رحلة ألم -- -- -- -- من قراها ماندم قصة حقيقية
عنوان الموضوع : رحلة ألم -- -- -- -- من قراها ماندم قصة حقيقية
مقدم من طرف منتديات نساء الجزائر
رحلة ألم -- -- -- -- من قراها ماندم
بسم الله الرحمن الرحيم
أحببت ان أكتب لكم هذه الروايه وأتمنى ان تنال إعجابكم
هذه الروايه فيها من الحقيقه وفيها من الخيال ولاأريد منكم سوى دعوة في ضهر الغيب لكل من عانى في هذه الروايه
ولقد ألفتها بمساعدة أختي وغاليتي وحيبتي أبنة عمتي الغاليه نونه الصغنونه لأني مأقدر أخطوا اي خطوه من غيرها
--رحلة الم على سفينة الأمل --
شراعها الحب والوفاء
ركابها أبطال قصتنا
لتصل إلى بر الأمان
~~~~~~~~~~~
للكاتبه اسيرة الذكريات
لولا الأمل ما بقى في الدنيا رجاوي
لولا الأمل محــــد بها الدنيا ســـلا
لولا الأمل ما أسفرت سود الهقــــاوي
وأشرق شعاع النور والغيم انجلى
ياكود لحظات الامل تمحي البلاوي
والليل لا طول فلادام البلا
لولا الامل ما كان للعله مداوي
لولا الامل ما رفرف الطير وعلا
لولا الامل ما كان للعثرات قاوي
وأثمر نخيل الخير في رمل الفلا
لولا الامل ما جات للبسمه طراوي
لولا الامل ما قيل للفرحه هلا
لولا الامل ماعاد به شيء يساوي
والحزن غطا الكون والعالم خلا
>>>>> ردود الأعضـــــــــــــــــــاء على الموضوع <<<<<
==================================
الجزء الأول
أبو وليد: ريما ريماء نادي رند بسرعة وتعالي تغدي
ريما : ان شا الله يبه
نزلت ريما ورند وراحو عشان يحطون الغدا مع أمهم
وعلى الغدى
رند : وش رايك يمه بماأن اليوم الأربعاء نروح لعمتي أم عمر
ريما : لايمه مانبي نروح لعمتي أم عمر بنروح لعمتي أم سمر
رند : لا يلريما بنروح لعمتي أم عمر ونقول لعمتي ساره (ام سمر ) تجي هناك
ريما : طيب ليه مانروح لعمتي ساره ونقول لعمتي أم عمر تجي هناك
رند : لأني عندي شي مهم ابغى أسويه مع دانه
أم وليد : الحين انتم تتهاوشون وحنا ماقررنا لحد ألحين انا نروح
ريما ورند : لتكفين يمه مشتاقين لعماتي
وليد : وين مشتاقين مالكم الا أسبوع شايفيهم
رند : ها يبه وش قلت
ريما : تكفى يبه
أبو وليد : ولله يابنتي انا مشغول اليوم ومواعد واحد من زملاي وبروح بدري بس شوفي ان كان وليد بيوديكم مو مشكله
رند : هاوليد تودينا لعمتي
والله اني مواعد العيال بس متى تبوني أوديكم
رند: المغرب وش رايك يمه
ام وليد : زين
وليد: خلاص بس خلكم جاهزين بعد الصلاة على طول
ريما : أبشر يالله عن اذنكم بروح اكلم سمر عشان يجون
بعد الغدا الكل راح ينام
بعد العصر / رند : ريما وين تنورتي التركواز
ريما : مادري بس نفسي أعرف ليش ماتلبسين هذي والله حلوه
رند : وش أسوي ياريما أنا نحفانه وكل تنوراتي صارت واسعه علي خليني لين أفضى وأوديها للخياط
ريما: هههههههههههههههه هذي كلمتك من يوم دخلتي ثالث مادري متى بتفضين
ام وليد : بنات خلصتوا ترى أذن المغرب وليد بيمشي بعد الصلاة على طول
ريما رند : طيب يمه دقايق وحنا جاهزين
[ عائلة ابو وليد :محمد (ابو وليد ) ليلى (ام وليد)
وليد 21 سنه يدرس لغات __ رند 18 سنه ثالث ثانوي __ ريما 15 سنه ثالث متوسط __ البراء 11 سنه سادس __ ريان 5 سنوات ]
~~~~~~~~~~~~~~~~~~~~~~~~~~~~~~~~~~~~~~~~~~~~~~~
في بيت ام سمر
[ ساره ( ام سمر ) فهد ( ابو سمر)
سمر 15 سنه ثالث متوسط __ نواف 12 سنه اولى متوسط __ رغد8سنوات ثالث__ نادر 6 سنوات اولى ]
ابو نواف : يالله بسرعه عشان اوديكم قبل الصلاة لا تتأخرون وتفوتني الصلاة
ساره: سمر خلصتي تراني لبست عبايتي وأخوانك ركبوا السيارة
سمر: ايه يمه هذا أنا جايه
*************************************************
في بيت أم عمر
[هدى (ام عمر) سلطان (ابو عمر)
عمر 28 سنه متزوج غاده وعنده بنت اسمها جوري عمرهاسنتين __ عبد الله 23 سنه __ دانه 19 سنه بالجامعه __ فايز 11سنه سادس ]
رغد \ بنات تقول خالتي إذا تبون قهوه تعالوا
رند \ خلاص رغود شوي ونجي ريما روحي انتي ويا سمرشوي ونجيكم
ام عمر \ سمر وين دانه ورند
دانه ورند \ نحن هنا
وهم جالسين يتقهون دخلت رغد \ دانه يقول عمر سوي لنا شاي
قامت دانه وقامت رند وراها
ام عمر \ الحين ماتقوم وحده الا الثانيه وراها
رند \ وش اسوي ياعمه احبها وماأقدر استغني عنها
ريما \ عاد موالى هالدرجه لازقين في بعض
دانه \ ماكني اشم ريحة غيره الا يمه اهل خالي عبدالرحمن ليش ما جو
ام عمر \ مرة خالك طالعين إستراحه مع اهلها
سمر \ طيب خالتي ام سعود لش ماجو
دانه \ ابوهم رفض
بعد العشاء : رند \ خساره ليت بنات عمي عبدالرحمن ومي بنت عمتي معنا كان تحلو القعده
دانه \ ههههههههههههههههههه متاأ كده انك تبين مي ولا اخو مي
رند \ حرام عليك والله اني ابيها بعدين لو جو وين اشوفه معه بعدين خلاص ما ابيها ابي بنات عمي عبد الرحمن بس <وسوت نفسها زعلانه
دانه \ خلاص حبيبتي والله ما اقول شي بعدين ازين ان بنات خالي ماجو
رند \ ليـــــــــه ؟؟
دانه \ عشان اقدر أتكلم براحه
رند \ تتكلمين براحه في ايش بعدين ايش الكلام الي كنتي بتقولين لي
