عنوان الموضوع : الصدفه والقدر ..
مقدم من طرف منتديات نساء الجزائر

الصدفه والقدر ..



السلام عليكم
شخباركم ي خواتي
بصرااحه بقولكم شيء كاتمته في قلبي .. يعني بفتح لكم قلبي ..
اول شيء انا من عائله محافظه ولله الحمد ما عندنا بنات يطلعن لوحدهن مع السواق وكذاا ..
ثاني حاجه .. اهلي ما يعطونا الحق لكل وحده تملك لها رقم لااا يشوفوه عيب وما يصلح ..
مجرد يكون معانا جوالات فقط بدون رقم ..
المهم مشكلتي ماهي هنا ..
انا سجلت في برامج التواصل الاجتماعي وبالاخص ( تويتر ) وبأسم مستعار لاني ما احب احد يعرفني ..
المهم حصل معي موقف وصار سوء فهم ..
انا رديت ع شخص وربي وربي على بالي بنت ما كنت متوقعه انه شااب ..
المهم حذفت انا ردي عشان ما يفهم غلط وعدت الامور عاادي ..
من بكراا لقيت الشاب ارسل لي ع الخاص يسلم وكذا
المهم انا استغليت الوضع عشان اعتذر عن سوء فهمي ع بالي بنت .. طبعاً هو تقبل ورحب فيني ..
والله يا بنات انا ما اراسل شباب ولا قد بحياتي راسلت ولا راح اراسل ان شاء الله ..
وكل ما جاني شخص يبغى تعارف وكذا اقوله انا ما اكلم شبااب ويرووح ع طول ..
لكن هالمره غير .. والسبب هالصدفه وسوء الفهم اللي حصل خلااني اراسله ..
هو كان يسال اخبارك وكذا ويقول عادي نتراسل فـ انا ما حبيت احرجه قلتله اذا عندك شي تبي تقول تفضل ( يعني اخلص عطني اللي عندك وروح ) ..
المهم بديت اتكلم معااه في نفس اليوم وانا احاول ابين له اني متضايقه ومو حابه اراسله ..
المهم لما جاء الليل حسيت ان الموضوع كبر وذا حرام اراسل شخص ما عرفه واخون ثقة اهلي اللي عطوني ايااها ف عشان كذا صارحته وقلت له انا ماحب اراسل شباب وكذا وهو كان يقول اعتبريني اخوووك ..
المهم وربي يا بنات ان راسي صدع طول ذيك الليله واحسه بينفجر من كبر الهم والقلق من ذا ..
المهم حاولت وحاولت والشاب ما زال متمسك فيني .. مرت ايااام وانا على ذي الحال بس وربي ما كنت مرتاحه واحيانا وربي اطنشه ما ارد عليه واحيانا اهاوشه وكذا وكنت اقوله انا محترمتك وياليت تحترم قراري وتبعد عني ..
المهم يا بنات ذا الشاب مو مثل غيره يعني لو واحد ثاني كان تركني وليش يذل نفسه عشاني ..
لكن ورربي ورربي يا بنات اني انا فااهمه سوالف الشباب وادري انهم لعابين عشان كذا كنت حاطه براسي حاجه
( اني مهما حبيته مسسسستحيل يتزوجني ) لأنه اولاً مو من قبيلتنا ولو ولو حصل زواج راح اطيح من عين اهلي لاني تعرفت عليه عبر النت وما راح يثق فيني
يعني مستحيييل يكون في شيء بينناً ابداً ابداً فـ ليش انا اتعب حالي واعيش اوهام واطيح بالحب ..
صحيح اني تمنيت اني اعيش قصة حب مثل باقي البنات بس ما تمنيتها كذاا ..


