مشكله يبيلها حل -تم الاجابة
عنوان الموضوع : مشكله يبيلها حل -تم الاجابة
مقدم من طرف منتديات نساء الجزائر
مشكله يبيلها حل
سلام بنات بقولكم مشكلتي
انا احب واحد اكبر مني بسنتين سارلي
معاه جم شهر بس حييييل تعلقت فيه
اهلي درو
بعلاقتنا وبدت الدنيا السووووده
حرموني من فوني ومن TV والطلعه وخلوني
غصب البس عبايه واهم شي احرموني من
حبيبي ما عمري حبيت غيره محد يونسني
كثره ومحد يتعبني فراقه كثره اصلا اهو
حبي الاول طول عمري ما فكرت احب
بس يوم عرفته حسيت اني ضعيفه
جدامه دايما لما اشكيله يقولي مادري
يمكن جذي لما يقول جدي انا امووووت
من الضحك بس مرات تنرفزني كنت احط
حسابي بال kik بالاستغرام عشان يغار
ويعصب ويقولي شيليه اهو حييييل يغار
بس مرات يضايقني بغيرته بس احبه انطر
بنت خالتي تجي عشان اشبك واكلمه لان
اهلي ماخذين فوني سار اكثر من 4 شهور
اطول واخيس شهور مرت في حياتي تحبت
من البجي تعبت من السجن الي عايشه فيه
سارو اهلي بكل شي يشكون فيني ياخي احبه
والله ابيه فكرت اني اجذب عليه عشان نفترق
ما ابيه يتعذب اكثر من جذي اهو يدري ان اهلي
عرفو بعلاقتنا بس ما يدري ان للحينهم م عطوني
فوني سارلي 3 اسابيع مو مكلمته احسها قرن
كرهت اهلي ما اداني اشوفهم احس اني بزوع
اذا شفتهم عاد انا لساني طوييل واقل ادبي
واتهاوش شوي مو واجد هل فتره قمت اطلع
كل ما اطلع اشوف اسمه بكل مكان بكل محل
وهالشي يموتني ويذبحني ويدمرني محد حاس
فيني فسرت ما اقول اي شي لحد بناااات ساعدوني
مادي نفترق او نصبر شنو احسن يليت تساعدوني
لاني م اقد اتحمل اكثر من جذي
>>>>> ردود الأعضـــــــــــــــــــاء على الموضوع <<<<<
==================================
إنتتتتي صاحيه ؟؟
__________________________________________________ __________
اجل قولي له المره الجايه
اهلي صادوا جوالي و مقدر على فراقك
فتقدم لي علشان تكون علاقتنا بالحلال و في النور
ومحد يفرقنا عن بعض
هي واحد من اثنين
اما هرب و تحجج
و اما عرفتي انك فرطتي في ثقة اهلك فيك على شي ما يسوى
و احتمال 1٪ يطلع جاد و يخطبك
برضه نحط احتمال على النيه ما ندري عنها ولو ان مواقف الشباب تتشابه
باقي اسلوبك مع اهلك احسن شي فيهم انهم معطينك طاف و مو شاغلين
انفسهم برضاك او زعلك
و انتي بنت قويه و قليلة حياء مو ادب لان الظاهر اهلك ربوك بس
النفس اماره بالسوء و انتي عاقه و جريئه و عاصيه
احيي في اهلك اسلوبهم الحضاري في التعامل معاك
بس انتي ما ينفع معاك الاسلوب الحضاري
انتي يبي لك فرش بخيزران منقوع بماء اسبوع يخليك تعضين الارض
__________________________________________________ __________
نحن في اي زمن صرنا حب شو خرابيط شو لاه وفشهر تموتين عليه يابنتي اعقلي واذا صح يحبك كان جاك من الباب وخطبك
__________________________________________________ __________
إذا يحبك ويغار عليكي صدق يجي للبيت من أبوابها وتكون علاقتكم في النور
__________________________________________________ __________
خليه يخطبك لانه العلاقه هاذي حرااام
رد مع اقتباس
