عنوان الموضوع : نهايات علاقاتي كلها بسبب؟؟؟؟؟؟؟؟؟ سااااعدوني
مقدم من طرف منتديات نساء الجزائر

نهايات علاقاتي كلها بسبب؟؟؟؟؟؟؟؟؟ سااااعدوني




السلام عليكم
انا فعلا واااايد محتاره رح احكي باختصار مشكلتي
انا بنت عايله محترمه عمري 29 سنه و كاي بنت اتعرف على شباب بنية الارتباط طبعا و اطلع معاهم و نبدي قصة حب محترمه بدون اي محرماااات بس في الهايه ننفصل و جميع علاقاتي تنتهي لنفس السبب و اهو بنت !!!
يعني كل علاقه تخرب علينا بنت و تفرقنا و لكن بطرق و حكايات مختلفه يعني مثلا اول واحد تعرفت عليه بعد خمس شهور اكتشف انه خاطب وحده من سنتين و بيتزوجها فتركته عل طول و كنت ما حبيته بل كنت مرتاحه معه وايد و هو مهتم بيا جدااا, القصه الثانيه اني تعرفت عل واحد و كان وااايد محترم بس بعد سنه و نص و كنا متفقين عل الخطبه و الزواج يجيني في يوم يقلي انه بيرد حق حبيبته الي تركها من اربع سنين و قال انها دورت عليه لنها بمشكله و تبيه يساعدها (ابوها مريض بالمرض الخبيث عافانا و عافاكم الله و تبي احد يساعدها لانها كبيرة خواتها و ما عندهم احد) قلي بساعدها كصديق البدايه فوافقت بدون تردد بعدها جا قلي انه رد يحبها مثل اول و يبي يرجعلها و هي نفس الشي انصدمت لاني كنت احبه بس مو وايد بس الحمد لله صليت و دعيت ربنا يقويني و تخليت عنه و بطلت اكلمه خالص , القصه الثالثه اني تعرفت عل واحد هم محترم و معايا بالجامعه بس بعد ثلاث شهور هدني بدون اي سبب و لا تفسير بيوم و ليله غير رقمه و بطل يكلمني مع اني ما سويت ااااااااي شي بالعكس كنت محترمه و علاقتنا كانت بسيطه و عاديه بس ابتديت اتعلق بيه بس ما سويت شي و دورت عليه بعد شهرين لقيته خاطب وحده من رفيجاتي انصدمت وااايد لان كان ممكن يقلي بكل بساطه مو ينسحب شذي . القصه الرابعه و الاخيره و الي تعبتني واااايد اني تعرفت عل واحد عن طريق وحده من رفيجاتي بطريقه محترمه و استمرينا اربع شهور حبيته لحد الجنوووون و هو كمان كان وااايد يحبني و مهتم بيا جدااا المهم بعدها اكتشف انه متزوج جديد و زوجته حامل من جد متت من الصدمه و لمن واجهته قلي انا احبك و كنت صادق وايد معك بس خفت اقلك تتركيني و لمن فكرنا بالحل قلي انه غير مستعد انه يطلق مرته و لا يقدر يتزوجني لانها رح تطلب الطلاق فتركته بس عايشه شبه ميته لاني صج كنت وااايد احبه و للحين تعبانه منه لان السالفه ما صارلها شهر يعني بالاخير فضل زوجته علي و حقه بس انا و الله تعبت من هالسوالف الي كلها نفس النهايه مع اني بنت محترمه واايد و ما غلطت بشي ادري ان الدنيا نصيب و عادي بس احس ان كل النهايات بنت تفرقنا اخاف يكون في احد مسويلي سحر و العياذ بالله عشان ما اتهنى مع اي واحد ادري هالكلام خرابيط بس جد تعببببببببتتتتتتت ساعدوووني اعطوني رايكم محتاجتكم بليز لا احد يسبني او يلومني لان ما يعرف النيات الا الله ابيكم تقولون لي هل في امكانيه ان يكون فيني سحر او شي ؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================


مساالخير
اختي مارح بلومك ولا رح بعاتبك بس بدي تحكيلي هل تحدثك مع الشب حلال ام حرام ..؟
احفظي هالمعلومه لا بارك الله بشيء بني على الحرام ومن ترك شيء لله عوضه الله خيرا منه

صدقيني كوني مع الله رح بيسرلك امورك وبيرزقك ابن الحلال
واتمنا الك التوفيق من كل قلبي


__________________________________________________ __________

رفع


__________________________________________________ __________

وش نيتك .؟؟ زوااج .؟!! غلطانهة يااختي رسختي كل تفكيرك بالزواج واضطريتي تتعرفين ع شباب بنيهة الزواج .!

