زوجي وعيشتي معه
عنوان الموضوع : زوجي وعيشتي معه
مقدم من طرف منتديات نساء الجزائر
زوجي وعيشتي معه
السلام عليكم ورحمة الله وبركاته
بدخل ف الموضوع ع طول
انا وحده متزوجه مره ثانيه من شخص متزوج وعنده اولاد
عمره 44 موظف ف وزارة التربيه والتعليم
اخلاقه معي وتعامله معي غريب جدا ,,,هو يشتغل ف المقاولات يعني يداوم الصباح ف الوزاره
ومن بعد العصر يشتغل بالعماير
المشكله ماكاني متزوجه ماشوفه الا ساعه او ساعتين باليوم بس
يجي الضهر احيانا متاخر واحيانا مايجي الا بالليل وا>ا كان اليوم يومي يطلع عند زوجته واولاده
وا>ا يومها هي مايجيني ولا اشوفه الا اليوم اللي بعده اللي هو يومي .كلمته ك>ا مره وعلمته قلت روح لهم بيومي ساعه وتعال عندي ف يومها ساعه بس مع نفسي
اذا اتصلت عليه مايرد وين ووين يرد علي وارسل له رسايل ع الواتس رسايل حب وشوق واحيان عتاب اذا كنا متزاعلين .........مستحيل يرد عليها يقراها ويطلع
والحين مسوي لي حظر ف الواتس ف جوالاته الاثنينليش مدري
بنات لما يجي عندي بس صامت مايتكلم بس انا اللي اهرج واضحك واسحب الكلام منه
واذا تكلم معي كلامه استفزاز ولازم يجيب سيرة زوجته مدري ليش
تخيلوا ماله ملابس عندي!! بس ثوب واحد وغتره وحده سحبتها عليه ب القوة وكم لبس داخلي وماله اي اغراض ثانيه
تخيلوا كمان انه لما ينام عندي زوجته اللي تصحيه الساعه 7 وهاك يازعاج ف الجوالين ويصحا وع طول يروح عندها ويلبس ملابسه من عندها ويروح دوامه ماعمره لبس من عندي وداوم...اصلا وش يلبس وماعنده شي ف بيتي
كلمته كذا مره وطلبته ملابسه لي سنه معه احاول فيه يجيبها ومو راضي
مطبخي ناقصه اغراض كثيره وموراضي ينزلني
جالسه ع باطرمه قديمه حقت اخوه واقله ابي اغيرها كنب ويسحب فيني
مقاضي بالبيت ماتجي وعاد فيني نفس وتجي ناقصه كمان
بنات والله انه لما يدخل ارحب فيه واضحك واسولف ويجي وانا لابسه وكاشخه بس احس كشختي ولبسي خساره لانه مايطالع ف خشتي
ماعمري خرجت م البيت الا لاهلي وارجع بس يعني ماقد خرجت وتمشيت معه او قد نزلت السوق صار الشارع والعالم الخارجي ب النسبه لي غريب ونفسي اشوفه
مليت م البيت والوحده انخنقت كرهت الزواج وكرهت حياااتي معه
ماعمره اتصل علي او سال عني اذا كان عندها بعكس لما يكون معي لازم هي تتصل ويرد عليها او يتصل هو عليها يسالها عن شي
بنات انا عايشه وحدي ومع نفسي بس ومتزوجه ع الورق بس
حتى الحمل رفض احمل وحريص جدا جدا اني احمل وع قوله بعد سنتين احمل ... اتوقع تصريفه
الحين متزاعلين بس اول مايدخل البيت ع طول الغرفه ينام ولا كان فيه بشر ف البيت
صراااحه افكر ف الطلالالالاق لان مو هذا الزوج اللي تمنيته ولا هذي الحياه اللي بغيتها
ظلم ف ظلم
احسه رجع للاولى رغم المصايب اللي سوتها فيه
قولوا لي وش اسوي تعبت ومليت وم تزوجته وانا بس ابكي م وحدتي وعيشتي الكئيبه
واذا تعرفون مفتي اسالوه وش الحكم اذا طلبت الطلالالالالالالالالالاق
وانتظر ردودكم
>>>>> ردود الأعضـــــــــــــــــــاء على الموضوع <<<<<
==================================
اذ ما قدر يتعدل بينكم ليه تزوج مرتين
اوووووووووف اكره هل نوع من رياجيل
الله يعينك
رفع
__________________________________________________ __________
الله يسخره لكم ويعدل بينكم ان شاءالله
__________________________________________________ __________
هاذا وش وضعه ليه متزوجك اجل
تفاهمي معه مو عيشششه ذي قلي له وش فايدتي معك
مزهريه قدامك اذا م يبيك خليه ياخذك عند اهلك ازين
اهم شي تفاهمي معه واسئليه ليه يسوي كذا
الله يسخره لك ي رب
__________________________________________________ __________
بنات معليش يعني الاخت منزله الموضوع تبي احد يفيدها مو احد يعلمها بغلط زوجها وتأخذ رأيكم كيف عيشتها معاه وكيف تعامله ! يعني قولوا خير ولا اصمتوا
كلامكم جداً محبط وكله ملامه على الزوج هو غلط صح بس لا تقعدون تعيدون وتزيدون عليها
اختي الموضوع بإذن الله بإذن الله بسيط دامك منتي مقصرة معاه في شيء تلبسين وتحبينه وترحبين فيه فهذا الشيء فاقدينه كثير من الرجال في زوجاتهم وانتي تملكينه ماشاء الله
حاولي تدخلين واسطه من اهلك اللي يكون قريب من زوجك يعني متقبلين بعض
يكلمه ولعل الله يهديه
وعلى كيذا زيدي في اهتمامك فيه وببيتم وبالكلام الحلو معاه والله تكسبينه بإذن الله
ولو تحملين وتولدين صدقيني رح يحس بإنتماء اكثر لبيته معاك
مع العدل بينك وبين زوجته الاولى بإذن الله
وآخر شيء فكري فيه الطلاق
__________________________________________________ __________
روحي اشتري له ملابس داخليه
يعني اذا تبغين ملابسه عندك
سوي كذا وعلميه مايوديها عندها
وحاولي اذا جاء ينام حطي جواله صامت
قولي حطه صامت يزعجنا صوته...
قومي قبله وجهزي فطوره ولبسه
وحسسيه انك مهتمه فيه ماعليه
هذي معركه الضره واللي تدخلها
لازم تكون قدها. الاولى ماعرفت
تصحح اخطائها الا عندما تزوج عليها.
ومع انها مقهوره منه لانه تزوج عليها
الا انها تعرف مفاتيح زوجها وتشتغل عليها
يعني عشرة سنين بتكون فاهمته عدل
وانتي ياعزيزتي لو عرفتي مفاتيح زوجك
بسهوله تتعاملين معه..لان انتي المفضله
انتي الصغيره والثانيه يعني افهمي زوجك
تكسبيه. ونصيحه لاتفكري بالطلاق حرام
يتشتتوا الاولاد...وايضا مازال هناك امل لتغييره
رد مع اقتباس
