عنوان الموضوع : عندك اى استفسار بخصوص تغذية طفلك اتفضلى وانا اجاوبك نسائية
مقدم من طرف منتديات نساء الجزائر

عندك اى استفسار بخصوص تغذية طفلك اتفضلى وانا اجاوبك



السلام عليكم ورحمة الله وبركاته

بدأتى تفطمى طفلك ومش عارفة تأكليه ايه ؟
ابنك عنده اسهال امساك مغص انيميا ؟
لو عندك اى مشكلة او استفسار طبى او تغذوى بخصوص الاطفال يشرفنى انى ارد عليكوا

>>>>> ردود الأعضـــــــــــــــــــاء على الموضوع <<<<<
==================================


لو سمحتى انا بنتي عمرها 11 شهر لسى بترضع بس عايزة اسالك كم وجبة طعام لازم تاكل باليوم وايش هيي الوجبات لأنو بنتي ملولة وما تحب تكرر الاكل نفسه ياريت لو عندك وصفات تعطيني ومشكورة اختي


__________________________________________________ __________

المشاركة الأصلية كتبت بواسطة orkedya
لو سمحتى انا بنتي عمرها 11 شهر لسى بترضع بس عايزة اسالك كم وجبة طعام لازم تاكل باليوم وايش هيي الوجبات لأنو بنتي ملولة وما تحب تكرر الاكل نفسه ياريت لو عندك وصفات تعطيني ومشكورة اختي

متأسفة جدا على التأخير فى الرد لأن كان فى مشكلة فى الكمبيوتر

بالنسبة لسؤالك
الطفل فى الشهر الحادى عشر يحتاج 3 وجبات فى اليوم بجانب الرضاعة مع تجنب الاطعمة الدسمة والمملحة وطبعا بياض البيض وعسل النحل والشيكولاتة واللبن البقرى والفراولة دول ممنوعين قبل مايتم الطفل السنة الاولى
والمفروض فى الشهر الحادى عشر تكون بنتك بدأت تاكل لحم الدجاج والسمك وكبدة الدجاج بالاضافة لصفار البيض مرتين اسبوعيا والزبادى والخضروات والفاكهة والحبوب

ولان معظم الاطفال زى بنتك ملولين وبيحبوا دايما تذوق اطعمة جديدة فضرورى جدا ننوع فى الاطعمة الى بنقدمها للطفل
وحجم الوجبة الى بنقدمها للطفل من 150 ل200مل يعنى لو عندك ببرونة امليها ماء لحد 150 مل واقلبى الماء فى طبق الطفل وشوفيه هيوصل لحد فين فى الطبق وهيكون هو ده الكمية المطلوبة لكل وجبة(ومش لازم الطفل ياكل الوجبة كلها مرة واحدة ممكن على مرتين)

وامثلة على الوجبات:
1- القمح وده مهم جدا جدا فى الفطار(بتجيبى حبوب القمح وبتغسليها كويس وتغليها حوالى ساعة الا ربع وبعدين تتنقع فى مية الغليان لحد ماتتفتح وبتحضرى منها وجبات لطفلك بضرب كمية منها مع 3 تمرات فى الخلاط جيدا)ويمكن استبدالها بوجبات السيريلاك
2- الخضار المسلوق(تسلقى كوساية وجزرة وبطاطس وتضربيهم فى الخلاط مع مية السلق)ويمكن استبدال البطاطس بالبطاطا الحلوة لأنها اعلى فى القيمة الغذائية وفيها نسبة فيتامينات عالية وكمان ممكن تضيفى مع الخضروات فى الخلاط 3 تمرات لمذاق افضل وقيمة غذائية اعلى
3-الفواكه مع التركيز على الفواكه التى تحتوى على الحديد مثل الموز والتفاح والكمثرى (تسلقى تفاحة او كمثرى وتضربيها فى الخلاط اوالموز بدون سلق)ويلزم اضافة قطعة فاكهة تحتوى على فيتامين سى مع اياً من الفواكه السابقة لأنها تزيد امتصاص الحديد مثل البرتقال او الكيوى او الجوافة
4-البنجر او الشمندر وده للأسف تقريبا مش بنقدمه للطفل رغم فايدته الكبيرة جدا فى تقوية الدم والحماية من الانيميا (بيتم سلقه وضربه فى الخلاط مع قطعة فاكهة تحتوى على فيتامين سى)
5- منتجات الالبان مثل الزبادى كامل الدسم يوميا والجبن المثلثات او الكيرى مع مراعاة ان نبدأ فى الجبن بالتدريج يعنى لا نبدأ بمثلث كامل نبدأ بقطعة صغيرة منه ونزودها كل يوم لحد مايبقى الطفل بياكل مثلث كامل او قطعة كيرى يوميا علشان نتجنب الاسهال
6- صفار البيض مرتين اسبوعيا (ويتم هرس صفارة بيض وتقليبها مع الزبادى او الخضروات المسلوقة المهروسة او الفاكهة لأن الاطفال مش بيتقبلوا طعم الصفار لوحده)
6- لحم الدجاج المسلوق او كبدة الدجاج المسلوقة او لحم السمك مرتين اسبوعيا مضروب فى الخلاط مع الخضروات او الفواكه لأن الاطفال يتقبلون اللحوم مع الفواكه
7-المكرونة بعد سلقها وضربها فى الخلاط
8- اذا كان الطفل بياخد لبن صناعى بجانب الرضاعة فممكن تحضير وجبات به مثل المهلبية او الارز باللبن مع عدم اضافة سكر (نسلق الارز ونضربه فى الخلاط مع مكيال من لبن الاطفال وكذلك يضاف اللبن الى المهلبية)

وتقدرى تنوعى فى الاطعمة السابقة يعنى مرة تقدمى الزبادى مخلوطة بالفاكهه او بالخضار او بالتمر ومرة ارز مسلوق مع عصير برتقال ومرة مكرونة بلحم الدجاج ومرة مكرونة مع فاكهة وهكذا


وأى استفسار تانى انا تحت امرك


__________________________________________________ __________

نشكرك علي الوجبات القيمة بس أنا عيزة أعرف بالنسبة للاطفال عمر السنة والنصف

افضل الوجبات لهم انا بنتي بترضع صناعي واكلها غير منتظم تاكل وجبة باليوم ممكن شوربة معها احيان قطعة دجاج مع رضعة لبن صناعي ورضعة سيريلاك مخفف بالرضاعة دة كل اكلها باليوم يعني مش بتاكل كتير ومع ذلك احس جسمها منفوخ علي الفاضي واشكرك علي نصائحك


__________________________________________________ __________

السلام عليكم انا ام جديدة ابنى عندة شهرين ونص ممكن اعرف امتى ابدا ادخلة اكل بجانب الرضاعة الطبيعية واية هو الاكل دة وبرضة اقدر اشربة الوقتى مية معدنية ولا لا ارجو الرد وشكرا اختى


__________________________________________________ __________

السلام عليكم يسلموا عيونك على الموضوع الحلو دة من فضلك بنتى 3 سنين و6 شهور ازاى اغذيها كويس وكام وجبة اقدمها لها وايضا بنتى الكبيرة 7 سنين و4 شهور عايزة نظام غذائى ليهم ربنا يعطيكى العافية هما مش بياكلوا عايزة شئ يفتح نفسهم علما انهم فى مرحلة نمو تنصحينى بايه بارك الله فيكى