عنوان الموضوع : بنات جدة تعالوا , مهم مهم مهم , الكل ينفذ في بلده
مقدم من طرف منتديات نساء الجزائر

بنات جدة تعالوا , مهم مهم مهم , الكل ينفذ في بلده



بسم الله الرحمن الرحيم

باختصار يا بنات انا ضغطي الان مرتفع لانه البنات والاطفال صاروا اخوانهم يتحرشوا فيهم و مو عارفين كيف يتصرفوا و خايفين يشتكوا و فضايح وكده و بنفس الوقت مو طايقين الغم الي هما فيه و منهم اطفال و اخوانهم او قرايبهم يتحرشون فيهم ليش ما نعمل توعيه بالمدارس ونوجد حلول .

الفكرة : نجتمع كم بنت مع اختصاصيين في التربية و نفسانيين و نعمل عرض عن الحلول للبنات و نروح نلف في كل مدارس جده و الجامعات و نروح مسارحهم ونعمل توعية كيفية التصرف للبنت في هذه الحالات و تروح لمين و تشتكي مين و نحذرهم انه ما يقتلوا نفسهم او يقتلوا الشخص الي بياذيهم لانه اكيد من قهرهم حيحسوا انهم يبغوا يقتلوه ,
يعني باختصار نجمع الحلول في عرض و نلفلف في المدارس و الجامعات على الاقل المدارس و نشرح لهم كيفية التصرف و لازم يكون في اختصاصيات معانا . ايش رايكم


لازم نوقف مع البنات لانهم منجد عايشين في جهنم و ما يقدروا يتكلموا .

ايش رايكم بالفكرة و اذا ما اعجبتكم او ما تقدروا تسووها احذفوا موضوعي .

انا جاتني الفكرة لانه لمن كنت بالثانوية كانوا يجونا طبيبات يعملولنا عرض عن التبرع بالدم و هما كم طبيبة بس لكنهم يعملوا اثر كبير في كل المدارس و يحببوا البنات لفعل الخير و كانوا يكلمونا عن انفلونزا الطيور و غيره , او تجينا مدربة لغوية عصبية و تعلمنا .

من هنا استوحيت الفكرة يعني حتى اذا انتم ما تقدروا كلموا صحباتكم يمكن يقدروا يساعدوا او اذا تعرفوا اختصاصية تساعدنا منجد يكون افضل .

خلينا نساعد اخواتنا يطلعوا من العذاب هذا .

معليش طفشتكم و كئبتكم بس مرة مقهورة على بنات كثير زي كده و مو قادرة اساعدهم الا بالطريقة هذه .

بنات لازم نوقف معاهم ممكن لو طفلة استفادت و لمن اتحرش بيها شخص عرفت انه الشيء هذا غلط و اشتكت نكون ساعدنا شخص على الاقل .

الله يحميكم و يحمينا جميعا و يهدي الجميع

>>>>> ردود الأعضـــــــــــــــــــاء على الموضوع <<<<<
==================================


فعلا فكرة ممتازة
الله يسدد خطاك وياليت اقدر اساعدك
موفقة اختي


__________________________________________________ __________

كبداية الي يبغا ينفذ الفكرة معايا و تكون جادة طبعا الفكرة هذه حتنفذ في جدة , و اذا في اي بنت تبغا تنفذها في بلدها تجمع بنات و تعملها و نساعدها بالافكار .

كبداية :

1- نجمع بنات , و الاهم اختصاصيات او اي مختصة تحب تساعدنا و تكون معانا .

2- نعمل العرض او نحط افكار كيف نوجد الحلول لهذه المشكلة مع الاختصاصية .

3- البنات الي يقدروا يخرجوا و يساعدوا يروحوا مدارس البنات و نعرض فكرتنا على المديرة انه نعرض العرض على المسرح و نكلم البنات بالمشكلة هذه او حتى بالساحة اهم شيء كل البنات يعرفوا كيف يتصرفوا اذا تعرضوا للشيء هذا و اكيد حيكون في بنات حصلهم زي كده .

4- الي تبغا تنفذ معايا تراسلني عالخاص و حاعطيها ايميلي و اقسم بالله اني بنت و نبدا اول خطواتنا .

انا ابغا بنات ينفذوا معايا عشان اتشجع انا اعرف استاذة زين عطية و مدري اكلمها اذا تقدر تساعدنا .يلا بنات

خلينا ايد واحدة لفعل الخير


__________________________________________________ __________

سبحان الله و بحمده سبحان الله العظيم


__________________________________________________ __________

موفقات يارب
الموضوع هادف وعلاج طيب بس يبغاله تعاون وتكاتف وهمه وعزيمه
ولابد من مختصاات نفسيات وتربويات لانتقاء الكلمه الي توصل بحسب الاعمار
موفقات يارب


__________________________________________________ __________

المشاركة الأصلية كتبت بواسطة ياربي تلم شملي
موفقات يارب
الموضوع هادف وعلاج طيب بس يبغاله تعاون وتكاتف وهمه وعزيمه
ولابد من مختصاات نفسيات وتربويات لانتقاء الكلمه الي توصل بحسب الاعمار
موفقات يارب

طبعا لازم مختصات عشان كده ابغا البنات يشاركوا و اكيد كم بنت تقربلها مختصة او شيء و بكده نتساعد