قصيدة مدح في قبايل السعوديه ........ قوافي

عنوان الموضوع : قصيدة مدح في قبايل السعوديه ........ قوافي
مقدم من طرف منتديات نساء الجزائر

قصيدة مدح في قبايل السعوديه ........



السلام عليكم ورحمة الله وبركاته

قصيدة مدح لكل قبايل السعودية

وانشالله تحوز على اعجابكم

يالله ياخالـق اراضيـن وابحـار .... الواحـد المعـبـود رازق عبـيـده

الخالق الغفار علام الاسرار .... وفرق شعـوب الارض فـي كـل يـده

وابدي واسولف من عذيبات الاشعار .... ابيات شعـر والمعانـي وكيـده

اشري وابيع واعرف كيف بختار .... واختار من جزل البيـوت الفريـده

وذكرى تراث وعز وامجـاد وافخـار .... قبائـل تومـن بديـن وعقيـده

وصلت حضارتنا على سطح الاقمار .... ابنـا الجزيـر والجزيـره مجيـده

في ظل حكام لهم فعل واشوار .... ال السعـود اللـي تفـك الضهيـده

نسل الزعيم الحاكم العـادل البـار .... مجـدد امجـاد الجزيـره بجيـده

حتى اصبحت حره وحنا له انصار .... في ظل اخو نوره هنـوف سعيـده

وصارت لابو تركي بطوله وتذكار .... والفخر والامجـاد تبقـى شهيـده

وخلف لنا املوك لهم فعل واخبار .... الشعب واحـد والقيـاده رشيـده

والامن بانينه على ساس وجدار .... وقرو على العابـث عقوبـه شديـده

وحنا حماة الدار من كل غدار .... ومـا همنـا بطشـه وخبثـه وكيـده

قبائل مالحقناهـم اوعـار .... وعشنـا بهـذي الـدار عيشـه رغيـده

والحمد لله نحمده سر واجهار .... شعـب تكاتـف مـن سنيـن مديـده

ودون الوطن جيش على كل معبار .... لارفرف البيـرق ونـادى عقيـده

بشرق البلاد وغربها دوم حضار .... وارض الشمال اللي نفـوده مديـده

وارض الجنوب اللي تخيضر بالاشجار .... جزيرة فيهـا القبايـل عديـده

ارض بها قحطان وافين الاشبـار .... وياعـز منهـم بالشدايـد بسيـده

واذكر عتيبه يوم للطيب مغوار .... لا ثـارت الهيجـا وقـرب ضديـده

وشمر هل الطولات والجود مقدار .... اهل الكرم واهل الفعول الحميـده

وقوم اعنزه مروين الاخصام الامرار .... اولاد وايل من عصـور عهيـده

ومطير قوم تكرم الضيف لا زرار .... وياويل خصم في حراهـم وعيـده

واذكر قبيلة حرب يانعم الاخيار .... وتاريخهـم يحكـي سطـور مجيـده

وسبيع نعم القوم ووجيه الاسفار .... زبن الدخيل ليا زبـن مـن طريـده

واذكر قبيلة يام والطيب ينـدار .... اهـل العلـوم الوافيـه والرشيـده

ثم الدواسر تجعل الخصم منهـار .... عيـال زايـد عـز منهـم سنيـده

ثم السهول اللي لها الطيب مدرار .... وعن منهج العادات ماهـي محيـده

ثم اذكر العجمان حمايـة الجـار .... والمرجلـه والجـاه فيهـم عتيـده

واذكر بني مره طويلين الاعمـار .... مـا ينقـد المـري ولا لـه نقيـده

ثم الهواجر لابة تقدح النار .... اهـل الركـاب اللـي خطاهـا بعيـده

واذكر بني خالد قبيلة وامار .... قوم لهـم فـي المجـد قـول ورصيـده

وبني تميم اللي لها الطيب مصـدار .... بنـي تميـم وكـل فعـل تجيـده

ثم الزعوب اللي بها الخصم يحتار .... شجعـان ماترضـى سـوا ماتريـده

العازمي وافي وفي الطيب بيطار .... روحه على كـل المصاعـب صميـده

ثم الظفيري في المصاعيب جبار .... والطيب والامـداح باصلـه وطيـده

ثم اذكر الاشراف بجلال واكبار .... اهل الحجاز اللـي تفـك الزهيـده

ثم الهذيلي له مواقف ومندار .... راعي الفخر راعـي العلـوم السديـده

ثم البقوم اللي لهم جيش وامهار .... ريف الضيـوف ليـا لفاهـم وليـده

واذكر ثقيف اللي لهم مجد وآثار .... ومهما حسبنـا مـن كـلام نعيـده

وبلحارث اهل العز بشهود واقرار .... ا لحارثي ياطيـب فعلـه وجيـده

والمالكي معروف لا صار ما صار .... في موقف اهل الطيب يبذل جهيـده

واثني تحياتي عدد وبل الامطار .... علـى سليـم وكـل خصـم تكيـده

واذكر جهينه هل مواقيف وادوار .... تلقى الجهيني راسم الطيـب بيـده

واذكر بلي والمجدله فعل واظهار .... وتاريخهـم يحكـي فعـول فريـده

وبني عطيه في المواجيب حضـار .... قـوم بوقـت الجـد قـوم عنيـده

ثم الحويطي والكرامه له اشعار .... ثـم الشـراري لـه فعـول مفيـده

ثم الرشيدي في الصعيبات صبار .... على علـوم الطيـب فعلـه يزيـده

وباقي جنوب الدار والقاف مادار .... باقي على قلبـي كـلام واشيـده

زهران نعم القوم في وقت الاضرار .... والخصم عينه من لقاهـا سهيـده

والغامدي معروف له عزم واصرار .... راعي المراجـل والعلـوم المفيـده

