عنوان الموضوع : ليش جالس تناظرني بأحتقار!!!!(روايه سببها حادث على جسر البحرين)
مقدم من طرف منتديات نساء الجزائر

ليش جالس تناظرني بأحتقار!!!!(روايه سببها حادث على جسر البحرين)






كالعاده جلست اسوي روحي اذاكر وانا فكري سرحان في سفرتنا الجديده الى لندن وكيف اقنع الوالده اني ما اسافر وهي الي طلعت الفكره هذي وشجعت بنت خالي(رند) وبنت خالتي(عهد)على هذي الرحله البنوتيه( يعني بدون اولاد ), خالي جهز لنا كل شي واصلا حنا ندل ومانحتاج احد يدلينا , من الصغر وحنا نروح لندن مع جدي (ابو حمد) الله يرحمه وهو من كثر مايسافر لندن شرا بيت ومزرعه وصار الصيف ياخذني وبنات خوالي وبنات خالاتي كلنا معاه , الله يرحمه كان يحبنا كثير لدرجه ما ابالغ فيها لو قلت لكم انه يحول لكل وحده منا في حسابها ربع مليون ريال كل سنه مصروف شخصي (انا وبنات خوالي وخالاتي 6 بنات) المهم شسوي انا بهالورطه الي حطتني امي فيها ؟ .
باقي اسبوع ونخلص الامتحانات واخر يوم نخلص فيه المغرب تطير الطائره اليوم الاربعاء كلمت رند
رند بنروح والا اشلون؟
رند: بس دقايق اشوف امي وارد عليش
بس يارند انتي عارفه اليوم الاربعاء واذا ماطلعنا من بدري والله ان ابوي بيقول مافي روحه للبحرين الا مع خالد وانتي تعرفين خالد شبيسوي فيني لمن اروح معاه(خالد اهو اخوي الوحيد وهو كل اسبوع له طلعه للبحرين مع اصحابه الشباب فتخيلو ان ابوي يصر عليه انه يطلع معانا حنا البنات)
رند: خلص انا بجهز نفسي وانتي اجهزي وقولي لعهد تجهز واول ماعطيش مس كوول انتي انزلي , ترى ان دخلت بيتكم وش يفكني من عمتي حصه وسوالفها
انشاء الله انتي بس مري وماعليش
حطيت البودره والكحل ورتبت نفسي....... صوت احد يدق الباب سألت : من؟
انا رغد ادخل؟
دخلي
تدرين عمرش طويل؟
رغد: ليش؟
تو بكلمش اقول رغد اتأخرت ليش؟
رغد: ابوي يقول لازم احضر حفلة خطوبة ولد عمي فيصل اليله وانا جلست ابكي واصارخ وهو يصارخ علي لين مامل مني وقال لي بكيفش
بس يارغد ابوش يعرف انش كل ويك اند انتي تطلعين معانا البحرين ومايخالف
رغد: مدري اشفيه ابوي ؟ ...........حتى انا اقول كذا
المهم الحين رند بتمر وبنروح وانتي لا تفكرين




انا اسمي (( مي)) اسرتي مكونه مني واخوي((خالد)) وامي ((حصه)) وابوي((ابو خالد))
خالي ابو طلال عنده بنت ((رند)) وولدين((طلال)) و((يوسف)) وزوجته خاله((منيره))
خالي ((معن)) اعزب يدرس بلندن وخالي ((منصور)) اعزب يدير حلال جدي الله يرحمه ( الارث الي ماتوزع)
خالتي ام بندر عندها بنتين ((رغد)) و((رهف)) وولدين ((عمار)) و((بندر)) وزوجها ((ابو بندر))
خالتي ام ناصر عندها بنات ((اسيل)) و((لميس)) وولدين ((مهند)) و((ناصر))
