرسي وصار يبكي بصوت مسموع....
عناد طاح على ركبه بنهيار... بنهيار..بنهيار...وانهار...
رعد..مات..صديق مقاعد الدراسه والشباب....مات!!
اجتمعو باقي الفرقه وصارو يواسون بعض ويبكون على زميلهم الي توفى..وشكلو حلقه كل واحد منهم يهدي الثاني ....
وكئنهم اصبحو بنيان مرصوص,,,
......
...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
...
في صالون سيوف..
آضافرها المرتبه بطلاء وردي باهت.. وتعليقة قلب باخر آضفر باصابع يدها..ضبطت الورده البيضا على طرف شعرها العسلي..
جزيل بصوت واطي\مدام شو بتئولي..؟
سيوف تاخذ فنجال القهوه من الصحن وترتشف منه بهدوء معالمها\اخاف ننكشف!!
جزيل بضحكه\شو بنكشف!!..صدئيني يامدام..راح تجري الفلوس بيدينا جري..
سيوف حركت بصبعها طرف شفايفها\خليني افكر ياجزيل انتي تدرين لو نكشف شبيصير!!
جزيل\شبيصير يعني..مابيصير شي..انتم عيله واصلين اسم الله..وفهمك كفايه..
ابتسمت سيوف \بس..خليني افكر..
جزيل\بتربحي..!!وراح يصير لك حساب خاص فيك مو مشترك مع البيك ..يعني راح يكون ليك استلالئيتك...فكري منيح...
سيوف بتوتر\خلاص اوكي سوي الي يريحك بس يكون بعيد عني.. يعني مايكون بنفس تواجدي هنا با الصالون اوكي
جزيل باابتسامه عريضه\اكيد!!..
..... ...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
...
..
ضي وريان..للعشق عنوان..
ضي داخله جوات مفرشها الكشميري..\لا ياريان حنى كذا مرتاحين..
ريان يعدل السبايكي عند المرايه\انتي زوجتي ياضي ولازم الكل يعرف بها الشي..
ضي بحزن قعدة\بس ياريان انا..انا..انا..
ريان استدار لها\انتي ايش..؟
ضي بقهر حاولت تكتمه لكن اطلق صراحه من سجنها \انا مالي أصل..بنت مو قبيليه..بنت ماتناسبكم ولاتشرفكم ولاهي من ثوبكم..
فتح عيونه ريان بقوى وهو يشوف ضي تمسح دمعتها بطرف كم بجامتها الحرير..حس ان الغرفه تنطبق على صدره وهو يشوفها
بها الشكل...يكره كل مايضايقها..كيف وهي تبكي بئلم قدام عيونه...
ريان بعصبيه نزل نفسه لجهت دقنها ورفعه بصبعه\انتي زوجتي..زوجة ريان ولد سلطان الراسي..انا مايهمني انتي بنت مين والا من اي قبيله وحتى لو مانتي
قبيليه..انا اساس ماعترف با القبليه..ماعترف بها التخلف..ماعترف بقوانين فرضوها ناس من المجتمع
عقولهم ماتتعدى حبة جوزه..
ضي بين دموعها\لاياريان انا كذا مبسوطه دامني معك مبسوطه مو مهم احد يعرف من اهلك انا مابي الاانت وبس..
ريان يطبع قبله استنشق معها عطرها \بس انا ابي الكل يعرف انني متزوجك ياضي..انا احبك وهاذا اقل شي اقدمه لك..واذاقصدك انك مو قبليه
اسمي يرفعك ومالك هم بئي احد..
رفع نفسه ولمس انفها الصغير بخفه\يالله اهتمي بنفسك ..
ابتسمت لريان وهو يطلع وتسمع صوت الباب لما تسكر غمضة عيونها بحزن ..مستحيل اهله يتقبلون ان اهلي مو قبلين
وين بتودينا ياريان وين بتوقف حياتنا على اي مينا بعد اليوم..
.....
ومضه..>قضية ملوك وضي تختلف تمام ولاتتشابه للمعلوميه فقط..!فا ضي من دون اصل فاصولها ترجع ل,,,اتركها لكم كامفاجئه
اما ملوك فهي قبليه لكن اقل مستوى من قبيلة العاجي...,,,
...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
6 ص..,,’’
...
بين اروقة المستشفى وممراته..التي تنبعث منها روائح المعقمات,,والكثير من اهات المرضى,,,
ياسربضحكه\فديت الي ابتسم وضحك.. !
-هههههه
-طيب اوكي بس كذا
طب سمعيني كلمة احبك..
ضحك ياسر بصوت مسموع وهو نال مبتغاه..
لمح ياسر ملوك وهي واقفه عند الرسبشن ابتسم بحب لجهتها..بس استوقفه الصوت الرخيم الي معه على الجوال...
-ياسر حبيبي انت معي...
ياسر انتبه\اوكي غناتي بعدين اكلمك...
سكر من غير لايسمع اخر جمله.. وراح لجهت الحب الي معه من حياته والى مماته...
(طيب..طيب...آسمع اعتراضات كثيره منكم..بس آسمعوني .. آسمعوني...لاتستعجلون باطلاق الاحكام..
قولو عني طيش شباب..قولو عني مراهق متئخر.. قولو لي ماستاهلها ..
قولو أي شي راضي تقولونه عني ..عارف انكم مستغربين مني ولحد النخاع...
بس انا آعشق ملوك لحد الثماله فعلا.......آعشقها...
لاتقولون و شعور ملوك...!!ملوك هاذي عشقي ...وراح تظل ...بس المشكله فيني وعارف..هههه..بس اوعدكم راح اتغير لما اتزوجها..ههه)
..
وقفت ملوك عند الرسبشن تطالع في اوراق كانت معها...
ياسر جاي لجهتها وبصوت خافت\دكتورتي...لسا ماطلعتي ..
ملوك التفت له وبابتسامه\لا..اليوم انت عطيتنا عين اللهم لاحول...
ياسر ابتسم لها بحب ونزل علبة البيبسي الي كان يشربها...
عقدت حواجبها ملوك \الساعه 6 الصباح وانت مرهق وفتحت ريقك على بيبسي..مب صاحي...
ياسر طالعها بضحكه والتفت لجهت الممرضه وصار يكلمها عن موضوع مختلف...
عدلت ملوك نقابها..وبعدت طرفه بيدها شوي ..تحس بكتمه...وصداع اجتاحها بغرابه..
ياسر التفت لملوك\ها السايق تبعك وين..؟
ملوك بهمس\خلاص هو ينتظرني برى بس اروح اجيب اغراضي من غرفتي واطلع..
ياسربتعب \يالله ياقلبي بسرعه عيوني ماقدر افتحها راح يكبس علي النوم..
ملوك ابتسمت\آسر روح لازم يعني اذا كانت نوبتي تمشي وراي لحد البيت خلاص انا مع السايق ماراح يصير شي..
ياسر وهو مسكر عيونه ويحرك شفايفه بكلمة روحي وقلبي ويئشر على قلبه برسمة قلب..
ملوك ابتسمت ..
-لو سمحتي دكتوره ملوك...
التفت ملوك لجهت يوسف\هلا اخ يوسف محتاج شي...؟
يوسف بتوتر\عناد هدى الحين ياليت تشوفين يده..الله يعافيك..
ملوك كانت بتتكلم لما قاطعها ياسر بصوته الخشن ..\يااخ الحين خلصت نوبتنا تقدر تروح لدكتور الي استلم حالته الحين...معليش تعرف البارح
كان علينا ضغط ..الله يقومه با السلامه...
يوسف انحرج..ورجع خطوتين لورى لما..
ملوك\اوكي اخ يوسف انا الحين جايه..اسبقني لغرفة صاحبك والحين اوافيك هناك..
ياسر عصب وعض على شفايفه والتفت للجه الثانيه بعصبيه..
يوسف وهو رايح \اشكرك..انا سابقك للغرفه..
ملوك التفتت لجهة ياسر\آسر هاذا شغلي..مو مرتبط با الاوقات والدوام الرسمي...هاذا عمل انساني بحت..مو انت الي نفهمك انه
عمل انساني..انت اكثر واحد يعرف..
لحضات وماشافت ملوك اي ردة فعل من ياسر غير العصبيه..الي كانت مرتسمه بدقه على وجه..
ملوك\اسر..روح انت........لاتستنى...ممكن...
ياسر ضرب بقوى ارضية الطاولة الي قدامه ومشى من غير كلام من قدام عيون ملوك...
ملوك تغاضت عن تصرفات ياسر ..تعرفه من صغرها..عصبي ودمه حار لحد الجرح..
ورجعت شدت البالطو على نفسها..وتوجهت لجهت الانصنصير
فتحت الانصيصير وانتبهت لجوالها الي يدق بصرار..ابتسمت...
ملوك\هلا يُبه..
انا بخير..لا ..ماقدر ارجع للبيت..عندي حاله طارئه...
مادري بضبط....لاتقلق...يالله مع السلامه..
سكرت ملوك الجوال وحطت الجوال با الجيب ..
انفتح الاصنصير وطلعت... نادت الممرضه ..وتوجهت لجناح عناد..
..
ملوك فتحت الباب الجناح ودخلت وعطتها الممرضه ملف عناد..
يوسف با ابتسامه\الله يعطيك العافيه عذبناك ..وضغطنى عليك..
ملوك من دون اهتمام\هاذا واجبنا...
انتبهت لعناد الي كان نايم بهدوء ووجه الي كانت مرسومه عليه الحده والعصبيه والتكبر مرتخيه بهدوء...
لكن واضح التعب على محياه..
كانت تبي تبصق على وجه..جزاء لقلة تهذيبه..كم تكره هاذا الوجه...المختلط بوسامه طاغيه تجبرها ان تتئملها وكئنها سحر..سحر
غريب..لم تعتقد في يوم من الايام..بوجود وسامه موجعه وغريبه..كاشخص قليل التهذيب ..نائم بئدب امامها الان...
تداركت تئملها الغريب من صوت الممرضه...
الممرضه\دكتوره ملوك نزف كثير لازم خياط الجرح...
ملوك اشارت لها تجهز الادوات وقربت من عناد وفتحت كفه بهدوء..أشتعلت بنار سرت بعروقها بغرابه..
وكفه بين آياديها....تجاهلت بصعوبه هاذا الاحساس ...وبدت خياطة الجرح..
دقايق وصارت تلف الجرح بشاش وثبتته..
الممرضه\دكتر في حاله ثانيه با القسم الثاني...
ملوك حاولت التنفس ببطئ \اوكي جهزي كل شي لما اوصلك...قستي حرارة المريض..
الممرضه\الحراره كانت مرتفعه والحين طبيعيه..
ملوك تطالع ملفه ونزلته على الطاولة الصغيره\الحمدلله على سلامته...
