عنوان الموضوع : اتحداكم ماتبكوا لما تقروها .... واقعييه جدا وانا شاهده ... قصة حقيقية
مقدم من طرف منتديات نساء الجزائر

اتحداكم ماتبكوا لما تقروها .... واقعييه جدا وانا شاهده ...






+++++++++++++++
{{{ عايش على أنفاسك }}}


_القصه مبنيه على احداث
واقعيه.

بأختصار .(في كليه البنات بحائل )


_ لطيفه :اف وبعدين معهم إلى متى واحنا ننطر ليش مايطلعوا اسما المدارس ويخلصونا.

_نوال:يارب احنا مع بعض

_تطلع الأسماء ولطيفه ونوال
كل وحده في مدرسه

لطيفه: ياربي ليش كذا _ كل البنات اللي معاي مااعرفهم
نوال: وانا بعد

_بعد نقاش مع الموظفات يتبين انه مافيه امل لتغيير المدارس.

لطيفه_ خلينا نروح للكافتيريا ناخذ لنا ماء
تدخل نوال ولطيفه ومافيه محط رجل _ الكافتريا مليانه بنات _ وبما ان الهم الوحيد لبنات حائل هو الأكل نلقى الوحده اسمن من الثانيه
والهم الثاني اللبس نلقى الوحده جايبه ماوراها ودونها من شعر وماكياج وتنانير ميدي ونظارات شمسيه
وهمهن الثالث الأعجاب نلقى نظرات وابتسامات عجيبه غريبه
وفيه بالزاويه بنتين حاضنات بعض او يبوسو بعض
وكلهن شرهات ويتحولن وحوش اذا ماافطرن واهم شي الطاوله ماتطير من يديهن
وفيه بنات قمه التخلف الوحده شنطتها من ميسوني
ونظارتها من ديور وصندلها من جيمي شوز وبلوزتها من رالف لوران وشعرها مكوى يعني بنات سطحيات جدآ جدآ.
_ دخلت نوال وراها لطيفه وبعد مصارعه واصطدام وروائح انواع واشكال ياخذن 2مويا وعلك ويطلعن .

وهن طالعات تلمح لطيفه وحده تناظر لها بغرابه
ماتعطيها وجه وتطلع عادي .

(لو سمحتي لو سمحتي ممكن شوي ) البنت الغريبه تنادي
لطيفه _ نعم
البنت_ كلمه على انفراد
لطيفه_ نوال روحي اسبقيني وانا لاحقتك
البنت_ انتي مرتبطه ؟
لطيفه_ نعم _ مستغربه
البنت_ انا ابيك تقبليني معجبه
_ لطيفه واصله معاها والشمس حارقتها ومتعوده على كذا اشكال _كل اسبوع والثاني جايتها وحده تتمنى تكون حبيبته
لطيفه_ يااختي انا ماعندي هالحركات اقبلك كصديقه وهذا يشرفني لكن تقولي لي حبيبه او معجبه او خرابيط بنات انا اسفه
البنت_ بس انا احبك من زمان وعيني عليك دايم وانتي ماتدرين
لطيفه_ والله مقدره شعورك وانتي مو اول وحده فيه غيرك كثير بس مثل ماقلت اكسبك كصديقه وبس _ والحين لازم اطلع مع السلامه

لطيفه تتوجه للباب وتلاقي نوال ومها ومي واشواق
اشواق _شنو صار عليكن سمعت ان كل وحده بمدرسه؟ مها_ ايه _حسبي الله ونعم الوكيل على المرعب اللي كانت السبب
مي_ انا ماادري ليه مايقلعونها مها _ يقولون انها صديقه للأميره
مي_ ليه الأميره تصادق كذا اشكال سخيفه؟
نوال_ خلونا من هالسيره_وش تبون تسوون مع المدارس ؟
لطيفه_ وش نسوي يعني _ كل وحده تروح لمدرستها وتطبق فيها _الله يعين بس .

_تطلع مها ومي واشواق ولطيفه ونوال يلبسن عباياتهن
نوال_ شنو تبي المزيونه قبل شوي؟
لطيفه_ كالعاده تبي ترتبط( على فكره ترتبط كلمه دارجه بين المعجبات)
نوال_ بس والله كشخه اناشايفتها من قبل شكلها اقتصاد
لطيفه_ مااظنها اقتصاد.
نوال_ ليش مااعطيتيها الok؟
لطيفه_ بدون خرابيط_مع السلامه دق فهد
نوال_ مع السلامه

