شكيت وما شكيت الا عليه الواحد القيوم وغير الله ضعيف ولو عطاني مابيشفيني قصائد

عنوان الموضوع : شكيت وما شكيت الا عليه الواحد القيوم وغير الله ضعيف ولو عطاني مابيشفيني قصائد
مقدم من طرف منتديات نساء الجزائر

شكيت وما شكيت الا عليه الواحد القيوم وغير الله ضعيف ولو عطاني مابيشفيني



كلمات والقاء الشاعر فهد الشهرانــي ..



تباريحك على جمر الغضى ياقلب يالمهموم
ونبضاتك دموع مرسله وتهلها عيني
تعبت وتعبت عيوني معاك ولا اهتنت بالنوم
مواويل المواجع خلها مابينك وبيني
على مهلك بصدري لا تهزه وارض بالمقسوم
على جور العيون الي تنام ولا تراعيني
من اول يوم انا وياك انا وياك لاخر يوم
على الدرب الطويل الي جهلته يا موديني
نصحتك قلت لا تحلم ترى بعض الحلوم حلوم
نهيتك قلت ماتسلم كسرت الشوك بيديني
سألتك قلت ماتعلم بان النصر للمظلوم
سجنتك قلت تستسلم شكت منك شراييني
مدحتك وانت تتبسم بعيد من العتب واللوم
فهمتك انت ماتفهم رضيت انك تخليني
لمحتك وانت تترنم تغني للهوى المزعوم
سمعتك وانت تتكلم هلا يا باقي سنيني
هلا بالطيب وانفاس الغرام وريحة اليشموم
هلا باللي على بعد المسافه مانسيتيني
تأثرت بكلامك خفت لا يخذل عزيز القوم
واعيد الكره الي قد مضت يومك تناديني
تذكرت الشوارع والظلام وطيرها المشأوم
على ذيك الغصون اليابسه والهم كاسيني
اخذت شوي واصبحنا كلانا والامل معدوم
صبرنا غصب والدنيا دروس وذا يكفيني
رضيت وما معي حيله هو الحاكم وانا المحكوم
تشيل الحمل ياقلبي ولكنك تعنيني
احبك يابحر لكن اخاف وما اطيق العوم
تكفيني سواليفك على الشاطئ وتغنيني
كذا يرضيك ياقلبي اطيح وماقدرت اقوم
وانا ماني بحي الله بشر يومك تبكيني
بكى حتى القلم من رحمتي مافارقه البهوم
نزف حرفي على صدر الورق عله يسليني
سمعت علوم ياقلبي ومنك ماسمعت علوم
مغير دموعك الي سقتها وتهلها عيني
شكيت وماشكيت الا عليه الواحد القيوم
وغير الله ضعيف ولو عطاني مابيشفيني
الهي طالبك تغفر لعبد ماهو بمعصوم
الهي طهر القلب الضعيف ولاتخليني

>>>>> ردود الأعضـــــــــــــــــــاء على الموضوع <<<<<
==================================

تسلمين وصح لسانج يابت الكووووووووووويت
اختك هموسه

__________________________________________________ __________

تسلمين يا بنت الكويت والله وحشتنا كتاباتك


الله يعطيك العافيه

__________________________________________________ __________

ابيات رائعه تسلمين بنت الكويت

__________________________________________________ __________


__________________________________________________ __________