ماهي الا لحضات وتوسط المكان شخص مهم با النسبه لجميع المستشفى.....
الدكتور سطام الراسي\شصار شفيه عناد..؟
ملوك طالعت الدكتور سطام بصدمه وهو متوجه لعند سرير عناد.. ويطبع قبلات على جبينه..
وشخصين ورائه ...تناوب على ذات الحركه..
ملوك بستفهام\دكتور سطام...!
سطام بحده\دكتوره شخصي لي الحاله على السريع..
ملوك برتباك\الحاله جرح غائر با باطن اليد.. سببت تمزق داخلي من الدرجه البسيطه...نتيجة شضايا من انفجار لقنبلة يدويه...والمريض الان
بحاله جدا جيده...
سطام طالع عناد والتفت لجهت يوسف\كيف صار كذا..؟
يوسف برتباك\تدريباتنا اليوميه...!
ملوك\دكتور حالة المريض مستقره تقدر تطمن عليه بنفسك..
سطام طالع عناد بتفحص..ومسك يده الي كانت مجروحه
في ها الوقت سرقت ملوك نظره لاسم عناد الي بملف وانصدمت وهي تقرى اسمه الثلاثي..
عناد سطام عناد الراسي...!!
..
حركت شفايفها بهمس ولد صاحب المستشفى الدكتور سطام الراسي..!
... ...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
...
بقصر مقرن العاجي...
غمض عيونه وهو يسمعهم بضيق...
مناهل\الحمدلله والشكر الحين تبيني اصوم اصوم وافطر على بصله..لاياحبيبتي انا بجيب الي يرفع اسم بتال ويحفظه..
مناير وهي ترفع شعر بنتها فلك بربطه\اقول انثبري هناك الحين عالجي نفسك ..
بعدين احملي ياحبيبتي كان غيرك اشطر الولد بجيبه انا ..
هو اساسا ماكان بياخذك لو بنات الحرام الي زينوك بعين عمي...وخطبك لبتال...
والا لو الامر بيده كان والله ماعرفتيه وانك منطقه ببيت اهلك..
مناهل بضحك\ههه الله يعافيك اسكتي..لانكشف المستور..وحتى انتي ماكان بياخذك بتولي..
بس تعرفين الي خطبني لولده هو الي خطبك والا لو الامر متروك بيده كان حتى انتي منطقه ببيت ابوك للحين
مناير حمر وجها من القهر \تكفين بس والي يرحم ولدينك يقالك تقهريني يعني...اهجدي بس لااصفطك بكبت سنا الحين...
مناهل بضحكه تبي تقهرها\لا شدعوه ابي كبت فلوكه..انقلعي انتي وبناتك هناك يام البنات..اام البنات ام البنات ,,
وصارت تطلع لها لسانها...
مناير مسكت فرشات فلك ورمتها لكن قدرت مناهل تتفادها..
مناهل وهي طالعه لجناحهاا\موتي قهر الليله عندي بتال وراح اخليه يذوب من كثر الرومنسيه مب مئذيته ببناتك..
دخلت بسرعه مناهل قبل لاتسمع دعاوي مناير عليها..
كل ها الكلام السخيف كان تحت مسامع بتال ...
الي كان مغمض عيونه بغرفه خاصه فيه... مفصوله عن الجناحين الي خصصهم ابوه لزوجاته وله..
ابتسم بقهر وفتح عيونه...بعيد عن الواقع الي عايشه..تذكرها وهي تسكر الباب بقوه في وجه..
ماتوقعت ان مع زوج اختها احد...كان شكلها صغير ببداية المراهقه..كانت حلوه حيل..حيل..
لما طلع اخوي سئلته عنها وابتسم وخبرني انها اخت زوجته..
وطبعا كانت التفاحه المحرمه علي..لا لشي..لكن ابوي مايرضى بنسب اقل من نسبه...
وتزوجتها..بسر..بعيد عن سيطرة ابوي ومباركه من اخوي الي طلع عن سيطرته...
ماستمريت معها كثير..يمكن ست شهور..وعرف ابوي با السالفه..
وبجبروته سيطر علي بحكم صغر سني وخلاني اطلقها...والا..اخوي..رفض يطلق زوجته الله يرحمهم..
والى الان..احس بجمره بجوفي..ماقدرت اطفيها..!
مسح عيونه بيدينه ورجع راسه بقهر على الكنبه لما انفتح الباب عليه بدفاشه
مناير بصوت عالي\بتال شوف لعجوزك الي ماخذاها حل ..
بتال وهو يتصنع انه مايعرف شي\ليه شسوت لك مناهل يامناير الحين..
مناير تجلس وريحة الزيت الي بشعرها سابقها\وش سوت بنت ابليس..تسئلني وش سوت...وش ماتسوي..على الطالعه والداخله بس تمليح انها الي بتجيب ولد..انا ماودي والله اجرحها كله تقدير لك ياعميري والا هي مالها قدر عندي ها السمجانه..لا ويعني اني شي..وهي ترى على فكرا ماهي بشي .
استمرت الاسطوانه المعهوده على اذان بتال..
بتال بثقل\والحين خلصتي..
مناير طالعته بصدمه وهي تشوف حواجبه المعقوده\وش خلصت هو انا بدية بس ماتلام اساسا اسم ها الي ماتسمى يضيق الخلق..
بتال بعصبيه\مناير مليون مره قلت لك لاتجيني وانتي حاطه ها الزيت على شعرك..
مناير بطفاقه\يووووه نسيت ياقلبي بس والله بناتك ماخذين وقتي شسوي ..
بتال\طيب قومي قابلي بناتك..ابي اجلس لحالي..
قامت مناير بزمجره وراحت لجناحها..
ماهي الا ثواني وهو اساسا عارف ها الشي لما شاف مناهل تطل عليه من باب
مناهل باابتسامه\قلبي لوحدك...
بتال طالعها بهدوء وتم ساكت..
جلست بسرعه بجنبه وبهدوء\ياربي قد ايش هي مزعجه مناير وبناتها مدري ليه ماتحب يصيرون نظيفين ولابسين حلو قدامك رفله بزياده اوف منها مدري كيف كنت متحملها ..
بتال\مناهل شفيك بعد..؟بينكم مشكله يعني..؟
مناهل تحرك قميصها وتنفخه بهدوء على صدرها\مشاكل مني ...لا لا...كل ها المشاكل هي تفتعلها والا انا يالبى قلبي حتى القط ياكل عشاي..
بتال حرك سبحته بين اصابعه\والمطلوب..
مناهل باابتسامه\يالله قوم معي لجناحي..تريح اعصابك ..يالله..
بتال بحده\مناهل..مب يومك ولايومها..قومي روحي لجناحك قبل اعصب..وبعدين مليون الف مره اقول لك ماحب ها التهريج الي على وجهك
اذا بتظلين كذا بصير في عيوني شي من الالوان االي تدمجينها.....
قامت بسرعه مناهل وهي خايفه وهي تعرف مزاج بتال اذا قلب..مايرحم احد..
مناهل\طيب قلبي..اوكي..تصبح على خير..
طلعت مناهل من الغرفه..
وظل بتال لحاله يحرك سبحته بهدوء لذكريات..
نقف هنا,
__________________________________________________ __________
...نظرة حقد ثانيه......
مدخل...
أستكثرك وقتـي علـيّ وغدابـك
عادة زماني كل ما طـاب هـوّن
ليت الذي وداك يـا زيـن جابـك
تشوف عقبك كيف الأيـام سـوّن
شرقٍ مشيت وغرب وقتي مشى بك
والقلب ماله لايـمٍ فيـك لـو ون
عقب الهنا بك ذاق لوعـة عذابـك
تلـوّنـت دنـيـاه ولا تـلــوّن
طويتني طي الـورق فـي كتابـك
حتى معاليق الحشـا لـك تطـوّن
اشتقت لأيام الهـوى فـي جنابـك
يوم الشموع بليل الأحباب ضـوّن
واشتقت أقول لهاتفك مرحبـاً بـك
واشتقت لغيوم الصحـاري تكـوّن
عوّد ترى داعي الهوى عند بابـك
وارو القلوب اللي بعد مـا تـروّن
غنيت لك عمري ولا جا جوابـك
واسمي مع مجنـون ليلـى تـدوّن
..
...
4 م...
في مكتب ملوك..
كانت متمددة على الأريكة بهدوء معالمها....
لما حست هز خفيف على كتفها..فتحت عيونها بتعب..
نوال بستفهام\نايمه هنا...!!خالصه مناوبتك من الصباح والحين نحنى العصر...
ملوك جلست بتعب وحطت يدها على رقبتها وحركتها\أخ..مرهقه كثير...كيف ماحسيت على نفسي ونمت..؟
نوال \قومي روحي للبيت...وارتاحي كم ساعه..
ملوك طالعة الساعه وهي تتثاوب بكسل\يارب وش ها الحاله ...
نوال نزلة الكوب عندها وسانتدوتش كروسون\أنتي بس غسلي وجهك.. واكلي وانا رايحه أجيب لي كروسون وعصير وجايه لك..
قامت ملوك وشطفت وجها على السريع....
جلست على الكرسي القريب منها .. و خذت كوب القهوه الحار.. وارتشفت منه بهدوء..وهي تطالع الساعه ..
انتبهت لجوالها الي في جيبها يهتز بنغمة رساله..
رفعت الجوال وشافت كم مكالمه على رسالتين...
نزلة الجوال على الطاولة من دون تفتح شي...
التفت للكرسون وفتحته وتمت تاكل مع همهمه لاتكاد تسمع..!
ماهي إلا لحظات..
نوال فتحت الباب بدفاشه وهي تتكلم ..\ها الفرقه الي جايه مسببن زحمه با المشفى بشكل يخنق..
ملوك بتمتمه\قصدك القناصه...!
نوال تطالع ملوك بستغراب وبخباله\يمه تكلمين روحك تو..! وبعدين مدري عنهم ها المجموعه ايه هم الي خويهم مات امس ..
ومجموعه من المصابين هنا..
ملوك ابتسمت بصمت\ أول شي انا مو أكلم روحي..انا قاعده أستغفر بصوت واطي..وثانياً..أول مره أقابل لي جرحى من القناصه...؟..
نوال جلست وهي تفتح عصيرها وتشرب منه وتقلد طريقة ملوك الهاديه \ ههه عادي ترى أنتي لسا جديده بقراطيسك ههه ممم
ولد الدكتور سطام الراسي على راس القائمه...
ملوك انتبهت\قصدك عناد..؟
نوال بنفس اسلوبها الساخر\بضبط!! فوق راسك للنبه...!عناد سطام الراسي...يالله أسمه يخوف...