طلعنا الجسر ودقيت على ابوي اخبره اني طالعه البحرين ويمكن اذا لقينا خالي منصور بنبات في البحرين ابوي دايم مدلعني وتاركني على مزاجي بس سألني بأي سياره طالعين قلت له طلعنا بسيارة خالي Audi Q7 هو اهم شي عنده السيفتي والراحه . المهم الزحمه طاقه الجسر كله واحنا متعودين على هذي الزحمه جلسنا انا ورند انسولف ورغد جالسه تذاكر وكل اشوي تدخل في هدرتنا وترد تذاكر , على انه من كنا بالثانويه وحنا على طلعت البحرين لوحدنا تعودنا نجلس نسولف ونتهاوش ونلعب بس مافي مره جلسنا اناظر بالسيارات الي حولنا هذي اربع سنوات وحنا نطلع كل ويك اند البحرين اذا في حد من خوالي نبات هناك واذا مالقينا احد ردينا الساعه 1 اليل هذا حدنا . اليوم كان غير........ الزحمه زايده على غير العاده بالعاده نطول ساعه اليوم طالت الساعه ولحين مادخلنا الجمارك رند تقول : بنات تراها طالت
انا: جد اول مره احسها طالت
رغد: ((ولا تعليق))
ناظرنا الي حولنا وووواوووووووووووووووووووو كنا لسه ماوصلنا الجمارك السعوديه والسيارات ماليه المكان
وش صاير ؟ ليش هذي الزحمه؟
فتحت الاب توب وجلست اتسلى بالنت
رند ماسكه الاي فون الجديد الي تو شاري لها اخوها(مدري وش عنده يبي رضاها) وجالسه تحوس فيه(متعوده على النوكيا) وكل اشوي تسألني شي(لاني صايره خبيره من شريت اي فوني وجالسه انزل برامج) ورغد لحين اتذاكر (طب ماقلنا شي بس عاد مو كذا الاجتهاد)
رند: مي علميني اشلون انزل برنامج الماسنجر في الاي فون؟
انا: رند وش رايش تخلين اي فونك معي انزل لك الي تبيه وانتي تشوفين لي موضوع البرزن تيشن الي عطتنا اياه الدكتوره اليوم؟
رند: هذا انتي يا مي ماتسوين شي بلاش؟
انا: تعرفيني زين
عهد دخلت في السالفه : ليش من الدكتوره الي تحاضر لكم؟
انا: هند المصريه
عهد: والله هادي هند مايمشي عليها اي شي تدرين لمن كانت تدرسنا كل القروب خذو دي
انا: وانتي؟
عهد: انا بي وبالموت طلعت وهذي يواسطة ولد عمي يعرف زوجها
انا: والحل
عهد: ايقولون الدكتوره سلطانه صاحبتها وهي صاحبة امش خليها تتوسط لش لا ماتشوفين الدي وترسبين
انا: فال الله ولا فالش وش فيش علي وش شايفتني .............
وجلست اصارخ وهي تصارخ ((متعودين عالهواش)) بس هالمره المكان مليان سيارات والسواق مو بعارف يركز وسط هواشنا واشوي كلنا نحس بالسياره صاقعه بشي طراااااااااااخ
غمضت عيوني من الخوف وفتحت ناظرت قدام لانه الصدمه جت من السياره الي قدامنا ((لاند كروزر لونها ذهبي)) نزل السواق يشيك على السياره ونزل من السياره شباب اثنين يمكن في عمر ال26 , وجلسو يناظرو بسيارتهم وبعدين في سيارتنا , وقامو يهاوشون السواق . المهم انه واحد منهم جه عند الويندو الي جنبي ووقف يبي يكلمنا والثاني كان يطالع من بعيد تلثمنا ولمن فتحت الويندو عيوني جت بعيون الي كان يناظر من ابعيد (كان يشبه ملك جمال باكستان عمران عباس وانا من اشد المعجبين به فمن غير المستغرب اني اناظر واحد يشبهه) والثاني كان يتكلم
قال : السموحه انتو بخير؟
انا سكت , رند و عهد ردو : اش به صاحبك مايشوف؟
قال : يعني انتو بخير دامكم رديتووووووووو
والرجال الثاني راح عند السواق وقال له من كفيل انته؟
قال له: بابا حمد (( ابو طلال = يعني ابو رند))
اخذ منه الاقامه وقراها ورجع ووقف عند الويندو وقال: السياره ماصابها شي و اذا تبغون تتاكدون نزلوا شوفوها وهو جالس يناظر بعيوني.
