عنوان الموضوع : أبَسكِن دُوم في بالِك وأبيك تكون عنواني
مقدم من طرف منتديات نساء الجزائر

أبَسكِن دُوم في بالِك وأبيك تكون عنواني



أبَسكِن دُوم في بالِك و أبيك تِكُون عنواني

مسآؤكم سعآده


وصِيَّه مِن قبل مُوتي أبكتِبها بدُون ألقاب
عشان الِّي يجي بَعدِي يتذكَّرني ويقراني


صَريحَه صَفحِتي هذي وبخلِّيها بدُون احجَاب
بَسولِف للمَلا والِّي على قلبي على لساني


بَعَلِّم غِيري وش فِيني مِن همُوم وشِقى وعتاب
وعلى فِكرَه ترى قلبي(حقيبه) كلَّها أحزاني


أبذكِر .. كِل ما أذكِر مَدام إن الزمَن ينعاب
أبغرق وأشعِل ظنُوني مَدام إن العُمر فاني


برسِّي مِن بُقى فيهُم وعَسَاها تِسلَم الأرقاب
وأبلفِظ آخر أنفاسِي عشان القاصِي والداني


ترى ما كِل مِن قرَّب قِريبٍ والغِياب غياب
ولا كِل شَخص يِضحَك لِي أعِدِّه مِثل إخواني


أهاب المُوت في لحظه ولحظه المُوت مِنِّي يهاب
أواسي نفسي بنفسي وأكُون المَجني الجاني


أنا ما أكتِب شعوري عَشان ألقى صَدَى وإعجاب
أنا أكتِب لَجِل أرضِي جُروحي وضِيق كِتماني


وإذا قلبي غدا شايب من همومه بَعدني شاب
وعُمري توَّه صِغيِّر وقُويَه حِيل أمتاني


أبد ما كِنت مِتصَوِّر تِجيني نشوة الأحباب
لأني ما عرفت [ الحُب ] إلاَّ يُوم ناداني


وقبل لا أقول كِلماتي وأودِّيني على المحراب
أبدفِن دَفتِري بإيدي مَدام الوَقت حدَّاني


إذا شمس الِّقا غابت وتفارقنا بدُون أسباب
بتذكرني مَع الأيام ؟ وإلاَّ عادي تنساني


سؤال يدُور في بالي حبيبي والظنون إقراب
أنا إن رِحت عَن دربي يا غالي وين ألقاني ؟


وإذا كان الوصِلْ صَادِق ترى بُعدك عَلي كذاب
أفكِّر فِيك وفي حَالي حقيقه الحُب أعْمَاني


خذاني مِنْك وسواسٍ فِتَح للأسئِله أبواب
يخلِّيني أشِك إنِّك تِحِب لِك واحِد(ن) ثاني !!


يا خُوفِي الحَظ مَا يَصدِق مَعَاي ونِنتِهي أغراب
لأني كِل ما أحْلِم أشوف الوَقت صحَّاني


حبيبي لا تِطمِّني وتِشقِق مِن غلاي ثِياب
أبَسكِن دُوم في بالِك و أبيك تِكُون عنواني


مَدام إنِّي لَجِل عِينِك زَعَل مِنِّي كِثير أصحاب
ترى لازم لَجل عِيني تِعَوِّض كِل حرماني


نويت أكتِب شِعِر عَنِّك مَدامِك للشِعر طلاب
عسى يعجِبك ما باقي مِن حُروفي وألواني


أغمِّض عِيني وأكتِبلِك وأفتحهَا ألاقي كتاب !
شعوري إنصدم منِّي وأثاري هذا ديواني

>>>>> ردود الأعضـــــــــــــــــــاء على الموضوع <<<<<
==================================


ويييينكم
وييين الردوووووود


__________________________________________________ __________

باختصار قمـــــــــــــــــــــه فالابداع
بانتضار الاروع تقبلى مرورى ودمتى بحفظ الكريم.


__________________________________________________ __________

أهاب المُوت في لحظه ولحظه المُوت مِنِّي يهاب
أواسي نفسي بنفسي وأكُون المَجني الجاني


روووووعه الصراحـآآ ..
يعطيج العـافيـآ ع الـاختييـآآر حبـوبــآ ^.^


__________________________________________________ __________

تعبير حلو ويلمس شغاف القلب
حسيت بكم كبير من الالم والبعد فعلاالمعاناه تولد الابداع


__________________________________________________ __________

سلمت يداكي
على الموضوع الراقي
موفقه في الأختيار
بنتضار كل جديدك
بكل الود