ملوك تبلع ريقها برتباك \يخوف!!انا اشوفه اسمه عادي..
نوال تغير الموضوع\ترى الكاتب والصحفي جسار هنا...أنا مدري ليه دكتوراً الكبير مسمي عياله كذا..الكبير جسار...والي بعده عناد الي منفلق عندنا_^
من بعده شسمه..؟ ياربي ..ياربي شسمه ...؟ياختي اسمه كذا نوعيم..! مب مثل ها الوحوش الكبار....!
ايه ايه.. ريان... وه فديته وفديت اسمه معه يادلبي دلباه!! كذا كلبوج مثل اسمه...(رفعة نوال حاجبها)عاد اذا عنده بنات مدري
عنه بس على ماظن اني سمعت ان عنده...!
ملوك تزم شفايفها \ماقصرتي يانويل..جايبه علوم دكتوراً كلها..ياختي ياليت تميزك في اللقافه مثله با مجالك يكون أحسن..وبعدين
ولده الكبير هو الكاتب ماغيره...جسار..!
نوال با بتسامه عريضه\ايه انا لمحته في الممر لما كنت جايه لك..
ياربي نسخة الدكتور سطام..ياحلوه بس..غريبه ماشفتيه..هو اخو الي منفلق عندنا...,,اقصد الي منصاب ..!
ملوك ضحكت\ مانتبهت..بعدين بالله عليك هذا منطق ..الكاتب جسار شخصيه مرموقه وجذابه اجتماعياً..بسبب فتحه النار
على كبار الهوامير والشخصيات الغير متزنه من التجار الشجعين..ومدافعته المستميته عن قضيتنا الدائمه....أساساً هو يستحق
جائزة وخلينا نسميها ..
نوال بسخريه وهي تقاطعها\ههههه ياختي عليك اذا خشيتي بحماس؟؟إنا بعطيك اسم جائزته ..خلينا نسميها الوسامه منقطعة النظير!!!
يالبى قلبي ماحلى جوائزي!
ملوك وقفت وهي تلبس نقابها عند المرايه الي قدامها وبيئس\الوسامه ماهي مقياس لشخص...ثقافته هي الي تكشف عقله وتفكيره....
نوال باابتسامه وهي تخلص باقي العصير\الي هو.. !وين بتروحين..؟
ملوك تضفي كامل حجابها بستثناء فتحة العيون \بروح البيت ماتلاحظين اني نمت هنا...
نوال تمثل الحزن\لاه ..لاتقولي مااعندك اليوم شي..وقسم انتحر..!
ملوك بضحكه\لا عندي الساعه 11...يالله عن اذنك أبوي احرق الجوال اتصال..
وموبعيده يدق على مدير المستشفى ويقول اعتقو بنتي لوجه الله..يالله
عن إذنك لقانا بالليل بذن الله...
نوال تمت تضحك على ملوك وهي تطلع باابتسامه..
..
..لاتمــــــــــر النــــــــار..وثيابـــــــــــــك حريـــــــــــــــــر...!
....
بمكان ثاني ...
وبمكتبه الفخم بقصره..
ابتسم بعذوبه لتليفونه الخاص الموجود على مكتبه .. وهو يظهر رقم محبب الى قلبه..,,,
رفع السماعه وبصوته الرخيم\هلا هلا بظبي ابوها هلا..,,,,,
-ياظبي ماتعرفين قليب ابوك مايحب صوتك يغيب عنه..؟
-لا ابد ماهو بعذر...يعني وش مشغلك....؟
-يابوك وش حالك مع ها الحمال ها المره ..يابوك طيعيني تعالي عندي..ترى منتي برى المملكه هاذا انتي قريب لو أرمي سبحتي تصير بوسط سوركم...
-دام فيها طارق...معذوره...
-ترى ان قعدتي اكثر من كذا..بجيك ومايهمني لاطارق ولاسابع جد لطارق......
-فمان الي ما تنام عينه...
سكر التليفون ..لحظات ..وحرك بصبعه السلك وفصله من الثابت..الأبتسامه مرسومه على ثغره..لم تختفي رغم شوقه الجارف لها..
للبوه الشرسه!
ماهي إلا لحظات معدوده ويده تمتد بصمت لتسحب الدرج الأخير للمكتب..ويخرج منه أطار....
غابت الابتسامه مع تحسسه لزجاج الإطار....
وتغرق في بحر من الذكريات الموجعه...المؤلمه...البعيده...
ثالث أيام العزا..,,
بزواية المجلس ..شاب صغير..,,لكن ..؟
-أنت يآآآآآآسر..!
صوته الطفولي الذي يشارف على أعتاب العشرينات لم يختفي\إيه ياسر ولد عبد العزيزبن مقرن العاجي..!
-تعرف مقرن..؟
ياسر ببحه\انت..مقرن العاجي..
-تعرف مقرن العاجي...!
ياسر \انت مقرن العاجي...
بصوت يقارب للحده\تعرف مقرن العاجي..!
ياسر بثقه ماتزحزحت من الصوت الجارف الي قدامه\ايه اعرفه مايثني كلامه..والكلمه عنده ماهي ثنتين واذا تبي انا هو مقرن العاجي..!!!
ابتسم رغم وجعه\ مابيك هنا ولا يوم جهز نفسك باخذك معي..!
فتح عيونه الي كانت راحله مع الذكريات في غفوتها ...
نزل الأيطار بدرج وقفله من جديد..أبتسم..وهو يتذكر ياسر وطريقته في اول لقاء معه..يتكلم بثقه فاقت بكثير شخصية عبد العزيز
الواثقه والصارمه...عقد على عبد العزيز آمال وطموحات في اقترانه من عائلات مهمه..لكن لم يربح في رهانه ..!
من نظرته الاولى لياسر عرف ان مقرن العاجي ماهو بتـــال ولاعبد العـــزيز...؟
مقرن العــاجي هو ها المراهــق الصغير الي قدامه...! بس يبي له
مسح من الغبار الي اكتساه ..بس مسح بسيط ويكون مقرن الثاني.....عارضني كثير والي في راسه يسويه..!
لكن مسيارته احسن من خسـارته!
مافيني خسـارات جديده وخاصة ياسـر..!
طــب ..قلنا طــب..!
يعارضني في قرارتي قلنا عارض غالـي ويتدلل..!
يفتح مواضيع مسكره..حقه...هو عندي غالي الاثــمان..!
لكــــن..!غلطة الي تحت التراب...ماهي متكرره دامني حي وما وسدة اللحد..!
__________________________________________________ __________
بعد ساعه الا ربع...
دخلت ملوك الحي الصغير..ونزلة من السياره الفان الصغيره\شكرا ابو عبدلله الله يجزاك خير...
ابو عبدالله باابتسامه\الله يعطيك العافيه يابنيتي..الساعه 11 الليل ..اكون عندك بذن الله
ملوك بخجل دائم وبصوت واطي\على خير ...
توجهت ملوك للبيت الصغير ودخلت مفتاح البيت في الباب لما انفتح الباب فجئه...
مناف فتح الباب وابتسم\اوو الدكتوره ..!
ابتسمت ملوك من ورى نقابها بتعب ودخلت..
سكر مناف الباب والتفت لها بضحكه\لي يومين ماشفتك ياتؤمي ..مافيه عندكم خبر ان التؤم اذا بعدو عن بعض يتعبون..؟
ملوك بتعب وهي ترفع النقاب عن وجها..\لاماعندي خبر...؟
مناف بتكشيره مصطنعه\خلي عندك خبر من اليوم ممنوع الدوام بشكل متواصل..
البارح ماارتحت بنومه...
ملوك تمشي لجوى البيت وتمتم بداخلها ليتك مناف الأول والي جرى ماكان\والله وانا مارتحت ولانمت..
مناف مشى ورآها\مانتي بمجبوره..ترى ياسر يشكي منك كثير..
التفتت ملوك وهي عند المدخل\نعم!!
مناف قلب مزاجه\يعني خلص دوامك شلي جابرك تجلسين علشان سبب واهي..يعني ماهي حاله خطيره تستعدي جلوسك..
ملوك بعصبيه\الظاهر انه ماقال لك ان انا الي مشرفه على حالته..ها المريض..
دخلت ملوك بعصبيه البيت ووقف مناف عند المدخل وبعدها دخل وراها..
ملوك بصاله شافت ابوها جالس يتقهوى مع عمتها فلك..
ملوك با ابتسامه عذبه\مساء الخير يا الغالين..
طبعت ملوك بوسه..
على راسه ابوها..
ابو مناف بحنان\يابنتي ماصار دوام ها الي انتي فيه...ارهقتي نفسك ..وصحتك..وماصرنا نشوفك .
ملوك تفسخ عبايتها وتجلس بتعب على الكنبه\شسوي يبه غصب عني..؟انت عارف يا الغالي..
سكرت عيونها بتعب...
مناف بعصبيه\يبه قلها ماهي حاله ...يا يستدعونها اخر الليول يا نظام تطبيق!!
ابو مناف تم ساكت..
ملوك بعصبيه\مناف وبعدين معك... تراك قلق مو معناة ياسر زعلان مني انت بعد... انت اخوي ..والأ.. اخوه ...
خذت عباتها وطرحتها وشنطتها وطلعت لغرفتها .....
فلك بعصبيه\وبعدين معك يامناف ترى انت مالك داعي ليش تنرفزها وهي معصبه وتعبانه ومرهقه..
مناف عفس وجه بستهزاء وجلس على الكنبه مقابل ابوه..
ابو مناف\مناف شفيك على اختك..؟
مناف بعصبيه\يبه ياسر معصب منها يقول مره مرهقه نفسها مدري شفيها ..؟
ابو مناف بحده\يعني ماتعرف ليش مرهقه نفسها ؟؟وليه تفكر...!
تسدد اقصاد ها البيت وها السياره الي عندك وتسدد الدين الي علي..وماتبيها تتعب نفسياً وهي ماتستلم من ها الراتب
الا الفتات واذا استلمته حطته في ها البيت ...
مناف وقف بطفش\وانا بعد اساعدها مو هي لحالها...
فلك بعصبيه\شتساعدها فيه يابو الفين وخمس خلك ساكت بس...ليت مساعدتك لها تفكها منك ..
مناف عصب وطلع برى البيت وصفق الباب بقوى..قبل لايسمع الكلام الي يكره دايم بسمعه منهم..
ابو مناف نزل فنجان القهوه بصينيه وبحزن\الله يعينها ويهدي ها الولد..
فلك بعصبيه.\ها الولد منفلت من يوم يومه..لمتى وانت ساكت له..
ابو مناف تم ساكت ومارد ولاحكى..
..لاتمــــــــــر النــــــــار..وثيابـــــــــــــك حريـــــــــــــــــر...!
