عنوان الموضوع : محتاجه رايكووو للضرورة
مقدم من طرف منتديات نساء الجزائر

محتاجه رايكووو للضرورة



حبيباتي اخواتي صديقاتي السيدات والبنات والاعضاء كلكووو
كيف الحال يارب تكونو كلكو باحسن حال

جياكم بمشكله اليوم او استشاره على الاغلب اتمنى الكل يشاركني الراي
فما خاب من استشار
يارب يهدينا الى الصواب يارب

بنات اللي بتعرف واللي ما بتعرف انا ما بجيب ولاد لمشكله عويصه جدااا يعني عقيم ولله الحمد

ورزوجي مافي شي يعني ما بيعاني من شي الحمدلله
هو بيبحبني واحنا باقيين عالعهد انو ما راح نترك بعض انا بحبو كتير وكان نفسي جيب منو ولاد لكن ما عنا طب كويس هون يعني كل طبيب رايو شكل وانا نفسيتي تدمرت وصرت ادخل عالنت وابحث عن الحالات اللي متلي بجد تعبت والله نسي بولد او بنت يملي عليا حياتي مع انو صعب بس ما في شي صعب على رب العالمين

هلا اثناء التجول من منتدى لاخر من فيس بوك لاخر لقيت في طبيب الناس بتعرض مشاكلها وهو بيرد وهو طبيب مشهور وله صور عالفيس وباين انو ممتاز وخريج دوله اوروبيه
هلا انا من باب النجده يعني متل ما بيحكو الغرقان بتعلق بقشه ارسلت له انو بدي اتواصل معو ما كنت متوقعه رد متل اي حدا قبلو عملوها فيا كتير

لكن فوجئت انو رد وبكل ادب واحترام وهو خلوق وما شاء الله وشرحتلو الحاله مصحوبه بالتقارير وحكالي انو حالتي تبشر بخير مو متل ما بيحكو الاطباء اللي ببلدي حكولي انو صعب العلاج بل مستحيل لا تاملي حالك لكن هو نصحني انو باقرب فرصه ازور البلد

هو شكلو مو استغلالي انو تجاري لانو وضحلي الصورة ووصفلي العلاج عالنت وانا بئول الافضل انو ازورو ببلدو وحكالي انو البلد اللي هوا فيها عالج كتير من نفس الحاله وهما امهات الان بامر الله

انا بامكاني ازورو بس محتاجه شويه اجراءات بسيطه ويارب الامل فيك يا كريم

بتنصحوني اروح واتوكل عالله قاصده الله مع العلم اني حبيع قطعه من ذهبي لهذا الشان لان زوجي دخل مشروع جديد وحطينا كل مصرياتنا منشانو فما بدي اضغط عليه لاني بعرف البير وغطاه لو معاه والله كان ما قصر ولا كان فكرت ابيع شي

شو بتنصحوني اروح واجازف وربنا يتدبر امري ولا اسكت واوكلها لرب العباد شو بتنصحوني امانه
ردو عليااا الوقت عم يمر وما بدي اكبر اكتر من هيك وما لاقي حدا جمبي واذا جوزي اليوم جمبي ربنا يعلم تأثيرات الحياه رغم حبنا لبعض هلأ

دلوني ربنا يدلكو عطريق الخير ياااااااااااااارب

>>>>> ردود الأعضـــــــــــــــــــاء على الموضوع <<<<<
==================================


توكلي على الله حبيبتي واعملي بالأسباب ولاتنسي صلاة الإستخاره والله يرزقك إن شاء الله الذريه الصالحه..


__________________________________________________ __________

بما ان الطبيب اطلع على تقاريرك الطبيه وطمنك ان في علاج
ليه لا ؟؟ روحي بيعي الذهب من غير تردد وان شاء الله يكتب لك الذريه الصالحه
موفقه


__________________________________________________ __________

حبيبتي اتوكلي على رب العالمين وروحي سافري
لعلى وعسى يكون رب العالمين كاتبلك الشفاء على ايد هالدكتور
الله يرزقك ويرزقني ويرزق كل محرومة بالذرية الصالحة ااااااااااااامين يارب العالمين
تقبلي مروري


__________________________________________________ __________

حبيبتى عليكى بصلاة الاستخارة اولا وتوكلى على الله
لعل الله يجعلة سببا فى رزقك بالذرية
ربنا يوفقك لما فية خير ويفرحك بالذرية فى القريب العاجل ان شاء الله
انتى واختى مونو وكل محروم مسلم يااااااااارب


__________________________________________________ __________

شكرا يا بنات رديتو فيا الامل كنت خايفه اكيد حعمل بنصايحكو يعني حصلي استخاره واتوكل عالله