عنوان الموضوع : حكمة إمراه -قصة قصيرة
مقدم من طرف منتديات نساء الجزائر

حكمة إمراه






السلام عليكم
اليوم حبيت إني أنقل لكم قصه صارت مع أمراه أنا وأمي نعرفها علشان نشوف حكمتها ونتعلم منها من رآي
هذي الحرمه ام وزوجه في آخر الاربعينات تسكن في حينا أنسانه قويه وأقتصاديه بحياتها وتراعي ربها وبيتها
هذي الحرمه اصابها سكري الله يرفع عنها وعن المسلمين نصحوها الأطبه انها كل يوم تمشي ساعه على الأقل لأنها في بدايه المرض
وكانت كل يوم تقريبا تمشي بممشى ورا بيتها
ومره وهي تمشى حست بتعب وأرهاق ووقفت عند بيت موبعيد عن بيتها شافت أولاد واقفين وطلبت منهم أن ينادوا أمهم علشان تساعدها
وفعلا جت الأم ودخلت أم فلان البيت وقدمت لها الماي وغسلت وجهها ودخلتها الصاله ................
وهني الصدمه
طاحت عينها على الجدار وإذا صورة زوجها معلقه بالصاله
أسألتها يابنتي هذى صورة أبوج؟؟؟؟
قالت لا ياخاله هذي صورة زوجي أبو عيالي
قالت هالعيال عيالج ؟؟؟ قالت نعم خاله, قالت الله يخليهم لكم
قالت لها أنا ضايقتج والحين زوجك بالبيت آآسفه
قالت لا خاله مافي ازعاج والحين زوجي ببيته الثاني عند زوجته وعياله كل يوم يجينا من الصبح ويروح العصر (فترةشغله)
ودعتها ام فلان وشكرتها على وقفتها معاها
شوفوووووووووووااااا الحكمه
تصدقون أنها ما قالت لزوجها عن اللي صار ويااها ولاحسته أنها تدري
سالتها ليش خاله كذا شلون صبرتي أنا لو مكانج لجنيت ؟؟
قالت يابنتي علشان أظل غاليه عنده وإذا قلت شنو يبي يتغير الحرمه عندها عيال حرام بعديين وعلشان ينام كل يوم بيته وسط عيالي
ولاهو مقصر لافيني ولافي بيته
وإذا قلت له يمكن يصد عنا ويظلمني أنا وعيالي
تصدقون مرت سنين وللحين ما صارحته وزوجت عيالها وأبوهم بينهم

وآخيرا ......
أقول لأم فلان ماشالله عليج والله يعطيج الأجر بالدنيا ولآخره
وووووووووووشككككككككريين

>>>>> ردود الأعضـــــــــــــــــــاء على الموضوع <<<<<
==================================


يهمني ان اعرف آرائكم وردودكم
وتعم الأستفاده للجميع


__________________________________________________ __________

مشاء الله عليها الله يعطيني مثل ماعطاه من قوه وصبر


__________________________________________________ __________

قصة رروعه ماشاء الله
على هذا المراة عن جد هي حكيمه وعرفت كيف تحافظ على بيتها


__________________________________________________ __________

أشكركم على ردوودكم الغاليه
إنشالله تصير لنا قدوه على حكمتها وذكائها
ودمتم بحفظ الرحمن


__________________________________________________ __________