نوال تطلع للنقل وتجلس مع احلام وتحكي لها وش اللي صار مع لطيفه
احلام_ ليش لطيفه مزيونه مره؟ نوال_ طويله بس طول حلو وجسم حلو ومنحوت نحت مو سمرا ولا بيضا وعيونها كبار وعسليه وافمها حلو وشعرها لنص ظهرها ولونه بني فاتح وقريب للنعومه وماتحط إلا كحل اسود ولا تكثر مكياج ولا تصبغ حواجبها لأنها حلوه بدون تشقير يعني اول ماتشوفينها تقولي عاديه بس اسلوبها وذوقها وعيونها إذا ركزتي عليهن تسحر.
احلام_ بأي قسم؟
نوال_ ياثور معي بنفس القاعه يعني قسم ( _____) واحنا صديقات صار لنا سنتين
احلام_ اول مره تتكلمين عنها
نوال_ انتي جديده بالنقل ماامداني اسولف لك شي

_لطيفه واخوها ياصلون للبيت
لطيفه عندها اربع اخوان واربع خوات واحد متزوج وله ولدين ووحده متزوجه وعندها ولد
فهد وفيصل وعبدالله وحامد
وعواطف وامل وريم ونهى

لطيفه تبدل ملابسها
لطيفه_ عواطف تصدقين ان يوم السبت كل وحده بمدرسه
عواطف_ ونوال مو معك ؟
لطيفه _ لا كل الشله اللي معي صانعات وحروب
عواطف _ واذا !!!
لطيفه_ مابها شي بس مااعرفهن كلهن مو بقاعتي ولا بقاعه وداد( صديقه لطيفه بقاعه 3)وشكلهن مش حبوبات
عواطف_ انا صارلي سنه بمعهد التمريض وما اعرف إلا صانعات
لطيفه _خلاص خلاص انقلعي ابي ابدل.

يوم الأربعاء اخر يوم قبل التطبيق الشله كلها قاعده تودع بعض لأن التطبيق اسبوعين
طلعن كل البنات إلا لطيفه ونوال يبن الكافتيريا شوي وبما ان الكافتيريا زحمه تدخل نوال ولطيفه تظل برا
تجي البنت راعيه امس وتسلم
لطيفه_ اهلين بس ماعرفت اسمك ؟
البنت_ انا نجود بس حبيت اسلم قبل ماتروحين تطبيق وحابه اخذ رقم جوالك اذا ماعندك مانع
لطيفه بعد الحاح من نجود تعطيها الرقم .
_ترجع نجود للكافتيريا اللي يمكن كل البنات اللي فيها مايعرفوا وين تقع بلغاريا.

_يوم السبت اول ايام التطبيق تدخل لطيفه المدرسه ومعاها سلة قهوه وشاي وصحنين حلا
وتتعرف على البنات اللي معها ليلى وليال وفاطمه وفاطمه واخيرا عبير
لطيفه_ انا لطيفه الشمري
عبير_ اهلين انا عبير ال______(يعني صانعه) تشرفت
لطيفه_ لي الشرف
عبير _ شكل كل البنات الباقيات يعرفن بعض خلينا انا وانتي سوا اتفقنا
لطيفه_ خلاص خلينا نمضي هالأسبوعين بوناسه ونقهر المرعب.
_لطيفه وعبير الأن زميلات ومن الزماله لصداقه لأنهم قراب من افكار بعض وشخصيات بعض.

صارت هيصه ووناسه والكل مبسوط لدرجه انهم صاروا يكلموا بعض كل يوم في الجوال
_في يوم الثلاثاء قبل الأخير
لطيفه_ عبير ماني مصدقه اني من زمان مااعرفك عن جد انا كنت اشوفك دايم بس اقول في نفسي وش ذا المتكبره
عبير_ افا انا متكبره
لطيفه_ايه وربي كنتي مغروره عبير_ ليش مااتغر جمال ومال وكشخه(تمزح)
لطيفه _ صح صح معك حق (باستهزا)
عبير _ لا جد انا اول اقول عنك معقده لأنك بس ساكته ومعبسه بس والله كان طولك ومشيتك ورزتك عاجبتني.
لطيفه_ تدرين طولي متر وسبعين بس
عبير _ كلك على بعضك كنتي شخصيه
لطيفه_ ماقلتي بيتكم بعيد عن هنا
عبير_ بيتنا عند ( )
لطيفه_ احنا بيتنا هناك
عبير_ بيتنا اللي لونه موف على ذهبي
لطيفه _ والله قريب مره لنا خلاص انا بكرا طابه عليكم
عبير_ لا جد لازم نشوف بعض
لطيفه_ خلاص بعد التطبيق نتفق

