عنوان الموضوع : قصة ولادتي ببنوتي -للحوامل
مقدم من طرف منتديات نساء الجزائر

قصة ولادتي ببنوتي



بسم الله الرحمن الرحيم
اشلونكم يا حوامل و يا امهات و يا متزوجات


قبل يوم من ولادتي حسيت بتتعب وثقل حسيت انه مشيتي وقومتي ثقلت معاي وحركتي وشغلي بالبيت وحتى دراسة اعيالي للمدرسة حسيتها صعبة كنت اعلمهم وانا ع السريروكنت حاسة اني بس باولد اليوم او بكرة
احب اقولكم اني في ولاداتي ما استخدمت شي ولا شي حق اسرع الطلق غير الجماع ولله الحمد واختي قالت لي شربي ماي ورد و شربت وتمر وبس مع اني ماكنت مداومة ع مشي

لما كنت ادرس اعيالي جالي طلق قوي قوي قوي لدرجة انه واحد من اعيالي يقولي يمه اش فيج بتموتين مادري اضحك ولا اصيح بس احين اذكر و اضحك المهم نكمل من الالم قمت عن اعيالي وقمت امشي اشوي ولكن ماقدرت اكمل رحت انسدحت شوووي ع سرير تميت يمكن ساعة وكان طلق كل شوي يرد كنت بس انتضر انه الماي يطيح مني وقمت و تسبحت ابي اشوي الالم يخف و سويت شعري وتعدلت ليما الطلق يزيد وبعدها تمددت ع سرير ونمت وريحت شوية

مسكين زوجي كل شوي يسالني نروح المستشفى كنت ارد عليه لا للحين مانزل الماي وخلها تنزل و نروح وقمت من النوم و سويت عشا ع سريع ونومت اليهال ورحت امشي مع زوجي نص ساعة بس و رديت البيت و فيني طلق بطي حسيت وفي اليوم الثاني رحت مشيت نص ساعة وبعدها رحت المستشفى ع طول وفحصوني وقالت لي الدكتورة تحت فاتح بس 1 سم فرحت لاني قريب باولد وقالت بس الطلق مو حامي عندج.بطئ قالت انتي ردي البيت لو صار نزلت عليج الماي او دم او زاد طلق ردي ع طول فرخصوني ورديت البيت حتى طبخ ما طبخت طلبنا شي من مطعم وقعدت اعدل الشناط حق البيبي و شنطة المستشفى اشوف ايش ناقص ولما رحت الحمام نزل علي شوية دم نقط.خفت شوي بس ما رحت المستشفىكملت يومي درست العيال وفي ليل رحت امشي وبعد المشي رديت و قعدت مع زوجيوصار الي صار و بعدها رحت اتحمم وانه بالحمام الله عزمكم طلع شي نفس مخاط شوي وحسي بضهري يالمني لدرجة اني تميت فترة بالحمام تحت الماي ابي الالم يروح وبعدها كملت وبدلت ودخلت انام الساعة 12 باليل وانا تعبانه حيل تميت اون واتالم ونمت والساعة 3 الفجر قعدت ع بداية طلق الحقيقي اللي طير النوم من اعيوني قعدت ابي اصبر روحي بعد بس لا ماقدرت لانه بس انه ع ولادة وهذا طلق ولادة بس مافيه صبري بعد شوي قعدنا العيال ودهم زوجي بيت عمتهم ع طول طارينا المستشفى وانا بالسيارة اتالم كنت خايفة اولد وكنت اقرا كم سور من القرآن و ادعي الله سهل علي و اسبح واستغفر وصلت المستفى حسيت روحي عجوز ما كنت اقدر امشي مسكني زوجي ووصلني غرفة الولادة وخذو مني عينة بول الله عزكم وشيكو تحت وسالوني لو في ماي نزل فقلت لا مافي ماي ينزل فقامت الدكتورة و جابت عود وغزت الكيس من داخل ونزل ع طول الماي وزااد.طلق من قالوا بس ولادة كنت ارتجف وعيني من حالها ترف كل شوي والله الوحدة تحس في روحها انها بتموت بس انه مابي اخوفكم بس صج سبحان الله كيف حالتنا صعبة وقت الولادة كنت ادعي ربي اني اقوم بعد الولادة هالمرة الحمدالله بطحتني الدكتورة ع سرير وسالتني كم سؤال وكنت اقول لدكتورة دكتورة باولد شوفي تحت دكتورة ترد بعد شوي احس شي بيطلع مني فترد لابعد شوي فصرخت صرخة اقولها بيبي بيطلع ف فخافت الدكتورة وع طول جات و نادت باقي السيسترات وبدا ورفعت رجلي ومن تعب كنت مو قادرة ارفع رجلي وكنت ادفع وكنت اسمع كلام الدكتورة ادفع وريح ادفع وريح كنت تعبانه عيني بالغصب اقدر افتحها وكنت بعد اقول هانت مابقى شي واكمل التعب بيدي والحمدالله طلعت بنتي الغالية غالية وكانت الدكتورة ولادتج كانت سريعة كل شي سريع وبسرعة الحمدالله يمكن في ربع ساعة دخلت الغرفة وولدت الحمدالله و الشكر لله ع سلامتي انا وبنوتي

>>>>> ردود الأعضـــــــــــــــــــاء على الموضوع <<<<<
==================================


الحمد لله ع سلامتك اختي ولادتك كانت سهلة وميسرة بفضل رب العالمين

مبروووك البنوتة

تتربى في عزكم ان شاء الله

وربي يحفظ لك زوجك واولادك


__________________________________________________ __________

الف مبروك والحمدلله على سﻻمتج ان شاءالله
تتربى بعزكم


__________________________________________________ __________

الف الف مبروك البنوته والحمدالله على سلامتك وسلامتها وتتربى بغزكم


__________________________________________________ __________

الحمدلله عسلامه ومبارك البنوته


__________________________________________________ __________

ماشا الله لاقوة الا بالله
بارك الله لك في الموهوبه وشكرتي الواهب وبلغت اشدها ورزقتي برها
بس مو توك جايبه بنوته جبتي ورا بعض تهي تهي