ما كان ودي أجي// (قلبي سحب رجلي) !!
ولو كان بيدي محاله خطوتي لجلك
أجيك؟! غصبن علي (مبروك) يا خلي
(ليلة زفافك!! وخلك جا يباركلك) !!
اليوم بالذات//(أسكت) ناوي أخلي
(صمت المجاريح) يستشهد بما يملك:
هذي دموعي الحزينه جات تشهدلي،،
وأعذر دموعك فرحها خاف يشهدلك!!
حاولت تخفي شعورك والكحل يغلي
ألين فاضت عيونك وأفضحك كحلك!!
هزيت جذع الأماني وطاحلك ذلي
رضيت ذلي؟! وأنا أذبح من رضا ذلك
يفداك طوعا" ولكن ليش بس قلي؟
(أخترت تاريخ ذكرانا لجل حفلك)!!
ما خلت عذر المواني يأسها ياللي
أتقول: (صبرك يأس واليأس ذا يهلك)!
وأنا ((عشانك)) تبنيت الأمل طفلي
يكبر غيابك ويكبر طفلي ل وصلك!!
حتى البطاقه وأسمك فوق متعلي
عيني أكذبتلك مع أنها مكذبت قبلك!
وألحين أشوفك!! بعد أذنك أبا أصلي
كرسيك قبر الأماني والقبر ملك!!
كنت العقاب و جناحك بعض من كلي
طلت السحاب وبعدها خنت من شلك
هانت ليالي الشتا وتصيحلي من لي؟!
وأنزعلك الجلد ((هذا كل ما أملك))
وشجره (هنا) غصنها بالوهم مدلي
ماهي غريبه// مدام الماء من وحلك!!
هذا القدر شمس صحراء والحزن ظلي
من وين م سلك دوربي للأسف يسلك!!
والليل أقسى طبيب يعين من مثلي
وأنا بجروحي!! جرحني جرح ما يهلك!!
ورغم (الطعون) إنجبرت آجيك يا خلي
بيدي رساله بعد مالقلب باركلك: :
((الخيميائي أنا والكنز هو أهلي))
خط الرسالة عشيق أستشهد بحفلك!!
