ماكل جرحٍ لاخذا أيام يبرى قصائد

عنوان الموضوع : ماكل جرحٍ لاخذا أيام يبرى قصائد
مقدم من طرف منتديات نساء الجزائر

ماكل جرحٍ لاخذا أيام يبرى



لاتنشغل فيني أنا بحالي ادرى
قلبٍ تعلّق فيك ينسى مع الوقت

اكثر من اللي صارلي ويش يجرى
بين الرجا والياس شفني تعلّقت

مثلي ولوشفته عن همومه ازرى
ماقال ليتك في جروحه ترافقت

هاك القصايد لاتضايقت واقرى
شف وشكثر فيها لبسماتك اشتقت

أثرالوفا ينباع عندك ويشرى
ماكنت اصدق فيك واليوم صدّقت

يامشتهي فرقا المواليف حذرى
تبعد وأنا من سكرة الحب مافقت

لاطافت الفرصه تحريت الاخرى
وتروح ماكني عليها تشوقت

ساري لو إن الليل مافيه قمرى
اشيل من حمل الهوى فوق ماطقت

لاصار حظ أقشر والايام قشرى
مافيه احد عاقل يلومك إلياضقت

صحيح بعض الناس فرقاه بشرى
وبعض البشر لاغاب ليله تضايقت

ليتك خذيت بليل الاحباب مسرى
غربت من كثر الطواري وشرّقت

السيل يبقاله على القاع مجرى
ويبقالك التذكار لوكنت فارقت

اشوف لك من وين مارحت ذكرى
ولاشفتها صديت عنها ودنقت

ماكل جرحٍ لاخذا أيام يبرى
بعض الجروح يزيد شره مع الوقت
للمزيد من مواضيعي

>>>>> ردود الأعضـــــــــــــــــــاء على الموضوع <<<<<
==================================

قصيدة روووعه تسلمي

__________________________________________________ __________

رائعععععععععععع جداً
اختي دمعة صادقه

__________________________________________________ __________

مشكورات حبيباتي ردود اعتز بها

__________________________________________________ __________

ماكل جرحٍ لاخذا أيام يبرى
بعض الجروح يزيد شره مع الوقت )صح لسااااااااااااااااااااانك..
وانتظر جديدك بفارغ الصبر

__________________________________________________ __________

اشكرك اختي الغاليه

تواجد مشرف