عنوان الموضوع : روايه غرق الغرقان اكثر كامله رواية جميلة
مقدم من طرف منتديات نساء الجزائر

روايه غرق الغرقان اكثر كامله






شخصيا ت الروايـــــة :-

بيت أبو فارس

الأب : محمد رجل أعمال أب حنون على أبنائه لكنه عصبي بعض الأوقات
الأم : مريم ربة منزل أم حنونه وتحب عيالها كثيير وشخصيتها محبوبه عند الكل .

الأبناء:

فارس : عمره 24 سنه , ساعد ابوه اليمين في الشركه فارس يحب الضحك والوناسه إنسان حنون كثيير فارس طويل جسمه رياضي بشرته بيضه مسوي قفل طالع مارآ كيوت << لحد ينعجب فيه بس لوولز فارس أي بنت تتمناه

نواف : عمره 23 سنه نواف يحب الرسم هوايته المفضله وهو حاليا ً يدرس في معهد الفنون وبعد كذا راح يعمل له معرض خاص بلوحاته نواف شخصيه قوويه مهستر يحب الإستهبال << يعني خفيف دم نواف أقصر من فارس بشوي جسمه رياضي وبشرته تميل للسمار شوي نواف بالمختصر هو قلب البيت .

جنى : عمرها 21 سنه . سنه ثانيه جامعه تخصص ادب جنا بيضه وشعرها اسود كثيف لين نص ظهرها وعيونها عسلي غااامق وناعسه جنا بنت طيووبه وتحب الفرفشه والوناسه لها قلب كبير مايعرف الكره والحقد .
بيت ابو الوليد

الأب : عبدلله طبعا ً ما يقل عن ابو فارس رجل اعمال وله صيت مرموق بين الناس ابو الوليد إنسان هادي ومتفهم ويحب عياله .

الأم : إيمان أم ولا أرووع انسانه خجوله تموت في عيالها وزوجها وهم دنيتها .

الأبناء :

الوليد : عمره 24 سنه هو سند ابوه وساعده اليمين ابوه يعتمد عليه في كل كبيره وصغيره الوليد انسان متوازن شخصيته قويه لكنه حنون وما يعرف القسوه كلمته مسموعه في البيت محبوب عند الكل الوليد طويل وعضلات جسمه بارزه وبشرته حنطاويه ويحب الكشخه وله ابتسامه تذووب << ياعيني ع الابتسامه لوولز .

طلال : عمره 22 سنه طلال يشتغل مع الوليد وابوه بالشركه كان طموحه انه يكون طيار لكن ما تحقق حلمه طلال مهستر بشكل مو طبيعي فيه دلاخه << مدحتيه من قلب لوولز , طلال قلبه كبير وانسان اجتماعي وهو دايم مسوي جوو للعايله طلال لا هو طويل ولا قصير ابيضاني جسمه رياضي وعليه نظرات غريبه احيانا .

>>>>> ردود الأعضـــــــــــــــــــاء على الموضوع <<<<<
==================================


مها: عمرها 22 سنه. سنه ثانيه جامعه وهي في نفس الجامعه اللي فيها جنا تخصص أدب مها سمره شعرها لين كتوفها وصابغته بخصل شقره طالعه كيووت مها تحب الصرقعه انسانه حازمه في قراراتها وهي آخر العنقود ودلوعة البيت .

بيت ابو حلى

الأب : ناصر وضعه المادي ممتاز وهو صاحب محل مجوهرات انسان حنوون فوق ما تتصورون رغم ان ربي مارزقه باولاد لكنه يحب بناته مووت .

الأم : فاطمه ربة منزل انسانه متواضعه ولها شخصيه تميزها عن ام الوليد وام فارس .

الأبناء :

حلى : عمرها 22 سنه ثانيه جامعه بنفس الجامعه مع بنات عمها تخصصها فلسفه حلى بنووته رووعه انسانه طيووبه تحب الخير للكل بيضه شعرها طويل لين ظهرها صابغته باللون البيذنجاني طالع نايسوو عيونها عسلي فااتح لها نظره جذابه حلى قمه في الذووق .

