عنوان الموضوع : تعبت من آلآهآنة
مقدم من طرف منتديات نساء الجزائر

تعبت من آلآهآنة



السلام عليكم ورحمة الله وبركاته

مو عارفه من وين ابدا ، احس عقلي متشتت
المشكلة يا اخواتي آني تعبت من الاهانه وعدم الاحترام
مشكلتي انا ابوي يهيني من جهه واذا بغيت شي او ابي اروح مكان او اطلع مع صاحباتي
او اي شي دايم يبخل عليي ويهاوشني حتى قلبي ينكسر
مش بس كذا ، مثلا مرة كنت مسرحة شعري على ورا وانا جبيني عريض يعني لازم اطلع
قدله عشان مايبان ان جبيني عريض ، هذاك اليوم كنت مسرحة شعري على ورا ابوي شافني مسوية شعري زي كذا وجبيني واضح عريض الا يضحك عليي ويقول لي هذا شكل ليش شكلك كذا ومرة يقول لي انتي زي القردة شكلك ، مع اني حلوة مني قبيحة وناس كثير يقولو لي انتي حلوة وانا اشوف نفسي حلوة بس ساعات اذا اناظر بالمراية اقول لا انا مو حلوة ابوي قال انتي زي القرد وشكلك غلط ، ودايم يهاوشني على اقل شيء

والحين الواتساب في قروبات حق الاهل وكذا وانتو عارفين هذا الشيء ، مرة بقروب العائلة عمي يقول لي انتي وسخه ومو مربية والفاظك وسخه زيك وصديقاتك وسخين زيك
قال عني كذا عشان كان يلعب على ولد عمتي وولد عمتي متزوج وانا قلت لعمي لاتلعب عليه الرجال متزوج مهو صغير عشان تلعب عليه

ومرة بعد في نفس الواتساب قروب العائلة انا المسؤولة عن القروب عندنا قروبين واحد اعمامي وعماتي وبنات عمي وبنات عمتي والثاني بس حريم انا مسؤولة عن قروب اللي فيه الحريم الحين كل مرة تطلع وحده ارجع اضيفها المهم طلعت بنت عمي من القروب ورجعت ضفتها وحطيت كلام موجه للكل ان اللي تطلع مرة ثانية ماراح اضيفها
بنت عمي فكرت الكلام موجه لها قامت هاوشتني وقالت لي انتي مو محترمه ومو مربية واخلاقك خايسة وماعندك اخلاق ولا عندك احساس وتسبني قامت وانا ماغلطت عليها

ومرة في بيت جدي بنت عمي عمرها 10 اصغر مني طبعا انا عمري 20 يعني شايفين الفرق 10 سنوات كنا ناكل ورق عنب وانا خلصت وبنت عمي خلصت راحت بتشيل صحنها قلت لها شيلي معاك صحني قالت لي شيليه انتي انا مو خدامه عندك

نجي لاخواني دايم سب وضرب فيني وانا المشكلة اكبر منهم ويعاملوني كاني صغيرة او بزرة والمشكلى انا الوحيدة ببيتنا بنت والباقي كلهم عيال واصغر مني ودايم يهاوشوني ويسبوني ويضربوني حتى اخوي اصغر واحد عمره 7 يقول لي انتي كلبة وحيوانه وحمارة ومجنونة .

قسم بالله قلبي ينكسر واروح الغرفة اقفل الباب عليي واقعد ابكي بحرقه واحس الام داخلي
حتى كل يوم اطلب من ربي ان يرزقني بزوج صالح يحبني وكريم علي وطيب وحنون ويسعدني ، اذا دراسة ما ادرس معدلي خايس وكل ماقلت لابوي ابوي اكمل دراسة يهاوشني ولا يبيني اتوظف ولا شيء ولا يبي يصرف علي قيمة دراسة ، طيب ماتبي تصرف علي قيمة دراسة خليني اشوف شغله اجمع بها ، والله حتى يجيني احيان اقول مدري اخذ سلفية من البنك واريح راسي خله يصير عليي ديون وادفعها واخلص منها
ولا ادل نفسي لابوي او لغيرهـ .

محتآجة منكم آلدعآء لي ان الله يفرج عني ، ويمسح على قلبي ويرزقني بزوج صالح طيب وحنون وكريم ويسعدني دنيا وآخرة ، وإدعو لي اكمل دراسة واتوظف وان حلمي يتحقق
بالشي اللي ابيه . آحتآج دَعوآتكم

تحيآتي


>>>>> ردود الأعضـــــــــــــــــــاء على الموضوع <<<<<
==================================


ههههههههههه

ليش تقهرين نفسك ؟؟

اذا يوم أحد غلط عليك والكل مجتمع

ردي عليه ووقفيه عند حده عشان ترجع لك كرامتك

ويعرفون الباقي ان لو غلطو مثله بيجيهم رد

مو تسكتين مثل كل مره


__________________________________________________ __________

قولي له شوف لوجهك وبعدين تكلم
انا مرة وقفت ابوي وخالتي وكثير عند حدهم على بالهم انهم كاملين
وهم اكثر الناس عيوب سبحان الله


__________________________________________________ __________

المشاركة الأصلية كتبت بواسطة مشكلتي
قولي له شوف لوجهك وبعدين تكلم
انا مرة وقفت ابوي وخالتي وكثير عند حدهم على بالهم انهم كاملين
وهم اكثر الناس عيوب سبحان الله



اين انت من قول الله سبحانه وتعالى " ولا تقل لهما أف "

انتي تعتقدي لما تتكلمي بهاي الطريقة احد يحترمك

هذا ابوكي ايش ما عمل لا يجوز لك انك تتعاملي معه بقلة ادب

ولا كمان تنصحي البنت تكون مثلك


__________________________________________________ __________

يعني اغلب ما قلتيه من مشاكل يمكنك تفاديها دون ان تزعجي نفسك

قروب فيها اناس يتهجمون عليك لا داعي للانضمام له كما ان القروبات التي يكون فيها اجيال مختلفة عادة يحدث فيها مشاكل لان العادات والمعايير تختلف من جيل الى اخر

يعني موضوع بنت عمك الى عمرها 10 سنوات ما قبلت تاخذ صحنك يعني مش هالمشكلة الخطيرة ،، ناس كثير لم يتعودو ان يحترم الصغير الكبير ها انت عرفتيها لا تطلبي منها شيئا مرة اخرى وافعليه بنفسك

اخوانك واضح انهم تربية ابوكي ولكن اين امك من الموضوع عليها ان تقف معك ،، وبجميع الاحوال طالما انك لا تستطيعين تغييرهم فعليك تلافيهم والبعد ان مجال يمكن ان يسبب المشاكل بينك وبينهم

ركزي على الطاعات وعبادة ربك حتى يوفقك ويفرج همك

اسأل الله لك الفرج والتيسيير


__________________________________________________ __________

ههههههههههههههههههههههههههههههه
قلبي معاك ياحبي