المهم عشان ما اطول عليكم
ذا الشباب حيل متعلق فيني يا بنات وربي ما ابالغ
انا هاوشته ذليته استهبلت عليه لككن للاسف ما زال متمسك فيني سويت كل شي بس عشان يكرهني لكن عجزت ..
وصدقوني يا بنات ما عمره قال لي احبك او حياتي وقلبي والكلام السامج ذا تدرون ليه ؟
لاني موقفته عند حده .. ولو قال زي هالكلام بطلع ع طول واتركه وهو ما يبيني ازعل
المهم يا بنات بعد تقريبا اسبوع او اكثر اصرت علي صديقتي الغي متابعته عشان ما يرسل لي ..
انا سويتها والغيت متابعته وحسسيت براحه وهو كمان بعد كم يوم الغاني ..
بعد تقريبا اسبوع او اكثر انصدمت لما شفته رجع تابعني
وربي ما توقعت يرجع يراسلني ع بالي عنده كرامه ومايسويها
المهم انا ما حبيت اجرحه واذله وما حبيت اكون مغروره وتاابعته
وانصدمت وربي لما ارسلي ويقول ماقدرت انساك وكذاااا ..
وصرنا ع ذي الحال نتراسل يومين واذا قال شي ازعل واتركه ونجلس اسبوع بعدين يرجع يرسل لي
وارد عليه وعلى ذي الحال يومين ونتهاوش وبعد اسبوع يرجع وكذاا ..
تصدقون كان يقول لي انتي تبيني ولا لا ؟؟
وانا ما كنت اجاوب عليه تدرون ليه ؟
لاني لو قلت أي ابيك راح يتعلق فيني ولو قلت لا راح اجرح مشاعره ويحسبني بس اذله واهينه وانا وربي ماحب كذا
ف كنت اسكت واغير الموضوع ..
المهم هو ارسل لي صور له وسوا لي تصاميم وارسلي بيت شعر واغاني تعبر عن حبه لي ..
لكن كل ذولي ما اثرن علي .. وكنت دايم اقول اتركني مابي اراسل شباب ويقول انا مو زي الشباب وبعدين صار يصارحني انه يحبني واني دخلت قلبه ..
ويقول ابي سبب ليش ما تبيني قلت ما احب اسوي علاقة عبر النت لأنها ما تنجح ..
وعلى ذي الحاال من ششهور وانا اهدده وربي يا يتركني يا احذف حساابي كله
المهم في الفترات الاخيره قرر انه يتركني لاني مو معبرته واني ما احبه وكذا
انا قلت له اووكي الله يسعدك .. المهم تركني اكثر من شهر ..
بصراحه صار بـ افكاري واتذكره بس احاول اتناساه
قبل كم يووم قررت احذف حسابي وارسلت له بصراحه اني بودعه واحذف الحساب
المهم رجعنا نتراسل زي اول وطبعا انا عطيته مجال عشانها اخر مره وراح احذف الحساب
المهم صار معلق يقولي ابي اسمع صوتك كان يصر علي يبيني اكلمه وانا اقوله مستحيل
صحيح ما عندي رقم لكن لو بغيت اكلمه اخذت جوال امي لانها ع نياتها وما تشك بـ أي شي
لكن انا مابي اخون ثقتها ولا ابي اسبب مشاكل للي تعبت في تربيتي
ولو ابي اصور نفسي وارسلها له اقدر بس ماابي لاني اخاف ربي
عشان كذاا انا ما زلت متمسكه ب قرار مستحيل يكون بيننا شي
الحين يا بنات انا مو زي البنات يعني اطلع واروح لا دايم في البيت ودايم طفشاانه ومتضايقه لكن الحمدلله
الحين احيانا اراسله واحيانا لا لأني خلاص راح احذف الحساب
لكن مشكلتي انه بدا يدخل قلبي وصرت كل ليله افككر فيه احسه الشخص المناسب
وربي يا بنات مواصفاته نفس مواصفات الشخص اللي اتمنى اتزوجه وفوق هذا هو بنفس المدينهه اللي انا فيهاا
يعني ممكن بسهوله اتعرف عليه لكن صعبه اذا مافي شي بالنهايه غير الفضايح والمشاكل
اسفه كثير طولت عليكم لكن ما عندي احد يسمعني غيركم ربي يسعدكم
الحين لو وحده فيكم مكاني ايش بتسوي ؟
وهل اللي اسويه صح
وكيف اطلعه من قلبي ومن تفكيري ..
ومشكورات حبيباتي وراح ادعي للي ترد علي ان ربي يسعدها ويحقق لها ما تتمنىِ