_ يوم الأربعاء الحصه الخامسه في المدرسه المتوسطه
يدق جوال لطيفه
لطيفه_ هلا فهد
فهد_ اليوم انا مااقدر اجيبك و فيصل بالتوقيف
(فهد يدرس بثالث ثانوي وفيصل بالتقنيه سنه ثاني وحامد بالخفجي هو وزوجته وابنيه لأن شغله هناك وعبدالله بسادس
وابوها مسافر لأنه دكتور جامعي ودايم عنده دورات )
لطيفه_ ليه وش مسوي ؟
فهد_ بعدين اقولك _ دبري لك سواق يجيبك
لطيفه_ اقدراطلع مع عبير لأن بيتهم قريب لبيتنا وعندهم سواق
فهد_ خلاص اطلعي معها اذا هو سواقهم
لطيفه_ طيب مع السلامه
_ لطيفه تروح لعبير تسأل اذا تقدر توصلها
لطيفه_ عبير ابي اطلع اليوم معك اذا مافيه مانع؟
عبير_ يعني عادي تركبين مع اخوي نواف !
لطيفه_ ليه وين سواقكم ؟
عبير_ سافر صار له يومين
لطيفه_ اووه وانا على بالي سواق ياربي مين يطلعن الحين؟
عبير _ ياغبيه اطلعي معنا وقولي لفهد وصلنا السواق وماحد بيدري
لطيفه_ ياربي مشكله _ طيب شنو سياره اخوك ؟
عبير _ سياره صغيره
لطيفه_ خلاص ماعندي حل اصلأ انا غثيت فهد وابلشته.

في الطلعه يصل نواف ولا يدري عن شي.
( نواف شاب في الخامسه والعشرين مايهمه احد يدرس في الجامعه _ جميل جمال ملفت اسمر وطويل ذو ملامح جذابه وذو شخصيه قويه وعنده اسلوب وجسمه احلى من جسم ماثيو ماكوناهاي واحلى من عضلات بيكام وفي عيونه لمعه وشفايفه مثل شفايف فزاع واحلى وشعره اسود قصير وابوه ضابط وملبي له هو واهله كل طلباتهم يعني مدوخ بنات جماعتهم وهو طايش يلعب على الحبلين ومو مخلي بنت إلا ومكلمها وكل عطله نلقاه بمكان وسيارته بي ام دبليو
ويسوي اللي في باله)
_تدق عبير وتقوله بنت جيرانا راح تطلع معنا
عبير _ بيتهم اللي كذا كذا كذا عرفته؟
نواف_ عرفته يله تعالوا

_تطلع لطيفه وعبير تمشي قبلها
يركبن السياره ونواف قاعد يقز لطيفه من فوق لتحت وهي بالعبايه تطلع حلوه
عبير _ السلام عليكم
نواف_ وعليكم السلام
تمشي السياره وتاقف عند الأشاره ونواف يطالع بالمرايه مو هامه احد ولطيفه ولا تدري
نواف يبحث عن اجهزه بلوتوث ولا يلقى غير (نجمه وقمر) جوال اخته و( 23 ) جوال لطيفه
ينزل لطيفه عند بيتهم ويمشي
لطيفه تدخل البيت وبعد عشر دقاوق تتذكر انها نست السله بسياره نواف
تدق على عبير
لطيفه_ عبير سله القهوه بالسياره
عبير _ ادري نزلها نواف قبل شوي وجالسين ناكل من باقي الحلا اذا مافيه مانع
لطيفه_ صحه وعافيه
عبير _ خلاص اجيكم يوم الخميس واجيبها معي او انتي تجي
لطيفه_ نتفق بعدين ابي انام يله باي
_ نواف يسأل
شنو اسم صديقتك ؟
عبير _ وش دخلك
نواف_ فضول_ الحين انتي تعرفين كل اصدقاي واحد واحد صح!
عبير _ اسمها لطيفه الشمري
نواف_ والله عليها حلا خطير

_

>>>>> ردود الأعضـــــــــــــــــــاء على الموضوع <<<<<
==================================


+++++++++++++++
{{{ عايش على أنفاسك }}


_ في منزل لطيفه
لطيفه_ عواطف اليوم وصلنا نواف اخو عبير
عواطف_ لا كذابه
لطيفه_ والله العظيم
عواطف _ كيف شكله ؟
لطيفه_ ولد جذاب جدآ بس باين عليه مهستر
عواطف_ اقول انطمي والله لو يدري فهد يسوي سالفه
لطيفه_ لاتقولي شي وهو مايدري

