@ الرحيل لشاطئ الغربة @] -همس القوافي
عنوان الموضوع : @ الرحيل لشاطئ الغربة @] -همس القوافي
مقدم من طرف منتديات نساء الجزائر
@ الرحيل لشاطئ الغربة @]
وصل ركب الرحيل لشاطئ الغربة ودار اجناب
بعد طول الطريق اللي تمادى.. واتعب اركابي
ضحك وجه المدينه للمسافر والوجيه أغرااب
وانا عابر سبيل وضحكتي ماصافحت نابي
وقفت انظر على شط المدينه .. والجروح أسراب
ولعنت أم الحنين وسالت الدمعه على اهدابي
هنا كنت الغريب .. بلا حبيب .. ولاوطن .. واقراب
حزين وماقدرت اجمع شتاتي .. واحسب حسابي
حداني للسهر جرح(ن) سجنّي بين ناااب .. وناااب
وتركني بين صمت الذكريات بصفحة كتابي
حبيبي والغلا جرح(ن) ذكرته وانفتح له باب
وانا لوماذكرتك وانت ناسي .. ويش يبقى بي ؟
صحى هم الفراق اللي فتح للذكريات ابواب
وغفيت وماصحيت الا وطيفك يطرق ابوابي
حبيبي ترسم الغيمه ملامح وجهك الجذاب
واشوفك وين مالدّ النظر مع كل سردابي
ذكرت اول لقاء فيه اجتمعنا بالغرام احباب
الين آخر لقاء منْه افترقنا .. وآخر اتعابي
فداك الجرح ياوجه(ن) تركني للملام وغاب
بقى له في حياتي طعنتين .. وجرح ماطابي !!
انا اللي كنت اضيع بنظرتك شوق .. ووله .. واعجاب
واضيق بغيبتك .. وتضيق بي دنياي .. وثيابي
عطيتك قلب .. واشواق .. وحنين .. وفيك ظني خاب
حسبت انك تمنى رجعتي.. واثرك تسلّى بي !!
تبعتك مثل ضحضاح السراب ..وجيت لك مرتاب
واشوفك مثل الامس المستحيل .. وباكر الغابي؟
حبيبي وانت ماتسوى ملام .. ولاانت قد عتاب !!
تعداك الملامه .. والعتاب .. وشرهة ذيابي ؟!
خطاي اني تماديت بغلاك .. وماحسبت حساب
احسب ان الوفاء طبع البشر!! .. واحبابي ..احبابي !!
وعزاي اني ردعت القلب ! عن باقي غلاك وتاب!!
وصحى في داخلي طفل(ن) غرير!! .. وشايب اعرابي !!
حبيبي للصبر بال(ن) طويل وللجروح اسباب
وانا مارحت ادور للجروح .. اعذار.. واسبابي
حبيبي يوم شفت ان الزمان برجعتك كذاب
تركتك للتجافي .. والغرور .. بزحمة اصحابي
رحلت وقلت اسافر عنك ..واجزيك الغياب ..غياب
واببعد واستريح من السهر.. واريح اعصابي !!
هجرت ارض الجروح ابغى عن تراب الجروح..تراب
عساي انساك ..وانسى رجعتك .. والجرح.. وترابي!!
يطيب الجرح والا ياعسى جرح الهوى..ماطاب
تفضل هاك جرحك .. واستريح .. وجرحي ؟أولابي !!
طلع صبح الفراق بشاطيء الغربه ودار اجناب
ولعنت ام الحنين وسالت الدمعه على اهدابي !!
للمبدع والمذهل / عادل الذيابي
**(دلع مره**)
>>>>> ردود الأعضـــــــــــــــــــاء على الموضوع <<<<<
==================================
حبيبتي / دلع مرره
صح لساانك وصح قلبك
ولاتحرمينااا من جديدك ياالغلا
اختك / إحســـــــــــاس طفله .
__________________________________________________ __________
حداني للسهر جرح(ن) سجنّي بين ناااب .. وناااب
وتركني بين صمت الذكريات بصفحة كتابي
-------------------------------------------
دلع مرة
اختيارك لهذه الكلمات نابعة من ذائقة شعرية لديك وإحساس مرهف
واعجبني هذا البيت جدا لأنه يحمل بين طياته الحزن والاهاااااات وكأنه بين فكي حيوان مفترس وبين أنيابه
يعطيك مليون عافية
بقايا روح
__________________________________________________ __________
عطيتك قلب .. واشواق .. وحنين .. وفيك ظني خاب
حسبت انك تمنى رجعتي.. واثرك تسلّى بي !!
اختي دلع مره
الصراحه قصيدة رووووعه تسلم يدك على النقل الرائع ومثل ماقالت بقايا روح هذا ان دل دل على ذائقه شعريه واحساس مرهف
__________________________________________________ __________
الله يعطيك العاااافيه
ننتظر جديدك يالغلا
دمتي بحفظ الله ورعااايته
رينـــــــــــاد
__________________________________________________ __________
الله يعطيكي العافيه ياعمري ,,,..
رائع مانقل قلمك ..,,
ديدي
