ضرب المره ياناس ماهو رجوله -خواطر

عنوان الموضوع : ضرب المره ياناس ماهو رجوله -خواطر
مقدم من طرف منتديات نساء الجزائر

ضرب المره ياناس ماهو رجوله



قيده رائعه اعجبني معناها اقروها وانتظر تعليقكم عليهاhttps://said.xplainer.net/images/smilies/rose.gif

ضرب المره يا ناس ما هو رجوله

وما ظنتي من يضرب البنت رجال





لا والله انه ما يعرف الفحوله

وبالمهزله يضرب به أمثال وأمثال






وبعض البشر يقهرك باللي يقوله

جاهل يدرس له ملايين جهال






أكبر طموحه يعمل أصغر بطوله

عنوانها دم المره ما بعد سّال






الضرب للحرمه هو افضل عموله

ويا كثر ما جابوا من أقوال وأقوال






كم جاهل ٍ فيهم تردت فعوله

وكم عالم ٍ ما يتقي شر الأعمال






يلعب ويضرب في بنات الحموله

أحلى االتفاهم عنده بسوط وعقال






لا عاش رجل ٍ كل هذا ميوله

ولا عاش من يتبع حكايات الأنذال






ناس ٍ لهم بالجهل صوله وجوله

اكبر طموحه عيشة البنت في أذلال






عايش وبالقوه يدبر حلوله

يسمع نصايح ناس مجموعة حثال






الشرع قال أدب وطبقت قوله

ما قال عذب واضرب بحقد وخبال






لكن بعض الناس حرف نزوله

والمسأله صارت بطولات وابطال






والعلم ما كل ٍ يطبق أصوله

عشنا وشفنا من مصيبات واهوال






ناس ٍ بنو للمجد مليون دوله

وناس تموت وما بنت نصف تمثال






ودرب العلا ما كل واحد يطوله

ما طاله إلا شخص واعي وخيال






ولا هنت يلي كم بيت ٍ تعوله

يلي لكم بالعز رايه ومنزال






ناس ٍ لفعل الشر ما هي عجوله

تعطف على الحرمه ولا تحقر أطفال






الله يعز اللي يعيش ابسهوله

والله يبدل للبشر بعض الأحوال






والله يرزقني ببنت ٍ خجوله

أطرب لها قيفان وأبدع لها أمثال






واغيض منهو مر حولي وحوله

واشفي غليلي من حقودين عذال






واقهر عديم المرجله والفحوله

واقول يا جعلك من الكون تنشال






وان قال ضرب البنت أكبر رجوله

قولوا له انه ورع ما هوب رجال

>>>>> ردود الأعضـــــــــــــــــــاء على الموضوع <<<<<
==================================

رووووووووووووووووووووووعه الف شكررر

__________________________________________________ __________

تسلمين يالغلا ..

لاعدمنـــــــــــــاك ..

__________________________________________________ __________

سلمو على الردود ياحلوين كل هالماهدات ومااعجبت الباقين معقوله؟؟

__________________________________________________ __________

يسلموووووووhttps://said.xplainer.net/images/smilies/icon18.gif قلبووووووووووو

__________________________________________________ __________

استمري بالعطا..ء المميز وثابري رعاك المولى...

كل الود عزيزتي..