_ يوم الخميس تتصل عبير
لطيفه_ ابي اجيكم اليوم انا وامي وعفاف
( عبير لها اختين وست اخوان
عفاف بأول كليه وايمان بثاني ثانوي وعندهم سواق وشغاله وامها مديره مدرسه وقبل يسكنوا حايل كانوا في الرياض ولما صارت عبير بأول ثانوي نقلوا لحايل وكل عطله ينزلون للرياض وحياتهم فله ومشاوير ووناسه ولبسها كله من الرياض وابوها ضابط صاحب مركز ومثقف وامها منفتحه وخالاتها مثل امها تمام)
لطيفه_ حياكم الله البيت بيتكم
عبير _ خلاص الساعه خمس انشاالله
تاصل عبير وامها وعفاف
لطيفه_ حياالله من جانا
عبير_ الله يحييك
يدخلوا للمجلس وتبدا سوالف الحريم وبما ان ام لطيفه في التوجيه طلعت تعرف ام عبير وصارت الدنيا فله
لطيفه_ عبير تعالي اخذك جوله في بيتنا واوريك لوحات فهد اللي قلت لك عنها
_عبير في غرفه عواطف ولطيفه عبير _ واو النافذه هنا على الشارع ومن بعيد اقدر اشوف بيتنا _ بس مو باين مره .
لطيفه_ اقول انثبري واذا يعني على شارع اصلآ شارع الحواري يطفش
عبير _اقول امشي بس ورينا لوحات المبدع فهد
لطيفه_ مشينا بس لا تضحكين على غرفتهم تراها حوسه بحوسه
عبير _ من زين غرفه نواف وسالم عاد تخرع
لطيفه _ اخوك نواف ياريت هو اللي جابنا ذاك اليوم؟
عبير _ وش رايك فيه ؟_ مزيون صح _ هو اصلآ احلى اخواني وكل بنات خالاتي وعمامي يبنه
لطيفه_ لهدرجه ؟
عبير _ واكثر وخاصه نجود تموت على ترابه .
_بعد ساعتين تمشي حصه (ام عبير) وبناتها
حصه_ يأم حامد لازم نشوفكم عندنا بالبيت
ام حامد_ انشاالله انشاالله قريب
حصه_ تمسون على خير
ام حامد_ مع السلامه

_في منزل عبير
عبير_ يمه وش رايك بهم ؟
حصه_ والله ياعبير هالطيفه تجذب _اذا الواحد تكلم معها ينجذب لعيونها بس سميرا شوي
وامها مره سنعه واشوفها احيانا تجينا للمدرسه.
_يدخل نواف فجأه مين ذي السنعه ؟
حصه_ وين كنت؟ بس قاعد تفرفر بالشوارع انت و اخوياك
نواف_ لا والله يمه كنا بالأستراحه عند العيال
حصه_ الله يستر من الأستراحات
نواف_ ماقلتن منهي السنعه؟
عبير _ مرت جيرانا ام لطيفه
نواف_ لطيفه راعيه الحلا؟
عبير_ عليك نور
حصه_ والله ياوليدي هالبنت عليها عيون تسحر
نواف بفضول_ شلون؟
حصه_ جوماهو الحين اذا بغيت تسولف مع احد تشوف لعيونه نواف_ طيب !!
حصه_ هي اذا ركزت على عيونها تنسى السالفه وشي
عبير _ نواف نواف امي تبالغ
البنت كلها على بعض حليوه وجذابه.
نواف_ بينه وبين نفسه دخلت البنت مزاجه.

_بعد اسبوعين من الدراسه وبعد ماصارت عبير صديقه لطيفه ونوال
نوال_ وش رايكم بنات نطلع هالخميس للملاهي؟
عبير _ امحق ملاهي قالوا لك جنقل لاند او ديزني لاند
نوال_ لا ستارلاند هههههه
عبير _ ماعندي مشكله وين ماتبون ومتى ماتبون
لطيفه_ اوه يمكن تكون مشكله بالنسبه لي ابوي مايوافق بسرعه ولا اخوتي
عبير _ نخليها طلعه عائليه عشان يوافقون
لطيفه _ احاول
نوال_ اخفي احساسي لكن بالعشق مفضوح
عبير _ تشوف الفرحه في عيني واحبك بالعقل والروح
لطيفه_ امشي انتي وياها الظاهر الفيوز عندكن ضارب
الكل يضحك وفيه صوت ينادي لطيفه لطيفه
لطيفه تلتفت وتشوف نجود
عبير _ بنت عمي تنادي عليك تعرفينها ؟
لطيفه_ نجود بنت عمك؟
عبير _ ايوه.
لطيفه_ بعدين اقولك السالفه
_نجود تسلم على عبير ونوال ولطيفه
نجود_ وينك ياعبير من زمان عنك ؟
عبير _ لاهيه بالأمتحانات
نجود_ طلعتي صديقه لطوف يالخاينه ولا تعرفيني عليها
عبير _ وينك وويني عشان اعرفك عليها
لطيفه_ خلاص خلاص كل هذا منشاني هههههههههه
عبير _ وش رايك تجي معنا للملاهي يوم الخميس ؟
نجود_ انا وانتي بس؟
عبير _ انا وانتي ولطيفه ونوال وكل العوائل الكريمه
نجود_ تم