بدال لاتروحين تدورين العريس المستقبلي روحي ادعي ربك هو قادر يجيبه لك بدون هالمعاناه اجل حبيتي واحد 4 شهور .؟؟

والسنة كلها 12 شهر ضيعتي عمرك بكلام فاضي لا فادك ولا فاد غيرك ولا عطااك مبتغاك قومي صلي وتوبي على اللي تسوينه

عمرك مابتتزوجين دام ثقتك بالله كذاا رحتي تدورين العريس وناسيهة ان ربك قادر يجيبهه لك بالدعاء ؟ وش استفدتي طيب؟

دخلتي نفسك بمتاهات وعلاقات فاشلهة ولا استفدتي منها اي شيء غير خيبهة الامل للاسف والمشكلهة مانتصحتي من التجربة

الاولى كملتي لما انكسر قلبك طيب انتهى ذاك متزوج وحبيتيه وكسر قلبك وفضل بنت ثانيهة عليك استغفري وتوبي

على اللي كنتي تسوينه والله حرام ترخصين نفسك بس عشان تتزوجين .! لاتقولين كلامنا ب احترام وكلام فاضي

بمجرد انك تكلمينهه هذا لوحده حرام ويخيب املك وتدورين غيره .! تحسبين بالحرام بتجيبين شي ؟؟ بتستفيدين شي؟؟

كلمهة محترمهة وهالكلام كله ماينفع دامك محترمهة وتخافين الله ادعي بقيام الليل ربي يرزقك بالزوج الصالح

بدال هالشهور اللي تضيعينهاا بعلاقات فاشلهة كان ب امكانك تزوجتي وخلصتي روحي افرشي سجادتك وصلي ركعتين

وادعي ربي وخلي عندك ثقه بان الله مابيخيب املك زي ماخيبوا املك هالرجال اللي وثقتي فيهم عجيبه والله وثقتي

بالخلق ولا واثقه بالخالق ؟! مابي الومك اكثر بس صدق قهرتيني عليك ليه تسوين بنفسك كذآ وتكسرين قلبك بس عشان تتزوجين!؟

قبل كل شي الزواج مو كل شي بامكانك تعيشين حياتك وتهتمين ب اشياء ثانيهة مو كل اللي ماتزوجوا عاشوا تعيسين؟

سبحان الله ياما بنات ماتزوجوا وعايشين احسن عيشهة لكن انتي حطيتي كل تفكيرك بشي واحد كيف بتنبسطين بباقي الاشياء؟

انك تتمنين الزواج مو انك تسوين علاقات حب مو مضمونه انتي اللي كسرتي قلبك بنفسك مو ذا المتزوج اللي كسره

كنتي عايشهة حياتك مبسوطهة قبل تعرفينه ماسالتي نفسك وش اللي تغير ؟؟ تسببتي لنفسك قبل اي احد الله يهديك

والله ماكتبت هالرد الا من قهري عليك توبي توبه صادقه وادعي الله وخليك واثقه بالخالق مو بالخلق الله يوفقك ويرزقك بالزوج الصالح


موفقه حبيبتي وياليت ماتزعلين من كلامي


__________________________________________________ __________

الزواج قسمة ونصيب
لاتدوري
لاتدوري
لاتدوري
ورزقك بيجي لغاية عندك
انسي امر الزواج وستتزوجين في الوقت اللي انت ناسية فيه موضوع الزواج
الغيه من حياتك واتجهي لاهتمامات اخرى


__________________________________________________ __________

شو علاقة حب بدون محرمات أصلا العلاقة محرمة الله يهديك