با غرفة ملوك..
ملوك نزلة نفسها بتعب على السرير..وماتقدر تمسك راسها من ائلم...تبي تصلي لها ركعتين قبل ماتنام وتقرى وردها من القران...لكن
نامت بملابسها بتعب..
لحظات وفتحت فلك الباب ومعها عصير برتقال.. حزنت لما شافت ملوك بتعب نايمه..
نزلة الكاس على الكومدينه.. وطفت الليت وسكرت الباب بهدوء..
توجهت فلك لجهت غرفتها دخلتها وسكرتها بهدوء..
جلست على السرير...وفتحت درج الكومدينه الصغيره..وطلعت منها صوره ..
ابتسمت وهي تتحسس باصابعها الصوره البارده..
تحاول تلتهم الذكريات بشفافيها المرتجفه..
مسحت بسرعه بطرف اصبعها دمعتها الي خانتها...
وحاولت تتمرد على الجرح وتطيح على الخد الناعم ..
تذكرت الخبر الي قبل 6سنوات..ولادة طفلته الاولى دليل مثبت على نسيانه لها..
لكن بقدر صدمتها هاذيك اللحظات ..وحلفها ان يختفي من ذاكرتها حبه وآيامها معه.....بقدر قهرها
على الايام القليله الي معه...خاين وكذاب.وجبان..!ايه جبان..!
......
..لاتمــــــــــر النــــــــار..وثيابـــــــــــــك حريـــــــــــــــــر...!
....
في ها الوقت..
6م...
بتال جالس بصاله مع مناير ومناهل الي من قعدو
وكل وحده ترمي على الثانيه كلمه..وتنغيز..بصوت خافت..
كان يتصفح الجريده قدامه ويشرب من كوب الشاي ..
بتال بطفش وازعاج رمى الجريده بقوى على الطاولة\انتم وبعدين معكم..قلت لكم شوية هدوء..ماتفهمون...!
قام بحده وعصبيه وتوجه لمكتب ابوه ..الداخلي..طق الباب ودخل على ابوه ..
مناهل بستغراب\ياختي وش في مزاج بتال..ماهو رايق..؟
مناير وهي تئكل سنا\ومن متى كان مزاجه رايق..دايم يصارخ ويزاعق..انا الي ربي قردني وخذيته قال شين وطبينه وبنات...
مناهل طالعتها بنظره ناريه\الله الله..يختي من الي حفة وخذاها..والله لو انه ماخذاك كان انجنيتي وانهبلتي..
وبتال ياعميري عليه صابراً عليك علشانك بنت عمه..
مناير تدخل الأكل الي بملعقه بفم سنا بعنف\تكفين لاينقطع فيك عرق ونبلش فيك اانا وبتال..
والله ماعفت ولد عمي الا من بعد ماجاني فيه شريك..ولا شريك اعور.._^
مناهل بغيره\ياحرام تصدقين انك تصعبين علي وارحمك...
مناير بستخفاف\مايصعبش عليك غالي يابعدي..
لحظات وسمُع الصوت الخشن المليان فخامه مشبعه برجوله يظهر صوته\ياولد....!
ارخت مناهل ومناير الشراشف وأغطيتهم على وجهم بسرعه...
ياسر وهو يدخل من الباب الكبير\السلام عليكم....
مناهل ومناير بحترام\وعليكم السلام..
مناير با أبتسامه\حي الله ولد عبد العزيز..لاتعبت...
ابتسم ياسر وهو يجلس على اول كنبه تصادفه\لاهنتي يأم فلك...,,,
استئذنت مناير وتبعتها بسرعه مناهل لدور الثاني...
أسند راسه بتعب على الأريكه ..لكن آرتفع بخفه ..من سمع الصوت الموغل في الشموخ وائلم \جيت يابوك...
انكب ياسر يقبل يده ثم ارتفع لئنفه الشامخ وقبله بهدوء\مساك الله بالخير..يابوي..
بتال أبتسم ورى الجد مقرن\كيف الدكتور ترى لك يومين ماشفناك زين..
طبع في ها الوقت ياسر قبله على جبين عمه..ولو تقارب العمر بينهم لكن يحمل احترام وعمق مشاعر لعمه...
\تعرف مجالي صعب..
جلس الجد مقرن بهدوء على الكنبه....وبصوته الفخم\ايه الله يقويك..الله يقويك..ترى انا عندي خبراً زين لك...
أبتسم ياسر وهو يجلس مقابل لجده\اسلم يا الغالي..كل ماجبته زين...
مانتبه ياسر لوجه بتال الي انعقد بحده..وتلون حتى كان كا قماش اصفر...من الم يعتصره..!
الجد بهدوء\ناوي اخطب لك بنت حزام ..الي هي اصغر بناته ...بنت بنت عمي شيخه..عرفتها ...اصيله من ظهر اصيل..
انكمش ياسر على نفسه..آرتفعة حرارة جسمه بئسرع من حرارة بركان ثائر..لا يخمد...لم يتطرق جده ابداً..لموضوع هاذا من قبل بشكل مباشر..وهاهو الموضوع
ينفتح ولأول مره من سنوات مضت..كان هو وجده يلعبون لعبة الكر والفر في موضوعه\بس انا شبه متزوج من سنين..وكلها سنه والا سنتين
وآخذها من بيت ابوها....والا نسيت ان ابوي خاطب لي قبل لايموت بنت خالي فهد ...,,تعمد ياسر ان يوغل بئلم في الماضي
وذكرى والده المحرم يطفو على السطح من جديد..ليترائ امام ناظري الجد مقرن عزة وعنفوان عبدالعزيز في آبنه من جديد..تعمد ان يئوكد
ماعقده ابوه من قبل..برتباط حميم لهاذه العائله...ولن يسمح لكائن من كان ان يفك هاذا الارتباط الحميم
بعاصفه اجتاحت المكان...كان صوته الضخم..وكئن السنين لم تخفض من آحباله الصوتيه ولو لقدر بسيط\ماهو بعرس الي رابط نفسك فيه..
وماراح اسمح لك تعيد شي اندفن مع ابوك وراح...من البراق منت ماخذ...طلقها مثل ماطلقها عمك...ومنت مسود وجهي مثل ماسوى ابوك...
اعتصر وجه ياسر المترف في الوسامه حتى كاد ان ينفجر من احتقان الدم\آجل انا وابوي الله يرحمه كنا نلعب!!وش فيهم البراق...عروقي
وعروقهم فيها دم واحد...العاجي والبراق اختلط دمهم بعروق وحده فيني..والا نسيت..اني منهم...!!وبنت خالي ماني بمنطلقها
وماني ماخذ عليها احد....وماراح انقض عهد برمته لبوي...ولاثنيت له كلمه حي وماني مثنيها وهو ميت..!
ضاقت عيونه الواسعه التي اصرت السنين ان تعبث بنعسانها لترسم عليها تجاعيدها ...
بوضوح يرىء حفيده من جديد يتحداه كما تحداه آبنه من قبل..وكئن هاذه العائله فيها شعوذات مجنونه
تجذب أبنائه وحفيده لها...بئلم يعتصر رجولته التي يطعنها الآبناء والآحفاد\منت مآخذها يآياسر وانا حي...منت مآخذها...
آنفجر ياسر من شدة الغضب الذي اجتاح رجولته ..وكبريائه ..لو غير جده يقول ها الكلام..!كان استوى با التراب اليوم...
تنهد بغضب...وحمل نفسه وطلع ....
بعاصفه تجتاحه هو وهو وحده...!
__________________________________________________ __________
..لاتمــــــــــر النــــــــار..وثيابـــــــــــــك حريـــــــــــــــــر...!
....
10م
صوت الجوال يدق بصرار على ان المتصل عليه يرد...
دورت الجوال بيئس وشافته بنوره يئشر...
-الو..
مناف بضحكه\هاااا الى الان نوم يالله قومي..انا عند الباب..
ملوك بتثاوب \مناف لاتدخل بليز بكمل نومي....
انفتح الباب وانكبس النور بئسرع من توقع ملوك..
ملوك بتعب داخل فيه نبرة صيحه\تكفى مناف طف الليت عيوني..
مناف جلس على السرير وسحب المفرش من وجه ملوك\يالله قومي يالله يمديني اعشيك واوديك لمستشفى الساعه 10 يالله...
رجعت المفرش بتعب ملوك وهي تتذكر المستشفى..\طيب انتظرني تحت ربع ساعه وانا نازله.
طبع مناف بوسه على راس ملوك من فوق المفرش وابتعد وهو يتمتم\انا اسف.....!!!
ملوك تحاول تتجاهل احراج مناف من الاعتذار وبهمس\بالله منوف دق على ابو عبدلله قل له لايمرني..لاتنسى..
مناف وهو يسكر الباب\اوكي..
دخلت ملوك على السريع دورة المياه (اعزكم الله)فرشت آسنانها وغسلت وجها على السريع
وبدلت..خذت عباتها ونزلت..
....
..لاتمــــــــــر النــــــــار..وثيابـــــــــــــك حريـــــــــــــــــر...!
....
بمكان ثاني....
با المستشفى
الجده هيا بعبره تجتاحها \سطام ورى عناد مايكلمنا فيه شي..؟انتم ماعلمتوني شفيه بضبط..الولد مب طبيعي..؟
سطام يجلس امه على الكرسي وبهدوء وصوت واطي\يايمه لاهو بخير وعافيه ..بس نفسيته تعبانه صديقه توه متوفي وهو تعبان من ها الخبر...
الجده طنشت سطام\عنيد يابوي وش حالك..؟
جسار واقف جنب سرير عناد\عناد تعوذ من الشيطان ياخوي هاذا يومه ووقف..
ريان يشرب بيره با التوت في آخر الغرفه\ترى الناس يكلمونك وراك ماترد...!
جسار عطى ريان نظره قويه.. لكن ريان طنشه.. وتوجه للقعده فيها تي في وفتح عليه..
الجده هيا\هي انت ي الاشهب ترى لاأجيك عرفت ان ربك حق ,,,
ريان بتملل\انا انتظركم تحت..متى ماتخلصون من سلام انا تحت..!
اشار له سطام وتم ساكت..
ريان طلع وضرب الباب وراه..
الجده بعصبيه\الحين ولدك هاذا ماطيقه بعيشة الله وراه مايحب ولدي عناد...
سطام يحاول يمتص غضب الجده\يمه الله يخليك لاتقولين عن ريان كذا.. ترى والله اني اغليه بشكل خاص..
بس انتي تعرفين الحساسيه الي بين ريان وشهد وعناد..
الجده \ومرتك متى يهون الله عليها وتجي تطمن على ولدها هي وبنتها الي الله لايبلانا..