>>>>> ردود الأعضـــــــــــــــــــاء على الموضوع <<<<<
==================================


والله ياطويله العمر قصتك حلوه
بس صدقيني مافي رجال وخاصه بالسعوديه
يأخذ وحده عن طريق النت
ولو صار نصيب واتزوجتوا لازم الشك يدخل بينكم
الا اذا كان واحد فاهم الدنيا صح

وانا انصحك بانك تلغي الحساب وتنسيه
قبل ما تتعلقي فيه اكثر
والله يعينك ويسهلك أمورك يارب


__________________________________________________ __________

صدق من قال بنات اليوم على طول يشبكون مع أقرب صايع


__________________________________________________ __________

حبيبتي حااسه فيك لكن انتي كان المفروض عليك تحطين اهلك قدام عيونك ...انتي قلتي شي مهم انه مستحيل يكون بينكم زواج لانه مو من قبيلتكم وانتي دامك عارفه هالشي المفروض تركتيه من زمان علشاان ماتتعلقين فيه وتتعبين .... انصحك انك تضغطين على نفسك شوي وتحذفين حسابك هالشي لمصلحتك عارفه هالشي صعب عليك لكن مع الايام راح تنسين وتنشغلين ...وانتي قلتي بنفسك عارفه ان مابينكم نصيب يعني مكالمتكم لبعض الحين ماله فايده ...والله يوفقك


__________________________________________________ __________

((المهم يابنات ذا الشاب مو مثل غيره))
وتستممممممممر ... الحياه
بالله عليك يوم تقولين انه غير عن الشباب
وش فيه زايد مثلا عين زايده قوه خارقه
قلب من ذهب؟؟ لا مثله مثل غيره لاتخافين
ياحبيبتي هذا ادمي بقلب ذئب يبي يصيدك
باي طريقه وحضرتك على مايبدو لي فريسه
سهله بمجرد الضغط عليك كم يوم راح تستسلمين
قعدة البيت والفراغ مو شماعه يوم اننا نسوي عيب
نقول بسبتها اغلبنا يابنات البلد وبنات القبايل
عشنا هالمجتمع اللي عسي وانتي بنت
لكن مو معناته اروح واخون ربي واهلي
وانتي قلتيها اهلك مو راضين يعطونك شريحه
انتي ومامعك شريحه شبكتي بتويتر وشلون لو معاك
حبيبتي نصيحه اتقي الله وخافيه استريوع نفسك
يسترك ربك واصبري لين يجيك ابن الحلال اللي
يحبك ويقول لتس كلام الحب لين تملين
صدقيني كلامي لك من القلب الى القلب
ببنت تقريبا من عمرك عشت نفس عيشتك اهلي يخافون علي
وماعرفت الجوال الين ملكت اناوادري زهق وطفش
لكت استغليها ياقلبي في خير صلانك برك لاهلك
ادرسي سوي شي ترضينه ويرضاه ربك
واساليه التوفيق وابعدي عن هالولد
واحذفي كل شي يعصي ربنا لاعاد تحنين
حنينك له ومحبتك من الشيطان بكره تندمين عليها
موفقه


__________________________________________________ __________

حبيبتي واضح ان حاب يتسلى

لانه ماقالج شي عن موضوع الزواج


لاتضيعين وقتج

والله يرزقج بالزوج الصالح