دانه \ اتكلم براحه في هذا الموضوع رند انا أنخطبت
رند \ لولولوولولولولولولوي الف الف مبروك يااحلى عروس في هاالدنيا
دانه \ انطمي لا احد يسمعك بعدين أي عروس انتي الثانيه من قال اني ابيه
رند \ وانا وش عرفني خابرتك مشفوحه على العرس يوم جا الرجال تهونين
دانه \ وهذي المشكله الرجال
رند \ ليه من هو الرجال ووش فيه بسرعه قولي تراى الفضول ذبحني
دانه \ الرجال الله يسلمك هو ماجد ولد خالي عبدالرحمن والمشكله ان خواته هم الي قالو له بدون مايشاوروني او حتي يقولون لي
رند \ طيب متى صار
دانه \ والله مادري بس قريب هم قالوا له لأنهم عارفين قصة ولد عمي وبعد ماتزوج ولد عمي على طول قالوا له
رند \ يعني هم دارين
دانه\ لا
رند \ طيب مو انتي تقولين ان هم الي قالوله
دانه \ ايه بس مادروا انه خطب هم قالوا له اخطبها قبل ماتروح وقعدو يمدحوني له طبعا كل هذا من غير مايقولون لي مع اني كنت اتكلم وياهم ولا أغطي عنهم شي أما الحين فماأحب اقول لهم أي شي خاص
رند \ طيب دانه حبيبتي وش مضيق صدرك
دانه \ هو خطبني من امي وامي تقول انه رجال مايرد بس انل بصراحه ما أرتحت له
رند \ ليه قد سمعتي عنه كلام مو زين عشان تحكمين بهذي السرعه
دانه \ لابس انا صليت صلاة الاستخاره ولا ارتحت وبعدين انا ماأرتحت لأهله احس انهم معقدين وامه ما احبها وخواته حساسات لأخر درجه عشان كذا رفضت وحاولت افهم امي والحمد لله رصت بس الي قاهرني انهم ماقالولي قبل مايرحون له كان فكونا من هذي الحوسه خصوصا ان خالي ومرته دروا بالسالفه
رند \ خلاص دانه انسي احمدي ربك انهم خذوا رايك مأجبروك عليه مثل مي
دانه \ ياحياتي والله مادري وش بتسوي هاالبنت
رند \ خليك منه الي مضيق صدري ولد عمي هو الي ينرحم
دانه \ الله يفرج لهم همهم قولي امين
رند\ امين الا وش سويتي يوم دريتي بزواج ولد عمك بصراحه تمنيت اني اكون موجوده واشوف ردة فعلك
دانه \ ايه تشمتي فيني يارب يتزوج عبدالعزيز ويخليك
رند \ لالالالالالالالالالالالاال هذي مادري وشلون بتكون حياتي من غير حبيبي
دانه \ فكيني منك انت وحبيبك وخليني اعلمك وش سويت
رند\ يالله قولي
دانه \ كنا ذاك اليوم في بيت خالي عبد الرحمن وامي تسولف هي ومرة خالي وخالتي سارة وبعدين وهم يسولفون سوالف الحريم البايخه الي انتي خابره
رند \ هههههههههه كم وحدة تطلقت
دانه \ ههههه المهم قالت امي ان فواز بيتزوج بنت خاله انا ذيك الساعه دارت بي الدنيا بس سويت الوضع ايزي (عادي) وقلت أي وحده يمه قالت نوال سكت وبعدين لو تشوفين بنات خالي عبدالرحمن وش سووا بغوا يفضحوني
رند \ ليه وش سووا
دانه \ قاموا وطيروا عيونهم فيني وغمزوا وضحكوا
رند \ وانتي وش سويتي
دانه \ ااه رقيت فوق في غرفة بنات خالي وقعدت اصيح
رند\ يوه الى هالدرجه ياالعاشقه الولهانه
دانه \ ايه مايحس بالنار الا واطيها لو شفتيه يارند يجنن ولا سمعتي كلام عماتي عنه ولا ابوي يوه شي خصوصا عماتي الي ما يعجبهم العجب ولا الصيام في رجب معجبهم فواز
رند \ طيب هو يدري عن حبك
دانه \ ياليته الظاهر هو ماجاب خبري بس وش اسوي القلب وما يهوى بس بصراحه رجال ويستاهل الحب مو عبدالعزيز حقك
رند \ عاد حدك لا تجيبين طاري حبيب قلبي على لسانك ترى بأذبحك
دانه \ من زينه
رند \ طيب قد شفتي زوجة فواز
دانه \ قبل العرس ايه بس بعده لا
رند \ حلوه
دانه \ يعني عاديه طبعا مقارنة به المهم خلينا من هذا انسيه وادعي لي اني اتزوج
رند \ وانا قبلك
دانه \ ايه انتي ادعي لي ترى الملائكه اذا دعا واحد لثلني في ظهر الغيب تقول ولك المثل
رند \ هههههههههههههههههه طيب ان شالله
&&&&&&&&&&&&&&&&&&&&&&&&&&&&&&&&&
__________________________________________________ __________
في بيت ام سعود : [ جواهر(ام سعود ) سالم ( ابوسعود ) سعود31سنه متزوج من سامية وعنده سالم 3 سنوات العنود28سنه متزوجه ولد عمها وعندها طيف7سنوات ثاني إبتدائي و فيراس5سنوات وناصر4 سنوات عفاف 25سنه متزوجه ولد عمها وعندها ناصر عمره سنه عبدالعزيز 22سنه يدرس طب مشاري18سنه ثالث ثانوي مي17سنه ثاني ثانوي ]
كانت مي جالسه وحزينه وقاعده تفكر بمصيرها مع ولد عمها وفجأءه بووووووووووووووووووووووو مي صرخت بأعلى صوتها ويوم درت أنه عبدالعزيز رمته بالمخده وقالت \ حرام عليك طيحت قلبي مو كفايه الي انا فيه
عبدالعزيز \ خلاص حبيبتي والله كفايه الي انتي تسوينه في نفسك بعدين باذن اللله ابوي مو قدر يجبرك على شي انتي ما تبينه
مي \ وش دراك انت ما تعرف ابوي معقد وافكاره من العصر الحجري وعنده قانون البنت لولد عمها
عبدالعزيز \ خلاص انسي وثقي بشي واحد
مي بإستغراب \ وشهو
عبدالعزيز \ ان سعود مستحيل يوافق إنك تنجبرين على شي ماتبينه وانه راح يوقف ضد ابوي والعنود لو يصير الي يصير
مي \ تكفى ياعبدالعزيز قل لسعود يبعد عن ابوي انا خايفه ان ابوي يزعل عليه
عبد العزيز وهو قايم \ لاتخافين ان شاالله مايصير الا الي تمنينه
مي \ ان شاءالله بس وين رايح
