عنوان الموضوع : معجبتش العريس .... عارفين ليه؟؟؟؟؟ -قصة قصيرة
مقدم من طرف منتديات نساء الجزائر

معجبتش العريس .... عارفين ليه؟؟؟؟؟






السلام عليكم القصة منقولة ترويها صاحبة الموضوع مانى الا ناقلة

كل سنه وانتوا طيبيبن جميعاااا وعالعيد تتحقق امانيكم يااارب
المهم دى مش أنا دى بنت صاحبتى واكتر من اختى والعريس برضه زي اخويا واكتر وبصراحه احنا كلنا جيران لقيت البنت بتحبه كده مع نفسها وهتموت عليه
قلت الفت انا نظره ويابخت من وفق راسين فى الحلال
اقنعته انه يزورهم فى البيت ويشوف البنت ويتعرف عليها واستأذنت من اهلها وانا كنت معاهم والعريس جه قعدنا فقلنا نسيبهم مع بعض خمس دقايق مع بعض وقعددت انا ومامتها واختها فى الصاله وباباها دخل يصلى يامدوب خمس دقايق وخرج العريس ووشه قلوب وبابتسامه من غير نفس كده قال معلش انا لازم اامشى علشان عندى مشوار مهم وانا سعيد بمعرفتك ياحاجه
البنت دى والله ياجماعه قمه الادب والاخلاق والجمال ومبتفوتش فرض وست بيت ممتازه ومتعلمه كلها الممثله الى اسمها ياسمين عبدالعزيز نسخه منها بس على قصير شويه حتى الشعر وعمرها ياعينى مافكرت فحد غير الواد ده
وجالنا البيت قلتله ايه رايك تخيلوا قالى ايه ؟؟؟؟؟
قالى ياشيخه حرام عليكى بلاقرف انا اتجوز دى داااا بتكسف اوى وطول ماهى قاعده حطه وشها فى الارض وشكلها مؤدب زياده عن اللزوم كده وووشها بيحمر من ااقل كلمه
انا عاوز اتجوز واحده شقيه بتعرف تهزر وتضحك ومبتتكسفش وترد عليا
قلتله وانت كنت عاشرتها وبعدين داا اول مره يعنى البنت مرتبكه وكده قالى الجواب بيبان من عنوانه وشكلها هاديه كده ومبتضحكش
قلتله انت حر ورحت لمامتها ياعينى وقلتلها معلش ياماما كل شئ نصيب والبننت ياعينى تعبت وزعلت من غير ماتعرف السبب
بعدها بشهرين تلاته جالها عريس زى الفل سيد سيده بادبه واخلاقه واحترامه وحبه ليها والبنت حبته كمان وندمت على كل لحظه فكرت فيها فحد غير جوزها ابو بنتها
انا بقولوكوا كده يابنات علشان لما واحده يجيلها عريس ويرفضها متزعلش وتعرف ان ربنا داااايما شايلها الافضل وكل تأخيره وفيها خيره
وانك لما يجيلك عريس غير اللى رفضك احسن منه ويعرف يقدرك ويستاهلك هتقولى احسن الحمد لله انه رفضنى فصدقونى مش هتعرفوا قيمه الحاجه اللى انتوا فاكرين انها وحشه غير لما تلاقوا الاحلى
زى لقدر الله لقدر الله لما يكون نفسنا نطلع رحله وفى اسباب خلتك متطلعيش وانتى كنتى هتموتى عالرحله وعرفتى ان الاتوبيس عمل حادثه مثلا هتقولى ايه الحمد لله صح ولا ايه
سبحان الله ما نعلم ايش فيه فى علم الغيب لو علمنا لاخترنا الواقع سبحانك ربى ما اعظمك واحلمك ربى ييسر لهم كل امر عسير ويوفقهم الى ما يحب ويرضا ويجعل مثواهم الفردوس الاعلى اللهم بلغت اللهم فاشهد على ما اقول

>>>>> ردود الأعضـــــــــــــــــــاء على الموضوع <<<<<
==================================


ماشاء الله عليك الرساله واضحه
مشكورررررة


__________________________________________________ __________

عجبتني القصة
شكرا للموضوع


__________________________________________________ __________

تسلمين على النقل الحلو
والقصة مررره راقة لي نفوسة


__________________________________________________ __________

ماشاءالله الله عوضها بالي احسن منه
يعطيكِ العافيف فوفو


__________________________________________________ __________

ماشاء الله قصه رائعه
تسلمين ام حفصه على نقله