عنوان الموضوع : قصه حزنتني حيل وأثرت في نفسيتي قصص
مقدم من طرف منتديات نساء الجزائر

قصه حزنتني حيل وأثرت في نفسيتي






مرحبااااااااا اخواتي الغاليات
اليوم قريت قصه جداجدا حزنت عليها وهي قصة زوج وزوجه كانو من أسعدالازواج حملت مرته وفي يوم ولادتها جابت له ولد وتوفت وخذا الابو الولد وابتلش فيه راحت اخذته اخت المره المهم الرجل يبي يسنع حاله وحال ولده راح تزوج عقب وفاة مرته بسبع شهور وجاب الولد من عند خالته قال مرتي سنعه وتبي ديربالها عليه راحت الاخت طلبت شغاله وجاب لها وحملت وجابت منه ولدين وبنت في الوقت صارعمر الولد طبعااسمه سالم 4سنوات وكانت دايم تخليه ويا الشغاله تقوله شوفيه وهي طبعا تسنع عيالها وتاركه هذا على جنب في يوم من الايام عزمت اهلهاعلى عشا وطبعا مسويه حلويات جواهلها وقعدوعلى الصفره وعيالها من ضمنهم وجا سالم وقعدمعاهم وعيونه تلاقط على اللي موجود راحت مرةالابونادت الشغاله جيبي صحن وحطت للولد صحن فيه شويةرز وقالت له قوم كل في الساحه والولدمسكين من الخوف يطيع كلامها طبعا الساحه اللي هي الحوش راح عندالشغاله لقاها موفاضيه ونهرته مرت الابووطاعها الوقت كان بالليل وبرد والمسكين منخش وراالباب اللي في الحوش ياكل وتعب ونام المهم جا الابووتعشا وسال كالعاده وين سالم تجاوبه:نايم مع الشغاله لاديربال وراح الابو ونام وهو نايم حلم ان مرته الاولى جته تقول ديربالك على سالم قام مفزوع وسال المره وين الولد؟ردت :نايم عندالشغاله انا شايفته ومعشيته ؛ردنام ولاتجيه مرته مره ثانيه وتقوله نفس الكلام وقام مره ثانيه وترد الاخت وتقول شفيك اقوللك نايم وبعدين هذا حلم شي عادي ردنام تدرون لما جته شنو قالت له؟قالت:خلاص سالم جاني سبحاان الله قام الابو مفزوع من النوم ويدور الولد مالقاه عندالشغاله ويلقاه بالحوش منخش ورا الباب وقدامه صحن الرز ومتقرفط من البرد وحزن حزن علييييه ماينساه طول عمره وعذي ترى صج صايره حسبي الله على مرةالابواللي ماتخاف ربها

>>>>> ردود الأعضـــــــــــــــــــاء على الموضوع <<<<<
==================================


فعلا قصه تحزن
سلمت يداكي اختي
والله يحفظ ولاد جميع المسلمين


__________________________________________________ __________

حسبي الله ونعم الوكيل
بالفعل انها قصة مؤثرة
اشكرك يا عطر الكويت ويعطيكي الف عافية


__________________________________________________ __________

حسبي يالله ونعم الوكيل
مشكوووووووووووووووورة اختي


__________________________________________________ __________

لاحول ولا قوة الا بلله....
زلت الرحمه من قلوب بعض البشر ...


__________________________________________________ __________

خواتي سوسيتا ام عيسى ملاالروح غلاالدنيا شكرا على مروركم ونورتو صفحتي