ضرب المره يا ناس ماهو رجوله
عنوان الموضوع : ضرب المره يا ناس ماهو رجوله
مقدم من طرف منتديات نساء الجزائر
ضرب المره يا ناس ماهو رجوله
ضرب المره يا ناس ما هو رجوله
وما ظنتي من يضرب البنت رجال
لا والله انه ما يعرف الفحوله
وبالمهزله البنت به أمثال وأمثال
وبعض البشر يقهرك باللي يقوله
جاهل يدرس له ملايين جهال
أكبر طموحه يعمل أصغر بطوله
عنوانها دم المره ما بعد سّال
الضرب للحرمه هو افضل عموله !
ويا كثر ما جابوا من أقوال وأقوال
كم جاهل ٍ فيهم تردت فعوله
وكم عالم ٍ ما يتقي شر الأعمال
يلعب ويضرب في بنات الحموله
أحلى االتفاهم عنده بسوط وعقال
لا عاش رجل ٍ كل هذا ميوله
ولا عاش من يتبع حكايات الأنذال
ناس ٍ لهم بالجهل صوله وجوله
اكبر طموحه عيشه البنت في أذلال
عايش وبالقوه يدبر حلوله
يسمع نصايح ناس مجموعة حثال
الشرعقال أدب وطبقت قوله
ما قال عذب واضرب بحقد وخبال
لكن بعض الناس حرف نزوله
والمسأله صارت بطولات وابطال
والعلم ما كل ٍ يطبق أصوله
عشنا وشفنا من مصيبات واهوال
ناس ٍ بنو للمجد مليون دوله
وناس تموت وما بنت نصف تمثال
ودرب العلا ما كل واحد يطوله
ما طاله إلا شخص واعي وخيال
ولا هنت يلي كم بيت ٍ تعوله
يلي لكم بالعز رايه ومنزال
ناس ٍ لفعل الشر ما هي عجوله
تعطف على الحرمه ولا تحقر أطفال
الله يعز اللي يعيش ابسهوله
والله يبدل للبشر بعض الأحوال
والله يرزقكم ببنت ٍ خجوله
تطرب لها قيفان وتبدع لها أمثال
واغيض منهو مر حولي وحوله
واشفي غليلي من حقودين عذال
واقهر عديم المرجله والفحوله
واقول يا جعلك من الكون تنشال
وان قال ضرب البنت أكبر رجوله
قولوا له انه ورع ما هوب رجال..
>>>>> ردود الأعضـــــــــــــــــــاء على الموضوع <<<<<
==================================
ولا هنت يلي كم بيت ٍ تعوله
يلي لكم بالعز رايه ومنزال
ناس ٍ لفعل الشر ما هي عجوله
تعطف على الحرمه ولا تحقر أطفال
********
صح لسان قايلها وسلمت ايادي ناقلها
قصيده رااائعه
الله يعطيك العافيه خيتو
وبانتظار جديدكـ دائما
ودي وتقيمي لكـ
__________________________________________________ __________
__________________________________________________ __________
__________________________________________________ __________
__________________________________________________ __________