انا استحيت ونزلت عيوني وهو ظل يناظر فيني, ناظرت رند وقلت بشويش : ابوي لو يدري بيحرمني من الطلعه بدونه.
رند: خلاص ياخوافه وقالت للسواق يركب وناظرت الرجال وقالت له حصل خير وقفلت الويندو.
ظليت ساكته لين دخلنا الجمارك
فتحنا الويندو علشان البدوي الي يشتغل في الجمارك قال للسواق خل يفتحو الدريشه
وبعد ماناظر بديك العيون ووزع ابتسامته كلما قرا اسم وحده منا
المهم خلصنا من سالفة الجسر وزحمتها ودخلنا البحرين
كالعاده نروح اول شي الى السينما سواء الدانه والا السيف (حسب الموفي الي عاجبنا)ونحجز التذاكر وبعدها نطلع نتمشى ونتسوق ((لو صار في وقت نروح الكوافير بس الحين الكوافير الي في الريجنسي صار بايخ وصار عندنا في الشرقيه صالونات خدماتها فايف ستار ))
رند تسألني : اي سينما بنروح؟
قلت لها: السيف عارضين موفي اكشن حلوووو.
المهم رحنا الى مجمع السيف واحنا في السينما نحجز حسيت في احد جالس يناظر فيني التفت لقيته ذاك الرجال الي جت عيوني بعيونه وصاحبه واقف ورا رند ينتظرها تخلص علشان يحجز(تقولون مافي الا هذا الكاونتر) . المهم ان رند ردت لنا قالت : حجزت لنا نفس المكان الي تحبيه يا مي ..خلينا نروح ناكل ترااااني ميته جوع .
عهد: وين ناكل؟
انا: خلينا نروح سيتي سنتر خالد يقول المطاعم الي هناك تفتح النفس.
رند: والله اخوش مو بلمطاعم الي تفتح نفسه البنات الي في المجمع هي الي تفتح نفسه.
انا: رند انتي ليش تقولين هذا الكلام عن اخوي كذا تكونين غايره ياقلبي.
رند: اغار ليش!لاتظنين اني.. انا... احبه؟
انا(اغير السالفه لجل نطلع من المجمع دام هذاك الرجال يناظرني بقوة عين واحنا واقفين): خلينا نروح السيتي سنتر ونشوف لنا مكان ناكل منه
طلعنا من مجمع السيف ورحنا السيتي سنتر ورحنا الدور الثاني ندور المطاعم , دقيت على خالد اسأله عن المطاعم الجديده (حنا اول مره ناكل في مجمع السيتي سنتر)
انا: هلا خالد وينك؟
خالد: بالبحرين.. اش عندش داقه؟
انا: حنا في السيتي سنتر ومحتارين في اي مطعم نتغدى , انت وش رايك؟
خالد: تقصدين انتي ورند وعهد؟
انا: ايه
خالد: انا جاي لكم انتو وين؟
انا: !!!!!!!!!!!!!!!!!!!!!!! (اول مره في حياته يفكرخالد انه يجي لنا....وبعدين اشلون يترك اصحابه!!!!)
خالد: مي انتو وين؟
انا(مصدومه) : حنا في الدور الثاني جنب الفود كورنر.
خالد: انا جاي.
انا: بنات ترى خالد جاي لنا!!
رند: ليش؟
عهد: اكيد فيه شي والا اخوش ولا مره فكر يسأل عنا وهو بالبحرين.
انا: والله اني خايفه خالد ماقط سواها وش لي ادق عليه , لو داقه على امي وسائلتها عن المطاعم ارحم لي.
رند: مي خالد وصل.
خالد: مساء الخير صبايا.
انا: هاي...خالد (وسكت لاني مصدومه مرت ايام نجي فيها البحرين خالد يشوفنا قباله ولا عمره كلمنا يمشي كأنه مايعرفنا)
خالد: انا عازمكم على الغدا
انا: خالد يكفينا تقول لنا اي مطعم وحنا نروح له.