عبدالعزيز \ بروح لبيت خالتي ام عمر لأني مواعد وليد هناك باخذ منه أوراق مهمه بعطيها لواحد من زملاي بعدين بنتلاقى في مقهى
مي \ طيب ليش تروح له في بيت خالتي ام عمر
عبد العزيز \ انه بيروح يوصل أهله فأبروح له هناك أقرب
مي \ ايه تبغى أقرب ولا عشان تشوف حبيبة القلب
عبد العزيز \ اااه ياقلبي والله اني مشتاق لها
دخل مشاري \ اووه كل هذا شوق يالعاشق الولهان --- اقول بلا خرابيط بزران اذاجيت تروح ودني معك لأني مواعد مهند
عبد العزيز \ أي خرابيط انت وجهك ماجربت الحـــــــــــب ولا كان ماقلت كذا يالله اركب تراي مستعجل
مشاري \ طيب
طلعوا ثنينهم وخلو وراهم مي الي غارقه في أحزانها وجلست تتذكر أحداث ذاك اليوم اول ماعرفت
{كانت مبسوطه مره عقب مارجعوا من المزرعه طبعا بعد ماجلسوا ثلاث ايام كانت من اروع الايام بالنسبه لها خصوصا ان حبيب قلبها ياسر بيكون هناك وأحلى ماصار فيها يوم يروحون للمستشفى -----------
أم سعود \ مي البسي عبايتك تراني قلت لمشاري يوديك
مي \ يمه مشاري ما معه سياره وشلون يوديني
ام سعود \ بيروح مع ياسر ولد خالك
مي وهي مبسوطه رغم التعب الي فيها \ طيب يمه خلي احد يروح معي مااحب اروح لحالي
عفاف \ انا بروح معك ولدي حرارته مرتفعه شوي وبروح اشوف وش فية
ام عمر \ دانه روحي معهم
دانه \ يمه وين اروح معهم ومافيني الا العافيه
ام عمر \ بس يابنتي انتي تعبانه اليوم شوي واخاف بكره تطيحين علي
دانه \ ان شاالله يمه بروح
ركبوا السياره وكان فبها ياسريسوق ومعه مشاري
ياسر \ كلكم تعبانين
دانه \ لابس البعض والبعض يستهبل
ياسر \ اكيد انتي الي تستهبلين
دانه \ حرام عليك والله اني مزكمه
مشاري \ وتسمين الزكمه مرض
عفاف \ وانت وش دخلك فيها هي تتكلم مع ياس
مشاري \ وانتي معينينك محامي لها
عفاف \ ايه
وصلو المستشفى وأول مانزلوا كانت مي ساكته طول ماهي في السياره لانها كانت تعبانه مره وفجأه صرخت \ شوفو شوفو ثم جلست تضحك
عفاف \ اول مره تشوفين لك واحد كشته طايره
لكن مي ماردت عليهم وجلست تضحك وطبعا مي من النوع الي إذا ضحك صعب تسكته
مشاري \اقول يالحلوه انا خابر الي تعبانين يصيحون مو يضحكون
ياسر \ ماعليكمنها خلها توسع صدرها وش ملقفك عليها
مشاري \ ايه بدا الدفاع عن الحبايب تكفى تزوجها وفكني منها
ياسر \ ياليت لوة بكيفي متزوجها اليوم قبل بكره
طبعا مي هنا ماتت من الحياء وحمدت ربها انها متغطيه ولا احد يشوف وجهها
وبعد ماأنتهوا من الفحوصات رجعوا للمزرعه وكل واحد جلس يجهز اغراضه عشان يرجع لبيته في الرياض لأن المزرعه في محافضه من محافظات الرياض
رجعت أم سعود لبيتها وبعد العشاء جلسست تسولف مع ابو سعود ومي كانت في المطبخ تجهز حلى
ابو سعود \ نايف ولد اخوي ناصر جاني امس وخطب مني مي
ام سعود \ الله يحية بس انا سمعت اخوي عبد العزيز يطري لي ان ولده ياسر يبيها
ابو سعود \ أي ياسر ياأم سعود البنت مالها الا ولد عمها ابيك تعلمينها لأني عطيت الرجال كلمه
طبعا مي كانت جايبه صينية الحلى ويوم سمعت كلام أبوها طاحت الصينيه من يدها وراحت تركض لغرفتها }
قطعت عليها أفكارها صوت الجوال و هو يرن كانت صديقتها سلوى جلست تسولف معها وبعد ربع ساعه سكرت ونامت
طلعت رند ودانه من الغرفة وراحت رند تلبس عبايتها لأن امها تقول يالله وفبل مايطلعون سلمت رند على دانه وقامت دانه وحضنت رند وجلسوا يبوسون بعض
ام سمر \ خلاص ماصار وداع
رند \ وش اشوي يا عمة بتجي الاختبارات وبجلس ثلاثة أسابيع او اكثر ماشفتها
غادة \ بس مو الى هالدرجة الي يشوفكم يقول خلاص مو شايفين بعض ابدا
دانه \ وش نسوي يقولون الحب بلوى
رند \ ايش يعني انا بلوى يالخاينه وسوت نفسها زعلانه وطلعت
دانه \ تعالي والله موفصدي انا اسفه والله ماقدر على زعلك ياالغاليه
رند \ ايه هذا الكلام الزين يالله مع السلامه
جوري \ لند بلوح معت
رند \ والله مو شينه خلاص ياغادة باخذ بنتك
غادة \ لا مااقدر استغني عنها لاأنا ولا عمر ان خذيتوها مراح توصلون بيتكم الا وعمر وراكم
رند \ ههههههههههههه خلاص اجل هونا نزلت البنت وطلعت وأول مانزلت لقت عبدالعزيز موقف سيلرته ونازل لوليد
عبد العزيز وعينه على رند \ وش أخبارك يالغالي وشلون الجامعه معك والله أشتقنا لكم
وليد وهو يضحك لانه فهم قصد عبد العزيز \ وين اشتقت لنا وحنا كل يوم نتقابل
خذ عبدالعزيز الاوراق من وليد وراح وليد يودي اهلة للبيت واول ماوصلوا راحت رند تدق على دانه تعلمها أنها شافتة
&&&&&&&&&&&&&&&&&&&&&&&&&&&&&&&&&&&&&&&&&&&
عند الشباب : ياسر ومهند توهم داخلين \ السلام عليكم
الشباب \ وعليكم السلام ورحمة الله وبركاته
ياسر \ وش أخباركم شباب أن شالله تمام وش أخبارك مشاري مع المذاكرة
عبد العزيز \ أي مذاكرة ياياس اربع وعشرين ساعه طالع ولا ان جلس في البيت فعنده بزارين مايخلونه يذاكر <قلها وهو يغمز لياسر ويضحك
ياسر \ حلاتهم هالبزارين والله <طبعا هو عرف ان قصده مي
وليد \ قول شباب ترى من اليوم مافيه إستراحات ولا جمعات الا بعد الاختبارات
مشاري \ انا اعترض بتخلصون قبلي وبتجتمعون من دوني