وشمران قوم والجمايل لها اطوار .... وبلقـرن سـم للقلـوب النكيـده

والا***ي والمحلفـي مابعـد بـار .... والحارثـي طيبـه وفعلـه يشيـده

وبني شهر وبني عمر سيف بتار .... قـوم علـى الاخصـام نـار وقيـده

والاسمري والاحمري صيتهم سار .... بيـن القبايـل والمواقـف شهيـده

واذكر عسير الهول ذربين الاذكار .... وابها احتموها فالسنيـن الشديـده

وادهم والصيعر على حد الاقطار .... يحمون حد الدار من اللـي يريـده

وامشي مع الساحل مع جمله افكـار .... رسمتهـا والطيـر زان اتغريـده

وانزل على جيزان تاريخ واديار .... ورجـال فيفـا والقبايـل عديـده

وارجوا العذر واهل المواجيب عذار .... الي نسيته مانذكر فـي القصيـده

الواهبي عدد ابيوته بـالادوار .... مـن شاعـر ماشـل قلبـه حقيـده

شهران ربعي هم هل المدح والكار .... واهل الكند واهل السيوف الجديده

يوم البلد مايامن الزند لاثار .... زيزومنـا ابـن مشيـط نعـم الوليـده

فالجهل شجعان وفي السلم تجار .... مـن بطـن بيشـه للتهـم لارفيـده

حبيت ابين موقفي بين شعار .... وارجوا سموحتكـم علـى ذا النشيـده

ماحب انافق واتعنصر تعنصار .... ولا ني باطيع اهـل العقـول البليـده

ما كل من طب البحر قيل بحار .... وما كل من شل الفشق جاب صيـده

فالشعر بستـان بـه ورد وازهـار .... واللـي تعداهـا بيوتـه فقيـده

واقولها في الشعر تكرار وامرار .... ضرف بـلا عنـوان يلغـى بريـده

وبعض السوالف له مواقف ومحضار.... وشعر بـلا معنـى لـزوم نبيـده

وصلوا على المرسول شفاع الابرار .... محمـد الهـادي وقـدوة عبيـده
.................................................. .......................................
وسلامتــــــــــــكم


وياليت كل وحده تدخل تقول هي من اي قبيله علشان نتعرف على بعض أكثر

>>>>> ردود الأعضـــــــــــــــــــاء على الموضوع <<<<<
==================================

https://said.xplainer.net/images/smilies/icon24.gifزهران نعم القوم في وقت الاضرار .... والخصم عينه من لقاهـا سهيـده

الله عليك يا رمز البراءه قصيده جدا رائعه

والنعم بكل اهل السعوديه اهل الكرم واهل الحميه

الله لا يحرمنا من جديدك المميز ودمتي بحفظ الله

__________________________________________________ __________

المشاركة الأصلية كتبت بواسطة حبيبة امها https://said.xplainer.net/sedty/buttons/viewpost.gif https://said.xplainer.net/images/smilies/icon24.gifزهران نعم القوم في وقت الاضرار .... والخصم عينه من لقاهـا سهيـده الله عليك يا رمز البراءه قصيده جدا رائعه والنعم بكل اهل السعوديه اهل الكرم واهل الحميه الله لا يحرمنا من جديدك المميز ودمتي بحفظ الله

والنعم فيك يابنت زهران

نورتي بمرورك يالغلا

__________________________________________________ __________

وشمران قوم والجمايل لها اطوار .... وبلقـرن سـم للقلـوب النكيـده

اختي / رمز البراءه .

قصيده رائعه و جميله جداً و قيمه والله وسبعة أنعام في جميع القبائل المذكورين في قصيدتك الرائعه أنا لا اسميها قصيده بل اسميها
( معلقه ) معلقة ( رمز البراءه ) سلمت اناملك يا الغاليه .

وتقبلي مروري عزيزتي ـ

ولكي مني كل حُب وتقدير .

أختك

( إحساس طفله )

https://said.xplainer.net/images/smilies/rose.gif

__________________________________________________ __________

المشاركة الأصلية كتبت بواسطة إحساس طفلة https://said.xplainer.net/sedty/buttons/viewpost.gif وشمران قوم والجمايل لها اطوار .... وبلقـرن سـم للقلـوب النكيـده اختي / رمز البراءه . قصيده رائعه و جميله جداً و قيمه والله وسبعة أنعام في جميع القبائل المذكورين في قصيدتك الرائعه أنا لا اسميها قصيده بل اسميها ( معلقه ) معلقة ( رمز البراءه ) سلمت اناملك يا الغاليه . وتقبلي مروري عزيزتي ـ ولكي مني كل حُب وتقدير . أختك ( إحساس طفله ) https://said.xplainer.net/images/smilies/rose.gif

والنعم فيك يابنت شمران

وطبعا القصيده تبقى لقائلها لكن والله مااعرف الشاعر اللي كاتبها..

ونورتي بمرورك يالغاليه

__________________________________________________ __________

واذكرعتيبه يوم للطيب مغوار لاثارت الهيجاوقرب ضديده

والنعم بقبائل السعوديه كلهم وانتي من ايت قبيله