خالد: بس انا عازمكم.
انا: وحنا مانبي نتعبك معانا.
خالد: يعني وش ردكم؟
انا: ثانكس
خالد: وانتي يارند؟ عهد؟
رند وعهد لي: مي لاتردين اخوش حنا ماعندنا مانع.
انا(مصدومه لحين): دام انكم راضيين انا ماعندي مانع
خالد وهو شاق وجهه فرح: تفضلو
ودخلنا مطعم بحري كل شي فيه طازج اختار ويطبخون لك حسب اختيارك
خالد يسأل الجميع: وش رايكم اختار لكم؟
انا: وش رايك نختار لنا؟
خالد يناظر في رند(وهو واثق): وش رايش رند انا الي اختار لش؟
رند: نو ثانكس.
خالد تفشل وقام راح يختار له وحنا جلسنا نختار من المنيو
انا ماكنت جالسه اقرا في المنيو ...فكري كله في خالد ليش جا لنا وترك الشباب الي كانو معاه وجلست اناظر فيه وهو يكلم الويتر
رجع خالد وجلس جنبي وقال: اخترتو ؟
كلنا قلنا: يس
نادى الويتر وطلبنا الاكل وجلسنا نسولف
انا: خالد وين ربعك؟
خالد: في البولنج يلعبون.
انا: وليش تركتهم وجيت لنا.
خالد: يعني هذا جزاي يا مي اني جيت لكم.
عهد: اي وهي صاجه هذيك المره كنا نبغاك تحجز لنا تذاكر السينما لأنا بنطلع من السعوديه متأخرين قلت لنا انا ماشتغل سواق لكم.
خالد وهو يبتسم: كل هذا زعلانين مني.
رند: حنا مو بزعلانين بس مستغربين , انت ماقط عزمتنا واذا عزمت اختك معناها تبي شي منها.
انا: تبي شي مني يخالد؟
خالد: ايه ابي شي منكم انتو الثلاث
انا: والله اني قلت خالد يجي ويعزمنا ...اكيد عنده شي؟
خالد: انا ماعندي شي بس بكون اليوم كله معاكم عاد هذا الشي المفروض يفرحكم(وهو يناظر في رند) ويفرح امي وابوي يا مي.
انا: خالد حبيبي انا ورند وعهد متعودين على الطلعه لوحدنا ونحب نتسوق على راحتنا ومانحتاج وصي يحرسنا
خالد: افا ...مي ابوي لو يدري وش صار لكم على الجسر مايخليش تطلعين بدونه.
انا(مرعووووبه): وانت اش عرفك؟
عرفت انه خالد كان شايف السواق في مواقف السيف(عند بوابة السينما الجديده) وقال له السالفه.
رند(وهي معصبه): والله لراويه شغله هذا السواق
انا: بس هذا مو اكسدنت هذي بس صدمه خفيفه يخالد.
خالد: بس ابوي يسميها آكسدنت وراح يمنعش من طلعت البحرين.
انا( وعارفه انه كلامه صحيح فقمت اساومه علشان اشتري سكوته): والحين وش الي تبغاه يخالد؟
رند وعهد: خلاص يا مي انتي روحي مع اخوش وحنا بنتسوق لوحدنا.
خالد: ومن قال بس مي اللي بتروح معاي حتى انتو يارند وعهد بتروحون معاي.
رند: خالد انت مو ابخوي؟
خالد: انا ولد عمتش يارند والا نسيتي؟
رند: تدري حنا مانحب نتمشى مع احد
جا الويتر وجاب العصير والمقبلات
خالد وهو يبتسم: وش عندكم ماتبوني معاكم, لاتكونو مواعدين شباب؟
انا: خالد انت الي وش عندك تبي تتمشى معانا؟
عهد: انت كيف اتقول عنا وحنا هلك هذا الكلام؟
خالد: عهد حبيبتي(وهو يناظر في رند) انا بس امزح معاكم , وش فيكم شابين؟
رند وهي تكلم مي : مي والله علشانش ترى بنمشي معاه والا اخوش يفشل.