عبد العزيز \ ليش وش تبينا نسوي ياستاذ مشاري
مشاري \ ماتجتمعون الا لين اعطل
مهند \ ههههه اول مره ادري انك نذل
ياسر \ انا موافق
وليد \ sorry مشاري هذي مانقدر عليها يعني انا ماني موافق
عبد العزيز وهو يناظ وليد \ وانا معك ياالنسيب
وليد \ أي نسيب انت وجهك مابعت اختي ازوجك اياها
عبد العزيز \ وانا باخذ رايك اهم شي راي صاحبة الشان
وجلسوا يسولفون بعدين كلن راح لبيته
دخل عبد الله بتهم وجلس يصارخ \ داانه دااااااااااانه
جت دانه \ نعم بغيت شي
عبد الله \ صمخ وش فيك ماتردين لي ساعه انادي عليك
دانه \ كنت في دورة المياه
عبد الله \ بسرعه جهزي شاي عندي رجال بالمجلس ولا الظاهر انك تعرفين تسوين شي على الأقل جهزي البيالات وخلي الشغاله تسوي الشاهي اني مثل الي يقولون عنه أكل ومرعى وقلة صنعه
دانه بصوت منخفض \ طالعه عليك
عبد الله \ نعم ؟؟
دانه \ ابد سلامتك
راحت دانه للمطبخ تجهز الشاي وتقول في خاطرها \ اااه ياليت ياليت عندي اخو طيب مثل وليد ومشاري وعبد العزيز صح عمر مايقصر بس عمر عنده بيت وزوجه مو فاضي لي الله يهديك يا عبد الله والله مادري وش هالرجال الي مايجي الا تالي الليل
يوم الخميس :
في بيت ابو وليد :ترن ترن ترن
وليد\ نعم
المتصل \ السلام عليكم
وليد \ وعليكم السلام ورحمة الله
المتصل \ ممكن أكلم رند
وليد \ لحضه شوي اناديها
وليد \ رند رنـــــــــــد رنـــــــــــــــــــد
رند \ نعـــــــــــم
وليد \ في وحدة تبيك على التلفون
رند \ من
وليد \ أظن انها دانه
جت رند وخذت السماعه رند \ هلا
دانه \ كيفك رند
رند \ الحمد لله بخير كيفك انتي
دانه \ بخير ---رنوده
رند \ سمي
دانه \ سم الله عدوك قولي آمين
رند \ آآآآآآآآآآآآآآآآآمين
دانه \ وش رايك نروح لمي بنت عمتي لازم نطلعها من هالحزن الي عايشه فيه قبل ماتبدى الإختبارات
رند \ انا ماعندي مانع والله انها كاسره خاطري بس من بيودينا
دانه \ سواقنا
رند \ أمي مستحيل توافق اني اروح مع السواق
دانه \ بأخذ فايز أخوي معي
رند \ حتى لو أخذتيه مو موافقه
دانه \قولي لها وحاولي يمكن توافق بعدين أمك يمكن ماتعرف سالفة مي قولي لها السالفه ويمكن توافق
رند \ صعب يادانه السالفه توها صايره بعدين علاقتي بأمي سطحيه يعني صعب أتكلم معها بمواضيع زي كذا
دانه \ طيب وش بنسوي
رند بقله حيله \ مادري بس بقول لأبوي ان وافق قلتلك
دانه \ مع السلامه وأنتظر ردك
رند \ مع السلامه
راحت رند لأبوها وستأذنت منه ووافق انه يوديها ثم راحت تتصل على دانه وتعلمها
دانه \ هلا رند هاه وش صار
رند \ وافق انه يوديني
دانه \ خلاص نتقابل هناك بس بتكلمين مي ولا أكلمها
رند \لاباكلمها اخاف يرد عليك عبد العزيز وتشتغل الغيره عندى وأذبحك
دانه \ ههههههههههههه خلاص مأبي أكلمها
رند \ مع السلامه وسكرت ودقت على مي
ترن ترن ترن ------ الو
رند \ السلام عليكم
عبد العزيز عقب ما عرف الصوت \ وعليكم السلام ورحمة الله
رند \ ممكن أكلم مي
عبدالعزيز \ ممكن بس من أقولها <هو عارفها
رند \ رند
عبد العزيز \ وش اخبارك رند
رند \ بخير
عبد العزيز \ لحضه انادي لك مي نزل السماعه وراح ينادي مي \ مــــــــــــــــــي
مي \ نعم
عبدالعزيز \حبية قلبي تبيك على التلفون
راحت مي لتلفون ولحقها عبد العزيز
مي \ هلا رند
رند \ هلا مي كيفك حبيبتي وش أخبارك
مي \ الحمد لله بخير والله أشتقت لك حيل يالغاليه
عبد العزيز وهو يأشر على نفسه \ وانا بعد مشتاق لها
رند \ اشتاقت لك العافيه اجل خلاص مادام مشتاقه لي بجي
مي \ حياك الله تعالي
رند \ اجل انتظريني العصر انا ودانه
مي \ مع السلامه
عبد العزيز \ مي حبيبتي وش قالت
مي \ مالك دخل
عبدالعزيز وهو ماسكها مع شعرها \ بتقولين لي بالطيب ولا بالغصب
مي \ طيب فكني وأقول لك
عبد العزيز \ هاه فكيتك يالله قولي
مي \ تقول باجي العصر انا ودانه
عبد العزيز \ قهر والله اني مواعد العيال اليوم
مي \ احسن هذا فايدة الي مايقر في البيت
عبدالعزيز\ مو مشكله باحاول اتاخر شوي
مشاري وهو داخل \ تعالوا تغدوا بسرعه قبل ماتجي الماما وتوريكم شغلكم
على الغدى : عبد العزيز \ الحمد لله شبعت
أم سعود \ وين شبعت معه اقعد كمل غداك ولا اكلتك بالغصب
عبد العزيز وهو يأشر على خده \ اول بوسه بعدين آكل
خذت ام سعود الكاس الي عندها وضربت به عبد العزيز
عبد العزيز \ آآآآآآآآآه
مشاري \ هههههههههههههههههههه هذي احلى بوسه ياعزوز كمل أكلك بدون بوسات احسن لك
مي \ هههههههههههههههههههههههههههههههههه
_________________________________________
تعريف بباقي العوائل
منيره الجدة : أولادها
1) ام سعود
2) ام عمر
3) ابوماجد [ عبد الرحمن (ابو ماجد) نوره (ام ماجد) ماجد 25 سنه هيفاء 24سنه متزوجه ولها ولد أسمه مؤيد عمره سنه هنادي 20 سنه مع دانه بنفس الجامعه أسيل 18 سنه ثالث ثانوي ]
4) ابو وليد
5) ابو ياسر [ عبد العزيز (ابو ياسر) منال (ام ياسر) ياسر 21 سنه يدرس هندسه مهند 19 سته بالجامعه لميس14سنه ثاني متوسط ]
6) ساره (ام سمر)
7) مشاعل 27سنه متزوجه وعندها بنتين وعد3سنوات وعهد 7شهور