غلا : عمرها 20 سنه اولى جامعه تخصصها إنجليزي غلا بنت دلووعه وفي نفس الوقت تحب الإستهبال والوناسه غلا بشرتها تميل للسمار شوي شعرها لين كتوفها وتحب تعمله كيرلي غلا بنت حبووبه واجتماعيه ودايم ابوها هو قدوتها في الحياة .

نهى : عمرها 18 ثاني ثانوي نهى دلوعة ابوها ما يرفضلها طلب ابد نهى طويله شوي بس لاهي دلوعه ولا عربجيه نص كذا وكذا تحب الصرقععه بشكل مو طبيعي << وهي ام الخطط الراس المدبر لحلا وغلا نهى بنت حبووبه ومن هواياتها الباسكت بول

بيت ام عبد العزيز

الأب : عبدلله رجل له صيت معروف وعنده عمارات يعني مرتاح اب متفهم لكنه ما يرضى بالغلط ابد

الأم : حصه ام حنونه وشخصيتها هاديه وتحب ولدها كثييير وهو ولدها الوحيد ام عبد العزيز اخت ابو فارس وابو الوليد وابو حلى

عبد العزيز : عمره 25 سنه ساعد ابوه عبد العزيز طويل جسمه رياضي بشرته سمره ومسوي قفل عبد العزيز انسان حنون على امه وابوه ويحترم كلمتهم عبد العزيز انسان طيب ودايم ماشي على نياته << يعني أي بنت تتمنى اوصافه

وفي شخصيات ثانيه راح تتعرفون عليها من خلال روايتنا ... وراح نعرف بيأثرون على أبطالنا ولا لأ وطبعا ً ما ننسى الجد والجده [] أم محمد وأبو محمد []

·البارت الأول :

في بيت أبو فارس : الكل جالس على الطاوله
وابو فارس يقرا الجرايد
نواف ينغز فارس..
فارس يناظر نواف بنص عين
نواف اقوول وشعنده ابوك صاير محلل سياسي
فارس : فاطس ضحك على نواف اقول لو تسكت يكون احسن

جنى : وش عندكم تتسارون انت وياه ..
نواف : وانتي وش تبين اللحين
جنى : الله يا نوافووه الدنيا تدوور وماردك تجيني ..
نواف وهو يلعب بالصحن : هذا اللي ناقص بعد ... الكل ضحك على استهبال نواف من الصبح


__________________________________________________ __________

*اما في بيت ابو الوليد :
الكل يفطر
مها: الحمدلله
ام الوليد : وين حبيبتي ؟ ما كلتي شي
مها بس يمه شبعت
ابو الوليد : اخاف بس احد مزعل شمعة البيت
الوليد : يا عيني على الدلع
طلال : والله مدلعينهم لو حنا كان جلدونا بكوب الحليب
ام الوليد وابو الوليد والوليد كلهم يضحكون على شكل طلال ..
اما مها غمزت لطلال وراحت تلبس عبايتها .

*في بيت أبو حلى :

غلا ونهى جالسين يفطرون مع امهم وابوهم جات
حلى : صباح الخير يا احلى ابو بالدنيا وباست ابوها
ابو حلى : صباح الوورد حيالله حلى شخية البنات
ابتسمت حلى ابتسامة خجل لابوها وراحت باست امها
ام حلى : حبيبتي الله يرضى عليك اجلسي افطري
نهى تناظر في حلى بنص عين
حلى : بسم الله وش فيك تناظريني كذا
نهى: باستهبال اجل تاخذين مكاني بالدلال واعديها لك
ابو حلى : انتي دلوعة البيت
نهى : اشوى يبه احسبهم خذوا مكاني بعد وتلعب بشعرها
غلا وحلى يناظرون في بعض ترا ابونا وامنا بعد مهب بس انتي ام حلى وابو حلى يضحكون على بناتهم
·في بيت ام عبد العزيز :

جالسين يفطرون وطبعا عايلة ام عبد العزيز دايما في بيتهم هدوء لانهم عايله تتكون من ثلاث افراد بس