جا الويتر وجاب الاكل والله ان الاكل يفتح النفس وكنت جوعانه بس اخوي خالد سد نفسي.
خلصنا اكل وطلعنا من المطعم وصرنا نتمشى وحنا ساكتين.
خالد: وش فيكم بنات ساكتين خذو راحتكم سولفو وكأني مو بموجود.
انا: خالد والي يرحم والديك والله انا مانعرف نتمشى ومعانا رجال.
عهد: خالد انت ليش تبي تتمشى معانا؟
خالد: اقول لك بس ماتضحكون؟
انا: قل.
خالد: الربع بيروحون البار وانا ماحب هالطلعات.....اصلا كل مره يروحون انا اتمشى لحالي بس هالمره لقيتكم فقلت اتمشى معاكم.
انا(وانا فرحانه كون اخوي مايحب الغلط بس لحين مابودي يمشي معانا والله اني ماعرف امشي ومعاي رجال): الله يهديك يخالد انت قلتها كل مره تتمشى لحالك خلص روح اتمشى وخلنا بحالنا.
خالد: اشفيها يعني لو اتمشيت معاكم هذا بدل ماتفرحون!
رند: ليش نفرح ؟
خالد: لاني جاي اتمشى معاكم.
انا: خلص يخالد تمشى معاي وخل رند وعهد يتمشون مثل مايبغون.
خالد: قلت بنتمشى مع بعض وانتهينا.
عهد: بنات ترانا (((ماصلينا)))
خالد: انا مادل وين مكان الصلاة
انا: حنا ندله
رحنا السوق كورنر وركبنا ودخلنا المسجد
اااااااااااااااخيرا بدون خالد
انا: سامحوني بنات انا الي حطيتكم في هالموقف
رند: ولا يهمك انا الي اخليه يتركنا لحالنا
انا: اشبتسوين يارند؟
رند: حنا بنمشي معاه وكل شوي بندخل محل ونشتري ونسولف وهو كأنه مو بموجود
عهد: فكره حلوه تهقين يمل؟
انا: طبعا بيمل
ورحنا صلينا وطلعنا وحنا نسولف ونضحك وخالد يناظرنا مستغرب.....
عهد: شوفي يا مي هذاك الفستان وش رايش فيه؟
انا: كووووووووووووول
رند: تهقون بنات بلقى منه لون اسود؟
انا: وانتي لازم اسود خذي لك مثل هذا اللون اخضر.
رند: خلينا ندخل ونشوف.
دخلنا معظم المحلات والمكتبات وحتى الاجهزه دخلنا محلاتها
...............وبكذا همشنا اخوي خالد وتسوقنا بس لحين ما اشوفه ملان
انا: خالد تقدر تساعدناوتحمل هذوله الباقز.
خالد: انتو ليش ماتجيبو وحده من شغالاتكم تحمل اكياسكم هذي؟
رند: عادة الي يمشي معانا هو الي يحملها.
خالد: بس انا غير
انا: خلاص خلينا يارند نروح الى السينما باقي نص ساعه ويعرضون الموفي
خالد: اي سينما انتو طالعين؟
رند: ترانا قاطعين التيكت وخالصين
خالد: انا احجز لكم غيرها
انا: بس خالد حنا مانحب نغير مكان الكراسي .............اصلا حنا نحجز بدري علشان المكان نفسه
خالد: احجز لكم وقت ثاني
انا: خالد ارجوك انت قلت بتتمشى معانا وتمشيت ........ليش عاد بتطولها؟
خالد: اوكيه انا بروح معاكم السينما وبشوف لي كرسي لحالي
رندوعهد: مي يالله بسرعه السواق جا
خالد: انا بروح معاكم ............سيارتي مع الربع.

طلعنا من السيتي سنتر ومن دخلنا السياره................