__________________________________________________ __________
تتوقعون وش بيصير في مي بيجبرها أبوها تتزوج ولد عمها ولا لا ولو تزوجته وش بيسوي ياسر
ورند وعبدالعزيز وش بيصير بينهم بتكتمل فرحتهم ولا بيصير بينهم عقبات
أنتظر ردودكم
__________________________________________________ __________
@ الجزء الثاني @
مي \ وش اخباركم بنات
دانه ورند \ الحمد لله بخير الا انتي وش اخبارك
مي \ بخير
مي وهي تناظر دانه \ الا يحضك يا دانه بتخلصين دراسه قبلنا
دانه \ حاسديني على هالاجازه
مي ورند \ هههههههههههه
مي وهي قايمه \ بجيب الشاي وبجيكم
رند \ دانه شفتي وش صار لمي نحفانه مره
دانه \ ياحياتي بلاها والله الهم ماتوقعت مي تحب ياسر هالكثر
رند \ياقلبي والله --- سبحان الله مي هي الي كنا ضامنين حب ياسر لها وانه مو حب مراهقين وينتهي كنت اقولها اضمنيه مادامه يحبك وانتي تحبينه
دخلت مي بالشاي وسكتوا البنات
مي \ وش فيكم سكتوا
دانه \ ابد سلامتك بس كنا نتكلم مي موضوعك
مي \ موضوعي مع ولد عمي
رند \ ايه وهو فيه غيرها هالبلوى
مي \ اما بلوى صادقه بس تكفون والي يعافيكم انسو هاالموضوع انتم جايين تخففون عني ولا تزيدون علي
دانه \ ان شالله بحاول بس قولي لنا وش اخر التطورات
مي \ ولاشي امي موافقه وتحاول تقنعني واخواني كلهم رافضين خاصه سعود الي يقول ةالله ماتخذينه الا على جثتي
رند\ بس خابره امك رافضه وتبي ياسر ياخذك وش الي غير رايها
مي \ العنود لعبت في راسها لين اقتنعت وتعرفين العنود كيف تاثر على الواحد بس الي مضيق خلقي اكثر ان ياسر عرف السالفه وحالته حاله
دانه \ طيب كيف عرف؟؟
مي \من غيره عزوز قليل الخاتمه قايله له لا تعلم ياسر الا لين يصير شي رسمي بس هو ماعليه من احد الي في راسه بسويه
دانه \ اي والله اما عبدالعزيز احسه متهور بزياده الله يعين الي بتاخذه وتناظر رند تغمز
مي \ انا انصحك يارند لاتاخذينه تراه عند مراهقه متاخره الظاهر مشاري أعقل منه
رند \ اقول انتي وياها اسكتوا من زينكم ولا من زين الي بياخذونكم
دانه \ اقول رند لاتسبين في زوجي المجهول
رند \ خليه يجي بعدين قولي لاتسبين فيه هههههه
رند \ الا يامي قولي لي كلمتي ابوك وقلتي له ولا الى الحين ساكته
مي \ راح له سعود وقال له وانا بصبر لما اشوف سعود وش بيصير معه بعدين بروح له
دانه \ يالله ياعمري انسي الموضوع وخليك في دروسك وادعي ربك في اليل والله مايخيب من دعاه
رند \ ايه يامي وعليك بالاستغفار ترى الاستغفار سبب لإجابة الدعاء وجلب الرزق وكان شيخ الاسلام احمد بن حنبل مره ذاهب الى قريه فدخل عند خباز ينتظر
الاذان ولاحظ ان الخباز وهو يشتغل طوال الوقت يستغفر فسأله احمد بن حنبل فاجاب الخباز اني منذ اصبحت استغفر مادعوت الله دعوة الا استجابها الا دعوة
واحدة فقال احمد بن حنبل وماهي هذه الدعوه فقال الخباز دعوته ان ارى الشيخ احمد بن حنبل فقال احمد بن حنبل وهذااحمد بن حنبل امامك وفي دكانك ..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&
بدأت الاختبارات وصار الكل مشغول ولا فيه طلعات --- وبعد ماأنتهت
في بيت ابو وليد :
رند\ الله ماصدقت اخلص من الاختبارات متى نروح لمزرعة أمي منيره
ابو وليد \ ان شالله الاسبوع الجاي نتفق ونروح
ريما \ يووووووه بعيد خله بكره احسن
رند \ وين بكره انتي ووجهك الناس توها مخلصه اختبارات وتبغى تنام بعدين انا مابغى اروح للمزرعه لين تطلع نتايجنا
وبعد اسبوع طلعت النتايج وتفقوا كلهم وراحوا للمزرعه
في المزرعه : كانوا الشباب قاعدين سواليف وضحك وناسه
عبدالعزيز \ شباب وش رايكم نعزم البنات على شي
مشاري\ وانت هذا الي فالح فيه تطلع مرجلتك قدام البنات خلنا من أفكارك انا عند فكره احلى
عبدالعزيز \ وشي ياعبقري زمانك
مشاري \ نروح نجيب ضب وندخله عليهم وشف وضحك
ياسر \ حرام عليك مايستاهلون
مهند \ متاكد انهم كلهم مايستاهلون ولا بعضهم
ياسر \ كلهم عندي سوا
مهند \ علينا ياشيخ بس رح
مشاري \ قم يامهند نجيب الضب
مهند \ من وين نجيبه
مشاري\ انا خابر فيه ضب عند حسين (عامل المزرعه) من عقب خالي محمد (ابو وليد) يوم راح يضبب أخر مره بشوف كانه حي جبناه
مهند \ يالله مشينا
راحو مشاري ومهند وجابو الضب وبدت الخطه
مشاري \ فايز انت وشلتك تعالوا ابيكم شوي وقام مشاري يشرح لهم الخطه وهم يهزون روسهم
عند البنات :
دانه \ عفاف انا سمعت ان زوجك رومنسي صح ولا أشاعه
هيفاء \ ههههههههههههههههه وانتي مايهمك غير هالسوالف
عفاف \ لا زوجي مو الى هالدرجه
دانه \ يكفي انة كل عشر دقايق يدق عليك
عفاف \ اية بس يسأل عن ولده
دانه \ اقول أسكتي ياناكرة العشير ما تستاهلين واحد مثله الا أقول ماعندة اخوان تزوجيني واحد منهم
مي \ انصحك ماتاخذين من عندهم
دانه \ الا عشان تصيرين نسيبتي
مي \ اقول اسكتي لا يجيك كف
دانه \ ما عليك منها هاه ياعفاف فيه ولا مافيه
عفاف \ ايه فيه اثنين اصغر منه عزاب
دانه \ خلاص انا حاجزه واحد
رند \ وأنا الثاني