_تروح نجود ويرجعن الباقيات للقاعات وفي الطريق تسأل عبير _ انتي منين تعرفين نجود؟
لطيفه_ بعدين ادق عليك واقولك لأنها سالفه طويله الحين انقلعي لقاعتك

_في الثامنه ليلآ تدق لطيفه على عبير وبعد سوالف تذكرها عبير بسالفه نجود
لطيفه_نجود قبل التطبيق جت لي تطلب اعجاب بس انا قلت لها الموضوع مايتعدى الصداقه واعطيتها رقم جوالي واحيانآ تدق علي
عبير _ غريبه!!
لطيفه_ ليه ؟
عبير _ انا ملاحظه ان نواف يكلمها دايم
لطيفه_ اسألك بالله؟
عبير _ والله حتى صورتها في جواله انا شفتها وهو مايدري
لطيفه_ يعني تحب نواف ؟
عبير _انا افتر مخي واحتست
لطيفه _ وش تبين فيهم؟ بالطقاق .
عبير _ شلون تحب بنات وتحب نواف مايصير هذا شذوذ. يعني تلعب بمشاعره.
لطيفه_ صار وخلصنا
عبير _ لازم اجس نبض نواف واستقصي الحقائق
لطيفه _ اذا طلع معك شي خبريني
عبير _ يله باي

_ لماعبير سدت الخط دخل نواف فجأه وجلس معها على الكنب يتفرج على التي في
_عبير تفكربينها وبين نفسها كيف تجيب الموضوع بطريقه ذكيه
عبير _ ياه يالدنيا
نواف حاط رجليه على الطاوله
_ ليش هو وش صاير؟
عبير _ اكتشفت تو شي مفأجى نواف _ وشو ؟
عبير _ لطيفه تو داقه علي تقول نجود تحبها
نواف ينصدم _شلون يعني؟
عبير _ الأعجاب اللي طايحات فيه البنات الله لايبلانا.
نواف_ نجود ماغيرها؟

عبير _ايه المجنونه بنت عمك
نواف _ متفاجئ ويكلم نفسه انا بالويل ضبطت الوضع معها
_عبير مبحلقه عيونها على اخوها تدرس رده فعله
نواف_ والله لطيفه هاذي خطيره جدآ.
عبير _ حرام عليك البنت ماتحب هالحركات .
نواف_ اقول الحق علي جالس عندك انتي وخرابيطك
_ يطلع نواف وحاس انه لعبه عند نجود ويرسل لها رساله لاتدقين علي ولا ادق عليك فاهمه .

عبير تتصل _لطيفه طلع نواف وهو مشمئز _ بس انا ماادري طبيعه علاقتهم.
لطيفه_اكيد مكالمات خفيفه وبس مو نجود بنت عمك اكيد بينهم حدود.

_نجود تدق على نواف بعد ماقرت الرساله
نواف _ نعم
نجود _ وش صاير؟
نواف_ اجل طلعتي راعيه اعجاب ؟
نجود_ من قالك ؟وبعدين وش مزعلك؟
نواف_ ابد ولا شي اصلآ انا اضيع وقت معك لااكثر ولااقل . والحين امسحي رقمي وانا امسح صورتك ولاتنسين اني ولد عمك .
_يسكر في وجه نجود التلفون وهي منصدمه

_في يوم الخميس تطلع نجود ونوال وعبير ولطيفه والعوايل الأربعه كلها للملاهي وتصير جمعه كبيره وياما من هوايل بالملاهي _ وحده لابسه فستان اسود قصير وبدون اكمام وضيق وكعب اسود سبعه سانتي وبالويل تتحرك وثانيه لابسه ميني جوب وربع بلوزه واخر مكياج واخر كشخه في ملاهي _المفروض اللي يطلع ملاهي يلبس شي مريح وعملي مش فستان حفله هوليوديه!!!!!
على كل حال الشله كانت اخر كشخه ولطيفه وامها وخواتها اخر فله والكل انبسط _تقرب نجود للطيفه وتجلس معها وتفتح مواضيع كثيره ولا كأن شي صاير بينها وبين نواف _ تنادي عبير نجود _تعالي نبي نلعب بالسفينه
نجود_ جايه شوي
_نجود تحط جوالها مع لطيفه وتروح _ لطيفه بدون شعور تطري على بالها فكره وتفتح الأسماء بجوال نجود وتبحث عن اسم نواف وتلقى رقمه وتسجله بجوالها بدون مااحد يشوف .
_بعد ماخلصوا تقريبا الساعه 12 كل واحد سرى لبيته .

