عنوان الموضوع : احسنت ظنى بالله فجزأنى ربى قصص
مقدم من طرف منتديات نساء الجزائر

احسنت ظنى بالله فجزأنى ربى






السلام عليكم القصة منقولة ترويها صحبتها مانى الا ناقلة


ازيكم عاملين اه يارب يكون كله تمام

من زمان من اول ما دخلت ثانوى مثلا وانا نفسى اوى اعمل عمره وازور الكعبه واحس بالاحاسيس

الى كنت دايما بسمعها من الى بيروحوا كان عندى احساس انى هروح رغم ان كل شىء يوحى بانه مينفعش بس كنت بعد ادعى ربنا انه يرزقنى بالزياره دى وكنت حاسه انه فى يوم هيكتبهالى

ولما ماما كانت تيجى تقول عايزة اروح اقولها مش هتروحى من غيرى مكنش بيجى ف بالى خالص موضوع المحرم

مفكرتش فيه الا لما دخلت الجامعه وزعلت اوى انه ممكن ماما تروح من غيرى وانى مش هروح الا لما اتجوز

لانى بابا متوفى وماليش اخوات ولاد

جت اختى اتجوزت وراحو السعوديه هيا وجوزها وبنتها وبعدين بقت حامل والمفروض انها كانت هتولد هناك

فقالت هتبعت لماما دعوه طبعا وبدانا نفكر طب انا هعمل ايه

قولنا خلاص هروح عند قرايبنا اعد عندهم الشهر دا وخلاص عشان مينفعش ماما متروحش وخلاص ظبطناها ع كدا


لقيت ف يوم اختى بتتصل اعملى باسبور عشان سمعنا انه ممكن نقدملك ع دعوه ويمكن يمكن يمكن

احتمال بعييييييييييييييد متفكريش فيه يعنى هههههههههههه انهم يوافقوا

ظبطنا ورقنا وبعتناه راح جوز اختى يقدم راح الموظف معلم جمب اسمى باحمر الى هو لا يعنى لا

فجوز اختى شد معاه وراح لموظف اكبر راح الراجل دا شاطب ع اللون الاحمر وخد منه الورق

وقاله هتعرف الرد ع الموقع باليل

طبعا طول الفتره دى شغالين صلاه وادعيه بقى ::

ويوميها باليل لقيت جوز اختى بيتصل وبيقولى ليكى نصيب تيجى وتعملى عمره افرحى ياستى

كنت فرحانه جدااااااااااااا بس جويا شويه خوف لمتكملش ولقينا طبعا الافتاءات اشتغلت لانه الكل استغرب جدا انى هعرف ادخل البلد

دا انتى ممكن يرجعوكى ف المطار يقولولك فين المحرم بتاعك ويرجعكوا وممكن السفاره هنا متوافقش

بس الحمدلله الورق مشى عادى وكله اتظبط بس فضلنا ع اعصابنا ليرجعونى رغم ثقه الشركه الى جابت لنا التاشيره

بس الافتاءات طبعا ف الاوقات دى بتقلق والحمدلله سافرنا بس جيت ف المطار بعد الجوازات لقيت ظابط موقفنى فين باسبورك

قولت ايوه انا هرجع بيتنا اهه ههههههههههههههههههه

بس الحمدلله محصلش اى حاجة وطلع ان اصلا مفيش حاجة ممكن تحصل لان ورقى تمام

واختى ولدت وضاع اول شهر ف الولاده والتعب وكدا

وجه معاد التجديد وكان فى كلام وافتاءات انه ممكن ميرضوش يجددوا ليا ولماما برضه عشانى

ههههههههههههههههههه عماله قلق انا طول عمرى بس برضه اراده ربنا فوق كل شىء واتوافق ع التجديد
وبعديها باسبوع كدا روحنا عملنا عمره

احنا اصلا كنا ف القصيم وخدنا العربيه روحنا ع المدينه زورنا المسجد النبوى وبعدين طلعنا ع مكه

الطريق خدناه ف حوالى 13 ساعه ومفيش نوم من اكتر من 24 ساعه

طبعا وصلنا مكه خلصانين وكنت زعلانه اوى لانى بدات اعصابى تسيب من قله النوم

وقولت مش هقدر اطوف واسعى بس بجد سبحان الله

مجرد مدخلت من باب الحرم محستش اصلا باى وجع ولا الم ولا تعب ولا انى عايزة انام

محستش غير بهدوء نفسى فظيييييييييييع وراحه وطمانينه كدا وانى شايفه كل حاجة بيضا وصافيه

واحساس اول نظره للكعبه لا يعوض رهبه مع فرحه مع هدوء مع خشوع

كوكتيل عجيب كدا

كنت حاسه ان الدنيا دى ولا تسوى شىء ايه الى الناس بتعمله دا وايه الصراعات دى

احساس بالرضا والهدوء النفسى عمرى ما حسيته

ربنا يرزقنى بزياره تانيه للحرم ويرزق جميع المسلمين يارب

وفعلا ياجماعه خلوا دايما عندكوا حسن ظن بربنا

عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ،
فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ،
وإن أتاني يمشي أتيته هرولة ) . حديث قدسي


وبجد من الايام الى عمرى ف حياتى ماهنساها


وفى حاجة كان البنات قالوها واحنا ف الحرم النبوى حبيت اقولهالكوا يمكن محدش يعرفها

محدش يدعى يقول والنبى دى حرام جدا

عايزة تدعى قولى

اللهم ارزقنى شفاعه محمد(صلى الله عليه وسلم)

قسم بالله العظيم جرت دموعى سهوا بجد قصة جميلة يارب تنال اعجابكم ربى يجعل مثواكى ومن ذكرتى معك الفردوس الاعلى اللهم بلغت اللهم فاشهد على ما اقول

>>>>> ردود الأعضـــــــــــــــــــاء على الموضوع <<<<<
==================================


قصه في قمه الروعه
اجواء مكه بجد حلوه
الله يرزقني بعمره قريبه يارب


__________________________________________________ __________

لا إله إلا الله محمد رسول الله



و عليكم السلام و رحمة الله تعالى و بركاته
قصة رائعة و هادفة
بارك الله فيكى و رزقكى الحج و العمرة و كل المشتاقين
إن الله على كل شئٍ قدير











__________________________________________________ __________

ان شاءالله ربي يحقق حلمنا ونزورها


__________________________________________________ __________


__________________________________________________ __________