اسيل \ تشوفين يالخاينه ان مارحت اعلم عبد العزيز
رند \ خلاص لا تفضحينا
عفاف \ مـــي وين ولدي
رند \ وأنتي ماعندك غير سيرة هالولد كن ماحد جاب عيال ألا انتي
هنادي \ الصراحه ولدها يستاهل يجنن أحلى من ولد هيفاء
هيفاء \ تشوفين ولله لأحرمك من ولدي
هنادي وهي تبوس راس أختها \خلاص أسفه مافيه غير ولدك لأن عفاف ماأشوفها كثير
رند \ تراكم أزعجتونا ماعندكم غير سيرة هالبزارين قومي يامي نسوي شاي أحسن لنا
في هاللحضه كانوا الشباب مدخلين العشاء في المطبخ مع الباب الثاني الي مع الحوش
وصلت رند ومي لباب الغرفه ألا والعيال ( فايز والبراء ونواف ) مدخلين الضب في الغرفه رند ومي صرخوا وراحو ركض للمطبخ
وكانوا الشباب قد طلعوا مابقي الا عبدالعزيز ومن سوء حظ رند ان فيه مويه على الأرض عند باب المطبخ وطاحت بس مي كانت وراها ومسكتها
عبدالعزيز وهو يحاول يمسك نفسه لا يضحك وقال \ بسم الله عليك بصوت عالي وطلع
عند البنات حالة إستنفار وصياح وجت دانه العربجيه (متربيه مع أولاد) مسكت فايز مع رقبته ودخلته ياخاالضب ولما أخذه
دانه \ من وين جايبه أعترف لأذبحك
فايز بكل براءه \ مشاري قايل لي دخله على البنات
عفاف \ ياكرهي لمشاري وحركاته شكله بتجيني سكته قلبيه منه
طلعت دانه ومعها فايزويوم وصلت لباب الحوش جلست تصارخ مشاااااااااااااااري مشاااااااري وجع خاها عمر أخوها الي عرف صوتها
عمر \ وجع أنتي لا حياء ولا حشيمه
دانه \ عشانك ما تعوف وش مسوي فينا
عمر \ ليش وش مسوي
دانه \ مخلى هالبزر يدخل علينا الضب
عمر \ يوه لا تكون غادة معكم
دانه بعصبيه \ وأنت ماهمك غيرها أما أنا أختك الوحيد لا
عمر وهو يحبها على راسها \آسف أنا أجيبك لك مشاري تسوين فيه الي تبغين بس تغطي زين تراه كبير
دانه \ كبير شكلا بس عقلا لا
راح عمر يجيب مشاري
مشاري مشى ورى عمر وهومثل الأطرش في الزفه ودانه عادي ماهمها يوم جاها مسكته مع شعره الي مطوله وبردت حرتها وعمر يضحك عليهم
************************************************
الساعه 12 بعد مانامو الحريم
دانه \ بنات رايكم نلعب كوره
غادة \ انا أشك فيك أنك بنت
دانه \ وش ترجين من وحده متربيه مع أولاد
رند \ خلاص أروح أجيب الكوره
أسيل \ وأنتي ماتصدقين عشان ترحين تطبين عند العيال
سامية وعفاف \ ههههههههههههههههههههههههههههههههههههههههههههه
مي \ أصبري يارند بأروح معك
راحت رند ومي يجبون الكوره نادت مي مشاري
مشاري \ خير وش تبين
مي \ سلامتك أبي الكوره
مشاري \ أكيد دانه العربجيه هي الي قالت لكم بس عناد فيها منيب جايبها
مي \ ليش وش السالفه
قالها مشاري السالفه وجلست تضحك عليه طبعا رند كانت ورى وسمعت مشاري وجلست تضحك عليه
مشاري \ ايه أضحكوا بس كوره مافيه وراح وخلاهم
مي \ اف الحين راح وش نسوي
رند \ ماعليك منه بدق على وليد وأخليه يجيب الكوره -ودقت على وليد لكنه مارد لأنه كان بعيد عن الجوال
مي \ مالنا الا عبد العزيز بتصل عليه
رند \ لا تكفين والي يعافيك دوري غير مالي وجه طلب منه بعد الي صار في المطبخ
مي \ من فيه غيره مهند وياسر إذا بتتكرمين تنادين واحد منهم عادي
رند \ خلاص مالنا إلا عبد العزيز
دقت مي على عبد العزيز وجاب لهم الكوره-راحوا رند ومي بالكوره للبنات بس لأنهم تسعه (سامية وغاده وهيفاء وعفاف ودانه واسيل ورند ومي)أضطروا يدورون احد
دانه \ يوه لازم وحده زياده
أسيل \ نادوا العنود بنت عمتي جواهر
وأنتي على بالك العنود تتنازل تجي خليها فرقاها أزين
عفاف \ عيب تراها أختك
مي \ وهذا بلا أبوك ياعقاب
دانه \ خلي نادي واحد من العيال
رند\ أقول يالعربجيه أكرمينا بسكوتك بنادي عمتي مشاعل
أسيل \ خلاص بروح أناديها
وجت مشاعل وبدوا العب الفريق الأول (مشاعل وغادة وهيغاء ودانه واسيل) الفريق الثاني (سامية وعفاف ورند وهنادي ومي)
بدواللعب
رند \ ااااااااه
سامية وهي تركض \ رند وش فيك
دانه \بسم الله عليك قومي كملي العب وخليك من هالنعومه الزايده
رند \ اه اي نعومه ؟!حرام عليك كسرتي رجلي ماصار هذا لعب شوي شوي
دانه \ لا كذا العب قومي خلي عنك هالنعومه
سامية \خليها حلاة البنت نعومتها وألا ان شاءالله تبينها مثلك عربجيه مادري وشلون نافعين مع بعض <طبعا رند عكس دانه تمتما رند بنت هاديه وناعمه
ودانه عكسها أطول مافيها لسانها بس مع ذالك علاقتهم ببعض قويه وكل وحده فاهمه الثانيه لومن نضرة عيونها >
قامت رند وهي تعرج بس رجعت تكمل العب ومع هالإزعاج قامت الجده ورمت دانه الكوره على طلعت الجده وصقعتها والبنات يوم شافو الجده هربوا
الجدة \ وجع ان شاالله يالي ماتستحين الحين ماتقولين لي وش جاب الكوره معك هاه
دانه \ ولا شي بس ألعب يمه
الجدة \ هذا كبرك وتلعبين بالكوره ماتقولين لي وش خليتي للعيال
دانه \ هذي يايمه رياضه بغدين لا تلوميني عايشه طول عمري مع عيال
الجدة وهي شايله عصاها على دانه \ ايه منيب لاينتك بس بألوم أمك اي ماعوفت تربيك
راحت دانه وخلت الجدة تهاوش على راحتها
~~~~~~~~~~~~~~~~~~~~~~~~~~~~~~~~~~~~~~~~~~
عند الشباب :