_بعد اربع ايام وفي الكليه لطيفه تخبر عبير انهم راح يزورونهم الخميس وبما ان العايلتين صاروا صحبه
ام لطيفه تخبر زوجها ابو حامد انهم رايحين مشوار.
ام حامد_ نبي نروح شوي لبيت جارتنا ام سالم ؟
ابو حامد_ من هاذي جديده؟
ام حامد _ ام صديقه لطيفه
ابو حامد_ الصناع ؟
ام حامد_ وشبه ؟
ابو حامد_ مابه شي بس خلو علاقتكم سطحيه يكون احسن .
ام حامد_ ناس طيبين يعرفون الأصول وبنتنا صديقه بنتهم
ابو حامد_ ماقلت شي روحن خلاص

_تدخل لطيفه وامها وعواطف ونهى وريم .
لطيفه_ ماشاءالله لااله إلا هو بيتكم روعه
عبير _ شكرآ هذا من ذوقك
لطيفه_ شباكك على الشارع او لا ؟
عبير _ قومي اخذك بجوله
لطيفه_ البيت فيه احد ؟
عبير _ لا ابوي مداوم واخواني نصهم طالعين والباقي برا بالمجلس .
_بعد مافروا كل البيت غرفه غرفه يدخلن اخر شي غرفه نواف .
لطيفه _ حلوه الغرفه بس ريحه دخان _ مين يدخن؟
عبير _ انا
لطيفه _ داشره
عبير _ مو دخان عادي ماريجوانا
لطيفه _ لا جد
عبير _ سالم
لطيفه_ وابوك عادي عنده ؟
عبير_ اصلآ ابوي براسه يدخن .
لطيفه_ الله يصلح الجميع
عبير _وش رايك تجلسين عندنا لين الساعه احدعش وخلي امك وخواتك يمشون قبلك.
لطيفه_ على كيف امي. روحي اترجيها .
_بعد اقناع من عبير ولطيفه وام سالم تجلس لطيفه _وام حامد والبنات رجعن للبيت الساعه 8
على اساس يجي فهد ياخذها 11 .


__________________________________________________ __________

حلوه القصه بس وين التكمله
مشكوره


__________________________________________________ __________

+++++++++++++++
{{{ عايش على أنفاسك }


_لما صارت الساعه عشر يجي نواف للبيت وتقوله امه انتبه ترى اختك عندها صديقتها.
_نواف يروح للمطبخ يدور شي ياكله _ بعدين تدخل عبير تبغى تاخذ ايس كريم .
نواف_ من عندك؟ يادب.
عبير _ لطيفه!
نواف_ انابروح فوق ابدل هي وينها؟
عبير _ في غرفتي
نواف_ اروح اشوفها؟!؟!
عبير _ ليش تبي تفضحنا معها؟ نواف_ لا بس جاي على بالي .
عبير _ انضب احسن لك.

_يصعد نواف ويدخل غرفته ويخلي الباب مفتوح شوي من شان يشوف عبير وهي صاعده وعلى طول يفتح البلوتوث لعل وعسى بيلقى جهاز لطيفه وفعلآ يشوف جهاز 23
_يتصل مع جهاز لطيفه
_ لطيفه تشوف الأتصال مع رقم غريب بعدين تتذكر انها شايفه ذا الرقم من قبل _ في البدايه ترفض تستقبل ولما تأكدت انه جوال نواف خافت اكثر.
_ نواف يحاول مره ثانيه ولما زبط الأستقبال ارسل لها صورته وارسل رساله كاتب فيها _ممكن رقم جوالك.

_ تصعد عبير فوق _ لما لمحها نواف قمز يسكر الباب
_ تدخل عبير الغرفه ولطيفه جالسه تحفظ صوره نواف في جوالها وتقفل البلوتوث .
_ نواف فقد الأتصال وقفل بلوتوثه .
عبير _ وشفيك ؟. خليني اشوف جوالك
لطيفه_ مافيه شي يسوى ينشاف .
عبير _يله ذاب الأيس كريم تعالي ابلعي.

_نواف يدق جواله_ المتصل ثامر
ثامر_ الو نواف اطلع انا برا
( ثامر صديق نواف المقرب من خمس سنين وكل شي بينهم مكشوف ومافيه اسرار ومسوين الهوايل مع بعض يعني اصدقاء الروح بالروح )

_يطلع نواف بعد مالبس جنز وتي شيرت بني وسبورتي شو.
ثامر_ وين نروح؟
نواف_ لاجواب
ثامر _ هيه انت يازق وش عندك ؟
نواف_ في بالي وحده وابي اطيحها .
ثامر _ من بعد _ اف منك .
نواف_ صديقه اختي
ثامر _ تخبل( يعني حلوه اولا)
نواف_ ماشفتها
ثامر _ واللي يرحم والديك فكنا وبعدين وش صار على نجود
نواف_ بضحكه _فركشنا _ ابي اعطيك رقمها تهستر فيها .
ثامر _ هات اصلا انا فاضي هاليومين.
نواف_ بس هالبنت صعبه.
ثامر _ انت ماتصعب عليك بنت ارسل لها صورتك وهي تجيك زحف.
نواف_ مااظن_ البنت راسها شكله يابس .
ثامر ينكت_ انقعه بماء حار _ويضحكون هههههههههههههههاو.

