بكُون بِخير
لااا تقلق
بكُون بِخير
وبتذكرك .. يَاا خلّي
بعَد بـِ الخير ..
وحتىَ لو
تشُوف الحِزن بـِ عيُوني
تعدّى مَوْطِني، وكُوني ..
تراني بخير ..!
وشْ اللي صَار حتىَ مَاا أكُون بِخير ؟!
ولااا حَاجه ..
سوىَ اني صِرت محتَاجه
أكُون بِخير !!
ويعني لو
أغِصْ بـِ عبرتي والااا
أمُوت بـِ حسرتي .. يَاا خل
وش بيصير ؟
أبَدْ عـَ ااااااادي
ولااا اهتميت بـِ جروحي ولااا
فيني ..
قسم بالله
يَاا خلي ...
ترىَ عااااااادي ..!
يجيني وشْ يجيني
مَاا نطقت الآآآآآآآه ...
لااا بالله
ولابي مِن يواسيني
مَـدام إني
أنَاا مِنْ خانت التعبير ..!!
يَاا خلي
ووش بيصير
إذاا صَار الألم زادي ...
ورحت بـِ دون ميعادي ؟
بافسرها مِثل حبك
ولااا بلقىَ لهَاا تفسير ..
جُروح الحب يَااا خلي
هـُــم أولادي
أحَد يزعل مِن أولاده ؟
أنَاا ما ظن !
لكني
إذاا تغرّبت فـ بلادي
أروح لمنْ !!!
يَاا خلي ..
أروح لمنْ ..؟
وأمسّـي مين في ليله :
" مساااااااء الخير " ..
ولي غنى مواويله
وله تقدير ..
ولا يمكن
يهنيني فـ أعيادي
سوىَ حبّـه ..
وأنَاا طبّـه ..
وأنَاا فجرية أعيَاده ...
أجل يَاا خلّ
مِن اللي بعدهاَا با ظل ّ
أتذكر
وأعدّ، وأنتظر، وأحسب
بقىَ كم يوم
يَاا خلي
لذكرىَ عيد ميلاده ؟
وكيف أهرب
مِن أحزاني
وأنَاا مِنْ وين ما أهرب
بـ ألقاني ....!
ويلقىَ حزني بلاده ..
وكيف أعيش فـِ العالم
وأنَاا مَاا أملك إلااا ذكريات الحب
في خاتم ،
وسجادة ..
وملح أحمر !
ودولابي، ومكياجي
وعود ناحل أسمر ..
وبُرج أحسبه عاجي
وزهرة لوتس، وحلم
صحىَ، والكون متدمر !
ووش باقي .. ؟
فقط لاغير
أنَاا يمكن .. / .. وأشواقي
وليل الموج في شعري
على َعطري ..
علىَ فكري ..
وبَعضْ أشعار معتَاده..
وبَسْ تدري ؟
أبَد عااااادي ..
ووشْ بيصير
إلىَ منْ ضَاعت سنيني ؟
عمر فاني ..
باعزّي تربتي فيني ...
وما جاني ؟
أبَد .. تكفير ...
وذي عاده ..
أنَاا مِنْ وين
يَاا خلي
باشوف الخير ..؟
ولي عشرين عام ٍ
كلّـمَاا جتني بشَاير خير
خذااااااه الطير .. !!
خذااااه الطير يَاا خلي ..
خذاه الطير ...
ووش تفرق ؟
إذا شمسي
تدوّر في ظلام الروح عن مشرق
ولااا تشرق ..
ولااا تمسي
ولاااااااا تفرق ...!
بكُون بِخير ....
لااا تقلق
بكُون بِخير
كل ما يلقىَ الفرح يمي طريق
................................. لااا لقى وجهي تكدّر، وانتحب !!
كن " عيني" صَارت فـ " همّي " بريق
................................. وكن جوفي نار وضلوعي حطب
والعشق ماهوب مِن حظ العشيق
................................. وش لقينا من وراه إلا التعب
لا لقينا " صدق " محتاج لـ صديق
................................. والهنا لا ذاق وعد ولا شرب
وما يطيح الورد من ثقل الرحيق
................................. ماتشوف الأرض تمسك بالخشب ؟
بسهر الليله بلا ليل ورفيق
................................. دام غصن التوت ما طال العنب
مجرم الأحلام من نومي طليق
................................. وهاجس السجّـان في همّـي لعب
رحت ابطفي بالبكا نار الحريق
................................. واثرني طفّـيت عيني باللهب !!!!
صاحبي ماعاد لي نفس ٍ تطيق
................................. وما على المحروم من نفسه ..عتب
إنثر دموعك علي .. " ودي أفيق
................................. وادري إني مت " .. طالبتك طلب
ليتها بس جت على كوني يضيق
................................. البلا ضااااااقت عظامي ياعرب !!!!
الحياه اليوم ما تسوى شهيق
................................. كنت أبحيا .. بس .. ربي ما كتب
وكل ما ينسدّ في وجهي طريق
................................. تضحك الفرحة عليّ .. بلا سبب ..؟!
تشُوف شلون
يَاا خلي
فراااااااقك غير ..!؟
أجل وشلون
تطلبني "أكون بخير" ؟!
أ
ك
و
ن
ب
خ
ي
ر
ويعني بَسْ
هذا اللي
تبي مني
وتطلبني ..
ألااا يا خل .. ؟
وكني بك تجاوبني :
" فقط لااا غير " ..
فقط لااا غير .. !!
أبَد ابشر ..
تطمّـن يَاا معذبني ..
تراك بـ حل ..
تراك بحل لو قالوا : حبيبك ملّ ......!
وأنا أدرى الناس
في طبعك ..
(( ملولٍ، وتعشق التغييييييير ))
يَاا خلي
ولااا تنلام ..
ذااا طبعك
وأنَاا " دلوعتك " واعرف
طباعك زين ..
وانا اللي كنت " أقرب" لك
من أقرب شخص من ربعك ..
تبي تسكت .. أنا أكمّـل ..
ولا تخبّـي ..
أبتحمّـل ...
وأكُون بِخير ..
(( ما قصّـرت ْ ))
" أفا " يا خل !
لا تسكت
ولا تخبّـي ..
تطمّـن
واحلف بربي ...
بكُُون بِخير
يَاا حبي
إذاا انت بِخير ...
عسَاك بِخير ..؟
بـِ قلم: عبير بنت أحمد