مشاري \ انا بنام إذا أذن الفجر قوموني
سعود \ لا لاتنام مابقي على آذان الفجر الا نصف ساعه مايمديك تنام
دخل مهند وهو يضحك
عمر\ أبو الشباب مبسوط ضحكنا معك يا مهند
مهند \ اه فاتكم بس
وليد \ وش الي فاتنا تكلم بسرعه
مهند \ أمي منيره قايمه معصبه وتهاوش على وحدة من البنات بس مأدري من هالضحيه الي طاحت في يد أمي منيره
ماجد \ههههههههههههههههه الله يعينها
مشاري \ انا أتوقع انها دانه
ياسر \ ياأنك حاقد على دانه
عبد العزيز \ هههههههههههههههههههههههههههه
ْْْْْْْْْْْْْْ~~~~~~~~~~~~~~~~~~~~~~~~~~~~~~~~~~~~ ~~~~~~~
على الغدا
الجده \ الا أقول ياهدى صدق انك ماعرفتي تربين بنتك
ام عمر \ خير يمه وش صاير
الجده \ وش ما صار وبنتك هاذي عمايلها
أم عمر \ دانه وش سويتي
دانه ببراءه \ ماسويت شي
الجده \ كل هذا ولا سويتي شي
أم عمر \ ليه يايمه وش سوت
الجدة \ قايمه قبل الفجر ولا قيتها تلعب كوره مادري وش خلت للعيال
ام عمر في نفسها <احسبها مسويه شي عضيم في النهايه كوره >
دانه \ عادي يايمه مو أنا لحالي الي ألعب كل البنات يلعبون حتى خالتي مشاعل تلعب معنا
العنود بحقد \ أيه ماخربكم الا خالتكم مشاعل
مشاعل وهي تناظر العنود \ عادي يمه خليهم يلعبون ويستانسون من كثر مايتجمعون
الجده \ ايه انا ماقلت شي بس يلعبون اي لعبة زينه غير هالكوره
ريما \ بنات انا عندي لكم شي يوسع صدوركم
هنادي \ وشو
مي \ بسرعه قولي لنا
ريما \ أجيب لكم شريط طق ونشغله ونرقص
سمر \ هههه عاد ريما تكيف مع الرقص
رند \ وأنت ماهمك الا الرقص دوري لنا شي غيره
لميس \ وش رايكم نلعب كراسي
عفاف \ لا مانبغى شي فيه مشي تعبانين من عقب امس
هيفاء \ طيب وش رايكم نلعب سلة فواكه
اسيل \ ايه تكفين
بعد العصر راحوا البنات لعب وناسه والعيال نفس الشي
~~~~~~~~~~~~~~~~~~~~~~~~~~~~~~~~~~~~
عند الشباب :
ابو وليد \ وش رايكم بعد العشاء نلعب كوره
الشباب \ وتسألنا أكيد موافقين
بعد صلاة العشاء تجمعوا العيال عشان يلعبون كوره وكون فريقين (فريق ابووليد فيه سعود وياسر وليد وعبدالعزيز وفريق ابو ياسرفيه عمر وماجد ومهند ومشاري
وأبو ماجد الحكم ونواف والبراء وفايز وريان ونادر وباقي البزارين الجمهور --بداء العب--
عمر \ هـــــــــــــــــــــــــدف -- جوري شافت أبوها وهو فرحان وراحت تركض تضمه \أدف - ضمها عمر وجلس ويدور بها في الملعب
عبد العزيز \ عمر خل فديو الكليب هذا بعد المبارات لو سمحت
عمر \ ههههههههه أبشر
رجعو بكملون اللعب وقام ياسر وشات الكورة بعيد
ابو ماجد \ ياسر كرت أصفر
ياسر \ خير يا عمي وأنا وش سويت غشان أخذ كرت أصفر
أبو ماجد \ على كيفك تظيع كورنا ناضر وين طيرت الكوره فيه شف لك خمس دقايق إذا ماجبت الكوره عطيتك الكرت
ابوياسر \ ههههههههه شكل ابوماجد مظيقه عليه الكروت
راح ياسر يجيب الكوره
.
.
.
.
.
في طرف المزرعه
كانت مي جالسه تدور فيها وتفكر في حالها وفي كلام أبوها
مي <اه معقوله ياياسر خلاص بترحل من دنياي إلى الأبد اه ليت القرار بيدي وأقول لهالعلم أني انا لياسر وياسر لي ولا نايف ولا غيره يا خذني منه >
وجلست تبكي كانت محتاجه انه تبكي لأجل تطفي النار الي في قلبها ألتفتت وشافت الكوره خذتها وضمتها وجلست تبكي \ اه ياياسر ياليتني أقدر أشوفك
وصل ياسر لمكان الكوره وجلس يدورها وأنتبه للبنت الي جالسه وشعرها مغطي وجهها
ياسر \ يالله من هذي ووش مجلسها هنا لحالها
رفعت راسها الا تشوف ياسر قدامها طاحت الكوره من يدها وجلست تناظر في عيون ياسر ولا هي قادره تسوي شي غير ان دموعها تنزل أكثر وأكثر
ياسر \ مـــــــــي
مي \ ساكته
ياسر يوم شاف دموعها ماقدر يتحمل نزل ووأخذ الكوره وراح للعيال
عطاهم الكوره وكمل العب وقلبه مو معاه --صورتها عيت تفارقه ماأنتبه الابيد وليد على كتفه
وليد \ وش فيك
ياسر \ ما فيني شي
وليد \ الا فيك شي شكلك مو طبيعي
ياسر \ شفتها يا وليد
وليد \ مي
ياسر \ ايه وفيه غيرها
وليد \ خلنا نكمل العب الحين لأجل ما يشكون فينا أعمامي وبعدين نتكلم على راحتنا
&&&&&&&&&&&&&&&&&&&&&&&&&&&&&&&&&&&&&&&&&
رند \ دانة ما تدرين وين مي
دانة \ ايه ما ادري
أسيل \ أنا شفتها طالعة تمشي مع هذي الجهة
رند \ اجل خلينا نناديها
أسيل \ يالله
راحت أسيل زرند يدورون مي
أسيل \ شوفي مي جالسة لحالها
رند \ الله يعينها اكيد تفكر في ياسر
رند \ مي
مي وهي تمسح دموعها هلارند
رتد \ وشفيك حبيبتي
مي \ما فيني شيء
اسيل \ كل هذا وما فيك شيء
مي وهي تصيح \ شفته شفته با رند شعته يا أسيل
رند \ من ياسر
مي \ ايه
رند \ طيب مو أنت كنتي تفرحين لما تشوفينه
مي \ هذاك أول الحين لا --اول يا رند لما اشوفه كنت افرح كنت أشوفه فارس أحلامي و وكنت انتضر متى يجيني
على جواده يوديني للمكان الي أنا أحلم به المكان الي يجمعني به كنت أشوفه وأشوف الابتسامه على وجهه لكن الحين لاالحين
صرت أشوفه الفارس المقتول
أسيل \ قتله نايف ؟
مي \ لا قتله أبوي قتله يوم عطا الرحال كلمة من غير ما بقولي قتله وقتلني معه والي عذبني أكثر بوم شفته كان فير ما