خالد: بتباتون هنا اليله؟
انا: لا
خالد: ليش انتو ماعندكم مفتاح الشاليه؟
رند: لا
خالد: ليش خالي ماعطاكم نسخه منه؟
انا: خالد وش بلاك انت ماتدري انا مانبات في الشاليه الا معانا واحد من خوالي
عهد: وحتى لو حتى في احد من خوالي هنا ما راح نبيت اصلا ورانا امتحانات
وصلنا السينما وراح خالد يشوف اقرب كرسي لنا وحجزه وحنا رحنا نشتري البوب كورن والآيسي
دخلنا السينما وجلسنا كان خالد في الكرسي الي جنبي بس يفصلني عنه كرسيين فارغين
جلسنا وكشفنا وجوهنا وجلسنا انشاهد الاعلانات الي قبل الموفي
ياترى من اصحاب الكرسيين الي جنبي؟ وش بيصير داخل السينما؟
هذا يعتمد على رايكم في القصه

>>>>> ردود الأعضـــــــــــــــــــاء على الموضوع <<<<<
==================================


رند: وش فيش يا مي منتي بالمود؟
انا: احس اني الي خربت الطلعه
رند: وتبين تضيعين على نفسش الموفي ........يالله عاد اضحكي وتراها عدت بنخلص الموفي وبنخلص من اخوش
انا( وانا ابتسم): اتصدقين اول مره اتمشى مع اخوي خالد والمفروض افرح بس خالد ماخلاها فرحه
رند: مي ...مي..شوفي من جا؟
انا(وانا اضحك وافكرها تمزح تبي تعدل مزاجي): من؟ عاد لاتقولين ابوي
رفعت راسي اشوف الي جاي يجلس جنبي ....((انصدمت))
و((تصرقعت)) وحسيت اني اليوم بتجيني ازمه
اخوي خالد من شاف الشباب بيجلسون وقف
خالد: السلام عليكم
الشباب: وعليكم السلام
خالد: شباب تبدلون الكرسي معاي
واحد من الشباب: ليش؟
خالد: لاني ابي اجلس مع الاهل
الشباب وهم يفتكرون انه يكذب: دامك من الاهل ليش ماحجزت لك جنبهم؟
ناظرني واحد منهم((اكيد عرفتو اي واحد منهم)) وسألني: هذا من الاهل
انا: ايه
ناظرني من فوقي لتحتي نظره اول مره اشوف احد يناظرني بها وقال لاخوي: اتفضل جنب الاهل
ابتدا عرض الموفي وعقلي شارد افكر كل هذي صدفه؟
صدفه يحجز الكراسي الي جنبنا؟ وليش يناظرني بأحتقار؟
رند(وهي تهمس لي): شفتي اشلون يناظرونا ؟!
انا(بشويش): مدري ليش هالنظرات؟
رند: تدرين انا شاكه انهم تعمدو يعملون الحركه هذي ويحجزون جنبنا؟
انا: تظنين هذا الي صار
رند: اكيد انتي شفتي الي جنب خالد , هذا من كنا نحجز وهو يناظر فيش
انا: خلينا نشاهد ونكمل سالفتنا في السياره
خالد اخوي اندمج مع الموفي فهو كل اشوي يعطيني تعليق وكلنا نضحك
قرب الموفي ينتهي وليتني ماشغلت فكري في شي وفوت علي الموفي لانه كان حلو
خلص الموفي وفتحو الاضاءه في السينما
خالد وهو يضحك ويكلمني: شفتي وش سوى ؟(يقصد البطل الي في الموفي)
انا وانا ابتسم: بصراحه الفيلم حركات
تلثمنا وطلعنا وخالد يمشي وهو ماسك يدي وكنا كلنا انسولف(اتوقع الموفي عدل الاجواء بينا وبين خالد)
عهد: بصراحه اختيارك حلو يا مي الموفي عن جد كان رهيب
خالد:انا بودي اشاهده مره ثانيه
عهد: وانا كمان
وصارت عهد تسولف مع خالد, وانا ورند نسولف مع بعض
عهد: بنات الساعه 11
عهد: دقي يارند على السواق خلينا نرد البيت ونسهر هناك
خالد: انا رايح عنكم تحتاجون شي قبل لااروح؟
انا: لا تسلم يالاخو