سطام يحاول يبرر لأمه أي شي\يمه الله يخليك..هدي ..بكرا بتجي انا طمنتها عليه..وحلفت عليها ماتجي...
وقفت الجده وبتهكم\ايه هين !!!عساك بس ماحلفت اليمين..!
مشت الجده وصوت العكاز بصوت رخيم على ارضية الغرفه وطلعت برى الجناح..
جسار بعصبيه\معها حق يُبه ليه امي ماجت تسلم على عناد..وشهيد بعد..ليه ماجت...
سطام يعدل عقاله الي مال \انا طمنتهم...وقلت لهم يجون بكرا..ماله داعي يجون اليوم...وبعدين انت تعرف عناد..!
جسار طالع عناد الي حاط راسه بهدوء على المخده ...وبعيد عن الجميع وعن احاديثهم...
سطام\انا طالع ترى عناد وضعه جداً مستقر بس هو الي مايبي يحكي والا مافيه شي..
جسار بهدوء\خلاص يبه انا راح اقعد معه اليوم..
سطام وهو طالع\براحتك..
......
..لاتمــــــــــر النــــــــار..وثيابـــــــــــــك حريـــــــــــــــــر...!
....
.. العاجي..,,,
با الدور الثاني..,,
مناهل وهي ترمي قشر البرتقال بصحن بهمال \والله ان دخلت علينا زينة الحلايا ان تجيب عمتها معها..!ويتجدد حب فاتن حمامه وعمر الشريف..
مناير تعطي ظبي رز ابيض\اصلاً ربي باليني فيها بين عيوني من يوم خذيت بتال ان غابت كشرتها ماغاب اسمها ..وشوف عينك اكبر بناتي
بسمها..عساها سماً يسمها ان كان سحرها ما افسدته ها السنين..ايه راضعه مع ابليس الوكاد انه اخوها من الرضاعه..,,
مناهل بقرف\ياختي حومتي علي كبدي وراك حستي الدنيا شوفي ايدينك..والله لو الظبي تتكلم ان كان قالت يمه ابي استفرغ..!
مناير \يالبيه يا المتقرفه..لعنبو بليسك انتي شفتي كشرتك عشان تعرفين القرف..مادت ها الاحمر على براطمك كنك ماكلتك بزر..يادافع البلا..يالله
انك تصبر ايوب على مابلاه..لا وعافست الوجه ماقبلنها مبتسم بنقبله معفوس..يالله عسى من تقرف مني اسمع ونينه من ورى سلك المغذي..
مناهل تغير الموضوع\طيب طيب..من الي بيتقرف منك ..الا الي ماعنده نظر..!اسمعي...ياسر برايك بياخذها غصباً عن جده..!
مناير ترجع معالمها ترتاح \ايه هين..!
مناهل\وشو ايه هين....
مناير\انتي من جدك ..يناطح ابو الظبي..يناطح جبال ولايناطح ابو الظبي..!
مناهل بضحكه خفيفه\بس ياسر ماهو بلي ينحني راسه..هاذا هو تملكها قبل كم سنه..وش سوى أبو الظبي..مسوي انه ماعنده خبر..والكل عارف
انه داري..ياحبيبتي ياسر ماهو من الي يقول ويقول ياسر يسوي يعني مايتكلم الأ با الافعال..هذا هو خذاها..وكلها كم سنه وتجيك بفستانها
والطرحه..وليه كم سنه..يمكن كم شهر او كم يوم...ومباركين عرسان ثنين..!
مناهل تناظرها وباابتسامه \اجل ماتعرفين عمي زين...!تارك الكل على كيفه وآخرتها بيلعبهم بميدانه...
...
.........
..لاتمــــــــــر النــــــــار..وثيابـــــــــــــك حريـــــــــــــــــر...!
....
با الجه الثانيه
ومكان ثاني..
ملوك بمكتب تلبس البالطو
نوال وهي داخل\اووووو وجبه من ماك
ملوك\الناس يسلمون..خذيها وانتي طالعها مناف غصبني عليها..
نوال ابتسمت\ياختي اخوك هاذا ينوكل من غير ملح...
ملوك \ههههه
....
..لاتمــــــــــر النــــــــار..وثيابـــــــــــــك حريـــــــــــــــــر...!
....
بجناح عناد ..
كان واقف بقامته الطويله المميزه لجميع عائلته...واصابعه تتحرك بخفه على الجرائد الموضوعه بعنايه بالغه وباذخه على الطاوله ..
مرر أصابعه برقه بين الجرائد الموجوده..
ليسحب الجريده التي يترئسها...مرر عيونه بين صفحاتها بهدوء ..لتعلو الأبتسامه على شفتيه..
صورته تزين المقال الي نزله..سبب ضجه..محاربة تجار الأسعار...
طالع المقال من بعيد...
..
لماذا..نرضخ لهولاء..المرتزقه الذين يعيشون على أمتصاص أموال الطبقه الفقيره والمتوسطه..
فل نقاطعهم..ونحمل عليهم حملة نجتث بها أصولهم...
بئس الأهل هم..وبئس الكبار هم..وبئس الاخوه هم..
لم يراعُ صغارنا با رفع سعر الحليب..الخُبز..البيض..الاجبان..وحتى العصائر ...
لم يراعُ كبارنا..با الدقيق..الأرز..الدجاج...الخُضار..الفواكه
لما لا نقف ..وقفت رجلاً واحد..يقول لهم..وبملئ فاه..لاااااااااااااا
...غمض عيونه وهو يدعي على ها التجار المرتزقه ...
-السلام عليكم...
صوتها الرقيق يكسر الصمت الذي كان محيط بجسار...وهدوء المكان الا من أصوات الأجهزه القريبه من عناد....
جسار ينزل الجريده من يده\وعليكم السلام ...
ملوك تاخذ الدوسيه الي على الطاولة ..وهي تحاول جاهده تثبت صوتها على وتيره وحده وهي الهدوء\ها كيفك عناد اليوم ..
عناد\...
انتبهت لجسار الي نزل الجريده الي كانت بيده\دكتوره ترى من الصبح مارد على احد منا..!
قربت ملوك منه ..طالعت الأجهزه الي قريب منه ..قاست الضغط كل شي تمام وطبيعي..
ملوك تضوق عيونها با اوراقه من جديد وماحصلت شي مو طبيعي \اوكي كل شي كويس وتمام...
جسار طالع في ملوك يبي يستفسر منها..!
ملوك برتباك\يالله يقوم بسلامه..راح اشوف وضعك بصباح..يالله عن اذنكم...
طلعت ملوك من جناح عناد ولحقها جسار..
جسار ببحه\لو سمحتي دكتوره..؟
التفت له ملوك\نعم..
جسار بتوتر\عناد ماحكى مع احد معنى مادري شفيه..؟
ملوك من غير اهتمام\عادي ممكن ردة فعل ماراح تستمر بذن الله كم ساعه ..
-دكتوره ملوك
التفت ملوك للجه الثانيه شافت ياسر تجاهلته.....
لفت لجهة جسار\اي خدمه ثانيه استاذ جسار...
-جسار باابتسامه\لا مشكوره الله يعطيك العافيه...
دخل جسار داخل جناح عناد وهو يتمتم بكلمات لايكاد يسمعها غيره\ماشاء الله وش ها الاحتشام.....الله يزيدها..؟
مشت ملوك للجه الثانيه..ودخلت على قسم الأشعه..
ياسر بعصبيه\ملوك ماتسمعين!
التفت ملوك وبعصبيه\نعم شتبي..؟
ياسر مسك يدها\انتي شفيك..
ملوك تئففت\يعني شفيني اسر..مافيني شي..
خذت ملوك اشعه كانت طالبتها من القسم وطلعت متوجه للخارج القسم
ياسر بعصبيه كان بيلحقها لما استوقفه رنين الجوال ورقمها....
حبس انفاسه لثواني ..من ثم زفر بعصبيه...وحاول يعد للعشره...يعرف نفسه مايحب يجرحها...وهي اكيد داقه عشان نفس السالفه...
السالفه وتخصه..العالم ليه يتعازمون عليها...
قرر يرد..وهو يقلب تردد موجته ..عشان خاطر عيون ظبيهم....
بثقل \نور جوالي يانور الشرقيه ومطفيه انوار الرياض ببعدك عنها...
....
..لاتمــــــــــر النــــــــار..وثيابـــــــــــــك حريـــــــــــــــــر...!
....
دخلت ملوك على الكافتريا وجلست على اول طاوله نزلة الملف ونزلة معه عصير تفاح
ماهي الا لحظات......
وجلس بثقل على الكرسي...تئملها وواضح عليها الانسجام التام بين اوراق ها الملف..
ليتك بس تعرفين..!شكثر آعاني..وانتي بس
تئجلين....وتئجلين ..وتئجلين..ماتدرين بتئجيلك تحرقين الضلوع..ضلع ..ضلع..ضلع...
ماتدرين بنظراتك الي من سنه تغيرت..مادري سببها ايش...وش تسوي فيني...؟
تكفين قولي ..انا غلطان...؟؟
والا انا ماشي صح..عكس التيار...والا هم الي عكسه...
طالعيني ...بردي جوفي بشي...,,,؟
خلي ايدك معي.......
ترى مهما كنت قوي...
يذبحني صدك...
هو صد..والا ..تغلي...؟
وان كان تغلي..!.ها الي تغلى..؟ مادرى انه معمر قصور بصدري من يومه طفل يلعب بحضني...!
ليت الي سمعته من الظبي ماتسمعينه يوم ويجرحك واموت من اسباب دمعك...,,؟
ياااااه يا الظبي...غاليه والمشكله الغالي لاعرف بغلاته....
حاول يجمع انفاسه الي تشتت...وبصوت حنون على كثر علاقاته لكن نبرة الحنان وهدوء تردد الصوت مايظهر الا لها ببحه
\ملوك...انتي ليه تبعدين يوم عن يوم...مزعلك انا بشي..وانتي خاشته عني...
ملوك من غير ماترفع راسها مظهره له التجاهل.\من قال..!هاذا انا..بمكاني ماتغيرت...!وانت..!
ارتفع اصبعه ليمسح الجزء الاخير من حاجبه وبتوتر\انا ايش..!
ملوك لفت له وبهدوء\فيك شي..!
.. قطع عليهم...الاجواء المتحفزه من الطرفين
جمال نزل الاوراق على الطاوله وبقرف\ماطيق هاالبنات يجون هنا من لاشي وكئن مافي حالات تستدعي تواجدنا..
ياسر بعد عيونه بصعوبه عنها...ومثل شبح ابتسامه ارتقت بئلم لتعانقه\شفيك جمال...وش مسوين لك البنات...؟
جمال بعصبيه\ياخي تجيك الوحده بميوعه واخر شي ياانفلونزا خفيفه ..ياحرق بسيط وماقدرت الهانم تحط عليه أي مرهم وتخمد في بيتهم
ضحك ياسر بقوى على جملة جمال الاخيره \ياخي من جيبك شي ها..؟
ملوك توقف \عن اذنكم....