اشوفه دايم شفته ولمحت الحزن الي على وجهه طعنتني كان يناظرني بنظرات ما فهمتها لكن الي عرفته انها
غير النظرة الي متعوده عليها كان يغطيها الالم والحزن والقهر
***********************************
عند الحريم :
الجدة \ أقول ورى ماجاء عبد اللله ياأم عمر
أم عمر <اه لوبيدي يايمه جبته > \ عندة رحله مع زملاه
الجده \ ايه كل يوم طالغين لي بعذر مادري المره الجايه وش بتقولون
%%%%%%%%%%%%%%%%%%%%%%%%%%%%%%%%%
عند البنات
هنادي \ بنات الآيسكريم والعصير خلصت ما بقي الا البطاطس
دانة \ يوه أجل وش بنسهر عليه لازم نجيب شيء للسهرة
رند \ انا عن نفسي ابي فليك
مي \ وانا ابغى توكس
اسيل \ بدال ما تتطلبون دوروا احد من العيال يتكرم يشتري لنا
هنادي \ بنات ترى المراهقات ما بعد ناموا يعني بطبون علينا بعد شوي
دانة \ لا تكفون ان جونا طردناهم مالين منهم في البيت يجونا هنا
أسيل \ بنشوف اذا كانوا البنات (سامية وغادة وهيفاء ومشاعل )مو سهرانين معنا ناديناهم
سمر وهي داخله \ منهم الي بتنادونهم
رند \ بسم الله من وين جيتي
سمر \ يعني من وين أكيد من الباب
دانه \ ههههههههههههههه حلوه من الباب
رند \ أقصد من وين جايين
لميس \ يعني من وين أكيد من الحوش
هنادي \ وش جابكم
ريما \أمي منيره الله يطول لنا في عمرها ويخليها لنا طردتنا تقول أزعجتوني ما خليتوني أنوم مادري متى بتعقلن وتصيرن حريم
***********************************************
ياسر \ عبد العزيز
عبد العزيز \ نعـــــــــــــــــــــــم
ياسر \ جوالك يرن
عبد العزيز وهو جاي \ من
ياسر \ طلال
عبد العزيز \ هلا
طلال \ السلام عليكم
عبد العزيز \ وعليكم السلام ورحمة الله
طلال \ عزوز تعالي بسرعه صار لي حادث بس الحمد لله جت سليمه بس الي صدمته مادري عنه تعالي تراي محتاجك ولا تعلم العيال
عبد العزيز \ أبشر هذا أنا جايك
~~~~~~~~~~~~~~~~~~~~~~~~~~~~~~~~~~~~~~~~~~
دانه \ هاه بنات من الي بيتكرم يجيب النا الأغراض من العيال
سمر\ قولي لعمر أخوك
دانه \ فايز يقول أن عمر نايم
سمر\ طيب وليد
ريما \لأرتاحي وليد مستحيل يتكرم يجيب لنا شي
هنادي \ حرام عليك لا تضلمين وليد
ريما \ ما ظلمته بس هذا الصدق
رند \ لا مو هذا الصدق وليد طيب بس أنتي الي ماتعرفين تتعاملين معه
ريما \ مادامه طيب قولي له
رند \ وليد رجله توجعه من الطيحه الي يوم كانوا يلعبون كوره
أسيل \أجل ما فيه ألا عبد العزيز
مي \ لا دورو أحد غيره هذا أعرفه أعجز من خلق ربي
دانه وهي تناظر مي \ بس عشان حبيبة القلب بيوافق
مي \ ايه كان أقوله ان رند هي الي طالبته يمكن يوافق
رند \ لا مي ولي يعافيك أطلبي منه من غير ما تجبين لي طاري
أسيل \ طيب وان رفض
مي \ ان رفض بقوله ان رند هي الي تبغى
رند \ لا
دانه وهي تهمس لها في أذنها \ ليه
رند \ خايفه
دانه \ خايفه من أيش
رند \ أخاف تقوله ويرفض بعدين أتفشل عند البنات لو مافيه الا انا وانتي ومي كان عادي
دانه \ طيب عبد العزيز ومستحيل يرفض طلب حبيبته ولا شاكة في هذا الشي
رند بهمس \ من ناحية شاكه فأنا والله شاكه
دانه \ ايش
رند \ والله مادري وش أقول لك يا دانه بس والله هذي الحقيقه أحيانا أحس انه يلعب علي وأحيانا لا أحس انه صدق يحبني
دانه \ وش يخليك تحسين بهذا الإحساس
رند \ مادري بس احس انه مطنشني ولا حتى يعبرني يعني تذكرين أخرمره جينا للمزرعه ماجلس الا يومين وراح مع ان مي
قالت له اني أبيه يجلس طبعا بالتلميح وقالت له انها ضاق صدرها لما قلت لها أنك بترجع لرياض يس الرجال ما عبرني راح ولا
كأن وراه بنت قلبها يحترق على فراقه
دانه \ بس يارند لا تحكمين بهذا السرعه يمكن عنده سبب كبير خلاه يروح
مي \ نحن هنا وش تتكلمون فيه
دانه \ولا شي
هنادي \ هاه يامي بتروحين تقولين لعبدالعزيز
مي \ مادري عن رند
سمر \ خلاص يارند خليها تروح وبلا دلع يالله يامي روحي رند موافقه
رند \ لا والله من قاله
ريما وهي تبوس رند مع خدها \ رنوده حبيبتي خلينا نقول لعبد العزيز
ريما \ مي خلاص انا أختها وبتكلم نيابة عنه هي موافقه
راحت مي ونادت عبد العزيز
عبد العزيز \ نعم
مي \ الله ينعم عليك بش بغيتك بطلب
عبد العزيز \وش بغيتي بسرعه
مي \ ابغاك تجيب لنا حلويات وعصيرات وأيسكريم
عبد العزيز \ قولي لأي واحد من العيال انا مو فاضي لكم
مي \ عزوز تكفى بس عشان خاطر رند
عبد العزيز بعصبيه \ انا فاضي لك انتي ويارند شوفي اي واحد من العيال غيري >> وراح وخلاها
طبعا البنات سمعوا الحوار الي دار بين عبد العزيز ورند
رند وهي خلاص تحس نفسها بتنفجر من القهر \ ماقلت لك يا دانه
دانه بهمس \ لا تستعجلين أكيد له عذر
رند بهمس \يس لو له عذر كان قاله مو يعذبني بس انا أوريه لأقهره مثل ماقهرني
دانه \ لا تتهورين بعدين تندمين ....
__________________________________________________ __________
# تتوقعون وش بيصير بين رند وعبدالعزيز بتعرف رند السبب الي خلا عبدالعزيز يعصب ولا بيبقى شي مجهول بالنسبه لها
# مي وياسر وش نهايتها بينهم
رد مع اقتباس
