عنوان الموضوع : كورس مكثف للاطفال استعداد لدخولkg1... العناية بالأطفال
مقدم من طرف منتديات نساء الجزائر

كورس مكثف للاطفال استعداد لدخولkg1...








الكورس ده هيبقى تجميع مختصر لاهم الحجات الى ممكن اعلمها لطفلى استعدادا لدخوله المدرسه-international-
فى خلال الاشهر الجايه ان شاء الله حوالى اربع اشهر على بدء السنه الجديده
اقدر انى امهد واهيأ طفلى لتلقى المعلومات وانه زى مبنقول ميكرهش المذاكره او يتعبنا بعد كده
يعنى انا مش هضغط على الطفل ولا هحفظه حاجه انا بس هغير روتيين الطفل اليومي عشان بس اهيئه للدراسه
ويبقى عندو فكره تسهل عليه وعليا الدراسه بعد كده
الخطوات المهمه الاساسيه الى هنقوم بيها بشكل مستمر


تغيير روتيين يوم الطفل
نستبدل وقت مشاهده التلفزيون بمشاهده الفديوهات والاغانى التعليميه الى هنزلها هنا فالمشاركه الجايه على طول بمعدل 3 ساعات فليوم بشكل غير متصل عشان عين الطفل متتعبش اركز كل اسبوع على اربع فديوهات مثلا للطفل واشجعه يكرر معاهم الاسبوع الى بعده اشغله اربعه مختلفيين وهكذا
وهنزل مجموعه كبيره فديوهات تعلميه للحجات الاساسيه الى الطفل المفروض يبقى عارفها او على الاقل عندو بس فكره عنها للاحرف والاعداد الالوان الحيونات الفواكه
وكل ده من غير اى مجهود منك لان الطفل هيتفرج عليه وبالتكرار هيتعلم حجات كتير وهوا مبسوط لانها فديوهات مناسبه للسن ده



تغيير شكل وقت اللعب للطفل
هنخلى وقت لعب الطفل برضو وقت تعليمي من خلال افكار كتير هنزلها فمشاركه خاصه بالصور
وافكار كتير زى بسيطه
لعبه الاوامر الصوتيه stand up sit down بشكل لعبه ولما اتاكد ان الطفل فهم كويس الامرين دول ابدأ كل مره ازود اوامر جديده للعبه كل يوم اضيف امر واحد جديد للاوامر الى الطفل خلاص حفظها
jump run clap your hand knock the door
open the door close the doorوهكذا

العب مع الطفل بالالعابه واخلى خلال وقت اللعب تكرار لمفردات بلانجلش لاسامى الحجات الى فالعابهcar truck
bear animals
وهكذا



ممكن نخلى وقت فاليوم لالعاب الكمبيوتر التعليميه الى برضو هنزل روابطها فمشاركه خاصه هتعرف الطفل على كلمات كتيره جدا انجلش وهيحفظها من خلال اللعب



تنميه عضلات يد الطفل
فيه تمارين خاصه بتقويه عضلات ايد الطفل وهيا انشطه واللعاب سهل تنفيذها مهمتها ان الطفل بعد كده فالسن الصغير ده ايده متوجعوش من الكتابه وتساعده على الامساك بالقلم هيبقى برضو ليها مشاركه خاصه بالتفصيل


تحسين خط الطفل
تمارين البري رايتنج والتريسنج مهمه جدا لمساعده الطفل على الكتابه على السطر وتحسين خطه خلال اشهر قليله




تنميه مهارات الطفل اللغويه
هدى للطفل كل يومين او تلاته سؤال واجابته بالانجلش وهنفضل نكرره خلال اليوم وممكن نخليه اخ اكبر منه او اى حد فللبيت يشترك معانا فالتكرار لتشجيع الطفل

الفديوهات التعليميه والالعاب هتنمى مهارات الطفل اللغويه

اشترى للطفل حدوته بسيطه صورها كبيره وكلماتها قليله وقبل قرائه القصه نتفرج على صوره صوره ونشاور على كل حاجه فيها ونذكر اسمها باللغه الانجليزيه والطفل يكرر معانا
حتى لو حكيت للطفل الحدوته اول مره عربي عشان يفهمها بعد كده اعرفه على الصور بلانجلش
مثلا اشاور على قطه واقول cat cat لو حفظ الكلمه دى هزودها the cat is running واشرحهالو ونكررها تانى يوم اود كلمه وهكذا على مدى اسبوع هلاقى الطفل اتعلم حجات كتير جدا

لو ركزت طول اليوم على كلمتين تلاته من اى حاجه الطفل بيستخدمها العاب ملابس اكل الوان هقول اسمها خلال اليوم
كذا مره كل ميستخدمها على مدى فتره هتلاقى طفلك اتعرف على كلمات كتير جدا


شيتات تنميه مهارات الطفل
شيتات تهيئه الطفل للمدرسه وكل يوم الطفل يحل منها حاجه الى عندو برنتر هيطبعها
الى معندوش هيرسم
الى مبيعرفش يرسم يحط الورقه على شاشه الكمبيوتر ويشف الشيت بالراحه عشان الشاشه متبوظش
فكرتها تنبيه حواس الطفل وتشجيعه على انه يقدر يمسك القلم ويحل حجات بنفسه


تعليييييييييييق

>>>>> ردود الأعضـــــــــــــــــــاء على الموضوع <<<<<
==================================


بارك الله فيك


__________________________________________________ __________

الله يبارك لك


__________________________________________________ __________

دئما مواضيعك جميلة وراقيه جدا
يسعدني تواجدك بالقسم ..نورتي عزيزتي
وسام للموضوع المميز +5 نجوم ..مع باقة ورد


__________________________________________________ __________



__________________________________________________ __________

موضوع في قمه الفائده والرقي الله يعطيك العافيه حبيبتي ....