مشت ملوك وطلعت من الكافتريا متوجه لقسمها
جمال باابتسامه يمد الكبريت لياسر الي طلع علبة بكت الدخان \ترى ممنوع يا الغالي هنا ..دخن في مكان ثاني ياحضرة الدكتور...
مانتبه ياسر لكلام جمال انتبه بس لشي واحد وهو الكبريت بيد جمال..!
ياسر باأبتسامه وهو ينزل البكت ويسحب الكبريت \هههه من وين لك الكبريت..من زمان ماشفته ..!
جمال بخفة دم\والله انفجرت مره الولاعه بيدي وحلفت ماشيلها وصرت اشيل الكبريت..احسن مو..!قديمك نديمك..!
سكت ياسر وبا الاصح مانتبه..غرق في ذكرياته الصغيره والصغيره حيل..
-صفو ..صفو...ابيكم صف واحد بنلعب لعبه حلوه....هاذي اعواد الكبريت بحطها على رموشكم وانتم تناظروني لاتحركون عيونكم بشوف
اذا ثبت عود الكبريت على رموش اي وحده فيكم هي الي بتفوز..!!
يالله هدى ...وانتي يا مها ...وانتي يانوره... وبعد ملوك انتي معهم اتركي العرايس
الي بيدك ...اساساً ابي اشوف اعواد الكبريت على رموشك ...متحدي انا مع مناف ..انك بتغلبين بنات جيرانا..
.ملوك طالعيني لاتطالعينهم عشان مايطيح عود الكبريت...
ثبت..ثبت ...ماطاح...
هههههههههه قلت لكم ملوك هي الي بتفوز.
هي اطولكم رموش..هي الي فازت...
ههههههه..
جمال بصوته الحاد\الله يقلعك ياسر وش استفدت كسرت اعواد الكبريت وش تحس..!!
ياسر انتبه من غفوته وسرحانه بعالم الطفوله لعواد الكبريت بيده شبه مكسره وماليه الطاوله...ابتسم\والله ماكنت معك سرحت شوي...!
....
..لاتمــــــــــر النــــــــار..وثيابـــــــــــــك حريـــــــــــــــــر...!
....
يوم جديد..,,
با المشفى...
سمعت ملوك صوت صغير وكئنه يبكي..
طلت من الممر القريب...شافت بنوته صغيره تبكي..
ملوك مشت لجهتها ونزلة لمستواها\ليه تبكين..؟
درر بعبره\انا ضعت ..
ملوك باابتسامه حانيه\لا....
درر بين دموعها الطفوليه\انا ابي عمو...
ابتسمت ملوك\طيب خبريني بسمك..؟
درر\اسمي درر...
ملوك \درر..حلو اسمك مره..وانا اسمي ملوك..
مدت ملوك بحب يدها لدرر..درر مسحت دموعها وصافحت بطفوله يد ملوك.
ملوك \طيب ممكن اعرف انتي جايه مع من..؟
درر\مع ناني...
ملوك بتقطيب حاجب\ناني ..!
درر تحرك فستانها القصير بطفوله وبرتباك ترفع يدها لطوقها الي ضايقها\اممم..عمو حبيبي هنا تعبان..
ملوك ضحكت عليها\طيب...عمك ايش اسمه...
صوته الحاد.. يكسر هدوء الممر بخشونته\درر...!!
التفت ملوك لجهت الصوت وانصدمت بتواجد عناد ..!!
غريب هاذا الشخص..!!
يرسم بعبق... جودة حضوره المهيب..
يجبر من يحيط به او من يتواجد بمكان هو فيه..ان يعلق عيناه بهذا الشخص..ويلتزم الصمت..والصمت فقط...!!
وكئن شموخه يملك المكان بئسره الغريب...
عناد بعصبيه\درر ليش انتي هنا من غير مربيتك..؟
درر ركضت لعند عناد وحضنت رجوله بطفولتها الجميله\عمو طيب هي بطئيه ماتعرف تمشي كئنها بطه..بعدين انا ماعرفت انت وين...
عناد نزل لمستواها\طيب الحين تجي المربيه تاخذك.. مابيك تجلسي هنا خلاص روحي للبيت..بعدين ماما تزعل عليك وتعاقبك..
درر بعناد\اوف منك عمو اوف..طب بابا ماحكى شي..ليش انت تقول لاء..
عناد مسك انفها الصغير\يالله بلا غلبه شوفي ناني وصلت..
درر التفتت لجهت ملوك\شكرا ملوك..لما أجي عمو مره ثانيه راح اشوفك طيب..
ملوك باابتسامه \بذن الله عمو راح يطلع قريب باي..
لوحت لها درر وهي مع المربيه حقتها متوجه لجهت الاصنصير..
عناد طالعها بستغراب وهي واقفه عند الاله(الماكينه) خذت لها مويه..بعدين التفت له\اشوفك تحكي كويس..
صوتها الغريب...بذبذابات غريبه...وغريبه..حس انها تخنقه..بصوتها الانثوي الطاغي...المستفز...الذي يشعره بين الضجيج
با الهدوء..كا صوتها ونبرتها الهادئه... الساخره ..!
عناد طالعها بستغراب\ليه تبين اظل طول عمري اخرس...
ملوك قطبت حواجبها بعصبيه\بس انا ماحكيت كذا..ليش تقول كذا..؟
عناد بحدة مزاجه المنقلب\بس اسكتي!!
الجم تصرف عناد الغير مهذب فم ملوك..بوقحاته...حست بقشعريرات قرف..من وقحاته والعكس تمام لمظهره
عناد توجه لجهة الا الأله وانتظر طلبه..
ملوك بعصبيه من كلامه\الحين انت متعود تحكي كذا,,,!!
تجاهل تمام عناد تواجدها ..مظهر التحقير...كما وضح للملوك...!
ضرب برجله قاعدة الأله ونزل الطلب بسرعه
ملوك بعصبيه\بلا تخلف...شها الحركه..؟؟؟متخلف ووقـــح..آجــــــــتمعو مع بعـــــــــض..
..
نقف هنا يا أحبتي ...
همسة محبه للجميع\فضائل الاستغفار
أنه طاعة لله عز وجل
أنه سبب لمغفرة الذنوب: فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراًا
نزول الأمطار: يُرْسِلِ السَّمَاء عَلَيْكُم مِّدْرَاراً
الإمداد بالأموال والبنين: وَيُمْدِدْكُمْ بِأَمْوَالٍ وَبَنِينَ
دخول الجنات :وَيَجْعَل لَّكُمْ جَنَّاتٍ
زيادة القوة بكل معانيها :وَيَزِدْكُمْ قُوَّةً إِلَى قُوَّتِكُمْ
المتاع الحسن :يُمَتِّعْكُم مَّتَاعاً حَسَناً
دفع البلاء :وَمَا كَانَ اللّهُ مُعَذِّبَهُمْ وَهُمْ يَسْتَغْفِرُونَ
وهو سبب لايتاء كل ذي فضل فضله: وَيُؤْتِ كُلَّ ذِي فَضْلٍ فَضْلَهُ
العباد أحوج ما يكونون إلى الاستغفار، لأنهم يخطئون بالليل والنهار، فاذا استغفروا الله غفر الله لهم.
الاستغفار سبب لنزول الرحمة: لَوْلَا تَسْتَغْفِرُونَ اللَّهَ لَعَلَّكُمْ تُرْحَمُونَ
كفارة للمجلس
وهو تأسٍ بالنبي صلى الله عليه وسلم ؛ لأنه كان يستغفر الله في المجلس الواحد سبعين مرة، وفي رواية: مائة مرة.
صيغ الاستغفار
1 - سيد الاستغفار وهو أفضلها، وهو أن يقول العبد: ( اللهم أنت ربي لا إله الا أنت، خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك عليّ وأبوء بذنبي، فاغفر لي، فإنه لا يغفر الذنوب إلا أنت ).
2 - أستغفر الله.
3 - رب اغفر لي.
4 - ( اللهم إني ظلمت نفسي فاغفر لي، فإنه لا يغفر الذنوب إلا أنت ).
5 - ( رب اغفر لي وتب عليّ إنك أنت التواب الغفور، أو التواب الرحيم ).
6 - ( اللهم إني ظلمت نفسي ظلماً كثيراً ولا يغفر الذنوب إلا الله، فاغفر لي مغفرةً من عندك، وارحمني إنك أنت الغفور الرحيم ).
7 - ( أستغفر الله الذي لا إله إلا هو الحي القيوم وأتوب إليه ).
__________________________________________________ __________
..نظرة حقد......3....
...
بسم الله الرحمن الرحيم...
بدايه..
مدخل..
تباعدنا انا وياكـ وخذاكـ الوقت غصب عني
وتهنا في خطاوينا ودروب الفرقــــــا ذباحه
انا مدري عن اخبــــاركـ وقلبــــــــــــي
في بعادكـ كل يوم تزيد به جراحـــــــــــــه
حبيب العمــــــــر ياليتكـ عن احوالكـ
تطمنــــــــــــــــــــــي
وتريح قلبي اللي ماعرف للطعم ابد راحـــــــــهـ
حبيبي والوفاء فينا وقلبي عنكـ يسالنــــــي
ذبحنـي كــــــــــل مامرت طيوفكـ بعيني لماحهـ
عساكـ بدنيتكـ مبسوط وعايش دوم متهنــي
وعسى قلبكـ على خبـــــــري دايم عايش افراحـهـ
حبيبي فرحة ايامي ابيكـ اليوم تعـــذرني
ذكرتكـ وهلت الدمعــة وعيني دوم فضاحـــــــــــه
ذبحني الشوق في غيابك
عذبنــــــــــــــي وجننــــــــــــي
لانك يا الغالي بعــــــــيد وانا والله ماظنـي ابقـدر
زود اتحمــــــل همــــــــومـ القلب وجراحــــــه
كئيب وحالتي حالة وبعدكـ من يصبرني تعال وشووف
هالعالم كيف الحـــــــزن اجتاحــــــــهـ
حبيبي يا توام روحــــــــي
انا ابيك تفهمني ترى هالكون من دونك ظلام وانت مصباحه
..
بدايه...
اليوم البارت جدا مهم في كشف جوانب كذا شخصيه...وايضاً يحمل تواجد رقيق لشخصيه فرعيه اطرحها بألم
...الشخصيه تحمل بين جوانبها الم..هي مرادفاً للعسل وبحلاوته...رحبو معي بتواجد الرقيق لبطلتي الفرعيه..شهد...