خالد(وهو ماخذني على جنب): مي بكره الصباح ابيش في سالفه
انا: وش سالفته يخالد؟
خالد: انا بكره اقولش مو تباتين في بيت خالتي ام بندر
انا: انشاء الله اقدر اقنع خالتي انت تعرف اني لما اسهر عندهم تصر علي ابات عندهم
خالد:انتي دبري لكي عذر وارجعي البيت
انا: انشاء الله
ركبنا السياره وحنا انسولف
رند: وش به خالد ماخذك على جنب
انا: مدري والله يقول يبيني بكره الصباح في البيت
عهد: ليش هو صار ابوش؟
انا: وانا اش دراني
رند: انتي ماشفتي يا مي اشلون هذاك الرجال الي جنب خالد يناظر فيش كل اشوي
انا: انتبهت بس ماحبيت انبه خالد والا كان ماكملنا الموفي
عهد: انا ما انتبهت قولو لي وش صاير
رند: تذكرين الاثنين الي صدمو سيارتنا اليوم؟
عهد: ايه
رند: هم الي كانو حاجزين الكرسيين الي جنبنا
عهد: عن جد والا تمزحين؟!
رند: لا ما امزح كلامي جد
عهد: وليش هم حاجزين جنبنا؟
رند: علشان المصونه ست الحسن والجمال الاخت مي , انتي ماشفتي الي جنب خالد اشلون كل اشوي يناظر في مي
انا: يعني هذي مو باول مره تصير لنا
رند: صج بس اول مره تصير واخوش خالد معانا
انا: تتوقعين انه لاحظ
رند: 100% لاحظ
انا: وتتوقعين هذي السالفه الي يبيني فيها بكره الصباح
رند: والله مادري يا مي بس انا متأكده انه لاحظ بس ماعطى الموضوع اهميه
انا: الله يستر
وجلسنا انسولف لين وصلنا الجمارك السعوديه خيم علينا السكوت
رند: وش ذا حنا ماراح نخلص منهم
انا: من؟؟
رند: شوفي
ناظرت مكان الي كانت رند تناظره وشفت لاند كروزر ذهبي وفيه الشباب الاثنين بس ماكانو يناظرون لنا
انا: هذي صدفه
رند: صدفه عجيبه
عهد: انشاء الله تكون صدفه
ووصلنا الى بيت عهد
رند: شفتي انها مو بصدفه , الكلاب ماشيين ورانا
انا: الحمد لله انه خالد مو بموجود كان عمل لنا مشكله
دخلنا بيت عهد ونزلنا عند الباب
ام بندر سمعت عهد تقول للشغاله تروح تشيل الباقز , وجت تستقبلنا
عهد: يمه انتي مارحتي الحفله؟
ام بندر: رحت سلمت ورجعت
ام بندر: هلا وغلا وش سويتو اهناك؟ عسى استانستو خبرونيظ
انا وعهد ورند: ايه استانسنا وتسوقنا
ام نبدر: عسى بس مانسيتوني
خالتي ام بندر(( شباب)) تسولف معانا وتضحك وتوسع صدرها اي احد يشوفها معانا مايظنها ام عهد
سهرنا لغاية الساعه 3 الفجر
انا: خاله انا بروح البيت
ام بندر: ليش ياعمري؟ لا انتي بتباتي عندنا
انا: بس انا ابغي اروح اذاكر عندي امتحان يوم السبت
ام بندر: وسعي صدرش لاحقه بكره اتذاكري مافي طلعه لكم انتي ورند بتنامون عندنا
وبعد ماقفدت الامل من خالتي ام بدر رسلت مسج الى خالد اقوله اني برد البيت بكره الظهر لانه خالتي ام نبدر عيت تتركني
تتوقعون خالد وش يبي من مني؟ ومن هذوله الشباب اللي يلاحقوني؟


__________________________________________________ __________


__________________________________________________ __________


__________________________________________________ __________


__________________________________________________ __________