_ لطيفه تروح للبيت مع فهد .
وتفتح صوره نواف وتحط رمز قفل .
لطيفه تكلم نفسها_ ياربي انا وش سويت الحين وش يقول عني ولد الناس لا وشكله صايع ضايع .والله اني غبيه . الله يستر كان ماقال لعبير احسن انا اقولها اول.

_نواف يرجع للبيت الساعه 2 ليلآ يشوف عبير جالسه مع امها يجلس معهن ويقضون الوقت تنكيت وضحك _ نواف يستغل الوقت بماان امه راحت تنام وعبير راحت للحمام اللي فوق يفتح جوال اخته ويسرق رقم لطيفه ولا كأن شي صار ويطلع ينام ويقفل الباب . بماان سالم والربع كلهم تحت وبكرا جمعه يعني مطولين بالسهر يستغل الفرصه ويدق على لطيفه.

_لطيفه تحط صامت ولاترد وبعد عشر اتصالات ييأس ويرسل رساله
(انا نواف حاب اسولف معك)
يدق خمس مرات اخرى ومافيه رد يرسل ( خلاص راح اتواصل معك بالمسجات وانتي اذا حبيتي ردي واذا ماجا على بالك بس اقريها )
وفعلا هذا اللي صار.
نواف يختم برساله( تصبحين على خير)

_ اليوم السبت _ اهل عبير جاهزين راح يسافرون للرياض ماعدا نواف وسالم
_ تكلم عبير لطيفه وتخبرها _ لطيفه تسأل
كلكم رايحين؟
عبير _ لا نواف عنده دوام وسالم في شغله.
لطيفه_ اي دوام والناس عطله ؟
عبير _دوام اسبوع وبعدين راح يجي للرياض .
لطيفه _ بالسلامه انشاالله.
عبير _ مشكوره ياقلبي_ بااااي.

_لطيفه الساعه 8 ليلآ تجيها رساله .
نواف في الرساله1( انا طفشان وانتي؟)
_رساله2(عندي دوام وودي مايخلص لأنه مو جاي على بالي اروح للرياض واترك هوى حايل )
_رساله 3( ابي ادق عليك وبلييز ردي ابي اسمع ولو الو منك)
_رساله4و5و6و7و8 ولطيفه مبسوطه وتقرا رسايل هالخبل المزيون ولا تدري وش اخرتها
_يدق فجأه رقم غريب وترد
لطيفه_ الو
المتصل_ الو
لطيفه_ نعم
المتصل_ السلام عليكم
لطيفه_ وعليكم السلام
المتصل_ هذا مو جوال لطيفه
لطيفه_من بغيت اخوي ؟
المتصل _ انتي
لطيفه_ نعم!!!!!!
المتصل_ اخيرآ سمعت صوتك وغصب عنك _ انا نواف
_لطيفه تسكر الخط وهي خايفه ياربي والله ورطه .
بس صوته والله حلو

_بعد رسايل وسوالف وفش خلق وفضفضه من طرف واحد بس _ يمل نواف ويقطع الأمل انه ترد عليه او ترسله رساله.


_بعد اسبوع ولما وصل نواف للرياض تجيه رساله( الحمد لله على السلامه)
_يقراها نواف مو مصدق والمره هاذي حس بقيمه الرساله
يرد( الله يسلمك)

_بعد اسبوعين ونص وبرجعه الدراسه ترجع عائله ابو سالم لحايل .ومافيه تواصل بين نواف ولطيفه إلا رسايل من نواف بس .
بعد يومين عبير تقنع لطيفه تزورهم في البيت لأن كل بنات جماعتهم مجتمعات وعبير حابه ان لطيفه تتعرف عليهم .
_ لطيفه اقنعت امها وفهد وابوها لحسن الحظ مسافر كالعاده.
_ لطيفه تتزبط وتتكشخ وتحط ماكياج بسيط وتخلي عيونها سموكي .
وتلبس اسود في اسود لان الاسود حلو عليها .
_ عواطف_ كل ذي كشخه؟
لطيفه_ اكيد لأن قرابه عبير مو هينه ولا هن احسن مني.
عواطف_ بس خوذيني معك.
لطيفه_ معصي
عواطف_ طيب متى بتروحين ؟ لطيفه_ خمس
عواطف_ ليه؟
لطيفه_ جمعه بنات عصريه_وعبير تقول مافيه احد بالبيت حتى امها طالعه .
_لماصارت خمس ونص راحت لطيفه ولقت كل البنات مجتمعه ومعهن نجود وانواع الحلا والفطاير
_لطيفه تسأل عبير
ليش هذا كله؟
عبير_ اليوم عيد ميلادي
لطيفه_ لاتقولين حرام.
عبير_ صدقيني اول مره اسويها واخر مره
لطيفه_ ليش بناتكم يطالعن لي كذا؟
عبير_ من الحره انتي احلى وحده بينهن.
لطيفه_ اقول اش اش قعدت تحوس.
عبير _ عن جد شكلك طالع غير وشعرك طايل.