اتمنى ان تجد بقلوبكم وقع جميل...
..
نبدا بسم الله..
...
خطواته الكبيره التي تجاوزت المسافه الفاصله بينهم.....ارعبتها وتراجعت خطوتين للخلف....
من بين اسنانه \لو مانتي بمره...كان شفتي شي مايعجبك....!
تنفست الصعداء وهي تشوف ظله الثقيل يرحل من الممر...,,,,
آنا وش خلاني احكي كذا...ماني بصاحيه...كيف افلت لساني...,,,بس هو قهرني كيف يحكي معي بها الاسلوب.....
اعوذ بالله من لسانه..,,,,,,
,,,
دخل عناد الجناح رمى نفسه على الكنبه القريبه .....
جسار نزل الجوال الي كان يحكي فيه وبهدوء\امي تسلم عليك..وهم بعد المغرب بيجون يسلمون عليك..,,,,
عناد بهدوء\لايكلفون على انفسهم....انا بطلع الحين..,,,
دارت عيون جسار لجهت عناد\كيف....!كئني ماسمعت زين....!
قطع عليه عناد كلامه واستفسارته بوقوفه وتوجه لكبت وفتحه واخراجه لتيشرت وبنطلون..,,,
جسار باابتسامه باهته وهو يوقف ويقرب لعناد يساعده\بس يا ابو رعد ماكتب لك خروج...وحتى ابوي ماعنده خبر..ارتاح على الاقل لبكره...
عناد يعدل التيشرت ويلتفت لجهت الكومدينة وياخذ قارورة المويه\انا ان جلست اكثر من كذا بتعب..
جسار يلتقط جواله\طيب بكلم ابوي وبقول له....
عناد\انا طالع....تبي تجلس هنا وتخبره بكيفك...بس ترى بوقف لي اي احد يوصلني للبيت...
...
ليه ماصانت سواحلك السفينه...؟
مثل ماخنت معاليك المواني...!
...
شركة مقرن العاجي...
بمكتبه الفخم...,,,المتداخل الالوان بجمال وروعه تعكس شخصيته الحاده والقويه ...التي ماتلبث ان تضرب وبيد من حديد.....وحتى ان
ركنة للهدوء في بعض الاوقات...فهي كا البركان ان خمد...فئنه لايؤمن ثورته...,,,,ولا نستبعد بطشته..,,,
-ابو فلك...آوامر ثانيه طال عمرك...
رفع عيونه وبهدوء\ابو الظبي با الاجتماع والا طلع...
السكرتير \طال عمرك ماطلع ..
نزل عيون لساعه وبستغراب\غريبه با العاده اجتماعه يخلص قبل اجتماعي المعتاد..,,,طيب اذا خلص عطني خبر...
استئذن السكرتير باحترام وطلع بهدوء....
ماهي الا لحظات وسمع من الجهاز المشترك بينه وبين السكرتير\طال عمرك....الدكتور ياسر يستئذن بدخول..,,,
بوتيره مبتعده عن الهدوء\يعني وش ظنك...مخليك حارس على بنايه..ياسر مايحتاج استئذان خله يدخل....ترى ان تكرر تنبيهي لك على ها الشغله
ماراح يبسطك قراري..
السكرتير برتباك\سم طال عمرك...
لحظات وانفتح الباب..ودخل ياسر بابتسامه\صبحك الله با الخير يابو فلك.....
ابتسم بتال وهو يرفع عيونه عن الاوراق الي يوقع عليها\صباحك رضى......خير....ياما جاب الغراب لمه....
ارتفعت وتيرة ضحك ياسر وهو يطبع قبله على راس عمه\محشوم ياعمي..توى نصبحك با الخير وش غربانه وطيوره...افا عليك بس ماهقيتها..
بتال بسخريه\انثبر في اي كرسي لحد ماخلص الي بين ايديني ولااسمع لك صوت...
ياسر يظهر الخوف المصتنع بخفة دم\عمي ياقشرك...هد هد..انا ترى ياسر..ماني با السكرتير الي كليته بقشوره والضعيف ماحكي شي..,,,
بتال يغلق الملف وبهدوء\عندك شي مهم احك...ماعندك اقضب الباب...بعد نص ساعه بتمام بطلع اشوف المشروع الجديد...
ياسر ابتسم\لاوالله كنت قريب قلت امر...ودام انت متكاثرني لاحول بقوم....
بتال رفع عيونه وبهدوء\تكلم....والله ماضربت لك مشوار الا عندك شي...!
حك ياسر دقنه وبهدوء\بتزوج ملوك ها اليومين.....!
في هاالوقت حس بتال بقنبله القيت عليه وشطرته لأجزاء متناثره ....يصعب على كائن من كان ان يعيد تجميعها ولو اصبحت جثته هامده..,,,
تغير لونه...بل.....اختفى......
قلبه يعتصره...او قد تكون توقفة نبضاته با الفعل......
كل الذكريات التي يحملها موجعه مؤلمه....يحتفظ بها ولنفسه...لنفسه فقط ..كل ليله على عدد ليالي تلك السنوات التي مرت على
قلبه دهور ودهور..ينثرها على بساط الوجع..من ثم يبدئ بفرزها..جرح ..جرح...و...وجع..وجع...
لاينكر...انه رغم هاذا الوجع...فئنه صنع من شخصيته المتردده..الخجوله..المنطويه قليلاً على نفسها...شيء اخر تماماً...
صنع لنفسه تمثالا شمعياً ...لايتجرئ كائن من كان على اعتراضه..او حتى كسره او صهره...
وعندما بنى نفسه...وقوي عوده...واشتد...
وقرر العوده لها...,,,لجميلته التي تركها مجبر..
سمع با الفاجعه التي قسمة ظهر الجمل...,,,تزوجت...!
اختارت هي الابتعاد الأبدي عن امل احتضانها من جديد واستنشاق عبيرها وسلوته بقربها..,,,
ماتمنى ابداً الفراق...ولم يكن احدى اختيارته..,,,,
يتذكر جيداً لقائه الاخير معها... تلك الليله ........,,,,,التي انهت كل شي,,,كل شي,,,
ياسر بستغراب\عمي..معي او ضدي...,.؟
استرجع بتال نبضاته التي كانت سترحل مع هروب انفاسه وبثقل\الدعوه ماهي معك او ضدك...لاتغلط غلطتي....ولايكسر عودك احد....
اذا كنت تبيها ومثل ماتقول...انت متعدي الثلاثين وبواجد...منت بصغير يفرض عليك احد قراراته...ومنت بطفل يعلمك احد كيف تحكي...
ان خذيتها آحتويها...خلك الامان لها...والعز لها...ارفعه لك..ولاتتركها ...وان كان قرارتك بتهتز وبيدخل على خط حياتك احد...لاتجرح
ها العايله ولاتزيد مواجعهم... ان اخترتها تذكر ثنين بيوقفون في وجهك..واذا انت مو قد مواجتهم ...خلها تشوف نصيبها..
انتفض ياسر بعنف من الكلمه الاخيره من عمه ومن بين اسنانه\آنا هو نصيبها...وش فيك عمي اختلطت عليك الامور...
قاطع كلامه بتال \انتهت النص ساعه...توكل....وانت خلك مثل الجمال الي لآبركت تشيل حمولها...!
قام ياسر بصمت وتوجه للباب وبهدوء ارسل له نظره متحديه\ماودك يكون العرس عرسين.....؟
طلع ياسر بعد ما رمى جملته...وهو متعمد...يزيد وجع عمه..وتذكيره بشي مانساه..
....
...
ليه ماصانت سواحلك السفينه...؟
مثل ماخنت معاليك المواني...!
...
با بفلة الجده هيا
الجده\يامرحبا يامرحبا..ياجعلني ماذوق حزنك يا عنادي..
عناد يطبع بوسه على راسها\الله يخليك ياالغاليه كان ماكلفتي على عمرك تعب والله عليك..
الجده وهي مبتسمه\لا والله وسلامتك عندي قليله..بس والله هاذي ماهو حقك ..حق سلامتك علي نذر...لازم اوفيه...
ابتسم عناد لجهتها...
ام جسار بابتسامه\ياربي عليك ياخاله كثرتي والله من الاطباق الي طالبتها من الخدم ..من بياكل هاذا كله..
الجده بعصبيه\ياكله الي ياكله..تحسبين قدر عناد عندي ها الصحون..سلامته تسوى عندي كل روس الي قاعدين...,,
جسار يتدارك الموقف بينا الاثنتين\عناد ترى درر مجهزه لك هديه..
ابتسم عناد يحاول يقاوم الحزن جواته\الليدي شجايبه لعمو..
درر متوجه له وتعطيه الهديه وتطبع على خده بوسه..
عناد ابتسم\ياعمري والله ياليدي انا..
كان بيفتح عناد الهديه لما منعته ايدين ناعمه وصغيره\عمو بفتحها لك انت ماتعرف تحوس الهديه...
ضحك عناد وخلاها تفتح الهديه حقتها واخر شي\ها شرايك بهديتي صح حلوه...
عناد مبتسم وهو ياخذ تعليقة باربي بلونها الفوشي مايحب الاطفال ولاخرابيطهم لكن ها البنت يعشق حتى همسها \هاذي شسوي فيها..وين احطها..
زعلت درر وبعيونها توعدته بعقاب .....!
حضنتها ايدين عناد وضمها لصدره ورفعها لحضنه\طيب طيب..يمه منك وعيونك.. لاتزعلين راح اعلقها بسيارتي ياحب عمك انتي...
الجده\خل منك ها البزر وتعش..
عناد\خلصت كثر الله خيرك يا الغاليه والله مافيني بزياده..
...
...
ليه ماصانت سواحلك السفينه...؟
مثل ماخنت معاليك المواني...!
...
بطابق الثاني
شهد بصوت واطي\ريان انت من جدك وها الحاله قسم بالله لو تدري جدتي ان تروح فيها...هاذا غير ابوي وامي...؟
ابتسم ريان وهو يقلب المجله بين يدينه\يعني اقدمهم على نفسي...انا وضي من سنيتن متزوجين ومبسوط معها..
شهد\طيب ولمتى.!كم سنه ناوي تخبي...اوكي وضعها هي ماعندها اي مشكله اهلها دارين ..وانت...امس اسمع امي تبي تخطب لك وحده تعرفها..
اتسعت عيون ريان \متى قالت ها الكلام..
شهد\لما مريت من عند جناحهم اسمعها تكلم ابوي وتاخذ رايه...
رمى المجله \كلام فاضي.....ماني من الي يفصل له ويلبس على ذوقهم....
مانتهى ريان من جملته حتى استوقفته اشاره من يد شهد يسكت التفتت للجه الثانيه ..وينصدم بتوسط عناد المكان..!
