عنوان الموضوع : زوجــــــي يعتقــــــد انــــــه ملكنــــــــــــــي !!!!! الطبيب يجيب
مقدم من طرف منتديات نساء الجزائر

زوجــــــي يعتقــــــد انــــــه ملكنــــــــــــــي !!!!!



السلام عليكم

مشلكتي مأزمتني جـــداً ولو بدت للبعض بسيطه
انا متزوجة عمري 24 سنة وعندي ولد

انسانه بيتوتيه وهااااااادية الى ابعد حد ولكن شخصيتي مستقله ولااحب اعتمد على احد بشي

مشكلتي بإختصار وايجاز احتاج مساحة حرية واستقلاليه من زوجي وللأسف مالقيت هالشي ...انا من بيت ديمقراطي وعودونا اهلي على الأستقلاليه وان كل واحد يعتمد على نفسه ويكون حـــــر بحدود

تزوجت وفقدت استقلاليتي وحريتي للأسف زوجي يحبني حب تملك ...مايعترف بأن المراءة ممكن تكون مسئولة عن نفسها
ولايحبني اطلع من البيت مع انه طووووووووووول الوقت برى
انا اختار الوقت المناسب والطريقة المناسبة للأستئذان قبل مااطلع
ومع العلم اني مااطلع الا لغرض وحاجه مااطلع دائما يعني ممكن احتاج اطلع مرة او مرتين خلال الشهر وفي هذي المرتين ماعمري رحت ورجعت وانا مرتاحه علطووول متوترة وعلى اعصابي واحاتي اللي بيجيني من ورى طلعتي وكل مشاكلنا على هالموضوع ...يسمح لي اطلع واذا طلعت احسه متحسف على هالشي فيختلق المشاكل
اذا قلت بروح لامي يتعذر باي شي عشان مااروح واذا كنسلت الطلعه يطلع هو من البيت وهو مرتاااااااااااااااح ومبسوط
اذا كنت بالبيت مافيه احسن منه واذا رحت مكان يتصل فيني طوووول الوقت يربكني والله مااخلص شغلي بسهوله حتى لو كنت بالمستشفى يتصل علطوول و لما ارجع خلاص يرتاح ...
لو زرت صديقه نفس الشي ماارتاح كل البنات موبايلاتهم ساكته وانا الوحيده اللي موبايلي مايوقف

هذا واكون طالعه مستأذنه وعمري ماتأخرت عن موعدي
والطامة الكبرى ان عمل زوجي مايسمح له ان يقضي امورنا يعني متعطلين وكل احتياجاتنا متعطله بسبب عمله

يعني لاهو اللي بيخلص لي احتياجاتي ولا اللي يحب اني اطلع واكمل النواقص واعمل مشاويري براحه

المطلـــــــــــلوب الله يخليكم عطوووني افكار او اسلوب اقناع يخلي زوجي يعطيني حريتي واللي انا بأستخدمها بإذن الله بالشي اللي يرضي ربي اولا ويرضيه يعني لاتأخير ولا طلعات بدون سبب بس ابيه مايضايقني كل مارحت مكان ةلايتحسف على انه سمح لي اطلع

كل مارجعت اشوف وجهه متعكر لاني طلعت مع اني مستأذنه والله كرهت الطلعه بسبته و استحيييييييييييت من كثر مااطلب من اهلي ينجزون لي شغلي ويجيبون لي طلباتي يعني مو معقوله كل عمري بطلب منهم
وماني صغيره 24 سنــه

اتمنى اشوف وجهات نظر الجميــــــع ولااحد يتردد انه يكتب لو جملة لاني بحاجه لكل ارائكم وافكاركم في هالمشكله

>>>>> ردود الأعضـــــــــــــــــــاء على الموضوع <<<<<
==================================


عليك بالاستغفار اختي وربي هو مفتاح لكل شي

حبيت ارفع موضوعك للاخوات المتزوجات

ادعي لي بزوج صالح يستر علي دنيا واخرة

الله يسخر لك زوجك يااااااااااااااااااااارب


__________________________________________________ __________

انصحك تاقلمي مع زوجك لان الي فيه طبع مايقدر يغيره حتى لو حاولتي بيقعد يومين وبيرجع كالعاده صدقيني اسال مجرب بس شي وحده ممكن تحرجيه قولي له تصرفك هذا معناه تشك فيني يمكن يخف الاتصالات بس الطبع مايتغير مستحيييييييييييييييييييل حاولي ماتقهري نفسك هونيها وبتهون


__________________________________________________ __________

وعليكم السلام ورحمة الله وبكراته
ياعزيزتي ان شاء الله مشكلتك بسيطه جدا جدا
والحل بين ايديك وانت مو شايفاه
شوفي عمري
بما انك قلت ان زوجك يحبك
ويحب حب تملك
وانت متعوده على الاستقلاليه والجو الديموقراطي ببيت اهلك الله يحفظهم
اعتقد ان زوجك محتاج الى حب وحنان منك اكثر مما هو موجود
انا اعرف هكذا انواع من الرجال وكيف يتصرفون مع الزوجه المستقله فكريا وشخصيا
يرون انهم اشبه بالغريق معها
واحيان يحاولون اثبات مكانتهم والتأكد منها في قلب الزوجه بالتسلط على الزوجه وجعلها اشبه بالاسيره لديهم
وعلاجهم سهل جدا
جرعات اضافيه من الحب والاهتمام والتقرب من الزوج تشعره بسعاده غامره وتشعره باهميته في حياة زوجته
ليس امامك سوى اسلوب اللين والحب
وباقي حركات الزوجات وانت بالتأكيد تعرفينها وتفهمين مقصدي

تحياتي لك غاليتي


__________________________________________________ __________

السلام عليكم ورحمة الله وبركاته

هذه المشكلة موجودة في ا كثر البيوت وهي مشكلة سهلة بأستطاعتك السيطرة عليها

بإسلوب وحكمة واذا انتي شاطرة تحاولين في زوجك بالطيب واللين الين يتعود على

حياتك بس في حدود المعقول لأن الطلعات الكثيرة ما فيها خير خليك وسط


__________________________________________________ __________

ما أعرف والله ماني متزوجة
بس يقولون كثر الدق يفك اللحام ههههههـ

دقي بس بشويش لا ينكسر مرة وحدة


يعني مثلاً قولي اليوم بطلع عند أمي وأمي تبغيك تتعشى عندنا
بتاخذين راحتج شوي لأنه وياج

أو قولي اليوم بروح بيت فلانة .. وتعمدي ما تجرجين التليفون ( يعني لا تشحنينه )
وخليه مغلق ..
ويوم ترجعين قولي معليش نسيت أشحنه واستحيت أطلب من رفيجتي !


أممممـ .. والمستشفى، قولي له بشل ولدي .. وخليه يروح معاج أو شلي معاج أحد من أخواته
وخليها ترد عليه مرتين أو ثلاث ان انتي عند الدكتورة ويا الولد وجيه

الله يعينكم ويهدي سركم ويغنيكم بحلاله عن حرامه