عنوان الموضوع : عاوزة تبقى مهمة جدا .. روحى اتطلقى !! -قصة جميلة
مقدم من طرف منتديات نساء الجزائر

عاوزة تبقى مهمة جدا .. روحى اتطلقى !!











فعلا لو كنتى عاوزة تبقى شخصية مهمة جدا للجميع الغريب منهم والقريب .. روحى اتجوزى واتطلقى ..

عارفة ان كلامى غريب بس هى دى الحقيقة .. وللتوضيح اكتر انا هقول لكم :

فى مجتمعاتنا الشرقية معظم البنات بتبقى محرومة من العطف والاهتمام داخل بيوت اهاليها وخصوصا من اخواتها الذكور ..
كل حاجة بالنسبالها عيب .. ممنوع .. ميصحش .. انسي ...... الخ
وبتكون النتيجة ان البنت تجرى تدور على الحب والحنان والراحة النفسية برة البيت .. ولآنها بنت اصول ومتربية بتدور عليها بطريقة شرعية ومحترمة ..
بتجرى بسرعة تتجوز من اول او تانى او بالكتير تالت شخص يتقدم يخطبها ..
وكالعادة معظم الاسر بتعجل بالجواز لان فى اعرافنا الخطوبة ميصحش تطول قوى .. وياسلام بقى لو العريس يكون مسافر بلاد برة بيشتغل عشان يجيب فلوس .. وتبقى الخطوبة بالمراسلة والو ازيك عاملة ايه ياخبر الكارت هيخلص .. طيب ابقى أأأ .... وتيت تيت تيت ... ياخساااااارة الخط فصل .
وبعدين ييجى الفرح وهيصة وزغاريط ومبروك عليكى عريسك الخفة ياعروسة يالى مش عارفة هتشوفى ايه بعد الزفة ..
وبعد ايام من الوكسة .. قصدى الزفة .. تبدأ المشاكل المعتادة لاختلاف الطباع وجايز النشئة وجايز العريس يطلع مريض نفسى او مريض ......... الخ
ويافرحة ماتمت .. وجت الحزينة تفرح .... وياحزنك يا ....... الخ
ويتدخل الاهل والاصدقاء والعملية تكبر وبعدين هب . يلا . هاتوا الشيخ مأذون .. وان ابغض الحلال عند الله ياجماعة الطلاق ...
واهئ اهئ اهئ .. مبروك اخدتى لقب مطلقة .. اسفة لاحول الله يارب .

ونيجى بقى للمهم وهو الاسباب الى هتعمل منها انسانة مهمة جدا ..
رايحة فين انتى مطلقة .. جاية منين واتأخرتى ليه انتى ناسية انك مطلقة .. مفيش زيارات عائلية لانك مطلقة والكل هيتكلم ويرغى فى حقك .. مش هتشترى ده بنفسك فلان هيبقى يجيبلك طلباتك . ايه انتى عاوزة الناس تتكلم عنك وتقول ماشية براحتها وهى مطلقة ...... الخ
عرفتى بقى سبب عنوان موضوعى ايه ...
بجد لو نفسك تبقى مهمة جدا روحى اتجوزى واتطلقى .....
منقوووووووووووووووول

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________