ثلاثه في اسبوع واحد -قصة جميلة
عنوان الموضوع : ثلاثه في اسبوع واحد -قصة جميلة
مقدم من طرف منتديات نساء الجزائر
ثلاثه في اسبوع واحد
بسم الله الرحمن الرحيم
السلام عليكم ورحمة الله وبركاته
ماراح اطول بالمقدمه بس راح اكتب كلام من قلبي والله طالع هذا الكلام له شهرين من يوم صار......
وراح ابدا الحين القصه طبعا هي في عايلتنا قبل شهرين صار عندنا مصيبه وصار احداث من جد تخلي اللي مايبكي يبكي واللي صار عندنا حاله وفاه واللي توفو عيال خالتي اثنين وزوجها طبعا زوجها يصير ولد عمها يعني يصير خالي وطبعا السالفه هي انو عيال خالتي كانوا مسافرين للرياض من طريق الخرمه اكيد عارفينه وعارفين خطوره هذا الطريق طبعا ولد خالتي الكبير قبل مايسافر زار كل اقاربنا واكيد جاء عندي امي فكانت امي تقوله ليش ماتطالع فيني قال لا ولا شي ياخاله وهو مو راضي يطالع يبعد وجهه عنها فقال انا قلت لاامي ماراح اروح للرياض قبل مازور خالتي قالت امه اكيد ياولدي هذا الولد طبعا ملتزم وينحب والله اني افقده معى اني اتغطى منه وماشافني الا وانا صغيره وكان يتمنى يشوفني لانه مو مصدق اني كبرت والحين انا في اول ثانوي واني صرت خلاص ماراح اطلع عليه مره ثانيه هذا الشخص له مكانه بقلوب عايلتنا لمن كانو على طريق الخرمه كانو سيارتين كانو عياله معه عنده 4 بنات وزوجته حامل الحين فقال لزوجته انزلي في السياره الثانيه وانتبهي على الكل فقالت ان شاء الله راحو للسياره الثانيه ونزل اخوه معه واثنين من اقاربنا واخوه كان جالس وراه فلما هم يمشون رايحين الكل كان قلقان وهو قبل مايروح يقول لبنت خالتي انا مهموم مدري ايش فيني المهم لما كانو على طريق الخرمه كانت هذي هي الحادثه المولمه كان قدامهم ناقه وكانت هذي الناقه تمشي على الطريق السياره الاولى مشت من عند الناقه عادي بس السياره اللي فيها عيال خالتي هي اللي صار لها الحادث كان ولد خالتيهو اللي يسوق يروح يمين تروح معه يمين يروح يسار تروح يسار فكان يبتعد منها بس هي لا ما ابتعدت منه صار تقرب وتقرب لمن اخذ سطح السياره معها وماتت الناقه بس ولد خالتي اللي يسوق مات في الحال اما الصغير لا هو نط الي قد هو قدام عند مكان الراكب الشخصين اللي معهم بالسياره والله يابنات ماجاء فيهم شي طبعا ولد خالي اللي راح لقدام من قوه الضربه راح في غيبوبه دماغيه يعني الدماغ مايشتغل عنده لان الضربه جات على راسه من ورا ونقلوه لمستشفى الطايف على طول وكان الحادث الساعه 10 ليل وكل الشباب والرجال في العايله يعرفون بالخبر وراحو للخرمه اما احنا يالحريم ماكنا نعرف وطبعا احنا عرفنا الساعه 2 ونص ليل وكان الخبر زي الصاعقه على كل العايله وكان البيت كله بكاء وصياح ومااحد تحمل الخبر جاء العزى وانتهى على خير لما جاء ثاني يوم في عزى الكبير راحو يزورون الصغير في الطايف وطبعا زاروه وكانو ينعشونه بالاجهزه بس اول مادخلت امه عليه ماكان فيه ولا حاجه نبضه رجع طبيعي وكل شي رجع طبيعي فرجعو للديره وقالو انه بخير وعافيه وكل شي تمام وفرحنا بالخبر بس كانت الفاجعه لمن خالي راح يزوره ويسال عنه قالو هو مات والكل طبعا عرف بالخبر ورجع البكاء للبيت مره ثانيه بس بنت خالي كان ناوي يخطبها بعد مايرجع من الدوره عسكريه ماكانت تعرف بالخبر لما جات تشوفنا نبكي وقالت ليش تبكون تعرفون اتصلت على جوال(..............)والكل طالع فيها خوالي قبل مايجيبونها عندنا علشان نعلمها اخذوها للمستشفى وكشفو عليها واعطوها ابر مهديه وكل شي لازم علشان الخبر هذول الاثنين يحبون بعض من هم اصغار والكل كان يقول فلان لفلانه وفلانه لفلان ولما عرفت بالخبر يابنات صارت تضحك وتقول لاتكذبون علي فااهمين وصارت تصارخ والكل يبكي على حالها وصرنا نهدي فيها ونامت وقامت فجاه وهي تدور وتدور والكل يقول وش فيها هذي انجنت بس ماكان هذا جنون كان حبيب القلب جاها في النوم ويبتسم لها فراحت تدور له وهي تضحك تقول هو مامات مامات تفهموني صح هو عايش حتى انا شفته وهذي سالفه الصغير اما سالفه الاب انو ابوهم ماكان معهم بالحادث ابوهم تعبان مايقدر يمشي اول ماعرف بالكبير بكاء والكل ماعمرهم شافوه يبكي كذا بعدين قال لو بكاي بيرجعه كان جلست ابكي الين يرجع في ثالث يوم في عزى الكبير تعب ودخل المستشفى وماكان يعرف بالصغير قلنا ماراح نعلمه الا لم يطيب بس للاسف كان فيه حرمه جاته وعطته اكل وقالت له انت تومن بالله قال ونعم بالله قال ليش ايش فيه قالت ولدك الصغير مات والله يرحمه وطلعت من عنده ومن وقتها زاد التعب عليه دخل العنايه وكان قلب يوقف عشر دقايق وينعشونه لما جات الساعه 11 ليل مات والكل صعق من هذا الخبر اخوي اول مره اشوفه منهار كذا صار يبكي ويبكي والله ياقلبي تقطع عليه وصرنا كلنا نصيح ونصيح اول شي فقد اعز رفيق له وهو الصغير والحين يفقد احد من ازواج خالتي اللي يحبونا فصارت صدمه عليه المهم انقضى شهرين على هذي السالفه وال الان الكل متاثر وانا صايره اتخيل كل واحد من هم في كل مكان وهذي هي السالفه كلها..........
دعواتكم يابنات لخالتي بالصبر لانها كل ماتتذكر تجلس تبكي
الله يجزاكم كل خيرررررررررر
>>>>> ردود الأعضـــــــــــــــــــاء على الموضوع <<<<<
==================================
ساااااااااااااااااااامحوني يابنات اذا كنت غلطانه في الكتابه لاني مو جالسه افكر بس اكتب واكتب وسااااااااااامحوني اذا طولت عليكم
__________________________________________________ __________
تصدقوا لهم وادعوا لهم والا البكي ما راح يفيدهم...
__________________________________________________ __________
مشكور ياغلا نجد وجزاكي الله خير الجزاء
__________________________________________________ __________
الله يرحمهم جميعا ويصبر خالتك
__________________________________________________ __________
الله يرحمهم ويرحم اموات المسلمين
ويسكنهم فســــــــيح جناته
رد مع اقتباس