تئفف ريان ,,,
شهد بتثاقل قامت وهي تعد الخطوات الفاصله وببرود تطبع قبله على خد عناد\الحمد لله على سلامتك..,,,
من ثم رجعت بهدوء وجلست ملاصقه لريان.....,,,
ريان بخبث\الناس يسلمون اذا دخلو مكان...مو يروعون بدخولهم الصامت...وكئنهم يتجسسون...والا شغلك اثر عليك..تحسب بتقنص لك شغله!!
ببحه\مايحتاج اقنص لي شغلات مابيها با الوقت الحالي..بخليها على نار هاديه عشان تستوي...!
رفع ريان عيون وبنظرات غريبه وجها لعناد..,,,
عناد تجاهله وهو يسمع صوت درر متوجه له...,,,
شهد بعصبيه\درير...ليش تسحبين بطنيتك ...سلامات....روحي لغرفتك يالــــــــــــلـــه...
تجاهلت درر كلام شهد وحركت بخفه يد عناد\يالله عمو انا فيني نوم..يلآ
عناد بحه\طيب اسبقيني...انا بغسل وجهي واجيك....
قبل ماينتهي عناد من كلامه كانت درر تسحب البطانيه متوجه لجناحه وهاذا رسم شبه ابتسامه على وجه...
ريان وهو يوقف\الحين الي اعرفه والشي الطبيعي ان مشاعرك الابويه الجميله الي تكبكب يمين وشمال ومغرقه الدنيا مفروض ان توجها
السليم لولدك رعد.........! مو لدرر.!!
عناد ناظره وبسخريه\صدقني ماني مروق لك الحين انت واختك...
اعلن عناد انقطاع المناقشه بينهم با اعطاء ريان لظهره وتوجه للجناح المخصص له....
شهد\يآخي في كلمه او مصطلح بمعنى ثقالة دم لكن تكون اقوى من ها الكلمه....
ريان وهو يجلس وبستخاف \ايه فيه....عناد...هو المرادف الكامل لها الكلمه...
......
ليه ماصانت سواحلك السفينه...؟
مثل ماخنت معاليك المواني...!
...
يوم جديد....
ببيت ابو مناف..
فتحت عيونها بتعب..اليوم اجازه عندها...حركت عيونها بارجاء الغرفه وقامت..
تحس جسمها مكسر من كثر ماهو مهدود..سحبت لها اقرب بنطلون ولبسته ولبست عليه قميص ابيض ..رفعت شعرها بهمال..وطلعت...
نزلت لدور الي تحت وشافت الجميع جالسين يشربون الشاي الاخضر ..ابتسمت لما شافت عمتها تهلي وترحب فيها..
فلك\تعالي يانور ها البيت ..يازين الزين زيناه..!!
مناف بدقه\هع هع من مداح العروسه عمتها..
فلك تضربه بكوعه\عمة عين العدو..لاتقولي عمه لااذبحك..تعالي ملوكه تعالي هنا ..
ملوك جلست وخذت الكاسه الي مادتها لها فلوك والابتسامه مرسومه على ثغرها..\شتسون..؟
فلك\نلعب كيرم!!!شنسوي يعني نشرب شاي وقاعده اهذر مع ها النشبه...والعاله على المجتمع!!
مناف يمسكها ويثبت ايديها ويبي يعضها وهي تصارخ..
طالعتهم ملوك وصارت تضحك على تعبها يبعثون على نفسها الضحك دائما...رغم الاعصارات المدويه من مناف....,,,
عمتها الجميله الغارقه بحزنها القديم وبحب انقتل قبل ولادته..
وتؤمها مناف ..ولحظات مسروقه معه عندما يكون معلي الجو...!!!وماخلصت حبوب السم الي ياكلها!!!!
شافت جوالها يئشر\هلا منى...
كيف من سمح للمريض عناد يطلع انا المشرفه على حالته..
الدكتور سطاام!!طيب طيب...خلاص..
مع السلامه..
قفلت الجوال وهي متضايقه كيف يطلع مريض وهو يعرف اني مشرفه عليه ..اوف
........
ليه ماصانت سواحلك السفينه...؟
مثل ماخنت معاليك المواني...!
...
با الجريده...
جسار باجتماع مع الكادر..
جسار بحزم\ابي تغطيه كامله لسيول جده..ابي معناة الشعب يسمعها المسئولين الكبار..من كان له ضمير يصحى..
مانبي ها البطانه السئيه تحجب الروئيه عند من كان له ضمير من الكبار..الكل فيه خير لكن المفسدين مايخلون للخيرين خير..
..العاملين با الجريده يكتبون ملاحظات جسار الدقيقه وتوجيهاته...
جسار بصرامه\مواد تغذيه منتهيه الصلاحيه آبحثو عن المفسدين افضحوهم على الملا..
مستحيل هاذولا يكونون من بلاد الحرمين ويكونون من اولاد ها البلد الطاهر..
لكل مفسد لازم له من يضرب على يده ويقول له مكانك مو في ها الكرسي... مكانك يكون باالصفوف الخلفيه..
مو واجه لمجتمع أسلامي متكاتف كاالبنيان المرصوص..
مستحيل نسمح لهم يغلبونا باآعمالهم..مستحيل نخليهم يزورون با التواريخ التغذيه ويفلتون من دون عقاب..
هاذي مهمتنا كصحفين نكشفهم للمسؤلين الكبار..
الامير خالد الفيصل على راس المحققين في هاذي الجريمه البشعه...كلنا لازم نكون يد وحده ونكشف المجرمين...
وهاذا مو معناته ننشغل بوضعنا الداخلي وننسى قضيتنا المهمه...
آخوانا في فلسطين...لازم ننقل لراي العام كل شي بتجرد بجرائم يندى لها الجبين.
في ها الوقت وقف جسار وضغط با الكنترول الي معه شاشة البلازما المتوسطه مكتبه الانيق...
لتظهر عبرات طفل يبكي قريب من جثة امه..وبجانبها كانت سيارة تحترق..
ثم تنتقل اللقطه لجه اخرى تماماً..
عجوز تصرخ من ائلم جراء ضرب جندي صهيوني لكتفها بقسوه ...فيوقعها على الارض بئلم ووجع كاوجع امة كامله ...
جسار بصرامه\انا ماشوف في ها الجرايد ..الا..تغطيه لأخبار الممثلين والفنانين او الفضائح...ليه نتجه لقضيه ماهي بقضيتنا...!
ماظن ها المناظر انتم بغافلين عنها..وماظن حال فلسطين ومدنها وصوت بكائها بعيد عن اذانكم وانتم الصحفين الي نعتبركم
بمثابة النور الساطع الي يسلط على قسوة المحتل ومايعانونه اخواتنا واخوانا هناك...!
شبعنا اخبار عن الفن..شبعنا اخبار عن الممثلين
والمطربين....بعدنا كثير عن الشي الاساسي الي درسنها نحنى الصحفاين..ماظن تخصصنا في ها المجال..
عشان اخبار اهل الفن ومايقدمونه
في رمضان...!
وين نحنى عن الجرائم الي تنتهك بحق شعبنا الصامد بوجع هناك....وين..؟مالنا اي عذر....مالنا اي عذر...!
اللجمة كلمات جسار القويه الصارمه العميقه اقلام باقي الكادر الصحفي المجتمع الذين كانت اعينهم معلقه على شاشة البلازما
وتنقل الى كلمات جسار الموجعه الى حد الأنين....
جسار يمشي بخطوات واثقه متوجه للكرسي الرئيسي با الطاوله الطويله..جلس بهدوء...وبصوته الصارم\والحين تقدرون تتفضلون لمكاتبكم الا من كان
له استفسار ..
طلعو الموظفين وكل واحد يحمل على عاتقه مسؤليه موكله بها ...
انحنى قلم جسار على صفحه بيضا قدامه...
وكتب..
عذراً...فلسطين...!
ومن ثم بداء بكتابة مقالة جديده قرر نزولها مع العدد الجديد....لجريدته....
.....
فلة الجده هيا......
ليه ماصانت سواحلك السفينه...؟
مثل ماخنت معاليك المواني...!
...
بصالة الاستقبال الداخليه..,,,,’’
حركة عيونها بثقل بين الموجودين..,,,,..
الجده ترتشف من فنجالها ومن ثم تتبعه بعدد قليل من التمرات ..وهي تحسبها دائماً سبع تمرات متئسيه با السنه..,,,,
من ثم انتقلت عيونها بتعب للمكان قريب لكرسي مجاور للجده...حديث هادئ جداً ..بستراقها الصغير وارهافها للسمع..عرفت الموضوع
التي تتكلم فيه آمها بتئنق شديد في آختيار الكلمات..,,,
آنتقلت عيونها لصوت الموسيقى التي تعزفها اصوات الكعب التي ترديها انيقة البيت بل والعائله بآسرها..سيوف وهي تعلن خروجها عن
البيت..,,,,
لآحد...لآحد..لآحد..قريب..,,مني الان...
طعم الدم يعطر فمي ويشعرني بمغص شديد...ورائحة الاستفراغ مازالت تعبث بحاسة الشم عندي...هذا العوارض الأوليه...يارب
مافيني اتحمل هاالشي اكثر...مافيني...
يارب ساعدني...
منذو متى..وهاذا الشئ يلازمني ويعبث في طاقاتي لتحمل وقدرتي على الحياه الطبيعيه كا باقي البشر..!
اذاً فهي تعطيني الاشاره بحضورها الغير مرحب فيه..,,,
دائماً هي تفرض علي حضورها..,,,لم يسبق في يوماً ان اخلفت موعدها..
الم في معدتي...,,,
ودوار يدعبني منذو لحضات...
وتنمل شديد اصاب يدي منذو الصباح الباكر
فاجئتها..آحتضان ايدي دافئها...ثم مالبثت ان وضعتها بخفه على صدره...تعرف هاذه الرائحه المميزه والمحببه الى قلبها الصغير..,,
يحفظ تقاسيمها وعن ظهر قلب يتنبئ بحضور الضيف الثقيل الذي يخيفها دائماً
ريان ببحه وبصوت خافت \وجهك صار اصفر..,,,تبيني اشيلك ..
شهد ابتسمت بتعب\لا..مو لها الدرجه...بس ها اليومين اكيد فيها شيله..
ابتسم بخفه\ياحلوك وش خفك وانا اشيلك كنك قطوتك الي ماتت قبل كم اسبوع
رفعت راسها بتعب وعقدة حواجبها\الحين انا قطوه يا الثور....
قطع عليهم حديثهم صوت الام الخائفه\شهودي فيك شي..!
...
...
ليه ماصانت سواحلك السفينه...؟
مثل ماخنت معاليك المواني...!
...
رد مع اقتباس
