يازين شب النار في جواً خـلاوي -همس القوافي
عنوان الموضوع : يازين شب النار في جواً خـلاوي -همس القوافي
مقدم من طرف منتديات نساء الجزائر
يازين شب النار في جواً خـلاوي
https://up.arab-x.com/Jan10/yCY10967.jpg
يازين شب النار في جواً خـلاوي
مخضراً نبته عقب ماجف سيلـه
فوق شب النار انا قلبي شفـاوي
في فياضاً تبـري الكبـد العليلـه
زين صب الكيف والتمر الحساوي
وازنـاً بنـه ومسمـاره وهيلـه
للعلوم الطيبـه عنـدي طـراوي
مع نشاماً طبعهم كسـب الجميلـه
الرجال اللـي بعيديـن الهقـاوي
كاسبين الطيب والنظـره طويلـه
ذي منايه يوم كـلاً لـه منـاوي
لـو كـلاً ماكسـب مـا يمتنيلـه
الرياض بزحمته سبـب غثـاوي
ودي اشرح خاطري يوماً وليلـه
ماحلا رمـي العمايـم والغنـاوي
والسواليـف الثمينـات الجزيلـه
السوالف عن شليويح العطـاوي
والرجال اللـي مواقفهـا ثقيلـه
يوم زيل الستر عن مبسم مضاوي
وعتلاج الخيل وسيوفـاً صقيلـه
في نهاراً فيـه ياكثـر العـزاوي
ماقفاً يصعب على الناس الذليلـه
خير لي من مجمعاً للشين حـاوي
مجمعاً مافيه قيمـه ليـش أجيلـه
مجمعاً مايجمـع الا كـل غـاوي
مايجيب لصاحبه غيـر الفشيلـه
والله اني عنه من طبعي غنـاوي
والكلام اخير مـن كثـره قليلـه
https://up.arab-x.com/Jan10/LLb10969.jpg
(2)
ياما حلا عقب العصر شبة النار
في مجلس كل النشاما يجونه
يلفونة اكبار ويلفونه إصغار
من طيب من هو فيه ويقدرونه
في بيت ماحطوله أبواب واسوار
ذراه من صوف الغنم ينسجونه
وفية الدلال الصفر والعود يندار
والشاي في بريق حمر يشربونة
والطرش حوله على يمين ويسار
راتع ولا يبغي هله يتبعونه
والخلف عنده كثيرات وادرار
واللي يبي من درهن يطعمونه
والجو غايم والسما كلها امطار
والبرق يبرق والرعد يسمعونه
والصيد واجد والحباري لها اذكار
والفقع نابت والبدو يلقطونه
واليا اصبحو فطورهم خبز مجمار
مفروك من سمن الغنم يفركونه
هاذي طراة الروح لاصرت محتار
أخير من بيت هله يزلجونه
منقول
https://up.arab-x.com/Jan10/lu611182.jpg
>>>>> ردود الأعضـــــــــــــــــــاء على الموضوع <<<<<
==================================
حبيبتي / السلام عليكم ..
تسلميــن على النقل الراائع ,,
حبيبتي .. لاتحــرمينــا
جديــــــدك ..
__________________________________________________ __________
الله يسلمك ياقمر
مشكوره عيوني
وأبشري بالخيــر
__________________________________________________ __________
ماحلا رمـي العمايـم والغنـاوي
والسواليـف الثمينـات الجزيلـه
السوالف عن شليويح العطـاوي
والرجال اللـي مواقفهـا ثقيلـه
يوم زيل الستر عن مبسم مضاوي
__________________________________________________ __________
تســــــــــــــــــ الأيــــــــــــــــادي ــــــــــــــــــــــلمـ
الله يعطيج العافية
__________________________________________________ __________
أشكر لكنّ مروركنّ حبيباتي
