ليه يصير معنا كذا مجابة
عنوان الموضوع : ليه يصير معنا كذا مجابة
مقدم من طرف منتديات نساء الجزائر
ليه يصير معنا كذا
اتمنى يا اداره تنزلون موضوعي الله يحفظكم
بدخل بمشكلتنا توفى ابوي وحنا صغار وبعدها توفي اخوي وعشنا حياه صعبه و الناس تساعدنا وكبرنا والناس تساعدنا اختي اشتغلت اربع سنوات والحمدلله تحسن وضعنا لكن استقالت لان المدير الجديد حقير حسبي الله بس يبيها تكرف كل الشغل لحالها من دون راتب وكل ما بغينا نروح مشوار ندور احد يوصلنا مافيه نقعد بالبيت حتى مرات نضطر ناجل مواهيد المستشفيات وحتى الناس الي يعرفونا ياخذون حق التوصيل هذا وهم عارفين الظروف المكان الي عايشين فيه مافيه مكان لتوظيف وامي رافضه نعيش بمكان زي الرياض او الدمام بسبب خوفها وتقول هنا اضمن واامن تعبت من الحياه الصعبه متخرجه لي ثلاث سنوات ما توظفت تخيلو لين اخذت دورات تدريبه يستغربون من شطارتي ويقولون نتمنى تتوظفي هنا ولين قدمت اوراقي ماحد يتصل فيني واختي دور شغل تخيلو يجونا تجار شياب عشان نتزوجهم ليه وش ينقصنا عشان نتزوج شايب وحنا جميلات وجامعيات بس عشان مالنا ابو حالنا تعبان خلاص بنوافق و بعد عندنا اقارب اعوذ بالله منهم حسد وغيره اختي يوم توظفت يدقون عليها يبون فلوس يعني بالله مو حرام ناس بوضعنا تبون منهم فلووس ولين رفضت اختي تعطيهم يطلع الحقد والحسد وتدرون اقاربنا كلهم موظفين والله ما قد طلبنا منهم شي ولا نطلب من الناس بس الناس يساعدونا وهالشي حاز في خاطري يعني ليه ما توظفت ليه خواتي ما توظفو انا من الاوائل وخواتي يعني كم سنه متخرجه وقاعده كل صديقاتي الي تزوجت والي توظفت والي كملت دراسه
بس انا الس قاعده في البيت انا ما اناظري غيري او احسده على الي عنده بس ظروفي اتعبتني ودي اشتغل ودي اغير وضعنا للافضل ليه كذا حالنا انا ما ابالغ بالعكس هذا شي قليل من الي يصير بحياتي احس نفس قاعده امرض من القعده بالبيت واشوف خواتي كذا
>>>>> ردود الأعضـــــــــــــــــــاء على الموضوع <<<<<
==================================
ما اقدر اقول الا اله يكون في عونكم
ويرزقكم برزقه
__________________________________________________ __________
أحرصوا ع أن لا يخلى البيت من الذكر و التسبيح و التهليل ..
__________________________________________________ __________
ادكرو الله كثيرا وهو يرزق من يشاء
__________________________________________________ __________
الله يفرج همك يا أختي والله يسهل دربك ويعطيك على قدر نيتك واللي الله كاتبه لك ماحد بهالدنيا يقدر يرده سواء وظيفه أو زواج كلها أرزاق من رب العالمين بس عليك بالدعاء وبذل الاسباب
__________________________________________________ __________
اختي لاتقولين ليه حالنا كذا وليه وتقعدين تتاسين وطالعي لمن هو دونك
وابصري نعمة الله عليكم لو كان تشوفينها بسيطه وماحسدونكم الا انكم بخير وطالعي لمن هو دونكم
حمدالله متخرجات وجميلات مثل ماتقولين والعافيه والامان وعندكم بيت ساتركم وامكم معكم بالله هذي مو نعمه صح فيه قصور فحياتكم من ناحية الرزق ومن يتكفل بكم لكن لاباس لاتصير نظرتك ضيقه احمدي الله على مااعطاك واعطا اهلك وان كان تشوفينه بعينك قليل ولاتقولين غيرنا وغيرنا انتي تدرين ان غيرك مرتاح يمكن مرتاحين من اناحية الرزق وشقيانين ب شي ثاني وافضل نعمه هي نعمة الايمان يالله كم تايه بالدنياه وكم كافر وكم متمادي بالمعاصي حبيبتي الله معاكم ولاتسيئين الظن بالله
والانسان مقدر عليه رزقه وكل شي مكتوب (قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ)
مستحيل يخرج شي عن المكتوب والمقدر لك ولاتقعدين تعاتبين على الناس وتلومينهم اذ بيساعدكم جزاهم الله خير واللي مايبي الخير موبالقوه الرحمه من عندالله (وإن يردك بخير فلا راد لفضله )
ولاباس اذ احتجتو تطلبين من اهلك وماعرفكم لكن لاتلحقيهم بلوم واستعيني بالله هو المدبر والميسسر
ومايرد القدر الا الدعاء اكثري من الدعاء .. والصلاه على نبي صلى الله عليه وسلم اكثري منها وخاصه يوم وليلة الجمعه بنية ان الله يفرج همكم لان اذ صليتي عليه صلى الله عليك واذ صلى عليك اخرجك من الضلمات الى النور من الضيق والمحنه اللي انتي فيها للفرج
والله يسعدك ويصلحك ويصلح احوالكم
رد مع اقتباس