نواف كعادته راح المعهد وما يطلع الا الساعه 2 الظهر اما فارس ركب سيارته يوصل جنى للجامعه
جنى وهي ف السياره يدق جوالها
جنى : آلوو هلا مهووي<< بنت عمها
مها : هلا جنوو كيفك
جنى : تمام يا قلبوو وانتي كيفك
مها: بخير دامك بخير
جنى : آمريني مهوي وش فيك
مها: سلامتك بس بغيتك تمريني نروح سوا
جنى : بس كذا ما طلبتي شي بس ما قالت لمها انها راح تمر مع فارس
فارس : مين تكلمين صارلك ساعه
جنى : هههههههه كنت اكلم مها بنت عمي تبيني امر عليها ممكن فارس : ليه لا هاذي بنت العم اووكي نمر عليها
طبعا العايله ما كانت بيوتهم بعيده عن بعض كان يبعد كل بيت عن الثاني بشارع
جنى : آلوو هلا مهوي يلا اطلعي انا برا
مها: طيب قلبوو انا طالعه اللحين
مها: افتحت باب السياره تفاجأت انه فارس وليه ما قالتلها جنى ...
مها : السلام عليكم
فارس وجنى : وعليكم السلام
جنى : هلا بمهووي
مها: هلا فيك,
فارس : مشينا ..
جنى : مشينا


__________________________________________________ __________

وهم ف الطريق
فارس : كيفك مها وكيف عمي والوالده والوليد وطلال ,
مها: بحيا بخير والحمدلله ,
فارس: بابتسامه عذبه << الحمدلله
وصار صمت وفجأه وبدون شعور طاحت عين فارس على مها كانت قمه ف الجمال ما شال فارس عينه عن مها لين ما وصلهم الجامعه
جنى : مشكوور خيوو ما ننحرم منك يا الغالي ,
مها: يعطيك العافيه
فارس , بابتسامه الله يعافيك ..
وما مداهم دخلوا الجامعه إلا مها تشد عباة جنى ,
جنى : وجع وش فيك ..
مها: يوجعك قولي آآآمين ..
جنى تناظر في مها بنص عين ومطيره حاجب ,
مها: ليه ما قلتيلي انك بتمرين مع فارس كان قلت للسواق يوصلني ,
جنى : اقول امشي نروح للقاعه لا أهفك بكتاب الادب اللحين ,
مها: ضحكت على شكل جنى...
وكان اليوم حافل بالهيصه والصرقعه بين بنات العم في الجامعه والكل كان لاهي بشغله لكن فارس كان تفكيره بعالم ثاني كان يتذكر مها بنت عمه ومو مستوعب الاحساس اللي يحس فيه .


__________________________________________________ __________

*البارت الثاني : [] طحت بهواه يا هلي سموا علي []

في بيت أبو فارس :

الساعه 4 العصر
أبو فارس : يلا يا ام فارس ما خلصتوا عجلوا علينا خلونا نروح بيت امي
ام فارس : إن شاءلله يا بو فارس
طبعا جنى : كانت تحووس تجهز شنطتها
وفارس ونواف : ما يقلوون عن جنى

اما في بيت ابو الوليد :

الوليد : منسدح على سريره ويدندن
طلال : دخل الغرفه شاف الوليد يدندن وما انتبه لوجوده وقف طلال على راس الوليد وهو يناظر في وجهه
الوليد : اعوذ بالله بسم الله الرحمن الرحيم ,
طلال : فاقعها ضحك على شكل الوليد ,
طلال: وهو يضحك ليه شايف جني قدامك ,
الوليد : اقوول طس بررع لا تجييك هالأبجووره على راسك
طلال : ياخي دخلت وما انتبهت لي وش اسوي فيك
الوليد : وجع ان شاءلله يعني ما تعرف اتنح نح
طلال : مييت ضحك
الوليد : قفلت معه طلوول ضف وجهك برع قبل ما ارتكب فيك جريمه , مها : تطق الباب ,
الوليد : تفضل , مها : ما خلصتوا ابوي يقول يلا تأخرنا
طلال : يلا
الوليد : يلا جاي اسبقووني