_ عبير بعد فتره ترسل لطيفه للمجلس الخارجي تجيب الأونو
لما دخلت لطيفه المجلس واخذت الأونو
وطلعت من المجلس شافت نواف جاي من برا يمشي بالممر ولما شافها لارجع ولا نزل راسه بالعكس ظل واقف يناظر لها بتمعن وهي ميته خوف وفشيله لين ما وصلت للباب ودخلت وعبير تنادي لطيفه لطوف.
عبير _ وشفيه؟

لطيفه قلب وجهها اسود من الفشيله _ طلع نواف بوجهي
عبير _ عادي اصلآ كل بنات جماعتنا دايم يورون انفسهن لنواف يعني متعود
لطيفه_ اخيه اخيه
عبير _ عادي يابنت الحلال يمكن وقع في شباكك ههههههههههههههههههههههه
لطيفه_ الحق مو عليك الحق على اللي يسمع كلامك

_ نواف يطلع من بيتهم ويمر بيت ثامر
_ثامر يطلع ويركب معه
نواف بعد سلام وقليل من الكلام يقول
والله طلعت مزيونه ياو لد
ثامر _ مين؟
نواف_ لطيفه.
ثامر _ اللي راسها يابس .
نواف_ ماغيره
ثامر _ جمال اوروبي او سوري او تركي او ايراني؟
نواف_ جمال سعودي لطيفي بس عليها جسم مسكت ماشفت مثله بحياتي كلها . ثامر _كيف شفتها؟ نواف_ قبل شوي وسمعت عبير تناديها بأسمها.
ثامر _ لاتتوهق معها تراها اصيله .
نواف_ والله شكلي انزلقت بموزه ( يعني يمكن اعجبته)
ثامر _ هدئ من روعك ياهذا وغير السالفه احسن لك _ قال انزلق بموزه قال.

_بنفس الليله الساعه1 يرسل نواف ( ماتوقعتك كذا طلعتي احلى من التوقع بكثير)
(بلييز ردي علي والله انا صادق معك)
_نواف يروح لعبير ويحكي لها كل السالفه من طقطق للسلام عليكم. ويترجاها انها تقنع لطيفه ترد عليه .
عبير مصدومه ومو مصدقه أن نواف قاعد يكلمها عن بنت لا بعد صديقتها وايقنت ان الوضع خطير بس ماتقدر ترفض لنواف طلب لأنهم اخوه كألأصدقاء.
عبير _احاول بس والله زعلانه عليها ليش ماقالتلي.
تتصل عبير بلطيفه بعد الحاح وعله قلب من نواف
لطيفه_ اهلين
عبير _ كيف الحال؟
لطيفه_ تمام
عبير _ ليش ماقلتي لي عن نواف؟
لطيفه_ وش فيه؟
عبير _ الحين هو جالس عندي وقالي كل شي .
لطيفه_ وش اقو لك_ اقولك ان اخوك يرسلي رسايل وصور له .عبير _ عادي انا مو صديقتك
لطيفه بزعل _خلاص بكرا اشوفك ونتفاهم
عبير _ يبغاكي تردين عليه ولو برساله _ ردي كلها رساله لاصوت ولاصوره
لطيفه بزعل اكبر واستغراب من طلب صديقتها_ مع السلامه
عبير _ باي
_لطيفه بعد عشر دقايق من المكالمه تجيها رساله من نواف.
تغلق الجوال وتنام.
نواف مصدوم ماقد صارت له كذا مواقف مع بنات دائما هن اللي يتصلن ويتلزقن فيه او هن اللي يرقمنه لأنه ببساطه لايقاوم _ يعني انقهر وبنفس الوقت يبي لطيفه بالذات هي اللي تركض وراه .

.


__________________________________________________ __________

حلووووووووووووووووووه مره


__________________________________________________ __________

مشكووووووووووره اختي علي القصه يعطيك العا فيه