في بيت ابو حلى :

ابو حلى يركب الأغراض في السياره
حلى : خلني أساعدك يبه ,
ابو حلى : يا جعلي ما شوف حزنك يا بنتي ,
حلى : ابتسمت لأبوها ,
نهى : جات وهي ماسكه الباسكت بول : داد ليه ما قلتلنا نشيل معك الأغراض ترى انا وحلى وغلا عن عشرة رجاجيل يبه وتغمز لأبوها وتساعد حلى
ابو حلى كان مبسووط ومتعود على استهبال نهى وبناته كانوا قريبين منه حييل .


__________________________________________________ __________

اما في بيت أم عبد العزيز :

يالله يا ولدي مشينا
عبد العزيز : توكلنا على الله

طبعا ً تبون تعرفون وين بيروحون العايله الكريمه بيروحون لبيت الجد والجده لان كل أربعاء وخميس كل الأخوان ينامون هناك ويوم الجمعه الصبح كل واحد يرجع لبيته مع عياله ومرته ., على الساعه 5 وربع الكل كان متواجد في بيت الجد والجده

في بيت الجد والجده :

خلونا نوصفلكم أول شي بيت الجد والجده طبعا هذا بيت العايله والبيت كبيير وفي الواجهه حديقه كبيييره فيها وورد رووعه وحاطين في الحديقه مرجيحه لشخصين والجانب الثاني من الحديقه بيت شعر كبير تصميمه رووعه وراقي وفي باب ورا البيت قسم مخصووص لحوض السباحه الجد والجده عاملينه لا حفادهم . الكل داخل كانوا جالسين مع بعض ما عدا الشباب كانوا في الخيمه يلعبون تحدي على الفوتبول ويلعبون ورقه أتصل ابو فارس على جوال فارس ,
فارس : هلا يبه
ابو فارس : وينكم وراكم ما جيتوا داخل ,
فارس : يبه تدري البنات هنا لا راحوا دخلنا ,
ابو فارس : تعالوا بس جدكم وجدتكم يسألون عنكم ,
فارس : ان شاءلله يبه بقوول للشباب ,
طلال : وشفيك ؟
فارس : يقول ابوي جدي وجدتي يبونا نقعد كلنا سوا ,
نواف : حبتييين والله جدي وجدتي مافي منهم ,
الكل ضحك على دلاخة نواف .
وراحوا الشباب داخل وصار كل واحد يدز الثاني عشان يدخل ,
فارس : والله ما تنعطوون وجه ,
فارس: عبد العزيز أنت أكبرنا ادخل,
عبد العزيز : قطيتوها علي .. طيب طيب ,
عبد العزيز : احم ولد , البنات صاروا يلبسون عباياتهم ويلبسوون طرحهم , الجد : ادخلوا يا عيالي مآبه احد غريب هنا , دخل عبد العزيز ودخل وراه فارس وبعد الوليد وبعده طلال وبعده نواف وسلموا على الجد والجده وكل واحد سلم على عمه وعمته وحريم عمانهم وزوج عمتهم ,
الجد : اجلسوا يا حيالله عيالي أسفرت وانورت ,
فارس : منور بوجودكم يا جدي وصار سوالف وضحك ووناسه وفرفشه لين الساعه 9 , الشباب راحوا للخيمه والبنات راحو فوق للغرفه اللي ينامون فيها دايم , والجد وعياله وزوج بنته راحوا لمجلس الرجاجيل اللي يبعد عن مجلس الحريم والجده وحريم عيالها وبنتها صاروا يسوولفوون على راحتهم أكثر ,

عند البنات:

مشغلين المسجل شريط راشد الفارس وحاطين اغنية [] لآ اوصيك []
نهى : يالبى هالصوووت طولوا ع الاغنيه ,
وابتدى الاستهبال وفلوا الشعور وصاروا يرقصون وكل وحده تسوي حركات